A A A A A

Mysteries: [Aliens]


Koloshan 1:16
Kaaz Gad yuuz Jiizas fi mek evriting we de a evn an we de pan di ort: evriting — aal we piipl kyan si an we dem kyaahn si. Evriting — a im mek di powaful spirit dem we a liid, ar a ruul. Evri singgl ting a im mek dem an a im dem mek fa.

Ifijan 2:19
So den, unu a no chrienja an farina no muor. Nou unu a paat a Gad piipl an unu bilang tu Gad fambili.

Ifijan 6:12
Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Libruu 11:13
Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Libruu 13:2
An no tap elp chrienja an tek dem iina unu ous, kaaz a so som piipl tek iin ienjel an no iivn nuo.

1 Piita 2:11
Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

Aks 19:35
Di man we inchaaj fi tel di piipl iina di siti bout notn impuotant we di liida dem mek op dem main fi du ar se, im get di kroud fi sekl dong. Den im se tu dem se, “Efisos piipl, uu out de no nuo se a wi inchaaj fi tek kier a di ous fi di powaful Aatimis an ar stuon we jrap fram evn we wi worship?

Revilieshan 12:12
So evribadi iina evn, unu fi api! Bot aal uu liv pan di ort an piipl we de a sii, chobl fu’unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”

Revilieshan 13:1
Den di jragan go tan op pan di biich.

Revilieshan 9:7-11
[7] Di graasapa dem luk laik aas we redi fi go a waar. Dem av aan sitn we luk laik guol kroun pan dem ed an dem fies luk laik man fies.[8] Dem ier luk laik uman ier, an dem tiit komiin laik laiyan tiit.[9] Di graasapa dem did av aan sitn we luk laik di aiyan jakit we suoja wier fi protek demself. An dem wing soun laik di naiz fram wan uol iip a aas an kyaat wid suoja a gyalop go a waar.[10] Dem av tiel an dem av sting, laik we skaapiyan av. An dem av powa iina dem tiel fi mek piipl sofa fi faiv mont.[11] Dem did av wan king. A im a di ienjel fi di pit. Iina di Iibruu langwij, im niem Abadan. An iina di Griik langwij im niem Apaliyan.

Jamaican Bible
© 2012 by The Bible Society of the West Indies