A A A A A

Math Signs: [Number 3]


1 Timoti 2:5
Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

2 Timoti 3:16
Evri wod we iina Gad wod kom fram Gad. An da Wod de gud fi tiich piipl an fi put piipl iina dem plies wen dem staat se tingz we no iina Gad wod. It gud fi karek piipl an fi tiich dem ou fi liv rait.

Aks 17:28
Kaaz a im mek wi, gi wi laif, an mek wi kyan muuv bout. An iivn wan a fu’unu uona piipl we rait paim se di siem ting, im se, ‘Aal a wi a Gad pikni tu.’

Koloshan 2:9
Uu Jiizas bi no difrant fram uu Gad bi. Eniting we mek Gad Gad, de iina Jiizas tu, an aal wen im did de iina man faam im did tan siem laik Gad.

Libruu 4:12
Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

Jan 4:24
Kaa, yu si, Gad a spirit an dem we worship im mos worship im ou di Spirit waahn dem fi worship an dem mos dwi’it fram wie dong iina dem aat.”

Matyu 12:40
Jos laik ou Juona did de iina di big fish beli fi chrii die an fi chrii nait, a siem so di Man we Gad Pik a-go beri diip iina di grong fi chrii die an chrii nait.

Revilieshan 1:4
Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Taitos 1:12
Iivn wan a dem uona prafit dem taak bad bout dem. Im se, “Di Kriitan dem eva a tel lai. Dem liezi an krabit laik. Dem gwaan laik se dem a som wikid wail animal.”

1 Korintiyan 15:33
No mek dem fuul unu, “Ef yu kip fren wid wikid piipl, dem wi kaaz yu fi ton we fram we yu nuo rait, an mek yu du wikid sitn tu.”

1 Jan 5:7-9
[7] So wi av chrii wie fi nuo se Jiizas riili riil:[8] di Spirit, di waata, an di blod, an di chrii a dem se di siem ting.[9] Wi biliiv we piipl se, bot wa Gad se wot muo dan wa piipl se, kaaz dis a wa Gad se wen im taak bout im pikni.

Jan 3:16-18
[16] “Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.[17] Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.[18] Enibadi we chos iina Gad Bwai Pikni no get rait aaf, bot di piipl dem we no chos iina im, dem don rait aaf aredi, kaa dem no chos iina Gad wan dege-dege Bwai Pikni; dem no chos iina im niem.

Jamaican Bible
© 2012 by The Bible Society of the West Indies