A A A A A

Life: [Beauty]


1 Piita 3:3-4
[3] Unu no fi dipen pan di fansi-fansi ier stail dem, ar guol chien, banggl an aal saat a fandanggl fi mek unuself luk gud. An unu no fi dipen pan di fansi-fansi jres dem niida.[4] Insted-a dem sitn de, unu fi wach unu aat. A ou unu aat tan — a dat wi riili mek unu luk gud. Wen sumadi jengkl an kwaiyat — a dat luk gud kyaahn don, an a dat a-go laas fi eva, an a dat riili mata tu Gad tu.

2 Korintiyan 4:16
So iivn duo wi a get uol an wi badi bata-bata fram aal we wi a go chuu, wi no gi op. Evridie Gad mek wi spirit chrangga an chrangga an gi wi di chrent fi gwaan du im wok.

Ifijan 2:10
A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Filipiyan 4:8
Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Ruoman 8:6
Nou, ef yu onggl a tingk bout di sitn dem we yu badi waahn fi du, yu a-go ded. Bot ef aal yu a tingk bout a di sitn dem we Gad Spirit waahn yu fi du, Gad wi mek yu riili liv an gi yu piis iina yu aat.

Matyu 6:28-29
[28] “Aal kluoz? Wa mek unu a wori op unuself bout dat? Tingk bout ou di lili dem gruo out iina di fiil. Dem no wok, an dem no mek no kluoz fi wier.[29] Bot ier mi no, no iivn Salaman wid aal a im fansi-fansi kluoz did jres op nais laik wan a dem lili ya.

1 Timoti 2:9-10
[9] Mi waahn di uman dem fi jres prapa. Dem no fi jres op demself iina big fansi ier stail, guol, porl ar dier kluoz.[10] Wa dem fi du a jres op demself wid di gud sitn dem we dem du fi ada piipl. A dat uman we a fala Gad fi du.

Gyalieshan 3:26-27
[26] Nou aal a unu a Gad pikni kaaz unu biliiv an chos iina Jiizas Krais.[27] Aal a unu get baptaiz, an so nou unu an Jiizas a wan. An wen unu get baptaiz unu staat fi biyiev an gwaan laik im.

Jiemz 1:23
Ef nobadi ier di mesij an no du wa it se, dem komiin laik wan man we luk pan imself iina wan lukin glaas, si wa im luk laik,

Matyu 23:28
“A se chobl fu’unu Laa tiicha an Farisii piipl, unu set a ipokrit unu! Unu bil op tuum fi di prafit dem. An di piipl dem we did liv gud iina Gad yai, unu priti op dem griev.

Jamaican Bible
© 2012 by The Bible Society of the West Indies