A A A A A

Good Character: [Boldness]


Aks 4:29-31
[29] So Laad, luk pan ou dem a chretn wi! Elp yu sorvant dem fi pred yu mesij an no fried a notn.[30] Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”[31] Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

2 Korintiyan 3:12
So sins wi kyan luk fi Gad gi wi wa im pramis an nuo fi shuor se wi a get dem, wi no afi aid an taak bout Gad.

Aks 14:3
So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Aks 13:46
Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 19:8
So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Failiiman 1:8
Nou, chuu mi a wan a Gad apasl, mi kuda aada yu fi du wa yu sopuoz fi du.

Aks 18:26
An im neva fried, so im staat fi taak chrang chrang iina di Juu dem choch, bot wen Prisila an Akwila ier im, dem tek im wan said an tiich im so im kuda andastan Gad wod beta.

Maak 15:43
Pailat did shak fi ier se im ded aredi. Im kaal di ed fi onjrid suoja an aks im ef Jiizas ded aredi.

Aks 28:31
Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Aks 4:29-30
[29] So Laad, luk pan ou dem a chretn wi! Elp yu sorvant dem fi pred yu mesij an no fried a notn.[30] Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

Ifijan 3:12
Siek-a Jiizas an kaaz wi chos iina im, im mek wi kyan kom tu Gad frii an no fried a notn.

Jan 4:17
“Mi no av no ozban,” shi se tu im. So Jiizas se tu ar, “A chuu yu de taak wen yu se yu na’av no ozban.

Libruu 10:19
So mi breda an sista, laik ou wi frii fi go iina di Uoliyis Plies siek-a Jiizas blod,

Libruu 4:16
So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

Libruu 13:6
Dat mek wi shuor shuor wen wi se, “Di Laad a di wan we elp mi an mi naa go fried a notn. Wa nobadi kyan kom du mi, iihn?”

Ifijan 6:19-20
[19] Prie fi mi tu. Prie se Gad wi elp mi an tel mi di rait wod fi se. Prie se mi wi no fried evritaim mi uopm mi mout fi tel piipl di siikrit mesij bout di Gud Nyuuz,[20] kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

Aks 4:13
Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

1 Timoti 3:13
Piipl wi rispek di diikan dem we du wan gud jab, an kaaz piipl rispek dem, di diikan dem kyan taak bout dem chos iina Jiizas an no fried a notn.

1 Tesaluoniyan 2:2
Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Filipiyan 1:20
So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

2 Timoti 1:7
Kaaz di spirit we Gad gi wi, neva mek wi friedi-friedi. Gad Spirit gi wi powa, lov an mek wi kyan kanchuol wiself.

1 Korintiyan 16:13
Kip unu yai dem uopm, tan op chrang fi wa unu biliiv, no fried a notn an gwaan kip chrang.

Ruoman 1:16
Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.

1 Korintiyan 15:58
Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

Ifijan 6:10
Dis a di laas sitn we mi a se: unu an di Laad kluos, so mek im powa mek unu chrang.

Jan 14:27
“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Maak 5:36
Bot Jiizas neva pie dem no main. Im se tu di ed fi di Juu dem choch, “No bada fried, jos biliiv.”

Filipiyan 1:28
An no mek nobadi we a fait gens unu fraitn unu niida. Tan op chrang an dat wi shuo dem se dem a-go luuz an dat unu a-go win. A Gad imself a-go mek unu win.

Jan 7:26
Bot ku ya! Si’im ya a taak so evribadi kyan ier im, an evribadi a kiba dem mout, dem naa se notn tu im. Yu tingk se di ruula dem riili biliiv se im a di Krais fi chuu?

Aks 5:29
Bot Piita an di ada apasl dem se tu dem se, “Wi afi du we Gad se wi fi du, bot wi no afi du wa piipl se wi fi du.

Aks 9:29
Im taak bout Jiizas an riizn wid di Juu dem we taak Griik. Bot dem chrai fi kil im.

Filipiyan 1:1
Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

1 Timoti 3:1
Wen piipl se a gud sopm ef wan man waahn ton elda iina di choch, a chuu dem a taak.

1 Korintiyan 3:12
Nou som piipl a-go yuuz guol, silva ar ada stuon we kaas nof moni wen dem a bil pan da foundieshan de. An som ada piipl a-go yuuz wud, jrai graas ar chraa wen dem a bil.

Libruu 10:1
Di laa we di Juu piipl dem get a no di riil ting, it a no notn laik di gud gud sitn we a kom. Da laa de a jos laik di sheda fi di riil sitn dem. Kaaz ier afta ier, uova an uova di priis tek di siem sakrifais gi Gad fi mek di piipl dem we kom kom worship get kliin, an stil di sakrifais kyaahn mek di piipl dem kliin iina evri wie.

1 Piita 5:10
Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

Jamaican Bible
© 2012 by The Bible Society of the West Indies