A A A A A

God: [Come As You Are]


Matyu 11:27-30
[27] “Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.[28] “Aal a unu we taiyad an bordn dong unu kom tu mi an mi wi mek unu get fi res.[29] Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.[30] Kaaz di sitn dem we mi a tel unu fi du, dem iizi an di luod we mi de gi unu — lait.”

Jan 6:63-65
[63] Di Spirit a wa gi piipl riil laif. Piipl no wot notn; dem kyaahn dwi’it. A di Spirit mek mi se wa mi de se tu unu, an we di Spirit se kaaz piipl fi av laif.[64] Bot, som a unu no biliiv.” (Jiizas se dem sitn ya, kaa fram di staat, im did nuo di wan dem we neehn chos iina im, plos di wan we did a-go ton im uova tu im enimi dem.)[65] So pan tap a dat im se, “A dat mek mi tel unu se nobadi kyaahn kom tu mi ef mi Faada no gi’im di chaans.”

Matyu 11:28
“Aal a unu we taiyad an bordn dong unu kom tu mi an mi wi mek unu get fi res.

Matyu 15:7-9
[7] Unu oul ipokrit unu! Di prafit, Aizaiya, did rait wen im se,[8] “‘Aal dem set a piipl ya du a tek dem mout big mi op, bot iina dem aat dem no waahn av notn fi du wid mi.[9] An it no mek sens dem worship mi, wen dem a tiich man-mek ruul laik se dat a fi mi ruul.’ ”

Maak 10:13-16
[13] Som piipl did bring dem pikni tu Jiizas fi im toch dem. Bot Jiizas speshal falara dem staat tel aaf di piipl dem we bring di pikni dem kom an staat ron dem.[14] Wen Jiizas si dis, im get beks an se, “Lou di pikni dem mek dem kom! No chrai tap dem, kaaz Gad kindom a fi piipl we komiin laik dem likl pikni ya.[15] Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”[16] Den Jiizas tek di pikni dem, put im an pan dem an bles dem.

Jiemz 4:6-8
[6] Bot muo dan notn els, Gad gud an kain tu wi. A dat mek Gad wod se, “Gad kaaz buosi piipl plan fi mash op bot im gud an kain tu piipl we ombl demself.”[7] So ton tu Gad an no du notn we di devl waahn unu fi du. Tan op chrang chrang gens im, an im wi ron we fram unu.[8] Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.

2 Korintiyan 5:17
Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

Jan 5:24
“Mi a tel unu fi chuu chuu, di die an taim a kom — matarafak, it de ya aredi — wen ded piipl gweehn ier Gad Bwai Pikni vais an di wan dem we ier an du wa im se gweehn liv fi eva.

Ruoman 12:1-2
[1] So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.[2] No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Libruu 12:1
So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.

Jan 5:40
“Mi naa luk fi get big op fram piipl.

Jan 6:44-45
[44] “Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die.[45] Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi.

Jan 7:37-39
[37] Pan di laas an bigis die a di Ot Alidie, Jiizas get op an baal out pan tap a im vais, “Ef nobadi torsti, mek dem kom tu mi fi sitn fi jringk.[38] Wa Gad wod se gweehn apm tu di piipl we biliiv iina mi. It se, ‘Som riva wid waata we gi laif a-go ron outa dem.’ ”[39] (Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Libruu 4:14-16
[14] Wi av wan liida fi di priis dem we a di bigis wan outa aal a di liida dem fi priis. Im go we Gad de — dat a Jiizas, Gad Bwai Pikni. So laik ou im a fi wi liida fi priis, di uol a wi we se wi biliiv iina im fi uol aan chrang chrang an gwaan biliiv siem wie.[15] Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.[16] So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

Revilieshan 22:16-17
[16] Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.[17] “A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”

Jan 6:37
Evribadi we di Faada gi mi a-go kom tu mi, an mi naa go ron dem.

Revilieshan 22:17
“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”

Revilieshan 12:9
Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Filipiyan 1:6
So mi nuo dis fi shuor se a Gad imself staat op da gud wok ya iina unu, an im naa go tap nou. Im a-go gwaan du we im a du iina unu laif, til Jiizas Krais kom baka ort.

Revilieshan 21:4
An mi did ier wan loud vais fram di chuon a se, “Fram nou aan Gad yaad a-go de mongks piipl. Im a-go liv wid dem an dem a-go bi fi’im piipl. Gad imself a-go de wid dem an im a-go bi fi dem Gad.

Libruu 10:19-22
[19] So mi breda an sista, laik ou wi frii fi go iina di Uoliyis Plies siek-a Jiizas blod,[20] kaaz im go sakrifais im badi we komiin laka di kortn we put op iina Gad ous fi kova di plies we Gad de; an di sakrifais im go sakrifais im badi, dat uopm op wan nyuu wie fi wi, wan wie we gi laif — wan wie we liid tu Gad.[21] Plos wi av wan priis we a wan a di bigis wan eva, an a im ruul uova Gad ous.[22] So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Jamaican Bible
© 2012 by The Bible Society of the West Indies