A A A A A

Church: [Deacons]


1 Timoti 3:1-13
[1] Wen piipl se a gud sopm ef wan man waahn ton elda iina di choch, a chuu dem a taak.[2] Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.[3] Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.[4] Im fi nuo ou fi ron im ous an im pikni dem fi lisn wa im se an shuo rispek.[5] Kaaz ef sumadi kyaahn ron dem uona ous ou dem a-go ron Gad choch?[6] Di elda no fi bi sumadi we jos staat biliiv iina Jiizas Krais ar im wi get buosi. Kaaz ef im get buosi Gad wi ponish im laik ou im di ponish di devl.[7] A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.[8] Siem laik di elda, di diikan dem fi bi sumadi we piipl rispek. Dem no fi tel wan sumadi sitn an go tel sumadi els sitn difrant, dem no fi lov jringk tu moch an dem no fi waahn waahn moni.[9] Dem fi eng aan tait pan di chuu mesij we Gad shuo wi wid aal a dem aat an no fiek it.[10] Piipl we waahn ton diikan kyaahn jos ton diikan so. Di choch afi tes dem fos, an ef nobadi no fain notn rang wid dem, den dem kyan ton diikan.[11] A siem so di uman dem mos liv dem laif so piipl wi rispek dem. Dem no fi susu-susu, lai ar taak bad bout piipl. Insted-a dat dem fi kyan kanchuol demself, no go uova buod wid notn an piipl fi kyan chos dem.[12] Di diikan dem mos onggl av wan waif an mos kyan kanchuol dem pikni dem an ron dem uona ous.[13] Piipl wi rispek di diikan dem we du wan gud jab, an kaaz piipl rispek dem, di diikan dem kyan taak bout dem chos iina Jiizas an no fried a notn.

Filipiyan 1:1
Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Aks 6:1-7
[1] Iina dem die de, di gruup a piipl we biliiv iina Jiizas did a gruo muo an muo. Di uman dem we a Juu an we taak di Griik langwij uufa ozban dem did ded, staat mombl anda di kwaiyat gens di uman dem we a Juu we onggl taak di Juu langwij an uufa ozban dem did ded tu. Dem did a mombl se dem neva did a get fi dem shier a di moni an fuud we dem did fi get a die taim.[2] So di twelv apasl dem kaal wan miitn wid aal a di piipl we biliiv iina Jiizas fi saat out di mata. Dem se tu dem se, “It wudn rait fi wi tap pred Gad mesij bout Jiizas fi go shier op moni an fuud fi di uman dem we ozban ded.[3] So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,[4] an fi wi wok wi bi fi prie an pred Gad mesij bout Jiizas.”[5] Aal a di piipl dem we did biliiv iina Jiizas did api fi du wa di apasl dem did se dem fi du. So dem pik Stiivn, wan man we biliiv iina Gad nof nof an we di Uoli Spirit kanchuol. An dem pik Filip, Prakoros, Nekenor, Timon, Paaminas, an Nikolas we did ton wan Juu an we did kom fram Antiyak.[6] Dem put dem man ya fi tan op infronta di apasl dem an dem put dem an pan dem ed an prie fi dem.[7] Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Ruoman 16:1
Nou mi waahn unu fi nuo se wi sista Fiibi a wan gud sumadi — shi sorv di choch iina Senkriya.

Taitos 1:7
Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Aks 6:3
So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,

Jan 8:32
Unu gweehn nuo di chuut, an di chuut gweehn frii unu.”

Ifijan 4:11
A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

Aks 20:28
An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Jan 6:54
Enibadi we nyam fi mi badi an we jringk fi mi blod a-go liv fi eva, an mi a-go mek dem kom bak alaiv pan di laas die.

Maak 6:3
A uu im, no di kyaapinta dis? No Mieri bwai? An wi no nuo im breda dem: Jiemz, Juozif, Juudas an Saiman? An im sista dem no liv ya wid wi?” An so dem did beks an neehn waahn diil wid Jiizas non at aal.

1 Korintiyan 12:28
Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

Gyalieshan 1:19
Wen mi de de mi si Jiemz, di Laad breda, bot mi neva si non a di ada apasl dem.

Libruu 13:17
Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

Jan 3:3-5
[3] So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”[4] So Nikodiimos aks im se, “Den a ou sumadi we oul fi baan agen? Sumadi kyan go bak iina im mada beli an baan wan neda taim?”[5] Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

Libruu 12:14
Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

Aks 6:4
an fi wi wok wi bi fi prie an pred Gad mesij bout Jiizas.”

1 Timoti 3:1-7
[1] Wen piipl se a gud sopm ef wan man waahn ton elda iina di choch, a chuu dem a taak.[2] Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.[3] Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.[4] Im fi nuo ou fi ron im ous an im pikni dem fi lisn wa im se an shuo rispek.[5] Kaaz ef sumadi kyaahn ron dem uona ous ou dem a-go ron Gad choch?[6] Di elda no fi bi sumadi we jos staat biliiv iina Jiizas Krais ar im wi get buosi. Kaaz ef im get buosi Gad wi ponish im laik ou im di ponish di devl.[7] A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

1 Timoti 2:12
Uman mos kwaiyat demself, mi no lou dem fi tiich iina choch ar fi ruul uova man.

Aks 14:23
Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

1 Timoti 5:17
Unu fi ana an rispek di elda dem we a gud liida, wos ef dem wok aad fi priich an tiich. Unu fi ana dem an pie dem gud tu.

Libruu 13:7
Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Taitos 1:8
Insted-a dat, di elda mos uopm op im ous tu piipl, lov du gud sitn an im aat mos kliin. Im mos fier tu evribadi an im mos nuo ou fi kanchuol imself an du we im nuo iina im main rait an no fala wa im badi waahn fi du.

1 Piita 5:2
tek kier a di shiip dem we Gad gi unu, an no du it kaaz nobadi a fuos unu fi du it bot kaaz unu waahn fi du it. A so Gad waahn it fi go. No du it kaaz unu waahn moni niida bot du it kaaz unu riili waahn fi elp dem.

Taitos 1:6
Wan elda mos liv im laif so dat nobadi kyaahn se notn bad bout im. Im mos onggl av wan waif an im pikni dem fi biliiv iina Jiizas. Im pikni dem no fi wail ar go gens wa dem mada an faada se bot mos aalwiez shuo dem rispek.

1 Timoti 5:22
No kwik fi put yu an pan nobadi an mek dem liida iina di choch. No shier iina dem sin bot kip yuself kliin.

Taitos 1:5
Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.

Gyalieshan 4:19
Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

Jamaican Bible
© 2012 by The Bible Society of the West Indies