A A A A A

Angels and Demons: [Archangels]


Juud 1:9
Bot no iivn Maikal, Gad ed ienjel, wen im an di devl did a aagyu bout Muoziz badi, im neva brait inof fi kos out di devl an kaal dong jojment pan im. Im jos tel im se, “Gad a-go put yu iina yu plies.”

1 Tesaluoniyan 4:16
Kaaz di Laad imself a-go kom dong fram outa evn, an piipl a-go ier im baal out loud. Dem a-go ier di ed ienjel kaal out an Gad chompit a-go bluo. An di piipl dem we ded we did biliiv iina Krais Jiizas, dem a-go kom bak alaiv fos.

Revilieshan 12:7-9
[7] Den waar brok out iina evn. Maikal an di ienjel dem we im liid fait gens di jragan, an di jragan an fi im ienjel dem fait bak.[8] Bot di jragan did tuu wiik, so im kudn win an im kudn tan a evn.[9] Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Luuk 1:26
Wen Ilizibet did av biebi iina beli fi siks mont, Gad sen ienjel Giebrel go a wan toun iina Gyalalii niem Nazaret,

Libruu 1:14
Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Matyu 18:10
“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Revilieshan 1:4
Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Matyu 22:30
Kaaz wen ded piipl kom bak, dem naa go a get marid, kaa dem taim de dem komiin laik ienjel we de a evn.

Luuk 20:36
An dem naa go kyan ded agen, kaaz dem komiin laik ienjel an dem a Gad pikni. Dem a Gad pikni kaaz Gad mek dem kom bak alaiv.

Jamaican Bible
© 2012 by The Bible Society of the West Indies