A A A A A

Additional: [Abomination]


Revilieshan 21:27
Notn we no kliin, nobadi we du wikid an torbl naasinis, an nobadi we tel lai kyan go iina di siti. Onggl di piipl dem uufa niem rait dong iina di buk we di Biebi Shiip av kyan go iin de. A iina da buk de Gad rait dong di niem a di piipl dem we a-go liv fi eva an eva.

Maak 13:14
“Bot wen unu si di wikid wikid sitn we go gens Gad tan op iina Gad ous — mek shuor se evribadi we riid dis ya andastan we it miin — den dem we liv iina Judiya fi ron we go iina di mountn dem.

Matyu 24:15
“Bot bifuo dat apm, unu gweehn si wa di prafit Daniyel weehn taak bout, wen im did a chat bout di ‘wikid wikid sitn we go gens Gad an doti op Gad ous,’ ou it tan op iina Gad plies (mek shuor se evribadi we riid dis ya andastan we it miin).

Ruoman 1:26-27
[26] An kaaz dem a du dem sitn de, Gad lef dem fi bring don shiem pan demself. Im lef dem fi tek paat iina aal kain-a seks sin. An so di uman dem tap du we naamal — dem tap sliip wid man an go staat sliip wid uman.[27] A siem so di man dem tap du wa naamal tu — dem tap sliip wid uman an go staat sliip wid man. Man a sliip wid man, dat a shiem, an kaaz wa dem a du rang, Gad a-go gi dem jos wa dem fi get — Gad a-go ponish dem.

Jamaican Bible
© 2012 by The Bible Society of the West Indies