A A A A A

Signos matemáticos: [Número 8]


APOKALIPSƏ 13:18
yəŋ bɑ cwə nə́ zhyə nə tya nwə: Nə pa' a bɑ dəŋ mò: Dəŋ e pɑ po shwɔp nthɔk m po nthɔk mŋkhə nthɔk.

1 KORINTO 6:9-11
[9] Po ka zhyə gɑ pɔ pyə wap tə gə nwə dəŋdəŋ a pɑ́ tə gɔ sɔ' ko nə́ Nəfo Si a? Ka mo fʉtə wɔ! Kɑ mgəgə́m, kɑ pɑ ghamtə mkətwɔk, kɑ pɑ ghə ghap, kɑ nthinthi pɔ bwapwǎ lə,[10] kɑ mcǔŋ, kɑ msamshwə, kɑ mpǎm mlu', kɑ pɑ tɛmnɛ, kɑ pɑ lɑ ywə tə yap lə tə́ gɔ sɔ' ko nə Nəfo Si pɑ́.[11] Tsə bɔ nə nəŋ bɑ ywə yə po lə́ bɑ́ yá, kɑ shɑ́ pɔ cəcɑ̌ pó lə. Tə́ a bɑ pu lě sɔk wɔ, a bɑ pu lě shu' wɔ, a bɑ pu lě jap wɔ dəŋdəŋ shyə m nə́ tsǒ Cyəpɔ Yeso Kristo ba m nə́ Zhwenyə Si yɔk pɑ.

APOKALIPSƏ 11:2-3
[2] Da' gɑ́ sɔ' m nə pə̌ŋ giŋnyə dzʉ́ o taknəŋ tə fo' nə pa' a bɑ pu lé hɑ bi mguŋ pyə wap gɔ sɔ' lɑ mkwə nə̀ŋtə guŋ dɔlɔ̌ nə́ mŋwə́ shwɔppʉə mghappfʉə a.[3] Gɑ gɔ sɔ' piŋ ghɔm bi mkwinthɛ pɑ̌ pɑpʉə gɑ wap ghɔm ghɔm Si, nə mtyɛ'dzʉ́ po nthɔk mkhəpʉə dəm shǎ', nə ghɔm bɑ wap kwadzə́ mko'tə́ pʉ̀ə.

MFA' MGHƐ NTHƏM 8:11-24
[11] A pɑ gɑ́ wap lə bɑ́ jʉ̌m é po'o, bɑ a lə du gɑ e lə dɑ kɛ tsyə́ nə sya wap tə fɑ́ tə́ tyɛ'.[12] Da' gɑ wap lə cwə̌ tə biŋ Cùŋ pɑpùŋ nə Nəfo Si ba nə tsǒ Yeso Kristo yə Filipo lə bɑwə gɔm a, guŋ yap awɛ kwishyə, pɑ bɛ ba pɑ jwǐ.[13] Ba Simon lə cʉ' yə biŋ Si, ŋkwi yə shyə, bɑ pɑ jʉm Filipo, bɑ jɔ mtiŋ gwyəgwyə pu a msya myə a lə bɑwə nthəm a, nwə pɑ shyə e.[14] Mghɛ nthəm pyə wap lə bɑ Yerusalɛm a lə nə yu' gɑ pɑ Samaria piŋ ghɔm Si, nthəm Pɛtrɔ pu Yohane wə.[15] Wap lə cwə tə ŋwak wə, shwyɛ'nyə Si nə pɑ Samaria gɑ wap kwi Zhwenyə Dɔlɔ̌.[16] Nə pa' Zhwenyə Dɔlɔ̌ lə jɑ́ tə wuŋ ŋkho nə sɔmmo yap, a lə bɑ wap kwi da' shyə nə tso Cyəpɔ Yeso.[17] Pɛtrɔ pu Yohane lə to' nə yap bǔ nə pɑ Samaria, wap pɑ ŋkwi Zhwenyə Dɔlɔ̌.[18] Da' gɑ Simon lə cwə tə jɔ̀ pa' mghɛ nthəm wə jap bu nə pɔ̀, wap kwi Zhwenyə Dɔlɔ̌ a, bhə́ ŋkhap bi pu gɔm gɑ:[19] Po hɑ tʉɔ bǎ bəm po'o gɑ pɔ pyə gɑ̌ yap bu nə pu a, wap kwi Zhwenyə Dɔlɔ̌.[20] Pɛtrɔ ghɔm bi e gɑ: Tə la' po ŋkhàp o pəmtə pfʉ́, nə pa' o ŋkwɛ gɑ bi a pɑ pu lɑ ŋkhàp jò ywə yə Si hɑ bi mo tə kwǐ ŋkhap nə a.[21] Yu tsʉ' kɑ yu ywə lɑ tə̌ nə ywə yə a wə shyə tsɔ' a pɑ́, nə pa' tʉm tsǔ tə dəŋdəŋ dzə̌ Si a.[22] Kwyəpnyə nə tʉm shɔkcɔk tsǔ, biŋ shwyɛ'nyə Si. Mu'cwə e lɑ mkwɛnyə cwəpuŋ myə a sɔ' nthʉm tʉm o a nə shwyɛ' o.[23] Nə pa' gɑ wə jɔ gɑ́ o nthʉm bɔkbɔk nwə dzəzə ba m̀ nthʉm mgwɑ mnwə cwəpuŋ.[24] Simon piŋ ba' gɑ: Pɑ kwa' wɔ nə cwyɛ'nyə Cyəpɔ nə m̀ po'o gɑ sɔmywə yə po gɔm a kɑ sɔ' nə m̀.

1 KORINTO 6:9
Po ka zhyə gɑ pɔ pyə wap tə gə nwə dəŋdəŋ a pɑ́ tə gɔ sɔ' ko nə́ Nəfo Si a? Ka mo fʉtə wɔ! Kɑ mgəgə́m, kɑ pɑ ghamtə mkətwɔk, kɑ pɑ ghə ghap, kɑ nthinthi pɔ bwapwǎ lə,

YOHANE 1:8
E la tə́ bɑ ŋkha' pɑ, da' gɑ e lə bɑ́ ŋkwǐnthɛ bi ŋkha'.

APOKALIPSƏ 4:6-8
[6] Mu' ywə pa' shyə lɑpʉə dɔlɔ̌, bɑwə pa' mwé bəŋ a lə́ bɑ dzə leŋfo bɔ. Shɑ̀ mnɔm papfʉə lə bɑ́ tuŋ ba m geŋnyə leŋfo bɔ. Mnyə́ lə bɑ a sam wap dzə̀ ba m jʉ̀m.[7] Dəŋdzə̀ nɔm lə́ bɑwə hwə́ a nɔmtəma', yə mu' pɑwə́ hwə́ a mú hùŋ, yə mu' pɑ bɑ e ghə sə́ monəŋ, batə yapfʉə pɑwə hwə́ a mətʉɔya' é pɑwə nthǎ.[8] Mnɔm bɔ papfʉə lə́ bɑ́ bɑ bǎ ya lə ghə mbap nthɔk bɑ a lo mnyə́ geŋnyə o ba m nthʉ̀m o. Wap lə jwɔp mtsʉ' ba m mɔktcʉ́ gɑ: Dɔlɔ̌, Dɔlɔ̌, Dɔlɔ̌, Cyəpɔ, Si Nthʉɔtʉɔ. Mo yə e lə́ bɑ, yə e bɑ, biŋ bɑwə sɔ' a!

APOKALIPSƏ 13:5
Pu lə hɑ ta' shwə bi e nə́ nə gɔm ghɔm ŋa'nɑ́ ba mcap, biŋ hɑ tʉɔ bi e nə nə fa' nə mŋwə shwɔppʉə mghappfʉə.

Galacian Bible 2002
Nouveau Testament Ghomala © Bible Society of Cameroon, 2002