A A A A A

A vida: [Beleza]


1 PƐTRƆ 3:3-4
[3] Tsɔ́ tsə́ mkwiŋ kɑ pɑ̌ pɑ ywə yə pu jɔ a: nəŋthə́ ba' pǎ', tsə́dzə́ tʉɔ gɔl, kɑ nə kwa dzə ŋa' nɑ́ lə.[4] A tsɔ́ tsə́ mkwiŋ pɑ ywə yə a bɑ ǎ tʉmnyə̀ nthʉm tʉm po, bɑ tsə́dzə́ tsyə a tə bì a pɑ́, bɑ zhwenyə byanyə, zhwenyə hwítə̀, tsə́dzə́ tsya a bɑ á ghə dəŋ gwyə́ dzə̌ Si a.

2 KORINTO 4:16
A po'o tə pyə tə bɑwə bwa nə kaktʉɔ pɑ; tə bi a pɑ pɑ́ gɑ mò m nə bap wə gɔ mimi bɑ mò m̀ nthʉm o syanyə guŋ mcwə awɛ.

EFESO 2:10
Nə pa' yʉ́ nə lə́ bəm wɔk pɑ̀; e lě bəm wɔk pɑ̀, shyə m̀ nə Yeso Kristo, po'o m nə́ mfa' pɑpuŋ myə́ Si lə la' nyaptə́ tə tyɛ', po'o gɑ pɑ pɑ́ fa' a.

FILIPO 4:8
Po'o lə́ mfɑmfɑ́, a guŋ ywə yə ǎ nyənyɔ a, guŋ ywə msəm, ywə yə a dəŋdəŋ á, ywə tə́ mvíŋ, ywə yə pɑ mo kuŋ yɑ a, ywə mku', ywə mà pɑpuŋ ywə bi a pɑ́ pu gho'tə a, guŋ ywə bɔ awɛ pɑ nə́ gənyə́nwə̀ mɔ.

ROMA 8:6
Bap nɑ́ gɔ m nə vʉ̌, da' gɑ Zhwenyə pɑ gɔ m nə vɔk ba m nə hwitə.

MATIO 6:28-29
[28] Nwə kɑ́ po tsɔp nɑ tsɔ nə dzə̌? Po le mtutuŋ mghe pé tə́ jɔ pa' a ŋkwyə a; wap tə jɔgo' fa' pɑ́, wap lə nəŋ bɑ́ ba' dzə́.[29] Biŋ bɑ siŋ wɔ gɑ́ ba Salomoŋ nə guŋ ghu'tə e awɛ la tə kwa dzə pa' ta' nə mtutuŋ mghe bɔ a.

1 TIMOTIO 2:9-10
[9] Sɔ' nə pɑjwǐ, wap pɑ dɑ msəm ŋkwadzə, wap kwadzə́ mku', tə ŋa'nɑ́: wap kɑ́ pǎ' thə́, kɑ gə mkwɛ gɔl lə, kɑ tsədzə tʉɔdəŋ, kɑ tsə mkwiŋ tʉɔdəŋ lə.[10] Wap kwa pɑ mfa' pɑpúŋ myə a bə̀mtə nə pɑ̀ jwǐ pyə́ wap dɑ mku' biŋ Si a.

GALATA 3:26-27
[26] Nə pa' gùŋ yɔ awɛ shyə m nə piŋnthʉm bɑ pó Si shyə m nə Yeso Kristo.[27] Əŋ, guŋ yɔ awɛ pyə́ po lə kwishyə nə Kristo a, a bɑ po lě ŋkwa Kristo nə po.

YAKOP 1:23
Nə pa' mo yu' ghɔ̀m, bɑ tə ghə pa' a gɔm a bɑ e hwənyə mo yə e de sə é pa' e nə bɑ a nə kyɛ' a.

MATIO 23:28
A po'o pɔmnəŋ pɑ jɔ wɔ də̀m po hwə pɔ dəŋdəŋ, da' gɑ bɑ m nthʉm o bɑ po lo mnwə tsɛbǔ pu a mnwə cwəpùŋ.

Galacian Bible 2002
Nouveau Testament Ghomala © Bible Society of Cameroon, 2002