A A A A A

Sins: [Gluttony]


1 Korintotɔwo 6:12
Woɖe nuwo katã ƒe mɔ nam, ke menye nuwo katãe nyona na ame o. Woɖe nuwo katã ƒe mɔ nam, ke menye nyee le nana ge nane nakpɔ ŋusẽ ɖe dzinye o.

1 Korintotɔwo 10:7
Migazu trɔ̃subɔlawo hã abe wo dome amea ɖewo ene o, abe alesi woŋlɔ ɖi ene bena: „Dukɔ la bɔbɔ nɔ anyi, wòdu nu, eye wono nu, eye wotsi tre, eye wode asi fefe me.“

1 Korintotɔwo 15:32
Nenye ame ƒe susu nue mewo aʋa kple lã wɔadãwo le Efeso la, ekema viɖe ka wònye nam? Ne womefɔ ame kukuwo ɖe tsitre o la, ekema „minɛ míaɖu nu, eye miano nu, elabena etso miele kuku ge!“

5 Mose 21:20
Eye woagblɔ na du me ame tsitsiawo bena: Mia viŋutsu sia enye ame dzeaglã kple tosẽla, meɖoa to miaƒe gbe o, eye wònye ame baɖa kple ahamũla.

Xezekiel 16:49
Kpɔ ɖa, nɔviwònyɔnu Sodom ƒe vodada enye: Dàda kple nuɖuɖu fũ, eye eya kple nɔvianyɔnuwo nɔ agbe vivi bɔkɔɔ; ke mekpe ɖe ame dahewo kple hiãtɔwo ŋu o.

1 Mose 3:6
Esi nyɔnu la kpɔ bena, ati la nyo na ɖuɖu, ebiã ŋu na ame, eye wòdzroa ame, eye wònana wodzea nunya la, egbe eƒe tsetsea ɖe heɖu, eye wòna srɔ̃a, si le egbɔ hã woɖu.

Filipitɔwo 3:19
Amesiwo ƒe nuwuwu enye gbegblẽ, amesiwo ƒe ƒodo nye mawu na wo, eye woƒe kafukafu le woƒe ŋukpenanuwo me, amesiwo susua anyigbadzinuwo ŋuti ɖeɖeko.

Lododowo 23:2
nenye nudzrola nenye la, ekema naɖo hɛ wò vehlo dzi!

Lododowo 23:21
Elabena ahatsunola kple nutsuɖula ɖe wodaa ahe, eye alɔ̃tsudɔla ɖe wònɔa ɖuvu me.

Lododowo 28:7
Amesi dzraa se ɖo la, vi nyanue; ke amesi tsoa nutsuɖuɖu ɖoa dɔe la, dea ŋukpe fofoa ŋu.

Psalmowo 119:70
Enyo nam ŋutɔ be, wobɔbɔm ɖe anyi, ne masrɔ̃ wò ɖoɖowo.

Romatɔwo 13:14
hafi mido Aƒetɔ Yesu Kristo boŋ, eye migana beléle na ŋutilã nazu nudzodzrowo yomenɔnɔ o.

Tito 1:12
Wo dometɔ ɖeka, si nye woa ŋutɔwo ƒe nyagblɔɖila la, gblɔ be: „Kretatɔwo nye aʋatsokalawo ɖaa, lã vɔ̃ɖiwo, ƒodo wɔkuviawo.“

Lododowo 23:20-21
[20] Meganɔ weintsunolawo kple lãtsuɖulawo dome o.[21] Elabena ahatsunola kple nutsuɖula ɖe wodaa ahe, eye alɔ̃tsudɔla ɖe wònɔa ɖuvu me.

1 Korintotɔwo 6:19-20
[19] Alo ɖe mienyae bena, miaƒe ŋutilã la Gbɔgbɔ kɔkɔe, si le nua me, si miexɔ tso Mawu gbɔ la ƒe xɔ wònye, eye míenye mia ɖokui to oa?[20] Asi sesẽ miexɔ; eyata mitsɔ miaƒe ŋutilã kple miaƒe gbɔgbɔ, siwo nye Mawu to la, kafu Mawu!

Psalmowo 115:4-8
[4] Woƒe legbawo nye klosalo kple sika, amegbetɔ ƒe asinudɔwɔwɔwo wonye.[5] Nu li na wowomeƒoa nu o; ŋku li na wo, womekpɔa nu o;[6] to li na wo, womesea nu o; ŋɔti li na wo, womeʋẽa nu sena o;[7] asi li na wo, wometea nu kpɔna o; afɔ li na wo, womezɔa azɔli o, eye womeƒoa nu toa ve me o.[8] Amesiwo wɔa wo kple amesiwo katã ɖoa dzi ɖe wo ŋu la, sɔ kpli wo.

Romatɔwo 14:13-17
[13] Azɔ la migana miadrɔ̃ ʋɔnu mía nɔewo o, hafi midrɔ̃ ʋɔnu le nusia ŋuti boŋ bena, amea ɖeke nagatsɔ nukikli alo nuɖiaɖia ada ɖe nɔvia ƒe mɔ dzi o.[14] Menyae, eye mekpɔ kakaɖedzi le Aƒetɔ Yesu me bena, naneke menye kɔgblẽɖonu le eɖokui si o, negbe amesi ke bua nane kɔgblẽɖonu la, eyama wòzu kɔgblẽɖonu na.[15] Ke ne nɔviwò le nu xam le wò nuɖuɖu ŋuti la, ekema megale zɔzɔm le lɔlɔ̃ la nu o. Megatsɔ wò nuɖuɖu tsrɔ̃ ame ma, si la Kristo ku ɖo la o![16] Azɔ la migana woagblɔ busunya ɖe miaƒe nu nyui la ŋuti o!:[17] Elabena mawufiaɖuƒe la menye nuɖuɖu kple nunono o, ke dzɔdzɔenyenye kple ŋutifafa kple dzidzɔ le Gbɔgbɔ kɔkɔe me boŋ ye.

Psalmowo 78:26-31
[26] Ena ɣedzeƒeya ƒo le dziƒo ŋu, eye wòtsɔ eƒe ŋusẽ kplɔ dzieheya vɛ.[27] Ena lã dza ɖe wo dzi abe ʋuʋudedi ene kple xewo abe ƒutake ene.[28] Ena woge dze woƒe asaɖa titina ƒo xlã woƒe nɔƒewo.[29] Ale wuɖui ɖi ƒo taŋ, eye wòwɔ woƒe dzodzro dzi na wo.[30] Woƒe nudzodzro la nu mekpɔ yi haɖe o, eve woƒe nuɖuɖu la gale nu me na wo ko,[31] tete Mawu ƒe dɔmedzoe de dzi ɖe wo ŋu, ewu amewo le woƒe amidalawo dome, eye wòƒo Israel-ɖekakpuiwo ƒu anyi.

2 Timoteo 3:1-9
[1] Ke nya esia bena, le ŋkeke mamleawo me la ɣeyiɣi vɔ̃wo lava.[2] Elabena ameawo lanye ɖokuilɔ̃lawo, galɔ̃lawo, adegbe ƒuƒlu ƒolawo, dadalawo, busunyagblɔlawo, ame maɖoto dzilawo, ame madakpewo kple ame makɔmakɔwo;[3] amesiwo melɔ̃a ame ƒe nya o, amesiwo gbea avuléle, ameŋuzɔlawo, amesiwo mete ŋu ɖua wo ɖokui dzi o, ame wɔadãwo, amesiwo melɔ̃a nu nyui o,[4] yomemɔfialawo, ame mabunuwo, amesiwo doa wo ɖokui ɖe dzi glodzo, amesiwo lɔ̃a hadzedze wu esi woalɔ̃ Mawu,[5] amesiwo si mawusosroɖa ƒe nɔnɔme le, gake wogbe eƒe ŋusẽ la. Te ɖokuiwò ɖa tso amesiawo gbɔ![6] Elabena amesiawo dome amea ɖewo li, siwo gena ɖe aƒewo me dzaa, eye woɖea aboyo nyɔnu abunetɔ, siwo yɔ fũ kple nuvɔ̃wɔwɔ, eye nudzodzro bubu ƒomevi geɖewo kplɔa wo yinɛ,[7] amesiwo srɔ̃a nu ɖaa, eye womate ŋu ava nyateƒe ƒe sidzedze la gbɔ akpɔ o.[8] Alesi Yane kple Yambre wotsi tre ɖe Mose ŋuti la, nenema ke woawo hã wotsi tre ɖe nyateƒe la ŋuti; Ame tamegbegblẽtɔwo, amesiwo meli ke le xɔse me o.[9] Ke womayi dzi geɖe wu o, elabena woƒe aɖaʋadzedze la dze ƒã na amewo katã, abe ame mawo tɔ ke hã ene.

4 Mose 11:18-34
[18] Ke gblɔ na dukɔ la bena: Mikɔ mia ɖokui ŋu hena etsɔ; miakpɔ lã aɖu, elabena mieta avi ɖe Yehowa ƒe to me gblɔ bena: Ameka ana lã mi miaɖu? Eme nyo na mí le Egipte! Eyata Yehowa le lã na ge mi miaɖu.[19] Menye ŋkeke ɖeka alo ŋkeke eve, ŋkeke atɔ̃ alo ŋkeke ewo alo ŋkeke blave koe miele eɖu ge o;[20] boŋ ɣleti ɖeka sɔŋ, vaseɖe esime wòado alo ŋɔti me na mi, eye woazu ŋunyɔnu na mi; elabena mieɖo vlo Yehowa, si le mia dome, eye miefa avi nɛ bena; Nukata gɔ̃ míedzo le Egipte ɖo?[21] Mose ɖo ŋu bena: Dukɔ la dometɔ, siwo le afɔ zɔm, amesiwo dome mele la, le ame akpe alafa ade, eye nèle gbɔgblɔm be, yeana lã wo ɣleti ɖeka sɔŋ mahã?[22] Alẽ alo nyie wole wuwu ge, hafi wòaɖe wo nu loo, alo ƒumelãwo katãe woaƒo ƒu, hafi wòaɖe wo nua?[23] Tete Yehowa gblɔ na Mose bena: Ɖe Yehowa ƒe asi to ɖe emea? Azɔ àkpɔe be, nye nya la le eme loo, alo mele eme o.[24] Eye Mose ɖo yi ɖagblɔ Yehowa ƒe nyawo na dukɔ la. Eƒo dukɔ la ƒe ame tsitsi blaadreawo nu ƒu, eye wòna woɖe to ɖe agbadɔ la godoo va kpe.[25] Tete Yehowa ɖi va le alilikpo me heƒo nu kplii, eye wòɖe gbɔgbɔ, si le edzi la, ɖe da ɖe ame tsitsi blaadreawo dzi, eye esi gbɔgbɔ la va wo dzi la, wode asi nyagbɔgblɔ me ɖi; gake wova dzudzɔ emegbe.[26] Ke ŋutsu eve tsi asaɖa la me, amesiwo dometɔ ɖeka ŋkɔ enye Eldad, eye evelia ŋkɔ nye Medad. Eye gbɔgbɔ la va woawo hã dzi, wode asi nyagbɔgblɔ me ɖi le asaɖa la me; elabena woŋlɔ wo ŋkɔwo, gake womeva agbadɔ la gbɔ o.[27] Tete ŋutsuvia ɖe ƒu du ɖagblɔ na Mose bena: Eldad kple Medad wode asi nyagbɔgblɔ me ɖi le asaɖa la me.[28] Eye Yosua, Nun vi, amesi nye Mose ƒe dɔla tso ɖekakpuime ke la, do ŋu be: Nye aƒetɔ Mose, gbe na wo![29] Ke Mose ɖo ŋu nɛ bena: Wòe le ŋu ʋã ge ɖe nunyea? Oo, Yehowa mana eƒe gbagba nava dukɔ blibo la dzi, eye wòatrɔ zu Yehowa ƒe nyagblɔɖilawo dzro oa?[30] Emegbe Mose kple Israel-ame tsitsiawo gbugbɔ yi asaɖa la me.[31] Tete Yehowa na yaa ɖe ƒo, eye wòlɔ tegliwo tso ƒu gome kɔ ɖe wo nɔewo dzi ƒo xlã asaɖa la godoo va kpe; wozɔ wo ŋu le go si me ŋkeke ɖeka, eye wozɔ wo ŋu le go keme me hã ŋkeke ɖeka, eye wokɔ tso anyigba ano abɔklugui eve.[32] Eye dukɔ la tso yi ɖafɔ tegliawo ŋkeke blibo la kple zã blibo la kpakple ŋkeke, si dze eyome hã; amesi fɔe ʋee ko la tɔ ade gomer ewo, eye wosia wo ƒo xlã asaɖa la godoo va kpe.[33] Lã la mekpɔ do le aɖu tame na wo wòahayi wo katã ɖu ge avɔ o, tete Yehowa do dɔmedzoe ɖe dukɔ la ŋu, eye Yehowa na do vɔ̃ɖia ɖe ɖo dukɔ la dome.[34] Eye wona ŋkɔ teƒe la bena „nudzrolawo ɖiƒe“, elabena afima woɖi dukɔ, si dzro nu la ɖo.

Ewe Bible 1913
Public Domain