A A A A A

Sins: [Procrastination]


1 Korintotɔwo 14:40
Mina woawɔ nuwo katã, alesi dze ɖe eteƒeteƒe.

Nyagblɔla Salomo 9:10
Nusianu, si wò asi ate ŋu awɔ la, wɔe kple wò ŋusẽ; elabena nuwɔwɔ alo tamebubu, sidzedze alo nunya mele tsieƒe, afisi yi ge nala o.

Nyagblɔla Salomo 11:4
Amesi le to lém ɖe ya ŋu la, maƒã nuku o, eye amesi le ŋku lém ɖe alilikpo ŋu la, maŋe nu o.

Galatiatɔwo 6:9
Migana ɖeɖi nate mía ŋu le nu nyui wɔwɔ me o; elabena ne míegbɔdzɔ le nu nyui wɔwɔ me o la, míaŋe nu le ye ŋutɔ ƒe azãgbe la dzi!

Hebritɔwo 12:11
Ke le fifi ɣeyiɣi me la miebua tohehe kalẽ dzidzɔe o, ke veve boŋ; gake emegbe la etsɔa dzɔdzɔenyenye ƒe ŋutifafakutsetse na amesiwo wòmã la.

Hebritɔwo 10:12
ke eya la, esime wotsɔ vɔsa ɖeka na ɖe nuvɔ̃wo ta megbe la, ebɔbɔ nɔ anyi ɖe Mawu ƒe nuɖusi me tegbetegbe,

Yakobo 4:17
Eyaŋuti la, amesi ke nya nu nyui wɔwɔ, eye mewɔnɛ o la, enye nuvɔ̃ nɛ.

Yohanes 9:4
Ele nam bena, mawɔ amesi dɔm ɖa la ƒe dɔwɔwɔwo, zi alesi ŋkeke li; zã gbɔna dodo ge, le esi me amea ɖeke mate ŋu awɔ dɔ o.

Luka 12:35
Mina miaƒe aliwo dzi nanɔ babla, eye miaƒe akaɖiwo nanɔ bibim;

Luka 12:40
Eyaŋuti miawo hã minɔ dzadzraɖoɖi; elabena Amegbetɔvi la ava le gaƒoƒo, si miele mɔ kpɔm ne o la dzi.

Mateo 6:33
Midi mawufiaɖuƒe la kple eƒe dzɔdzɔenyenye gbãgbiagbã, eye woatsɔ nusiawo katã akpe ɖe eŋuti na mi.

Filipitɔwo 4:13
Metea ŋu wɔa nuwo katã le Kristo, amesi doa ŋusẽm la me.

Lododowo 10:4
Amesi wɔa alɔgblɔlɔ le dɔ ŋu la, ado ko, ke veviedolawo ƒe asi hea kesinɔnu vɛ.

Lododowo 12:24-25
[24] Veviedola ƒe asi aɖu fia; ke kuviatɔ adzɔ nu.[25] Nuxaxa le dzi me tea ame ɖe anyi; ke xɔlɔ̃nya doa dzidzɔ na ame.

Lododowo 13:4
Nu le kuviatɔ dzrom, gake dzodzroe; ke veviedola aɖi ƒo.

Lododowo 14:23
Agbagbadzedze hea viɖe ve; ke nu kpoloe ƒoƒo hea hiã vɛ.

Lododowo 18:9
Amesi wɔa alɔgblɔlɔ le ɖɔ ŋu la, nugblẽla nɔvl wonye.

Lododowo 20:4
Kuviatɔ be, yemade agble le kele me o, eyata wòdia nu le nuŋeɣi doa kpoe.

Lododowo 21:17
Amesi lɔ̃a dzidzɔkpɔkpɔ la, azu hiãtɔ; eye amesi lɔ̃a wein kple ami ʋeʋẽe la, makpa ho o.

Lododowo 27:1
Megaƒo adegbe ɖe etsɔ, si gbɔna ŋu o, elabena mènya nuka dzi ge etsɔ ala o.

Romatɔwo 7:20-21
[20] Ke ne mewo nusi nyemelɔ̃na o la, ekema meganye nyee le esia wɔm o, negbe nuvɔ̃, si le menye boŋ.[21] Eyata azɔ mekpɔ se sia bena, esime melɔ̃na bena, mawɔ nu nyui la, nuvɔ̃ la lé ɖe ŋutinye.

Efesotɔwo 5:15-17
[15] Eyaŋuti la mikpɔ nyuie be, miazɔ pɛpɛpɛ; menye abe numanyamanyatɔwo ene o, ke boŋ abe nunyalawo ene,[16] amesiwo wɔa ɣeyiɣi la ŋuti da blibo, elabena ŋkekeawo nye vɔ̃.[17] Eyaŋuti la migazu bometsilawo o, ke boŋ midze si nusi nye Aƒetɔ la ƒe lɔlɔ̃nu.

Luka 9:59-62
[59] Eye wògblɔ na ame bubu bena: Dze yonyeme! Ke eya gblɔ bena: Aƒetɔ, ɖe mɔ nam, be mayi aɖaɖi fofonye hafi.[60] Ke egblɔ ne bena: Na ame kukuawo naɖi woa ŋutɔwo ƒe kukuawo; ke wò la yi ɖagblɔ mawufiaɖuƒe la fia.[61] Eye ame bubu hã gblɔ bena: Aƒetɔ, manɔ yowòme; gake ɖe mɔ nam, be mayi aɖaklã amesiwo le aƒenye me hafi.[62] Ke Yesu gblɔ nɛ bena: Amesi tsɔ eƒe asi ɖa ɖe kodzi dzi, eye wogale megbe kpɔm la, medze mawufiaɖuƒe la o.

Lododowo 24:30-34
[30] Mele kuviatɔ ƒe agble kple ame manyanu ƒe weingble ŋu yi.[31] Eye kpɔ ɖa aŋɔka yɔ eme taŋ, gbe to ɖe eme, eye eƒe kpegliwo mũ.[32] Tete meɖe ŋku ɖee, eye wòde dzi gbɔ nam, mekpɔe, eye wòzu nuxaxlɔ̃ nam:[33] „Madɔ alɔ̃ vie, madɔ akɔlɔ̃e vie, made asi asitɛ me, ne magbɔ ɖe eme“ la,[34] ahedada ɖe wòƒona ɖe ame dzi abe mɔzɔla ene, eye hiã abe ŋutsu, si bla akpa ene.

Ewe Bible 1913
Public Domain