A A A A A

Mysteries: [Giants in the Bible]


5 Mose 1:28
Afika gɔ̃ yi ge míala? Mía nɔviwo ɖe dzi le mía ƒo gblɔ bena: Dukɔ la sɔ gbɔ, eye wodzo atsu wu mi, duawo lolo, eye woɖo gli ɖe wo ŋu ɖatɔ dziƒo, eye míekpɔ Enak-viwo hã le afima.

5 Mose 3:11
Og, Basan-fia, enye ame dzɔtsu mlɔetɔ, si kpɔtɔ ɖi; eƒe gabati, si le Amon-viwo ƒe du Rabat me la, didi ŋutsu ƒe abɔklugui asieke, eye wòkeke abɔklugui ene.

1 Mose 6:4
Le ŋkeke mawo me la ame dzɔtsuwo le anyigba dzi; eye esi Mawu viŋutsuwo ɖe amegbetɔwo ƒe vinyɔnuwo, eye wodzi vi na wo megbe la hã wogale; woawo nye ame kako ŋkɔxɔla, siwo nɔ agbe le blema.

Yesaya 40:22
Eya, amesi le xexeame godoo ta me, eye eme nɔlawo le dzedzem abe ʋetsuviwo ene; eya, amesi he dziƒo me abe avɔ beli ene, eye wòkekee abe agbadɔ ene, be yeanɔ eme;

Yakobo 2:24
Miekpɔ bena, wotsɔ dɔwɔwɔwo tso afia na ame, eye menye xɔse ɖeɖekoe o.

Yosua 11:21
Ɣemaɣi Yosua va tsrɔ̃ Enakitɔwo ɖa le toawo dzi le Xebron, Debir, Anab kple Yuda-towo kpakple Israel-towo katã dzi, eye Yosua tsrɔ̃ wo kple woƒe duwo gbidigbidi.

Yuda 1:6
Eye mawudɔla, siwo medzra woƒe amegãnyenye ɖo o, ke wogblẽ woa ŋutɔwo ƒe nɔƒe ɖi la, wotsɔ kɔsɔkɔsɔ mavɔwo bla wo hedzra wo ɖo ɖe viviti tsiɖitsiɖi me hena ŋkeke gã la ƒe ʋɔnudɔdrɔ̃.

4 Mose 13:23-33
[23] Eye wova Eskol-bali la me, afisi wotso weintsetse kpo ɖeka le, eye ame eve ƒo ati ɖe eme hetsɔ; wogbe yevuboɖawo kple gbotsetsewo hã.[24] Woyɔa teƒe ma bena Eskol-bali me le weintsetse, siwo Israel-viwo gbe le afima la ta.[25] Esi wotsa ŋku le anyigba la dzi vɔ la, wòtrɔ gbɔ le ŋkeke blane megbe.[26] Eye wogbɔ va Mose kple Aron kpakple Israel-viwo ƒe ha blibo la gbɔ, le Kades le Paran-gbedzi, hegblɔ dɔgbedenyawo na woa kple ha blibo la, eye wotia anyigba dzi kutsetseawo hã wo.[27] Eye wòto woƒe numegbe la nɛ bena: Miede anyigba, si dzi nedɔ mí ɖo la dzi; notsi kple anyitsi bɔ ɖe edzi vava, eye edzi kutsetsewo hã enye si;[28] negbe dukɔ, si le anyigba la dzi, koe kako, woƒe duwo sesẽ, eye wololo, eye míekpɔ Enak viwo hã le afima.[29] Amalekitɔwo le dziehe gome, Xititɔwo, Yebusitɔwo kple Amoritɔwo le towo dzi, eye Kanaanitɔwo le ƒu ŋu kple Yordan ƒe go ɖeka[30] Ke Kaleb tsi nya ɖe dukɔ la nu hexɔ ɖe Mose dzi bena: Míate ŋu ade, eye míaxɔe, m ate ŋui kokoko tsã![31] Ke ŋutsu, siwo hã ɖe la, gblɔ bena: Míate ŋu ade dukɔ mawo gbɔ o, elabena wosesẽ wu mi.[32] Eye wode vɔvɔ̃ anyigba, si dzi wotsa ŋku le la, ŋu na Israel-viwo be: Anyigba, si dzi miede ɖatsa ŋku le la, le edzinɔlawo mim, eye dukɔ, siwo katã le edzi la, nye ame kplalawo sɔŋ.[33] Miekpɔ Enak viwo, amesiwo nye ame dzɔtsuwo ƒe dzidzimeviwo, hã le afima, eye miawo ɖeko míedze abe ʋetsuviwo ene, eye nenema woawo hã kpɔ míi.

Psalmowo 3:6
Memlɔ anyi, eye meɖɔ alɔ; meganyɔ, elabena Yehowa lém ɖe asi.

Nyaɖeɖefia 17:8
Lã, si nekpɔ la, enɔ anyi, eye megali o, eye wòle dodo ge atso aʋli me, eye wòayi ɖe gbegblẽ me. Eye ne anyigbadzinɔla, siwo ƒe ŋkɔwo womeŋlɔ ɖe agbegbalẽa me tso xexeame ƒe gɔmeɖoɖoanyi me o la, akpɔ lã la ɖa, alesi wònɔ anyi, eye megali o, eye wòagava la, woƒe mo awɔ yaa.

Romatɔwo 6:23
Elabena nuvɔ̃ la ƒe fetue nye ku; ke Mawu ƒe amenuvevenunana la enye agbe mavɔ le Kristo Yesu, mia Aƒetɔ me.

Amos 2:9-10
[9] Evɔ wònye metsrɔ̃ Amoritɔwo le wo ŋgɔ, amesiwo dzo atsu, abe alesi sederti kɔe ene, eye wosesẽ abe sesewu ene hafi; metsrɔ̃ woƒe tsetsea dzi me kple woƒe ke le to me.[10] Mekplɔ mi tso Egipte-nyigba dzi, eye mena miezɔ gbe dzi ƒe blane, ne miaxɔ Amoritɔwo ƒe anyigba.

5 Mose 2:10-21
[10] Tsã la Emitɔwo nɔ afima, amesiwo nye dukɔ gã, wòsɔ gbɔ, eye wodzɔ atsu abe Enakitɔwo ene.[11] Wobu woawo hã ɖe ame dzɔtsuwo me abe Enakitɔwo ene, eye Moabitɔwo yɔ wo be Emitɔwo.[12] Tsã la Xoritɔwo nɔ Seir, ke Esau-viwo nyã wo, eye wotsrɔ̃ wo le wo ɖokui ŋgɔ hena wo teƒe abe alesi Israel wo anyigba, si Yehowa nae wònye eta la ene.[13] Azɔ midze mo, eye miatso Sered-toʋu la! Tete míetso Sered-toʋu la.[14] Ɣeyiɣi, siwo katã miezɔ ma tso Kades-Barnea, vaseɖe esime míetso Sered-toʋua, le ƒe blaetɔ̃ vɔ enyi, vaseɖe esime aʋawɔlawo katã ku vo le asaɖa la me, abe alesi Yehowa ka atam na wo ene.[15] Eye Yehowa ƒe asi hã le wo ŋu, vaseɖe esime wotsrɔ̃ vɔ keŋ le asaɖa la me.[16] Esi aʋawɔlawo katã ku le dukɔa dome vɔ la,[17] Yehowa ƒo nu kplim bena:[18] Egbe nèle Ar to ge le Moab ƒe liƒo dzi,[19] eye nèle tete ge ɖe Amon-viwo ŋu, megadze wo dzi o, eye megawɔ aʋa kpli wo o, elabena nyematsɔ Amon-viwo ƒe anyigbaa ɖeke na wò wòanye tɔwo o, elabena ɖe metsɔe na Lot-viwo, ne wòanye wo tɔ.[20] Wobua eya hã abe ame dzɔtsuwo ƒe anyigba ene, elabena ame dzɔtsuwo nɔ edzi tsã, eye Amonitɔwo yɔ wo bena Samsumitɔwo;[21] wonye dukɔ gã, wòsɔ gbɔ, eye wodzo atsu abe Enakitɔwo ene, eye Yehowa tsrɔ̃ wo le wo ŋgɔ, wonyã wo, eye wònɔ wo teƒe,

1 Mose 6:1-4
[1] Ke esi amewo de asi agbɔsɔsɔ me le anyigba dzi, eye wodzi nyɔnuwo la,[2] mawuviwo kpɔ bena, amegbetɔviwo ƒe nyɔnuwo dze tugbe ŋutɔ, eye woɖe wo dometɔ, siwo katã dze wo ŋu.[3] Eye Yehowa gblɔ bena: Nye gbɔgbɔ maganɔ amewo me boo o, elabena ŋutilã wonye le woƒe vodada me, eye woƒe agbe me ŋkekewo nanye ƒe alafa ɖeka kple blave![4] Le ŋkeke mawo me la ame dzɔtsuwo le anyigba dzi; eye esi Mawu viŋutsuwo ɖe amegbetɔwo ƒe vinyɔnuwo, eye wodzi vi na wo megbe la hã wogale; woawo nye ame kako ŋkɔxɔla, siwo nɔ agbe le blema.

1 Kronika 20:4-8
[4] Eye wogawɔ aʋa kple Filistitɔwo le Gezer. Ɣemaɣi Xusatitɔ Sibexai wu Sipai, amesi tso ame dzɔtsuwo ƒe dzidzimeviwo dome, eye wobɔbɔ wo ɖe anyi.[5] Emegbe wogawɔ aʋa kple Filistitɔwo, eye Elxanan, Yair-vi, wu Goliat nɔvi Lami tso Gat, amesi ƒe akplɔti le abe abaladoti ene.[6] Eye wogawɔ aʋa le Gat. Ame dzɔtsua ɖe to asi ade kple afɔ ade, wo katã le blave vɔ ene; eya hã tso ame dzɔtsuwo ƒe ƒome me.[7] Eye wòdu fewu le Israel ŋu, tete Dawid nɔvi, Simea vi Yonatan, wui.[8] Amesiawo tso ame dzɔtsuwo ƒe ƒome le Gat, eye wotsi Dawid kple eƒe dɔlawo si me.

2 Samuel 21:15-22
[15] Filistitɔwo gãwo aʋa kple Israel, eye Dawid kple eƒe dɔlawo ho ɖawɔ aʋa kple Filistitɔwo, eye ɖeɖi te Dawid ŋu.[16] Eye Yisbi tso Nob, amesi nye ame dzɔtsuwo ƒe dzidzimeviwo dometɔ ɖeka, di be, yeawu Dawid. Eƒe akplɔ ƒe kpekpeme le akɔbli sekel alafa etɔ̃, eye wòkpla aʋawɔnu yeye.[17] Ke Zeruya vi Abisai xɔ nɛ, eye wòwu Filistitɔ la. Ɣemaɣi Dawid ƒe ŋutsuwo ka atam nɛ bena: Magade aʋa kpli mi azɔ o, ne nagatsi Israel ƒe akaɖi la o![18] Eye wòva me emegbe be, wowɔ aʋa kple Filistitowo le Gob. Ɣemaɣi Xusatilɔ Sipai wu Saf, si tso ame dzɔtsuwo ƒe dzidzimeviwo dome.[19] Wogawɔ aʋa kple Filistitɔwo le Gob, eye Elxanan, Yaare-Orgim vi, tso Betlexem wu Gatitɔ Goliat, amesi ƒe akplɔti le abe abaladoti ene.[20] Wogawɔ aʋa le Gat, eye ame dzɔtsua de to asi ade kple afɔ ade; wo katã le blave vɔ ene; eye eya hã tso ame dzɔtsuwo ƒe dzidzime.[21] Eɖu fewu le Israel ŋu, tete Yonatan, Dawid nɔvi Simea vi wui.[22] Ame ene siawo tso ame dzɔtsuwo ƒe dzidzime le Gat, eye wotsi Dawid kple eƒe dɔlawo si me.

Ewe Bible 1913
Public Domain