A A A A A

Mysteries: [Dreams]


1 Samuel 28:15
Eye Samuel gblɔ na Saul bena: Nukaŋuti neɖe fu nam, eye nèna wokplɔm vɛ? Saul ɖo ŋu bena: Meɖo xaxa me ŋutɔ: Filistitɔwo le aʋa wɔm kplim, ke Mawu trɔ ʋu le yonyeme, eye megale nya ŋu ɖom nam azɔ to nyagblɔɖilawo dzi loo alo to drɔ̃e me o; eyata mena woyɔ wò vɛ, ne nagblɔ nusi mawɔ la nam!

Dɔwɔwɔwo 2:17
„Eye ava me le ŋkeke mlɔeawo me, Mawue gblɔe, bena matrɔ nye Gbɔgbɔ la akɔ ɖe ŋutilã katã dzi, eye miaƒe ŋutsuviwo kple miaƒe nyɔnuviwo agblɔ nya ɖi, eye miaƒe ɖekakpuiwo akpɔ ŋutegawo, eye miaƒe amegã ɖeɖiwo aku drɔ̃ewo.

Daniel 1:17
Eye Mawu na nunya kple gɔmesese ŋutsuvi ene siawo le nuŋɔŋlɔ vovovowo kple nunya gome; ke Daniel ya nya ŋutegawo katã kple drɔ̃ewo gɔme.

Nyagblɔla Salomo 5:7
Ne èle ame dahewo teteɖeanyi kple nya dzɔdzɔe tsitsri kpakple dzɔdzɔanyenyetsitsri kpɔm le anyigba dzi la, nya la megawɔ nuku na wò o; elabena ame kɔkɔ le ame kɔkɔ ŋuti dzɔm, ke kɔkɔtɔ le wo katã nu.

1 Mose 20:3
Ke le zã me la Mawu va Abimelex gbɔ le ɖrɔ̃eƒe gblɔ nɛ bena: Kpɔ ɖa, àku kokoko le nyɔnu, si nèxɔ la ta, elabena ame srɔ̃e.

1 Mose 40:8
Woɖo eŋu nɛ bena: Míeku drɔ̃e, gake amesi aɖe egɔme, meli o. Tete Yosef gblɔ na wo bena: Alo drɔ̃e gɔmeɖeɖe la menye Mawu fɔe oa? Gake milii nam ko!

1 Mose 42:9
Tete Yosef ɖo ŋku drɔ̃e, si wòku le wo ŋu la dzi, eye wògblɔ na wo bena: Ŋkutsalawo míenye! Ɖe mieva, be miadi mɔnu le anyigba la ŋu.

Yeremia 23:32
Kpɔ ɖa, ale Yehowa gblɔ esi: Mado ɖe amesiwo tsɔ alakpa drɔ̃ewo gblɔa nya ɖi, eye wolia wo la dzi, amesiwo tsɔa woƒe alakpadadawo kple adegbeƒoƒowo kplɔa nye dukɔ tranae, evɔ wònye nyemedɔ wo o, eye nyemeɖo wo ɖa o hafi; womenye viɖea ɖeke na nye dukɔ o, Yehowa ye gblɔe.

Mateo 2:13
Ke esi wodzo yi la, kpɔ ɖa, Aƒetɔ ƒe dɔla ɖe eɖokui fia Yosef le drɔ̃eƒe gblɔ bena: „Fɔ, natsɔ ɖevi la kple dadaa, eye nasi ayi Egipte, eye nanɔ afima, vaseɖe esime magblɔe na wò: elabena Herodes le ɖevi la dim be, yeawu.

Mateo 2:19
Ke esi Herodes ku la, kpɔ ɖa, Aƒetɔ ƒe dɔla ɖe eɖokui fia Yosef le drɔ̃eƒe le Egipte

4 Mose 12:6
Eye wògblɔ bena: Mise gbenye! Ne amea ɖe nye Yehowa ƒe nyagblɔɖila le mia dome la, ekema meɖea ɖokuinye fianɛ le ŋutega me, eye meƒoa nu kplii le drɔ̃e me.

Zaxarya 10:2
Elabena aklama kpakpɛwo gblɔa nya maɖinyawo, eye hokɔnɔwo kpɔa alakpaŋutegawo, wolĩa drɔ̃e, siwo mele ɖeke me o, eye woƒe akɔfaname la toflokoe; eyata woanɔ tsa glãla tsam abe alẽwo ene, eye fu awɔ wo, elabena lãkplɔvla ɖeke meli o.

Yoel 2:28
Le nusiawo megbe la matrɔ nye gbɔgbɔ la akɔ ɖe ŋutilãwo katã dzi, eye miaƒe ŋutsuviwo kple miaƒe nyonuviwo agblɔ nya ɖi, miaƒe amegã ɖeɖiwo aku drɔ̃ewo, eye miaƒe ɖekakpuiwo akpɔ ŋutegawo.

Yesaya 29:7-8
[7] Eye dukɔwo ƒe amehawo katã, siwo ho aʋa ɖe Ariel ŋu, kple amesiwo katã tso ɖe eya kple eƒe mɔ̃ sesẽ la ŋu, eye woxaxae ɖo la, anɔ abe drɔ̃ekuku kple zã me ŋutega ene.[8] Alesi dɔwuitɔ kua drɔ̃e be, yele nu ɖum, ke ne enyɔ la, dɔa nu melana ne o, eye alesi tsikɔwuitɔ kua drɔ̃e be, yele tsi nom, ke ne enyo la, nu tea eŋu, eye eƒe veme ƒuna la, nenemae dukɔ, siwo katã ho aʋa ɖe Zion-toa ŋu la ƒe amehawo anɔ.

Daniel 7:1-3
[1] Le Babel-fia Belsazar ƒe ƒe gbãtɔ me la Daniel ku drɔ̃e, eye wòkpɔ ŋutega le eƒe aba dzi; eye wòŋlɔ drɔ̃e la ɖi hexlẽ nu vevitɔwo fia.[2] Daniel xlẽe fia gblɔ bena: Mekpɔ le nye ŋutega me le zã me be, dziƒo ƒe ya eneawo lɔ atsiaƒu gã la ɖe nu.[3] Lã gã ene do tso atsiaƒu la me, eye woto vovo tso wo nɔewo gbɔ.

5 Mose 13:1-3
[1] Milé nusiwo katã ŋuti mede se na mi le la me ɖe asi, eye miwo wo dzi; migatsɔ ɖeke kpee o, eye migaɖe ɖeke le edzi o.[2] Ne nyagblɔɖila alo drɔ̃ekulaa ɖe ɖo mia dome, eye wòbe, yeawɔ dzesi alo nukunua ɖe na mi,[3] eye dzesi alo nukunu, si wògblɔ la, va me, emegbe wògblɔ be, mina miadze mawu bubu, siwo mienyã o yome, eye miasubɔ wo la,

1 Mose 41:25-27
[25] Tete Yosef gblɔ na Farao bena: Farao ƒe drɔ̃eawo gɔme le ɖeka. Nusi wɔ ge Mawu gbɔna la, eyae wòɖe fia Farao.[26] Nyinɔ dami adreawo nye ƒe adre, eye liŋɔ ʋaʋã adreawo hã nye ƒe adre, drɔ̃eawo kple eve gɔme le ɖeka.[27] Nyinɔ kudɔe adre, siwo vlo, eye wodo ɖe wo yome la, wonye ƒe adre, eye liŋɔ adre, siwo pepi lé wotsi to nu la, wonye ɖɔŋɔliƒe adre.

Mateo 1:20-23
[20] Ke esi wòle nu siawo ŋuti bum la, kpɔ ɖa, Aƒetɔ ƒe dɔla ɖe eɖokui fiae le drɔ̃eƒe gblɔ nɛ bena: Yosef, Dawid vi, megavɔ̃ srɔ̃wò Maria kpɔkplɔ va gbɔwò o, elabena fu, si ke wòfɔ la, Gbɔgbɔ kɔkɔe la mee wòtso.[21] Adzi ŋutsuvi, eye nayɔ eƒe ŋkɔ be Yesu; elabena eyae laɖe eƒe dukɔ la tso woƒe nuvɔ̃wo me.[22] Ke esia katã va me, bene woawu nya, si Aƒetɔ la gblɔ ɖi to nyagblɔɖila dzi la nu bena:[23] „Kpo da, ɖetugbi, si menya ŋutsu o la, le fu fɔ ge, eye wòadzi ŋutsuvi, eye woayɔ eƒe ŋkɔ be Imanuel, si gome ènye: Mawu li kpli mi.“

1 Mose 41:8-12
[8] Le ŋdi la Farao mekpɔ gbɔdzɔea ɖeke o, eye wòdo woyi ɖayɔ Egipte-fakalawo kple nunyalawo va ƒo ƒu, eye Farao li drɔ̃eawo na wo; ke wo dometɔa ɖeke mete ŋu ɖe egɔme na Farao o.[9] Tete ahakulawo ƒe amegã ƒo nu kple Farao gblɔ bena: Egbe la meɖo ŋku nye vodada dzi.[10] Esi Farao bi dzi ɖe eƒe dɔlawo ŋuti, eye wòna wòlé mía kple aboloƒolawo ƒe amegã de gaxɔ me le fia ŋuti mewo ƒe amegã ƒe me la,[11] mía kple eve míeku drɔ̃e le zã ɖeka me mia ta míatɔe, eye drɔ̃eawo gɔme hã le vovovo.[12] Eye Hebri-ɖekakpuia ɖe, si enye fia ŋuti mewo ƒe amegã ƒe kluvi la, nɔ mía gbɔ le afima. Mieli míaƒe drɔ̃eawo nɛ, eye wòɖe wo gɔme na mi mia to mía tɔe pɛpɛpɛ.

Hiob 33:14-18
[14] Elabena Mawu ƒoa nu le mɔ si kple mɔ keme dzi, ke womedzea sii o.[15] Le drɔ̃ekuku kple zã me ŋu-tega me, ne amewo yi alɔ̃ me, eye wole alɔ̃ dɔm le aba dzi la,[16] eʋua to na amegbetɔwo, eye wòɖoa kpe woƒe tohehe dzi,[17] ne woate amegbetɔ da le eƒe nuwɔwɔ ŋu, eye wòaɖe dàdaa le ŋutsu la me,[18] ne wòaxɔ eƒe luʋɔ tso yɔdo si me, eye eƒe agbe magatsi aŋutrɔ nu o.

Ewe Bible 1913
Public Domain