A A A A A

Math Signs: [Number 5]


Nyaɖeɖefia 13:5-18
[5] Eye wotsɔ nu, si gblɔa nya gãwo kple busunyawo la nɛ, eye wotsɔ ŋusẽ nɛ, be wòanɔ dɔ dzi ɣleti blane vɔ eve[6] Eye wòke nu de asi busunyagbɔgblɔ me de Mawu ŋuti, be yeado busu eƒe ŋkɔ kple eƒe agbadɔ kpakple amesiwo nɔa dziƒo.[7] Eye wona ŋusẽe, be wòawɔ aʋa kple ame kɔkɔewo, eye ne wòaɖu wo dzi, eye wona ŋusẽe ɖe to sia to kple dukɔ sia dukɔ kple gbegbɔgblɔ sia gbegbɔgblɔ kpakple trɔ̃subɔlawo katã dzi.[8] Eye anyigbadzinɔla, siwo katã ƒe ŋkɔwo womeŋlɔ ɖe alẽvi, si wowu la, ƒe agbegbalẽa me tso xexeame ƒe gɔmeɖoɖoanyi me o la, woasubɔe.[9] Amesi to li na la, nesee![10] Ne amea ɖe de ame gaxɔ me la, woaɖe eya hã gaxɔ me: ne amea ɖe wu ame kple yi la, ele be, woawu eya hã kple yi. Afii ame kɔkɔewo ƒe dzidodo kple woƒe xɔse le.[11] Eye mekpɔ lã bubua ɖe le ɖoɖom tso anyigba me, eye dzo eve li nɛ abe alẽvi tɔ ene, eye wòƒo nu abe ʋɔ driba la ene.[12] Eye wòwɔ lã gbãtɔ ƒe ŋusẽdɔwo katã le eƒe ŋku me. Eye wòwɔ anyigba la kple amesiwo nɔ edzi la bena, woadze klo asubɔ lã gbãtɔ, si ƒe kubi wowɔ wòku la.[13] Eye wòwɔ dzesi gãwo bena, wòna dzo gɔ̃ hã ge tso dziƒo dze anyigba le amewo ƒe ŋku me.[14] Eye woble anyigbadzinɔlawo de dzesi, si wotsɔ nɛ, be wòawɔ le lã la ƒe ŋku me la ŋuti hele gbɔgblɔm na anyigbadzinɔlawo bena, woawɔ legba de lã, si ŋu wode abii kple yi, eye wòle agbe la ƒe nɔnɔme me nɛ.[15] Eye wona ŋusẽe, be wòatsɔ gbɔgbɔ na lã la ƒe legba, bena lã la ƒe legba naƒo nu hã, eye wòawɔ bena, woawu ame geɖe, alesi nu medze klo subɔ lã la ƒe legba o.[16] Eye wòwɔ bena, woade dzesi amewo katã, ɖeviwo kple ame tsitsiwo kple kesinɔtɔwo kple ame dahewo kple ablɔɖeviwo kple kluviwo ƒe nuɖusi alo woƒe ŋgonu,[17] bena amea ɖeke magate ŋu aƒle nu alo adzra nu o, negbe amesi ŋu lã la ƒe ŋkɔ alo eƒe ŋkɔ ƒe xexlẽme ƒe dzesi le la ko.[18] Afii nunya le! Amesi ke si gɔmesese le la, nèbu lã la ƒe xexlẽme kpɔ; elabena ame ƒe xexlẽme wònye, eye eƒe xexlẽme enye alafa ade kple blaade vɔ ade.

Mateo 19:9
Ke mele egblɔm na mi bena: Amesi ke laɖe asi le srɔ̃a ŋuti, ne menye le ahasiwɔwɔ ŋuti o, eye wòaɖe bubua ɖe la, eyae wɔ ahasi.

Nyaɖeɖefia 11:2-3
[2] Eye naɖe xɔxɔnu, si le gbedoxɔa ŋu la, le eme, eye megadzidzee o; elabena wotsɔe na trɔ̃subɔlawo, eye woanya avuzi le du kɔkɔe la dzi ɣleti blane vo eve sɔŋ.[3] Eye mana ŋusẽ nye ɖaseɖila eve, bena woagblɔ nya ɖi ŋkeke akpe ɖeka kple alafa eve kple blaade, eye woanɔ akpanya me.

Mateo 5:32
ke nye la mele egblɔm na mi bena: Amesiame, si ke aɖe asi le srɔ̃a ŋu, eva menye le ahasiwɔwɔ ŋuti o la, eyae na wòwɔ ahasi; eye amesi ke aɖe nyɔnu, si ŋu wòɖe asi le la, ewɔ ahasi.

2 Timoteo 3:16
Ŋɔŋlɔ sia ŋɔŋlɔ, si tso Mawu ƒe Gbɔgbɔ me la, enyo hã na nufiafia, na mokaka, na ɖɔɖɔɖo, na amehehe, si le dzɔdzɔenyenye me,

Nyaɖeɖefia 4:6-8
[6] eye atsiaƒu, si me ka abe kristalo lãlɛ ene la, le fiazikpui la ŋgɔ, eye nu gbagbe ene, siwo ŋgɔgbe kple megbe yɔ fũ kple ŋkuwo la, le fiazikpui la titina, eye woƒo xlã fiazikpui la hã.[7] Eye nu gbagbe gbãtɔ le abe dzata ene, eye nu gbagbe evelia le abe nyitsu ene, eye nu gbagbe etɔ̃lia ƒe mo le abe ame ƒe mo ene, eye nu gbagbe enelia le abe hɔ̃, si le dzodzom ene.[8] Eye aʋala ade li na nu gbagbe eneawo dome ɖesiaɖe, eye ŋkuwo yɔ wo ŋuti kple wo me fũ, eye womekpɔ dzudzɔ zã kple keli o hele gbɔgblɔm bena: Kɔkɔe, kɔkɔe, kɔkɔe nye Aƒetɔ, Mawu ŋusẽkatãtɔ, amesi nɔ anyi, eye woli, eye wòle vava ge la!

4 Mose 5:11-31
[11] Eye Yehowa ƒo nu kple Mose bena:[12] Gblɔ na Israel-viwo be: Ne ŋutsua ɖe srɔ̃ da ƒu, eye meɖi anukware nɛ o,[13] eye ŋutsu bubu ɖe asi eŋu, gake srɔ̃ menyae o, eye wòtsi vivi me, wònye egblẽ kɔ ɖo hafi, eye ɖasefoa ɖeke meli o, eye womelée asiasi hã o,[14] eye ŋuʋaʋã ɖo ŋutsu la me, wòde asi anukluiwɔwɔ me le srɔ̃ ŋu, eye nyɔnua gblẽ kɔ ɖo vava la, alo ŋuʋaʋã ɖo ŋutsu la me, eye wòɖe asi anukluiwɔwɔ me le srɔ̃ ŋu, wònye megblẽ kɔ ɖo hafi o la,[15] ekema ŋutsu la nakplɔ srɔ̃a ava nunɔla gbɔ, eye woatsɔ luwɔ efa ewoliawo ɖeka awɔ vɔsanu akpe ɖe eŋu, makɔ ami ɖe edzi o, eye mada dzudzɔdonu hã ɖe edzi o; elabena anukluiwɔwɔ-nuɖuvɔsa kple nuɖuvɔsa, si ɖoa ŋku vodada dzi wònye.[16] Nunɔla la nana nyɔnua nate va, eye wòakplɔe aɖo Yehowa ŋku me.[17] Eye nunɔla la naku tsi kɔkɔe la ɖe agba me, eye wòalɔ ke le nɔƒe la akɔ ɖe tsi la me.[18] Emegbe nunɔla la nakplɔ nyɔnu la aɖo Yehowa ŋku me, eye wòakaka ɖa ɖe ta ne, eyome wòatsɔ ŋkuɖodzi-nuɖuvɔsa ade asi me nɛ, anukluiwɔwɔ-nuɖuvɔsa wònye; ke nunɔla la ŋutɔ nalé tsi, si hea fiƒode kple fuwɔame va ame dzi la, ɖe asi.[19] Eye nunɔla naka atam na nyɔnu la agblɔ bena: Ne ŋutsua ɖeke medo gbɔwò o, eye meda ƒu ɖe srɔ̃wò ŋu hegblẽ kɔ ɖo o la, ekema tsi, si hea fiƒode kple fuwɔame va ame dzi la, mawɔ naneke wò o.[20] Ke ne eda ƒu ɖe srɔ̃wò ŋu, alo nègblẽ kɔ ɖo, eye ŋutsu bubu ɖe asi ŋuwò hekpe ɖe srɔ̃wò ŋu la fi![21] Ale nunɔla naka atam agblɔ fiƒoɖenyawo na nyɔnu la bena: Yehowa ana fiƒode la naɖi ŋuwò, atrɔ zu ɖiŋudonu le wò dukɔ la dome; Yehowa ana wò ali naklẽ, eye ƒodo nadzi ɖe nuwo.[22] Tsi, si hea fiƒode va ame dzi la, aɖo wò dɔme, ƒodo adzi ɖe nuwo, eye wò ali aklẽ! Eye nyɔnu la naɖo ŋu bena: Neva me nenema, neva me nenema![23] Emegbe nunɔla naŋlɔ fiƒodenya siawo ɖe agbalẽ dzi, eye woakpalae ɖe tsi, si hea fuwɔame va ame dzi la me.[24] Eyome wòana nyɔnu la nano tsi, si hea fiƒode kple fuwɔame va ame dzi la, eye tsi, si hea fiƒode kple fuwɔame va ame dzi la, aɖo lãme nɛ.[25] Eye nunɔla naxɔ anukluiwɔwɔ-nuɖuvɔsa la le nyɔnu si, eye wòanyè nuɖuvɔsa la le Yehowa ŋku me, emegbe wòatsɔe ayi vɔsamlekpui la gbɔe.[26] Nunɔla la naku nuɖuvɔsa la asiʋlo ɖeka, eye wòatɔ dzoe le vɔsamlekpui la dzi; emegbe hafi wòana nyɔnua nano tsi la.[27] Ne eno tsi lã, wònye egblẽ kɔ ɖo, eye meɖi anukware na srɔ̃ o hafi la, ekema tsi, si hea fiƒode kple fuwɔame va ame dzi la, aɖo lãme nɛ; ƒodo adzi ɖe nu, eƒe ali aklẽ, eye nyɔnu la atrɔ zu ɖiŋudonu le eƒe dukɔ la dome.[28] Ke ne nyɔnu la megblẽ kɔ ɖo o, eye eƒe nya dzɔ la, ekema naneke mawɔe o, eye wòagate ŋu afɔ fu.[29] Esia nye se le anukluiwɔwɔ ŋu. Ne nyɔnua ɖe ɖa ƒu ɖe srɔ̃a ŋu, eye wogblẽ kɔ ɖo,[30] alo ŋuʋaʋã ɖo ŋutsua ɖe me, eye wòɖe asi anukluiwɔwɔ me le srɔ̃a ŋu la, ekema wòakplɔ nyɔnu la ava Yehowa ŋku me, eye nunɔla nawɔ nɛ alea de se sia nu.[31] Eye fɔɖiɖi manɔ ŋutsu la dzi o, ke boŋ fɔɖiɖi la atsi nyɔnua ŋutɔ dzi.

1 Fiawo 7:23
Eye wòkɔ gazɔ la; ele tegblẽ, eye tso toga ɖeka vaseɖe toga keme le abɔklugui ewo, ekɔ abɔklugui atɔ̃, eye ka abɔklugui blaetɔ̃ atui akpe ɖo.

5 Mose 6:4
Israel, see, Yehowa, mía Mawu la, Yehowa ɖeka koe!

Maleaxi 3:10
Mihe nuwo ƒe ewoliawo katã yi nudzraɖoƒe la, ne woanye nuɖuɖu le aƒenye me; mitsɔ esia dom kpɔ abe nyemaʋu dziƒo nu, eye nyemadudu yayra aƒo ɖe mia dzi wòagbɔ eme o ha? Yehowa Zebaot ye gblɔe.

Psalmowo 104:9
Eɖo liƒo na wo, womagbɔ edzi o, eye womagbugbɔ atsyɔ anyigba dzi o.

1 Mose 6:12
Eye Mawu kpɔ bena, xexeame gblẽ keŋ; elabena amegbetɔwo katã ƒe zɔzɔme gblẽ le anyigba dzi.

1 Mose 7:20
Eye tsia dɔ gbɔ to kɔkɔwo ta me abɔklugui wuiatɔ̃; ale wɔ, eye towo katã bu de tsia me.

1 Mose 8:5-9
[5] Eye tsia le miemiem ʋeʋeʋe vaseɖe ɣleti ewolia dzi; le ɣleti ewolia ƒe ŋkeke gbãtɔ dzi towo ƒe tagbɔ dze.[6] Le ŋkeke blane megbe la Noa ʋu aɖakaʋua ƒe fesre, si wòwɔ la.[7] Eye wòʋu nu le akpaviãa ɖe nu ɖo ɖa, eye wòle dzodzom tso afi yi afi, vaseɖe esime tsia mie le anyigba dzi vo.[8] Tete wòʋu nu le ahɔnea ɖe nu ɖo ɖa, ne yeakpɔ bena, tsia mie vo le anyigba blibo la katã dzi hã?[9] Ke esi ahɔne la mekpɔ afisi wòadze ɖo o la, egatrɔ va egbɔ le aɖakaʋu la me, elabena tsi le anyigba blibo la katã dzi, eye wòdo asi ɖa lée de aɖakaʋu la me.

1 Mose 9:11
Mebia nu kpli mi bena, nyemagatsrɔ̃ ŋutilã sia ŋutilã kple tsiɖɔɖɔ o; tsi magaɖe anyigba agblẽ nu le edzi akpɔ o.

1 Mose 1:31
Eye Mawu kpo nusiwo katã wòwɔ la, eye kpɔ ɖa, wonye ŋutɔ. Ale zã do, eye ŋu ke, eya nye ŋkeke adelia.

1 Mose 3:15
Made adikã mia kple nyɔnu la dome, wò dzidzime kple nyɔnu la ƒe dzidzime dome, eya la agbã ta na wò, eye wò la àɖu afɔkpodzi nɛ.

1 Korintotɔwo 10:13
Tetekpɔa ɖeke meva mia dzi kpɔ o negbe ame tɔ ɖeɖeko, gake nuteƒewɔla enye Mawu, amesi mana mɔ bena, woate mi akpɔ awu alesi miate ŋui la o; ke ana gododo le eme hã akpe ɖe tetekpɔ ŋuti, bene miate ŋu atsɔe.

2 Mose 20:13
Megawu ame o.

Ewe Bible 1913
Public Domain