A A A A A

Life: [Verses For Women]


Psalmowo 46:5
Tɔsisi la ƒe alɔdzewo doa dzidzɔ na Mawu ƒe du, si nye dziƒoʋitɔ ƒe nɔƒe kɔkɔe la.

Psalmowo 139:14
Meda akpe na wò le alesi wowɔm nukutɔe la ta; wò dɔwɔwɔwo nye nukunu, eye nye luʋɔ dze si esia keŋ.

1 Timoteo 3:11
Nenema ke nyɔnuwo hã nalé wo ɖokui nyuie: Woaganye ameŋuzɔlawo o, woanye amè ɖɔŋuɖowo, nuteƒewɔlawo le nusianu me.

1 Korintotɔwo 11:12
Elabena abe alesi nyɔnu tso ŋutsu me la, nenema ke ŋutsu hã to nyɔnu me va; ke esiawo katã tso Mawu gbɔ.

1 Korintotɔwo 15:10
Ke Mawu ƒe amenuveve la ŋuti mezu nusi menye, eye eƒe amenuveve, si wotsɔ ve nunye la, menye dzodzro o, elabena medze agbagba geɖe wu wo katã; ke menye nyee o, hafi Mawu ƒe amenuveve, si le kpakplim la boŋ.

Luka 1:45
Eye Woayra wò, amesi xɔe se, elabena woawu nusiwo wogblɔ na wò tso Aƒetɔ gbɔ la nu.

Lododowo 11:16
Nyɔnu nyodɔme ƒe asi sua bubu dzi; ke ŋutasẽlawo ƒe asi sua kesinɔnu ko dzi.

Lododowo 14:1
Nyɔnuwo ƒe nunya tua woƒe xɔ; ke bometsitsi tsɔa eya ŋutɔ ƒe asi gbãnɛ ƒua anyi.

Lododowo 19:13
Vi tsibome enye dzɔgbevɔ̃e ne fofoa, eye nyɔnu nyawɔla enye betrɔ, si le ɖuɖum ɖaa.

Lododowo 21:9
Enyo, ne woanɔ dzogoe dzi le xɔta wu nyɔnu nyawɔla nana aƒe me kple ame.

Lododowo 21:19
Gbedadaƒonɔnɔ nyo wu nyɔnu nyawɔla kple dzikutɔ gbɔ nɔnɔ.

1 Petro 3:1-2
[1] Nenema ke, mi nyɔnuwo la, mibɔbɔ mia dokui na mia ŋutɔwo mia srɔ̃wo, bena ne amea ɖewo meɖo to nya la o la, nyɔnuwo ƒe agbenɔnɔ nyaa ɖeke magblɔ la naɖe wo,[2] esi wokpɔ miaƒe agbenɔnɔ dzadzɛ le vɔvɔ̃ me ɖa la,

Efesotɔwo 5:22-23
[22] Mi nyɔnuwo la, mibɔbɔ mia ɖokui na mia ŋutɔwo mia srɔ̃wo abe Aƒetɔ la ene;[23] elabena ŋutsue nye ta na nyɔnu, abe alesi Kristo hã nye ta na hame la ene, eye eyae nye ŋutilã la ƒe xɔla.

Lododowo 31:16-17
[16] Ebua la me le agble ŋu, eye wòƒlenɛ ka; eƒe asi ƒe kutsetse wòtsɔna ɖea weingblee.[17] Etsɔa ŋusẽ blaa ali dzii, eye wòdoa ŋusẽ eƒe alɔwo.

Tito 2:3-5
[3] Nenema ke nyɔnu tsitsiwo hã nanɔ anyi, abe alesi wòdze nyɔnu kɔkɔewo ene: Wòaganye ameŋuzɔlawo o, wòaganye aha geɖe nola wo o; ke boŋ woanye nu nyui fialawo,[4] bene woaxlɔ̃ nu ɖetugbiwo, ne woalɔ̃ wo srɔ̃wo kple wo viwo,[5] woanye ɖokuidziɖulawo, ame dzadzɛwo, aƒe me dɔwɔlawo, dɔmenyotɔwo, eye woabɔbɔ wo ɖokui na woa ŋutɔ wo srɔ̃wo, bena woagagblɔ busunya ɖe mawunya la ŋuti o.

1 Mose 2:18-24
[18] Eye Yehowa Mawu gblɔ bena: Menyo bena ame la natsi akogo o; mawɔ kpeɖeŋutɔ, si asɔ ɖe eŋu la nɛ.[19] Tete Yehowa Mawu tsɔ anyi mè gbemelãwo katã kple dziƒoxe dzodzoewo katã, eye wòkplɔ wo va amea gbɔe, be yeakpɔ alesi wòayɔ woe; eye alesi ame la yɔ nu gbagbeawoe la, nenema anye woƒe ŋkɔ.[20] Eye ame la tsɔ ŋkɔ na aƒemelãwo katã kple dziƒoxe dzodzoewo kpakple gbemelãwo katã; ke amea ya mekpɔ kpeɖeŋutɔ, si asɔ nɛ o.[21] Eye Yehowa Mawu na ame dɔ alɔ̃ yi me ʋĩ, eye wòɖe eƒe agbaƒutiwo dometɔ ɖeka, eye wotsɔ lã ɖo eteƒe.[22] Tete Yehowa Mawu tsɔ agbaƒuti, si wòɖe le amea me la, wɔ nyɔnui, eye wòkplɔe va ame la gbɔe.[23] Eye ame la gblɔ be: Azɔ ko! Esia enye ƒu tso nye ƒu me kple lã tso nye lã me; woayɔ ame sia bena nyɔnu, elabena ŋutsu mee woɖee tsoe.[24] Eya ŋuti ŋutsu agblẽ fofoa kple dadaa ɖi ahaku ɖe srɔ̃a ŋuti, eye woanye ŋutilã ɖeka.

1 Timoteo 2:9-15
[9] Nenema ke nyɔnuwo nado awu ɖe nɔnɔme nyui me, eye woawɔ leke na wo ɖokui le ŋukpekpe kple ɖokuidziɖuɖu me; menye kple ɖaƒoƒo vivivo kple sika alo adzagbawo alo awu xɔasi dodo o,[10] ke nusi dze nyɔnu, siwo nua Mawu ƒe subɔsubɔ me la, enye be, woawo leke na wo ɖokui to dɔwɔwɔ nyuiwo me.[11] Nyɔnu la nasrɔ̃ nu le ɖoɖoezizi kple toɖoɖo katã me.[12] Ke nyemeɖe mɔ na nyɔnu be, wòafia nu, eye wòaɖu ŋutsu dzi o, ke boŋ wòalé eɖokui kpoo.[13] Elabena womè Adam gbã, emegbe la Xawa?[14] Eye womeble Adam o, ke nyɔnu lae woble, eye wòge ɖe vodada me.[15] Ke woaɖee to vidzidzi me, ne ena xɔse kple lɔlɔ̃ kple kɔ̃kɔewɔwɔ kpakple ɖokuidziɖuɖu me.

Lododowo 31:1-31
[1] Fia Lemuel ƒe nyawo nye esi, nya, siwo dadaa ku ɖe to me nɛ:[2] Oo vinye, oo nye dɔmevi, oo nye adzɔgbeɖeɖe ƒe vi![3] Megatsɔ wò ŋusẽ na nyɔnuwo o kple wò zɔzɔme na nyɔnu fiagblèlawo o![4] Lemuel, menye fiawo ƒe dɔ o, wein nono menye fiawo ƒe dɔ o, eye aha muame menye amegãwo ƒe dɔ o![5] Ne magano aha aŋlɔ se la be, eye wòatrɔ gbo nya na hiãtɔwo katã o![6] Ke boŋ mitsɔ aha muame na amesiwo do tsɔtsrɔ̃ ƒe etua nu kple wein na nuxala,[7] ne wòanoe, eye wòaŋlɔ eƒe ahedada be, eye eƒe ŋku nadzo le hiãkame dzi![8] Ke wò nu de aɖetututɔwo nu kple ɖe dzɔgbevɔ̃etɔwo katã ƒe nye nu![9] Ke wò nu natso efia ɖe eteƒe, eye nadrɔ̃ ʋɔnu na hiãtɔwo kple ame dahewo![10] Amekae akpɔ nyɔnu zazɛ̃? Eƒe asime sẽ wu adzagba tɔ.[11] Srɔ̃a ɖoa dzi ɖe eŋu, eye nuwo kpɔkpɔ mavee o.[12] Ewɔa nyuie nɛ, eye menye vɔ̃ o, le eƒe agbe me ŋkekewo katã me.[13] Edia ɖetifu kple anazi, eye eƒe asiwo wɔa ɖɔ kple dzidzɔ.[14] Ele abe esiʋu ene, eye wòhea nuɖuɖu tso didiƒe vɛ.[15] Ne ŋu mekpɔ ke haɖe o la, efɔna, eye wònaa nuɖuɖu eƒemetɔwo kple eƒe dɔlanyɔnuwo tɔ gome wo.[16] Ebua la me le agble ŋu, eye wòƒlenɛ ka; eƒe asi ƒe kutsetse wòtsɔna ɖea weingblee.[17] Etsɔa ŋusẽ blaa ali dzii, eye wòdoa ŋusẽ eƒe alɔwo.[18] Edzea sii be, yeƒe asitsatsa nyo; eƒe akaɖi metsina le zã mee.[19] Edoa asi ɖa léa afi, si ŋu wodoa ɖetifu ɖo, eye eƒe asibiɖewo léa keke.[20] Edoa eƒe asi ɖe hiãtɔwo, eye wòkea eƒe abɔ me na ame dahewo.[21] Mevɔna ɖe eƒe aƒe nu le vuvɔ ta o, elabena wotsyɔ kuntru dzi na eƒe aƒemetɔwo.[22] Elɔ̃a kuntruwo na eɖokui, aklala kple aɖahɛ nye eƒe avɔtata.[23] Wonyaa srɔ̃a, ne eya kple anyigba dzi ame tsitsiwo wole ʋɔnuɖrɔ̃ƒe.[24] Etɔa awutewui hedzrana, eye asitsalawo xɔa alidziblanuwo tsoa egbɔe.[25] Ŋusẽ kple atsyɔ̃ nye eƒe ava, eye ŋkeke ɖia kokoe nɛ.[26] Ekea eƒe nu kple nunya, eye nufiame fafɛwo le eƒe aɖe dzi.[27] Eléa ŋku de nuwɔwɔwo ŋu le eƒe me, eye meɖua kuviabolo o.[28] Viaŋutsuwo tsona heyranɛ; srɔ̃a kafunɛ be:[29] „Nyɔnu zazɛ̃ geɖewo li; ke wòa èƒo wo katã ta!“[30] Nyonyo le alakpae, eye tugbedzedze la, yae; nyɔnu, si vɔ̃a Yehowa le, ele be, woakafui.[31] Mitsɔ eƒe esi ƒe kutsetse nɛ, eye eƒe dɔwɔwɔwo akafui le dua me!

Ewe Bible 1913
Public Domain