A A A A A

Life: [Health]


1 Korintotɔwo 6:19-20
[19] Alo ɖe mienyae bena, miaƒe ŋutilã la Gbɔgbɔ kɔkɔe, si le nua me, si miexɔ tso Mawu gbɔ la ƒe xɔ wònye, eye míenye mia ɖokui to oa?[20] Asi sesẽ miexɔ; eyata mitsɔ miaƒe ŋutilã kple miaƒe gbɔgbɔ, siwo nye Mawu to la, kafu Mawu!

3 Yohanes 1:2
Lɔlɔ̃tɔ, mele didim be, nuwo katã nadze dzi na wò nyuie, eye wò lãme nanɔ sesĩe, abe alesi wò luʋɔ le nyuie la ene.

1 Korintotɔwo 10:31
Azɔ la ne miele nu ɖum alo miele nu nom alo miele dɔa ɖe wɔm la, miwɔ ye katã na Mawu ƒe kafukafu,

1 Timoteo 4:8
Elabena ŋutilã me veviedodo nyo na nu via ɖe ko; ke mawusosroɖa nyo na nusianu, eye agbe, si li fifi kple esi le vava ge la, ƒe ŋugbedodo la li nɛ.

Lododowo 17:22
Dzi kpɔdzidzɔ nana lãme hayana, ke gbɔgbɔ xanu nana ƒuwo ƒuna kplakplakpla.

Lododowo 31:17
Etsɔa ŋusẽ blaa ali dzii, eye wòdoa ŋusẽ eƒe alɔwo.

Efesotɔwo 5:18
Eye migamu aha, esi me nu baɖabaɖa wɔwɔ le la o; ke boŋ Gbɔgbɔ la nayɔ mi fũ,

Lododowo 20:1
Fewuɖula enye wein, eye zidola enye aha muame, amesi wòmu la, madze nunya o.

5 Mose 7:12-15
[12] Ne miese se siawo, mielé wo me ɖe asi, eye miewɔ wo dzi la, ekema Yehowa, mia Mawu, awɔ nubabla kple nublanuikpɔkpɔ, si ŋu wòka atam ɖo na mia fofowo la dzi,[13] eye wòalɔ̃ wò, ayra wò, eye wòana nadzi ɖe dzi, ayra wò dɔmevi kple wò anyigba dzi nukuwo, wò bli, wò wein kple wò ami, wò nyinɔ kple wò alẽnɔ, le anyigba, si ŋu wòka atam ɖo na fofowòwo be, yeatsɔe na wò la dzi.[14] Woayra wò aƒo dukɔwo katã ta: mia dometɔa ɖeke magbe vidzidzi o, eye miaƒe lãwo matsi ko o.[15] Eye Yehowa axe mɔ na dɔlélewo tsyo ƒomevi le ŋuwò, eye makplɔ Egiptedɔvɔ̃, siwo katã nenya la, aƒu wò o, ke boŋ akplɔ wo aƒu wò ketɔwo.

Yeremia 33:6
Kpɔ ɖa, mayɔ dɔ wo, eye mahaya wo, eye mana ŋutifafa kple nyateƒe wo fũ,

Dɔwɔwɔwo 27:34
Eyata meɖe kuku na mi bena, miatsɔ nu aɖu, elabena esia nyo na miaƒe xɔxɔ: elabena mia dometɔa ɖeke ƒe taɖa ɖeka mabu atso eta o.

5 Mose 28:53
Ne wò futɔwo ɖe to ɖe wò, eye woxaxa wò ɖo la, ekema aɖu wò ŋutɔ wò dɔmevi, viwòŋutsu kple viwònyɔnu, siwo Yehowa, wò Mawu, na wò la ƒe lã.

3 Mose 11:1-4
[1] Eye Yehowa ƒo nu kple Mose kple Aron gblɔ na wo bena:[2] Migblɔ na Israel-viwo be: Lã, siwo miaɖu le lãfɔnewo dome le anyigba dzi la, wonye si.[3] Miekpɔ mɔ aɖu lãtɔne, siwo katã ƒe afɔkli me fe, eye wodzɔa nu gaɖuna.[4] Ke lã, siwo dzɔa nu gaɖuna kple esiwo ƒe afɔkli me fe dometɔ, siwo miaɖu o la, wonye, kposɔ, elabena edzɔa nu gaɖuna, ke eƒe aƒɔkli me mefe o, lã makɔmakɔ wòanye na mi;

Nyaɖeɖefia 14:12
Afii ame kɔkɔe, siwo léa Mawu ƒe seawo kple Yesu ƒe dzixɔse me ɖe asi la, ƒe dzidodo le.

Lododowo 16:24
Nya dzeto la anyitsi wonye, evivina na luʋɔ, eye wòyɔa dɔ ƒuwo.

Lododowo 4:20-22
[20] Vinye, lé to ɖe nye nyawo ŋu, eye naƒu to anyi ɖe nye nuƒoƒo ŋu.[21] Womegate ɖa le ŋkuwò me o, dzra wo ɖo ɖe wò dzi ƒe gogloeaƒe.[22] Elabena agbe wonye na amesiwo katã ƒe asi su wo dzi la, eye woyɔa ɖɔ woƒe ŋutilã blibo la.

Lododowo 3:7-8
[7] Meganye nunyala le ɖokuiwò ŋku me o, vɔ̃ Yehowa, eye natsri va;[8] ekema esia ada gbe le wò ƒodo ŋu, eye woana wò ƒuwo me nafa miaa.

2 Mose 15:26
gblɔ bena: Ne eɖo to Yehowa, wò Mawu la ƒe gbe pɛpɛpɛ, eye nèwɔ nusi nyoa eŋu, lé to ɖe eƒe seawo ŋu, eye nèwɔ eƒe ɖoɖowo katã dzi la, ekema nyemate fukpekpe, siwo katã mena wova Egiptetɔwo dzi la, ava dziwò o; elabena nye Yehowa enye wò dɔyɔla.

Ewe Bible 1913
Public Domain