A A A A A

Life: [Family]


Yohanes 15:12-13
[12] Esia nye nye se la bena, mialã mia nɔewo, sigbe alesi melɔ̃a mi ene.[13] Lɔlɔ̃ gã wu esia megale amea ɖeke si bena, woatsɔ eƒe agbe aɖo anyi ɖe xɔlɔ̃awo ta o.

1 Timoteo 5:8
Ke ne amea ɖe melé be na ye ŋutɔ tɔwo o, eye vevietɔ na ye ŋutɔ ƒe aƒemetɔwo o la, egbe xɔse la, eye wòvɔ̃ɖi wu dzimaxɔsetɔ.

Efesotɔwo 6:4
Eye mi fofowo la, migado dziku na mia viwo o, ke miayi wo le Aƒetɔ la ƒe hehe kple nuxɔxlɔ̃ la me.

Lododowo 27:10
Megagblẽ xɔ̃wò kple fofowò xɔlɔ̃ ɖi o; gbesigbe hiã tu wò la, megade nɔviwò ƒe me o; aƒelika, si te ɖe ame ŋu, nyo wu ame nɔvi le adzɔge.

Mateo 12:48-50
[48] Ke eɖo ŋu gblɔ na amesi gblɔe nɛ la, bena: Amekae nye danye, eye amekawo nye nɔvinyewo mahã?[49] Eye wòdo eƒe abɔ ɖe eƒe nusrɔ̃lawo dzi gblɔ bena: Kpɔ danye kple nɔvinyewo ɖa![50] Elabena amesi ke le Fofonye, si le dzi ƒowò, ƒe lɔlɔ̃nu wɔm la, eyae nye nɔvinyeŋutsu, enye nɔvinyenyɔnu, ganye danye hã.

Mateo 19:18-19
[18] Eye wòbena: Kawoe? Yesu gblɔ nɛ bena: Megawu ame o. Megawɔ ahasi o. Megafi fi o; Megaɖi aʋatsoɖase o.[19] Bu fofowò kple dawò, eye nalɔ̃ hawòvi abe wò ŋutɔ ɖokuiwò ene.

Kolosetɔwo 3:13
eye mihe adodo kple mia nɔewo, eye mitsɔ ke mia nɔewo, ne nyaa ɖe le amea ɖe si ɖe amea ɖe ŋuti la, alesi Kristo hã tsɔ ke mii la, miawo hã miwɔ nenema ke!

Galatiatɔwo 6:10
Eyaŋuti esi asinukpɔkpɔ le mía si la, mina míawɔ nu nyui na amesiame, ke vevietɔ na haxɔsetɔwo.

1 Korintotɔwo 15:33-34
[33] Migana woable mi o! Habɔbɔ vɔ̃wo gblẽa nuwɔna nyuiwo.[34] Mizu mo xexee tɔwo vavã, eye migawɔ nuvɔ̃ o! Elabena simadzemadze Mawu le amea ɖewo me; ŋukpedodo mi ta megblɔe ɖo.

Lododowo 18:24
Xɔlɔ̃ geɖe dzedze aʋlie; ke xɔlɔ̃a ɖewo kuna ɖe ame ŋu wu ame nɔvi gɔ̃ hã.

Psalmowo 133:1
Dawid ƒe mɔzɔha. Kpɔ ɖa, aleke mehenyo, eye wòvivinae, ne nɔviwo le afi ɖeka!

Lododowo 17:17
Xɔlɔ lɔ̃a ame ɣesiaɣi, eye wòtrɔna dzɔa ame nɔvi le hiã me.

Lododowo 22:6
Mia ɖevi ɖe mɔ, si wòato la ŋu, ne eve tsi la, mate ɖa le edzi o.

2 Mose 20:12
Bu fofowò kple dawo, bena nanɔ agbe didie le anyigba, si Yehowa, wò Mawu, ana wò la dzi.

Yosua 24:15
Ke ne Yehowa subɔsubɔ medze mia ŋu o la, ekema mitia, amesi subɔ ge míala, egbea: eɖanye mawu, siwo mia fofowo subɔ le tɔsisi la godo, alo Amoritɔ, siwo ƒe anyigba dzi miele la, ƒe mawuwo o. Ke mía kple nye aƒe ya miasubɔ Yehowa!

Lododowo 12:26
Ame dzɔdzɔe tsaa ŋu na eƒe lãnyiƒe; ke ame vɔ̃ɖiwo ƒe mɔ kplɔa wo tranae.

5 Mose 6:6-7
[6] Eye nya, siwo megblɔ na wò egbe la, natsi dzi me na wò.[7] Ku wo ɖe to me na viwòwo, eye naƒo nu le wo ŋu, ne èbɔbɔ nɔ aƒewò me, alo nèle mo dzi, ne èmlɔ anyi, alo nèfɔ.

Yesaya 49:15-16
[15] Ɖe nyɔnu aŋlɔ eƒe vidzie be, eye eƒe dɔme agbe tɔtrɔ ɖe eƒe dɔmevi ŋua? Ne woawo ŋlɔe be hã, nyea nyemaŋlɔ wò be o![16] Kpɔ ɖa, meŋlɔ wò ɖe nye asi ŋu, wò gliwo le ŋkunye me ɖaa.

Psalmowo 103:17-18
[17] Ke Yehowa ƒe amenuveve li tso mavɔ me yi mavɔ me na amesiwo vɔ̃nɛ, eye eƒe dzɔdzɔenyenye li na viwo ƒe viwo,[18] na amesiwo léa eƒe nubabla me ɖe asi, eye woɖoa ŋu eƒe seawo, ne woawo wo dzi.

Lododowo 17:6
Amegã ɖeɖi ƒe fiakuku enye viawo ƒe viwo, eye viwo ƒe atsyɔ̃ enye wo fofowo.

Psalmowo 127:3-5
[3] Kpɔ ɖa, ŋutsuviwo nye domenyinu tso Yehowa gbɔ, eye fufɔfɔ enye fetu.[4] Alesi aŋutrɔwo le kalẽtɔ sii la, nenema nye ɖekakpui me viŋutsuwo.[5] Woayra ŋutsu, si wole daku me na taŋ. Ŋu makpe wo o, ne woa kple futɔwo kpe nya le agboa nu.

Lododowo 17:9
Amesi ɖia dziɖaɖa ɖe to me la, ele lɔlɔ̃ dim, ke amesi hea nya xoxo ɖe go la, klãa xɔlɔ̃wo dome.

Lododowo 6:20
Vinye, dzra fofowò ƒe sedede do, eye megagblẽ dawò ƒe nufiame ɖi o.

Lododowo 27:6
Xɔlɔ̃ ƒe abidede ame ŋu medze vɔ̃ o; ke ketɔwo ƒe nugbugbɔ sɔ gbɔ ŋutɔ!

1 Korintotɔwo 15:33
Migana woable mi o! Habɔbɔ vɔ̃wo gblẽa nuwɔna nyuiwo.

Lododowo 23:24
Ame dzɔdzɔe fofo tsoa aseye, eye ne amea ɖe dzi vi nyanu la, ekpɔa dzidzɔ le eŋu.

1 Fiawo 8:57
Yehowa, mía Mawu, nenɔ kpli mí, abe alesi wònɔ kple mia fofowo ene, megagblẽ mí ɖi o, eye megagbe mí o;

Luka 11:13
Azɔ mí, amesiwo nye ame vɔ̃ɖiwo, mienya alesi miana nunana nyui mia viwo, ʋuu keke Fofo, si le dziƒo la, mana Gbɔgbɔ kɔkɔe amesiwo bianɛ la o mahã? Yesu he nya ɖe farisitɔ, siwo di bena, yewoado vloe bebia dzesi tso dziƒo la ŋuti.

Lododowo 23:15
Vinye, ne wò dzi dze nunya la, ekema nye hã nye dzi akpe dzidzɔ,

Psalmowo 55:12-14
[12] Gbegblẽ le eme, eye ŋutasesẽ kple amebaba mete ɖa le eƒe abla me o.[13] Ɖe wonye nye futɔe le vlo domem la, anye ne mado dzi atsɔe; ɖe wònye nye ketɔe le asi tɔm akɔ ɖe ŋunye la, anye ne mesi abe le enu.[14] Ke boŋ amegbetɔ, si mía kplii míele tasɔsɔ ɖeka me lae, xɔ̃nye kple nye ame nyanyɛ,

Lododowo 27:17
Alesi wotsɔa ga nyrea gae la, nenema ame nyrea nɔviae.

Ewe Bible 1913
Public Domain