A A A A A

Life: [Animals]


1 Mose 1:21
Eye Mawu wo ƒumelã klitsuwo kple nu gbagbe, siwo katã tana, eye woʋãna le tsia me, hamehame, kple xe, siwo katã dzona. Eye Mawu kpo bena enyo.

1 Mose 1:30
ke gbewo kple amagbewo katã nanye nuɖuɖu na anyigba dzi lãwo katã kple dziƒoxe dzodzoewo katã kple nusiwo katã tana, siwo me agbe le, le anyigba dzi. Eye wòva me nenema.

Yakobo 3:7
Elabena womla lã wɔadãwo kple xeviwo kple nutatawo kpakple ƒumelãwo ƒe dzɔdzɔme, eye amegbetɔ ƒe dzɔdzɔme mia wo,

Yeremia 8:7
Damixe le dziƒo te hã nya eƒe azã, eye akpakpa, sagbadre kple tsalɛ dzea si woƒe gbɔgbɔɣi; ke nye dukɔ menya Yehowa ƒe ɖoɖowo o.

Hiob 35:11
amesi fia nu mi wu anyigba dzi lãwo, eye wòde nunya tagbɔ na mí wu dziƒoxewo la le o.

Luka 3:6
Eye ŋutilã katã akpɔ Mawu ƒe xɔxɔ la.

Luka 12:24
Mibu akpaviãwo ŋu bena, womeƒãa nu, alo ŋea nu o, eye nudzraɖo ƒe alo ava mele wo si o, ke Mawu nyia wo; miawo la mia tɔ vena wua xewo tɔ.

Mateo 6:26
Mikpɔ dziƒoxeviwo ɖa, womeƒãa nu o, womeŋea nu hã o, eye womeƒoa nuwo ƒu ɖe avawo me hã o, ke mia Fofo, si le dziƒo la, nyia wo. Alo ɖe mia tɔ mevena wua woawo to o mahã?

Lododowo 12:10
Ame dzɔdzɔe sea veve na eƒe lãwo ti; ke dzi kplala li na ame vɔ̃diwo.

Psalmowo 104:21
Dzataviwo le xɔxlɔ̃m ɖe nuléle ŋu, eye wobiaa woƒe nuɖuɖu tso Mawu si me.

1 Mose 2:19-20
[19] Tete Yehowa Mawu tsɔ anyi mè gbemelãwo katã kple dziƒoxe dzodzoewo katã, eye wòkplɔ wo va amea gbɔe, be yeakpɔ alesi wòayɔ woe; eye alesi ame la yɔ nu gbagbeawoe la, nenema anye woƒe ŋkɔ.[20] Eye ame la tsɔ ŋkɔ na aƒemelãwo katã kple dziƒoxe dzodzoewo kpakple gbemelãwo katã; ke amea ya mekpɔ kpeɖeŋutɔ, si asɔ nɛ o.

1 Mose 9:2-3
[2] Metsɔ anyigba dzi lãwo katã kple dziƒoxe dzodzoewo katã kple nusiwo katã tana le anyigba dzi, kple tɔmelãwo katã de asi na mi, eye mianye vɔvɔ̃ kple ŋɔdzi na wo.[3] Nu gbagbe, siwo katã ʋãna, nenema nu siawo katã metsɔ na mi, bena woanye miaƒe nuɖuɖu abe amagbewo ke ene.

1 Mose 1:24-28
[24] Eye Mawu gblɔ bena: Nu gbagbewo nedo tso anyigba me hamehame, aƒemelãwo kple nu tatawo kple gbemelãwo hamehame![25] Ale Mawu wɔ gbemelãwo hamehame, aƒemelãwo hamehame kple lã, siwo katã tana le anyigba dzi hamehame. Eye Mawu kpɔ bena enyo.[26] Eye Mawu gblɔ be: Mine míawɔ ame ɖe míaƒe nɔnɔme, woaɖi mí, eye wòaɖu ƒumelãwo, dziƒoxe dzodzoewo, aƒemelãwo kple gbemelãwo katã kpakple lã, siwo katã tana le anyigba dzi la dzi![27] Eye Mawu wɔ ame ɖe ye ŋutɔ ƒe nɔnɔme, Mawu ƒe nɔnɔme nue wòwɔe ɖo; ŋutsu kple nyɔnu wòwɔ.[28] Eye Mawu yra wo, eye Mawu gblɔ na wo bena: Midzi, ne miasɔ gbɔ, eye miayɔ anyigba la dzi, eye mianye agbo ɖe edzi, miaɖu ƒumelãwo kple dziƒoxe dzodzoewo kple lã, siwo katã zɔna le anyigba dzi la dzi!

Lododowo 6:6-8
[6] Wo kuviatɔ, yi anyidi gbɔ, kpɔ eƒe nuwɔna ɖa, eye nadze nunya![7] Esi amegã, dzikpɔla kple dziɖulaa ɖeke mele esi o hã la,[8] eƒoa eƒe abolo le dzomeŋɔli, eye wòtua eƒe nuɖuɖu ɖo le nuŋeɣi.

Psalmowo 8:6-9
[6] Esusɔ vie, nena wòsɔ kple Mawu kloe, eye netsɔ bubu kple ŋutikɔkɔe ɖɔ nɛ.[7] Etsɔe ɖo wo asinudɔwɔwɔwo nu, eye netsɔ nuwo katã ɖe eƒe ato te:[8] alẽwo kple nyiwo siaa hekpe ɖe gbemelãwo hã ŋu,[9] dziƒoxeviwo kple ƒumelãwo kpakple nusianu, si zɔa atsiaƒu me.

Hiob 12:7-10
[7] Ke bia lãwo se, eye woafia nu wò, kple dziƒoxewo: eye woagblɔe na wo,[8] kpakple anyigba dzi nutatawo, eye woafia nu wò, eye ƒumelãwo atoe na wò.[9] Amekae medze sii le nusiawo katã ŋu be, Yehowa ƒe asie wɔ nusiawo oa?[10] Eya, amesi si me nu gbagbewo katã ƒe luʋɔ kple amegbelɔwo katã ƒe ŋutilã ƒe gbɔgbɔ le!

Yesaya 11:6-9
[6] Amegãxi ana alẽvi gbɔ, lãkle atsyɔ akɔ ɖe gbɔ̃vi gbɔ, nyivi, dzata kple nyi dami woana wo nɔewo gbɔ, eye ŋutsuvi suea ɖe akplɔ wo.[7] Nyinɔ kple sisiblisinɔ woaɖu gbe, eye wo viwo atsyɔ akɔ ɖe afi ɖeka. Dzata aɖu gbe abe nyi ene.[8] Ɖevi nono ate le ƒli ƒe do nu, eye ɖevi, si ɖi no la, aƒo asi ɖe dakpui ƒe do me.[9] Womawɔ vɔ̃a ɖeke o, eye womahe gbegblẽ ava nye tonyigba kɔkɔe blibo la dzi o, elabena sidzedze Yehowa xa anyigba la dzi, abe alesi tsi yɔ atsiaƒu me ene.

Nyagblɔla Salomo 3:18-21
[18] Megblɔ le nye dzi me bena. Amegbetɔviwo ta esia va me do, ne Mawu naɖo wo akpa, eye ne woadze sii be, lãwo yewonye.[19] Elabena nya ɖeka tɔgbe dzɔna de amegbetɔviwo kple lãwo siaa dzi; alesi esiawo kunae la, nenema ke ekemeawo hã kunae, gbɔgbɔ ɖekae le wo katã si, eye amegbetɔ mexɔ asi wu lã o; elabena wo katã tofloko wonye.[20] Wo katã woyina teƒe ɖeka; anyi me wo katã wotso, eye anyi wo katã woagazu.[21] De amea de nyae be, amegbetɔviwo ƒe gbɔgbɔ yia dzi, eye lãwo ƒe gbɔgbɔ yia anyi me loo?

Psalmowo 148:7-12
[7] Mikafu Yehowa tso anyigba dzi, mi bosowo kple tɔ goglowo katã,[8] mi dzo kple dzikpe, sno kple adzudzɔ kpakple ahom, si wɔa eƒe gbe dzi;[9] mi towo kple togbɛwo katã afi tsekuwo kple sedertiwo katã;[10] mi gbemelãwo kple aƒemelãwo kalã kpakple xevi dzogoewo;[11] mi anyigba dzi fiawo kple dukɔwo katã, amegãwo kple anyigba dzi ʋɔnuɖrɔ̃lawo katã,[12] ɖekakpuiwo kple ɖetugbiwo siaa, amegã ɖeɖiwo kple ɖeviwo!

Ewe Bible 1913
Public Domain