A A A A A

Good Character: [Courage / Brave]


1 Kronika 28:20
Eye Dawid gblɔ na via Salomo bena: Sẽ ŋu, eye lé dzi ɖe ƒo, eye na wòe aɖe goe; megavɔ̃ o, eye dzika megatso ƒowò o; elabena Yehowa Mawu, nye Mawu, li kpli wo, maɖe asi le ŋuwò o, eye magblẽ wò ɖi o, vaseɖe esime na wu Yehowa ƒe aƒe la ƒe dɔwo katã nu!

1 Korintotɔwo 15:58
Eyata, nɔvinye lɔlɔ̃tɔwo, minɔ te sesĩe, maʋãmaʋã, eye migba go ɖaasi le Aƒetɔ la ƒe dɔwɔwɔ me, esi mienyae bena, miaƒe agbagbadzedze menye dzodzro le Aƒetɔ la me o ŋuti la.

5 Mose 31:6-8
[6] Milé dzi ɖe ƒo, eye misẽ ŋu, migavɔ̃ o, eye womegadzi ŋɔ na mi o, elabena Yehowa, wò Mawu ŋutɔ le yiyim le mia dome, maɖe asi le ŋuwò o, eye magblẽ wò ɖi o[7] Eye Mose yɔ Yosua hegblɔ nɛ le Israel blibo la ŋku me bena: Lé dzi ɖe ƒo, eye sẽ ŋu, elabena wòe le dukɔ sia kplɔ ge ayi anyigba, si ŋu Yehowa ka atam ɖo na wo fofowo be, yeatsɔ na wo la dzi, eye wòe le emã ge na wo.[8] Yehowa ŋutɔ adze ŋgɔ-wò, eye wòanɔ anyi kpli wò, maɖe asi le ŋuwò o, eye magblẽ wò ɖi o; megavɔ̃ o, eye ŋɔ megadzi wò o.

Efesotɔwo 6:10
Mlɔeba la, nɔvinyewo, mise ŋu le Aƒetɔ kple eƒe ŋusẽ ƒe ŋutete la me!

Yesaya 54:4
Megavɔ̃ o, elabena ŋu makpe wò o; wò mo megatsi da o, elabena ŋukpe malé wò o. Elabena àŋlɔ wò ɖetugbime ŋukpe be, eye màɖo ŋu wò ahosinyenye me vlododo o.

Yohanes 14:27
Ŋutifafa gblẽm mele ɖi na mi; nye ŋutifafa tsɔm mele na mi; menye alesi xexeame nana la, nye la mele mia nam o. Miaƒe dzi nagaʋuʋu nyanyanya o, eye dzika hã nagatso mia ƒo o!

Psalmowo 27:1
Dawid tɔ. Yehowa enye nye kekeli kple nye xɔname, ameka mavɔ̃? Yehowa enye mɔ̃ na nye agbe, ameka adzi ŋɔ nam?

Psalmowo 56:3-4
[3] Nye ketɔwo lɔ gbɔgbɔtsixe ɖe ƒo ɖaa; eye amesiwo tsɔ dada le aʋa wóm kplim la, sɔ gbɔ ŋutɔ.[4] Ne vɔvɔ̃ ɖom la, meɖoa ŋu ɖe ŋuwò.

2 Timoteo 1:7
Elabena Mawu mena vɔvɔ̃gbɔgbɔ mi o, ke boŋ ŋusẽ-kple lɔlɔ̃-kpakple ɖokuidziɖuɖugbɔgbɔe wòna mí.

Yosua 1:9-11
[9] Menye ɖe meɖe se na wò be, lé dzi ɖe ƒo, eye nasẽ ŋu, ŋɔ megadzi wò o, eye dzidzi megaƒo wò oa? Elabena Yehowa, wò Mawu la, li kpli wò le afisiafi, si nayi ɖo.[10] Tete Yosua ɖe se na dukɔ la dzikpɔlawo bena:[11] Mitsa le asaɖa lãme, ne miade se na dukɔ la bena: Midzra mɔ dzi nuɖuɖu ɖo, elabena ŋkeke etɔ̃ megbe la miele Yordan sia tso ge ayi aɖaxɔ anyigba, si Yehowa, mia Mawu be, yeatsɔ na mi wòanye mia tɔ la.

Yesaya 41:10-13
[10] megavɔ̃ o, elabena meli kpli wò; ŋɔ megadzi wò o, elabena nyee nye wò Mawu, mali ke wo, makpe ɖe ŋuwò, eye matsɔ nye xoname ƒe nuɖusi alé wò.[11] Kpɔ ɖa, ŋukpe kple vlododo ava amesiwo katã do dɔmedzoe ɖe ŋuwò la dzi, wò ketɔwo atsrɔ̃, eye wo nu ayi.[12] Àdi amesiwo le dzre wɔm kpli wò la, ke mãkpɔ wo o, amesiwo le aʋa wɔm kpli wò la, azu tofloko agazui ɖe dzi.[13] Elabena nye Yehowa, wò Mawu, amesi le gbɔgblɔm na wò be, megavɔ̃ o, makpe ɖe ŋuwò lae lé wò nuɖusi ɖe asi.

1 Korintotɔwo 16:13
Minɔ ŋudzɔ, minɔ tsitre le xɔse me, miwo ŋutsu, eye mise ŋu!

Psalmowo 27:14
Kpɔ mɔ na Yehowa, se ŋu, eye nalé dzi ɖe ƒo! E, kpo mɔ na Yehowa!

Lododowo 3:5-6
[5] Ɖo ŋu ɖe Yehowa ŋu tso dzi blibo me, ke megaɖo dzi ɖe wò gɔmesese ŋu o.[6] Le ŋku ɖe eŋu le wò mɔwo katã dzi, ekema ata mɔ na wò.

Psalmowo 23:1-4
[1] Dawid ƒe ha. Yehowa enye kplɔlanye, naneke mehlãam o.[2] Lãnyiƒe damawo wona metsyɔ akɔ ɖo; gbɔɖemeƒe tɔwo nu wòkplɔm yii.[3] Ena nye luʋɔ gbɔ de eme, ekplɔm to toƒe dzɔdzɔewo le eƒe ŋkɔ la ta.[4] Ne mezɔ bali doblukɔ tsiɖitsiɖi me hã, nyemavɔ̃ dzɔgbevɔ̃ea ɖeke o, elabena wòe le gbɔnye; wò atikplɔ kple wò atizɔti faa akɔ nam.

Marko 5:36
Ke esi Yesu se nya, si gblɔm wole la, egblɔ na ƒuƒoƒemegã la bena: Megavɔ̃ o, xɔ se ko.

Filipitɔwo 1:28
eye migaɖi vo le naneke me le miaƒe adikãtɔwo ŋuti o, esi nye gbegblẽ ƒe dzesi na wo, ke miawo la agbexɔxɔ ƒe dzesi wònye na mi, eye esia tso Mawu gbɔ;

Psalmowo 112:7
Nya vɔ̃ sesea ɖeke madzi ŋɔ nɛ o, eƒe dzi dzea eme, eye wòɖoa dzi ɖe Yehowa ŋu.

Yosua 1:6
Lé dzi ɖe ƒo, eye nasẽ ŋu, elabena wòe amã anyigba, si ŋu meka atam ɖo na wo fofowo bena, matsɔe na wo la, na dukɔ sia.

Psalmowo 31:24
Milɔ̃ Yehowa, mi eƒe ame kɔkɔewo katã; Yehowa kpɔa anukwaretɔwo ta, ke eɖoa teƒe na dadalawo wòsɔa gbɔ.

Ewe Bible 1913
Public Domain