A A A A A

Good Character: [Confidence]


1 Yohanes 4:17
Esia me lɔlɔ̃ la zu blibo le mía gbɔ le, bena dzideƒo nanɔ mía si le ʋɔnudrɔ̃gbe; elabena alesi eyama le la, nenema ke míawo hã míele le xexe sia me.

1 Yohanes 5:14
Eye dzideƒo, si le mía si le egbɔ la, enye esi bena, ne míebia nane le eƒe lɔlɔ̃nu la, aɖo to mí.

2 Kronika 32:8
Eya la amegbetɔ ƒe abe li kplii, ke miawo la Yehowa, mia Mawu lae, li kpli mi, ne woakpe ɖe mia ŋu, eye wòawɔ miaƒe aʋawo. Tete dukɔ la ɖo ŋu ɖe Yuda-fia Xizkiya ƒe nyawo ŋu.

Efesotɔwo 3:12
amesi me miekpɔ dzideƒo kple mɔnu le dziɖoɖo ɖe eŋu me to eyama dzixɔxɔse me.

Hebritɔwo 4:16
Eyata minɛ miatsɔ dzideƒo ate va eƒe amenuvevezikpui la gbɔ, bene míaƒe asi nasu nublanuikpɔkpɔ dzi, eye míakpɔ amenuveve hena mía xɔxɔ le hiahiãgbe.

Yesaya 32:17
dzɔdzɔenyenye ƒe dɔwɔwɔ anye ŋutifafa, eye dzɔdzɔenyenye ƒe viɖe anye gbɔdzɔe kple dziɖeɖi tegbee.

Yeremia 17:7
Woayra ŋutsu, si ɖoa dzi ɖe Yehowa ŋu, ame ƒe nu ɖoŋuɖeŋua enye Yehowa!

Nexemya 6:16
Esime míate futɔwo katã see la, vɔvɔ̃ ɖo dukɔ, siwo katã ƒo xlã mi godoo va kpe la, eye dzi ɖe le wo ƒo, eye wodze sii bena, mía Mawu gbɔ ɖɔ sia tso wowɔ.

Filipitɔwo 1:6
esia ke ŋuti meɖoa ŋu ɖo bena, amesi dze do nyui wɔwɔ gɔme le mia me la, eya ke awu enu vaseɖe Yesu Kristo ƒe ŋkeke la dzi,

Filipitɔwo 4:13
Metea ŋu wɔa nuwo katã le Kristo, amesi doa ŋusẽm la me.

Lododowo 3:26-32
[26] Elabena Yehowa ye nye wò ŋuɖoɖeŋutɔ, eye wòakpɔ wò afɔ dzi tso mɔ̃ me.[27] Megãte nu nyui hiãtɔ, nenye be ŋutete le ŋuwò na ewɔwɔ o.[28] Ne ele asiwò la, megagblɔ na hawòvi be: „Heyi, ne nagava, etsɔ hã mana wò“ o![29] Megabu vɔ̃ ɖe hawòvi ŋu, esime wòɖe dzi ɖi le gbɔwò o.[30] Megawɔ dzre kple amea ɖeke yakatsyɔ, ne mewɔ vɔ̃a ɖeke wò o.[31] Megaʋã ŋu sesẽnuɖula o, eye eƒe mɔã ɖeke megadze ŋuwo o.[32] Elabena godzela enye ŋunyɔ na Yehowa, ke tsi metoa eya kple dzime dzɔdzɔe tɔ domee o.

Psalmowo 20:7
Azɔ menyae be, Yehowa xɔna na eƒe amesiamina la, eye wòtsɔa eƒe nuɖusi ƒe nutsuwɔwɔ, siwo xɔna na ame la, tɔna nɛ tso eƒe dziƒo kɔkɔe la.

Filipitɔwo 3:3-5
[3] Elabena mi amesiwo subɔa Mawu le gbɔgbɔ me la, miawoe nye aʋatsotso vavãtɔ la, eye míeƒoa adegbe le Kristo Yesu me, eye míeɖoa dzi ɖe ŋutilã ŋuti o.[4] Wònye nye la ŋuɖoɖo ɖe ŋutilã ŋu gɔ̃ hã anɔ asinye hafi, ne ame bubua ɖe bu bena, yeate ŋu aɖo dzi ɖe ŋutilã ŋuti la, nye la mewui;[5] Ŋkeke enviagbe wotso aʋa nam, metso Israel dukɔ la me, tso Benyamin ƒe to la me, Hebritɔ tso Hebritɔwo me; le sea nu la farisitɔ menye;

2 Korintotɔwo 3:1-4
[1] Ɖe míegade asi mia ɖokui kafukafu mea? Alo ɖe ehiã mi, abe amea ɖewo ene bena, miatsɔ kafukafugbalẽ vɛ na mi alo miaxɔ kafukafugbalẽ le mia si mahã?[2] Miawoe nye míaƒe agbalẽ, si woŋlɔ ɖe miaƒe dziwo me, si amewo katã nya, eye woxlẽnɛ;[3] elabena edze ƒã bena, míenye Kristo ƒe agbalẽ, si wotsɔ míaƒe subɔsubɔdɔ wɔe, si wometsɔ agbalẽŋlɔtsi ŋlɔe o, ke boŋ Mawu gbagbe ƒe Gbɔgbɔ lae wotsɔ ŋlɔe; womeŋlɔe ɖe nuŋlɔkpewo dzi o, ke ɖe nuŋlɔkpe, siwo nye ŋutilã ƒe dziwo la dzi boŋ.[4] Ke dziɖoɖo ɖe Mawu ŋu sia le mia si to Yesu dzi:

Ewe Bible 1913
Public Domain