A A A A A

Church: [Worship]


2 Kronika 16:23-31
[23] Wotso Yehowa ƒe segbalẽ la ɖe asi, eye wofia nu le Yuda, wotsa le Yuda-duwo katã me, eye wofia nu dukɔ la.[24] Tete Yehowa ƒe ŋɔdzi dze anyigba dzi fiaɖuƒe, siwo katã ƒo xlã Yuda godoo la dzi, ale be womewɔ aʋaa ɖeke kple Yosafat o.[25] Filistitɔwo dometɔa ɖewo tso nunanawo kple klosalo geɖe vɛ na Yosafat, eye Arabiatɔwo hã tsɔ agbo akpe adre kple alafa adre kpakple gbɔ̃tsu akpe adre kple alafa adre vɛ ne.[26] Eye Yosafat le gã zum ɖe dzi ɖaa ŋutɔ, etu mɔwo, eye wòtso nudzraɖoƒeduwo ɖe Yuda.[27] Edzra nuɖuɖu geɖe ɖo ɖe Yuda-duwo me, eye ŋutsu aʋawɔla kalẽtɔwo le esi le Yerusalem.[28] Woƒe amesiwo wotia xlẽ la, wonye esi le woƒe aƒekɔwo nu: Ame akpewo ƒe tatɔ, siwo tso Yuda, wonye: Amegã Adna, ŋutsu kalẽtɔ akpe alafa etɔ̃ te eŋu;[29] amesi kpe ɖe eŋu, enye amegã Yoxanan, ame akpe alafa eve blanyi le eŋu;[30] eye amesi kpe ɖe eŋu, enye Amasya, Zixri vi, amesi tso eɖokui na Yehowa faa, ŋutsu kalẽto akpe alafa eve le eŋu.[31] Esiwo tso Benyamin, wonye: Ŋutsu kalẽtɔ Elyada, ame akpe alafa eve le eŋu, amesiwo kplaa dati kple akpoxɔnu;

Daniel 2:20
Eye Daniel xɔ edzi gblɔ bena; Woakafu Mawu ƒe ŋkɔ tso mavɔ me yi ɖe mavɔ me, elabena etɔe nye nunya kple ŋusẽ.

5 Mose 10:21
Eya nye wò kafukafu kple wò Mawu, si wo nu gã dziŋɔwo, esiwo nèkpɔ kple ŋku la na wò.

Yeremia 20:13
Midzi ha na Yehowa, mikafu Yehowa, elabena eɖe hiãtɔ ƒe agbe tso ame vɔ̃ɖiwo si me!

Psalmowo 75:1
Megagblẽ nu o! Hadzidzi, Asaf ƒe ha na henɔ la.

2 Mose 20:2-6
[2] Nyee nye Yehowa wò Mawu, si kplɔ wò tso kluvinyenyeƒe me le Egipte-nyigba dzi.[3] Mawu bubua ɖeke megunɔ asiwò kpe ɖe ŋunye o.[4] Megawɔ legbaa ɖeke na ɖokuiwò o. Megawɔ nusiwo le dziƒo, alo nusiwo le anyigba dzi, alo nusiwo le tsi me le anyigba te la, ƒe nɔnɔme o.[5] Megade ta agu na wo o, eye megasubɔ wo o, elabena nye Yehowa, wò Mawu la, Mawu ʋãŋu menye, amesi ɖoa fofowo ƒe vodada teƒe na ɖevi, siwo léa tum la, vaseɖe dzidzime etɔ̃lia kple enelia dzi;[6] ke mevea ame akpe nane, siwo lɔ̃am, eye wowɔa nye seawo dzi la nu.

Yohanes 4:21-24
[21] Yesu gblɔ nɛ bena: Nyɔnu, xɔm se bena, gaƒoƒo gbɔna, esi menye to sia dzi alo Yerusalem miado gbe ɖa na Fofo la le o.[22] Miawo la miedoa gbe ɖa na nusi mienya o; miawo la miedoa gbe da na nusi mienya; elabena xoxo la tso Yudatɔwo gbɔ.[23] Gake gaƒoƒo gbɔna, eye wòde azɔ, esi nyateƒegbedoɖalawo ado gbe ɖa na Fofo la le gbɔgbɔ kple nyateƒe me; elabena Fofo la dia gbeɖoɖala siawo tɔgbe.[24] Mawue nye Gbɔgbɔ, eye amesiwo le gbe dom ɖa nɛ la, ele be, woado gbe ɖa le gbɔgbɔ kple nyateƒe me.

Psalmowo 99:1-9
[1] Yehowa enye fia, dukɔwo dzo nyanyanya; ebɔbɔ nɔ Kerubiwo dzi, anyigba ʋanya.[2] Yehowa lolo le Zion, eye wòɖo kpo de dukɔwo katã dzi.[3] Woakafu wò ŋkɔ, elolo, ŋɔdzi le eŋu, eye wòle kɔkɔe.[4] Eli ŋusẽ anyi na fia, si lɔ̃a nu dzɔdzɔe la, eye nedo nusi dzɔ la te; ena ʋɔnudɔdrɔ̃ kple dzɔdzɔenyenye dzi le Yakob.[5] Mido Yehowa, mía Mawu la, de dzi, eye mide ta agu ɖe eƒe afɔɖodzinu ŋgɔ! Eyama le kɔkɔe.[6] Mose kple Aron le eƒe nunɔlawo dome eye Samuel le amesiwo yɔa eƒe ŋkɔ la dome. Woyɔ Yehowa, eye wòɖo to wo.[7] Enɔ alilikpo dodo me ƒo nu kpli wo, wolé eƒe sewo me ɖe asi, eye wòde ɖoɖo asi na wo.[8] Yehowa, mía Mawu, èɖo to wo; Mawu, si tsɔna kena, nènye na wo, eye nèbiaa hlɔ̃ ɖe woƒe nu masɔmasɔ wɔwɔwo la.[9] Mido Yehowa, mía Mawu la, ɖe dzi, eye mide ta agu ɖe eƒe to kɔkɔe la ŋgɔ, elabena Yehowa, mía Mawu la, le kɔkɔe!

5 Mose 29:18
amesi ase fiƒodenya siawo avɔ tso, ade dzi ƒo na eɖokui agblɔ le eƒe dzi me bena; ne mese dzime le yiyim hã, ŋunye afa o, bena ne womagatsrɔ̃ amesi ɖi ko kple amesi tsikɔ le wuwum la siaa o.

Romatɔwo 12:1-2
[1] Azɔ mexlɔ̃ nu mi, nɔviwò, to Mawu ƒe dɔmetɔtrɔ me bena, miatso miaƒe ŋutilãwo awɔ vɔsasa gbagbe, si ŋuti ko, si dze Mawu ŋu, esi anye miaƒe mawusubɔsubɔ gbɔgbɔmetɔ.[2] Eye migana miaƒe anyinɔnɔ naɖi xexe sia me o, hafi mitrɔ miaƒe nɔnɔme to miaƒe tamesusu ƒe yeyewɔwɔ me boŋ, bene miadzro nusi nye Mawu ƒe lɔlɔ̃nu, si nyo, eye wòdzea eŋu nyuie, eye wòle blibo la me akpɔ.

1 Samuel 15:22
Tete Samuel gblɔ bena: A, numevɔsawo kple akpedavɔsawoe dzea Yehowa ŋu wu toɖoɖo Yehowa ƒe gbea? Kpɔ ɖa, toɖoɖo nyo wu vɔsa, eye nusese nyo wu agbo ƒe ami

Nyaɖeɖefia 4:8-11
[8] Eye aʋala ade li na nu gbagbe eneawo dome ɖesiaɖe, eye ŋkuwo yɔ wo ŋuti kple wo me fũ, eye womekpɔ dzudzɔ zã kple keli o hele gbɔgblɔm bena: Kɔkɔe, kɔkɔe, kɔkɔe nye Aƒetɔ, Mawu ŋusẽkatãtɔ, amesi nɔ anyi, eye woli, eye wòle vava ge la![9] Eye ne nu gbagbeawo le ŋutikɔkɔe kple bubu kple akpedada tsɔm na amesi bɔbɔ nɔ fiazikpui la dzi, amesi le agbe tso mavɔ me yi ɖe mavɔ me la,[10] ekema amegã xoxo blave vɔ eneawo tsyɔa mo anyi ɖe amesi bɔbɔ nɔ fiazikpui dzi la ƒe ŋku me, eye woɖea ta agu na amesi le agbe tso mavɔ me yi ɖe mavɔ me, eye wotsɔa woƒe fiakukuawo dana de fiazikpui la ŋgɔ henɔa gbɔgblɔm bena:[11] Mía Aƒetɔ kple mía Mawu, wòe dze be, naxɔ ŋutikɔkɔe kple bubu kple ŋusẽ; elabena wòe wɔ nuwo katã, eye wò lɔlɔ̃nu ta woli, eye wowɔ wo ɖo.

Yesaya 29:13
Eyata ale Aƒetɔ la gblɔ esi: Esi dukɔ sia te va kple woƒe nu, eye wotsɔ woƒe nuyiwo de bubu ŋunye, ke woƒe dzi le adzɔge tso gbɔnye, eye woƒe vɔvɔ̃ nam nye amegbetɔwo ƒe ɖoɖo, siwo wosrɔ̃ ko la,

Psalmowo 29:1-11
[1] Dawid ƒe ha. Mi mawuviwo, mitsɔbubu kple ŋusẽ na Yehowa, Yehowa ye míatsɔe na![2] Mitsɔ Yehowa ƒe ŋkɔ ŋu bubu nɛ; mide ta agu na Yehowa le atsyɔ̃ɖoɖo kɔkɔe me[3] Yehowa ƒe gbe di ɖe tsiwo dzi; bubu ƒe Mawu la ɖe gbe, Yehowa ɖe gbe ɖe tsi gãwo dzi.[4] Yehowa ƒe gbe ɖi kple ŋusẽ, Yehowa ƒe gbe ɖi le ŋutikɔkɔe me.[5] Yehowa ƒe gbe ŋe seɖertiwo, ẽ, Yehowa ŋe Libanon ƒe sedertiwo.[6] Ena woti kpo abe nyivi ene, Libanon kple Sirion abe tòvi ene.[7] Yehowa ƒe gbe ke dzo mia.[8] Yehowa ƒe gbe na gbedzi ʋuʋu, Yehowa na Kades-gbedzi ʋuʋu.[9] Yehowa ƒe gbe na fu ɖu zinɔwo, eye wòkɔ avemetiwo ta; eye nusianu le gbɔgblɔm le eƒe gbeɖoxɔ me be: Bubu![10] Yehowa bɔbɔ nɔ anyi gli ɖe tɔɖɔɖɔ dzi; Yehowa bɔbɔ nɔ anyi gli abe fia ene tegbee.[11] Yehowa atsɔ ŋusẽ na eƒe dukɔ; Yehowa atsɔ ŋutifafa ayra eƒe dukɔ!

Hebritɔwo 12:28-29
[28] Eyata esi míexɔ fiaɖuƒe, si meʋuʋuna o la, mina míada akpedada, si me miato asubɔ Mawu wòadze eŋu, hekpe ɖe mawusosroɖa kple evovo ŋuti.[29] Elabena mía Mawu hã nye dzo, si fiãa nu.

Nexemya 9:5-6
[5] Eye Lewi-viwo, siwo nye Yesua, Kadmiel Bani, Xasabneya, Serebya, Hodiya, Sebanya kple Petanya, wogblɔ bena: Mitso, ne miakafu Yehowa mia Mawu la, tso mavɔ me yi mavɔ me! Mikafu eƒe ŋkɔ kɔkɔe, si ƒo kafukafu kple ŋkɔxɔxɔwo katã ta.[6] Wò ɖeka koe nye Yehowa, wòe wɔ dziƒowo kple dziƒowo ƒe dziƒowo kpakple wo ŋu nuwo katã kple anyigba kple nusiwo katã le edzi, kpakple atsiaƒuwo kple nusiwo katã le wo me la; wòe na agbe wo katã, eye dziƒonuwo le ta dem agu na wò.

Psalmowo 86:9-10
[9] Aƒetɔ, dukɔ, siwo katã nèwɔ la, ava de ta agu na wò, eye woade bubu wò ŋkɔ ŋu.[10] Elabena èlolo, eye nèwɔa nukunuwo; wò ɖeɖe koe nye Mawu.

2 Fiawo 17:38-39
[38] Migayɔ nu, si mebia kpli mi la be o, eye migavɔ̃ mawu bubuwo o,[39] ke boŋ mivɔ̃ Yehowa, mia Mawu la, ne wòaɖe miatso miaƒe futɔwo katã si me.

Psalmowo 100:1-5
[1] Akpedada. Anyigbawo katã, mitso aseye ɖe Yehowa ŋu![2] Misuhɔ Yehowa kple dzidzɔ, eye mitsɔ aseyetsotso do ɖe eŋku me![3] Midze sii be, Yehowa ye nye Mawu! Eyae wɔ mí, eye etɔ míenye, eƒe dukɔ kple alẽwo le eƒe lãnyiƒe míenye.[4] Mitsɔ akpedada ge ɖe eƒe agbowo me kple kafukafuha ge ɖe eƒe xɔxɔnuwo, mida akpe nɛ, eye mikafu eƒe ŋkɔ![5] Elabena Yehowa ƒe dɔme nyo, eƒe amenuveve li tegbee kple eƒe nuteƒewɔwɔ tso dzidzime yi dzidzime.

Daniel 3:16-18
[16] Tete Sadrax, Mesax kple Abed-Nego woɖo ŋu gblɔ ne fia la bena: Nebukadnezar, nya sia ŋuɖoɖo meve mi o.[17] Kpɔ ɖa, mía Mawu, si subɔm míele la, me ŋu aɖe mí tso kpodzo bibi la me, eye wòate ŋu aɖe mi tso wò fia si me.[18] Ke ne menɔ alea o hã la, fia, nyae be, míele wò mawuwo subɔ ge akpɔ gbeɖe o, eye mlaɖo gbe ɖa na sikalegba, si nèli anyi la o.

Nyaɖeɖefia 14:7
eye wòle gbɔgblɔm kple gbe gã bena: Mivɔ̃ Mawu, eye mitsɔ ŋutikɔkɔe nɛ; elabena eƒe ʋɔnudɔdrɔ̃gaƒoƒo la ɖo, eye miɖe ta agu na amesi wo dziƒo kple anyigba kple atsiaƒu kple tsi dzidziwo.

Ewe Bible 1913
Public Domain