A A A A A

Church: [Pentecost]


2 Mose 34:22-43
[22] Ɖu kwasiɖawo ƒe ŋkekenyuie, si enye lu gbãtɔwo ŋeŋe ƒe ŋkekenyuie la; emegbe naɖu avaɖoɖoŋkekenyuie le ƒe la ƒe nuwuwu.[23] Wò ŋutsuwo katã nava Aƒetɔ Yehowa, Israel ƒe Mawu la, ŋku me zi etɔ̃ le ƒe ɖeka me.[24] Manyã dukɔwo le ŋgɔwò, eye makeke wò liƒowo ɖe nu; ke ne èyi Yehowa wò Mawu ƒe ŋku me zi etɔ le ƒe ɖeka me la, wò anyigba madzro amea ɖeke o.[25] Megatsɔ nye vɔsalã ƒe ʋu sa vɔe le afisi amɔwɔ ʋaʋã le o, eye megagblẽ ŋutitotoŋkekenyuie ƒe vɔsalã ɖi ŋu nake ɖe edzi o.[26] Wò agblemenu gbãfa, siwo nèƒã la, natso ava Yehowa, wò Mawu ƒe me. Megaɖa gbɔ̃vi le dada ƒe notsi me o.[27] Eye Yehowa gblɔ na Mose bena: Ŋlɔ nya siawo ɖi; elabena nya siawo dzi mebia nu kpli wò kpakple Israel-viwo ɖo.[28] Eye wono Yehowa gbɔ afima ŋkeke blane kple zã blane sɔŋ, abolo maɖumaɖu kple tsi manomanoe. Eye woŋlɔ nubabla ƒe nya ewoawo ɖe kpeawo dzi.[29] Esi Mose di tso Sinai-toa dzi la, kpe eveawo, siwo dzi sea le la, le esi. Esi Mose ɖi tso toa dzi la, menyae bena, esi wòƒo nu kple ye la, yeƒe mo de asi keklẽ me o.[30] Eye esi Aron kple Israel-viwo katã kpo bena, Mose ƒe mo le keklẽm la, wole vɔvɔ̃m na tete ɖe eŋu.[31] Tete Mese ya wo ɖa, eye Aron kple ameha la fe amegãwo katã gatrɔ va agbo, eye Mose ƒo nu kple wo.[32] Emegbe Israel-viwo katã te va, eye wòde se, siwo katã Yehowa gblɔ nɛ le Sinai-toa dzi la, na wo.[33] Esi Mose ƒo nu kpli wo vo la, etso nu tsyo ŋku me.[34] Eye ne Mose yi Yehowa ƒe ŋku me, be wòaƒo nu kplii la, eɖea nu la le ŋku me, vaseɖe esime wòdoa go; eye ne edo go la, egblɔa se, siwo wode nɛ la, na Israel-viwo.[35] Ke ne Israel-viwo kpɔ Mose ƒe mo wòle keklẽm la, Mose gatsyɔa nu ŋku me, vaseɖe esime wòagayi nu ƒo ge kplii.[36] Eye Mose ƒo Israel-viwo ƒe ha blibo la nu ƒu, eye wogblɔ na wo bena: Esiawo nye se, siwo Yehowa de, be miawɔ la.[37] Ŋkeke ade miawɔ dɔ, ke miaɖu ŋkeke adrelia kɔkɔe, dzudzɔgbee wònye na Yehowa, amesiame, si awɔ dɔ le edzi la, woawui.[38] Migado dzo ɖe miaƒe aƒea ɖeke me le dzudzɔgbe la dzi o.[39] Eye Mose gblɔna Israel-viwo ƒe ha blibo la bena: Ale Yehowa de se gblɔ enye si:[40] Midzɔ nusiwo le mia si la na Yehowa Amesiame, si lɔ tso dzime faa la, nadza nu na Yehowa: sika, klosalo kple akɔbli;[41] aɖabɛ blɔtɔ kple dzĩtɔ ƒe ka, ka dze, ɖeti ɣi kple gbɔ̃fuwo;[42] agbogbalẽ, si wode ama dzi, nyogbalẽ kple xé;[43] akaɖimemi, ami ʋeʋẽe sisia kple dzudzɔdotike ʋeʋẽwo,

5 Mose 16:9-25
[9] Xlẽ kwasiɖa adre; ne wode asi nukuwo xaxa me la, nadze wo xexlẽ gome[10] Emegbe naɖu kwasiɖawo ƒe ŋkekenyuie, eye nana nusi su asiwò la faa, abe alesi Yehowa, wò Mawu, yra wò nèkpɔe ene.[11] Eye mia kple viwòŋutsu kple viwònyɔnu, wò dɔlaŋutsu kple wò dɔlanyɔnu kpakple Lewitɔ, si le wò du me, kple amedzro, tsyɔ̃evi kple ahosi, siwo le dowòme la, miakpɔ dzidzɔ le Yehowa, wò Mawu, ŋku me le teƒe, si Yehowa, wò Mawu, atia be, yeƒe ŋkɔ nano la.[12] Ɖo ŋku dzi be, enye kluvi kpɔ le Egipte; lé ɖoɖo siawo me ɖe asi, eye nawɔ wo dzi.[13] Ne eƒo wò bli kple wò wein nu ƒu vo la, naɖu agbadɔ me nɔnɔ ŋkekenyuie ŋkeke adre sɔŋ,[14] eye mia kple viwòŋutsu kple viwònyɔnu, wò dɔlaŋutsu kple wò dɔlanyɔnu kpakple Lewito kple amedzro, tsyɔ̃evi kple ahosi, siwo le wò duwo me la, miakpɔ dzidzɔ le wò ŋkekenyuie la dzi.[15] Ŋkeke adre sɔŋ naɖu ŋkekenyuie na Yehowa, wò Mawu la le teƒe, si Yehowa atia, elabena Yehowa, wò Mawu la, ayra wò le nusiwo katã nèwɔ dɔ kpɔ, kple wò asinudɔwo katã me, eye nakpɔ dzidzɔ wòatso me.[16] Wò ŋutsuwo katã nava Yehowa, wò Mawu ƒe ŋku mezi etɔ̃ le ƒe ɖeka me le teƒe, si wòatia, le nu maʋamaʋã ŋkekenyuie, kwasiɖawo ƒe ŋkekenyuie kple agbadɔŋkekenyuie la dzi, eye womava Yehowa ŋku me asi gbɔlo o.[17] Amesiame nana nusi su esi, abe alesi Yehowa, wò Mawu, yrae ene.[18] Ɖo ʋɔnudrɔ̃lawo kple dzikpɔlawo na wò toawo ɖe wò du, siwo katã Yehowa, wò Mawu, ana wò la me, eye woadrɔ̃ ʋɔnu dukɔ la ɖe teƒe.[19] Megate nya dzɔdzɔe ɖe to o, megakpɔ amea ɖeke ŋku me o, eye megaxɔ zãnu o, elabena zãnu ɖe wogbã ŋku na nunyalawo, eye wòtrɔa gbo ame dzɔdzɔewo ƒe nya.[20] Nya dzɔdzɔe yome kokoko nadi, ne nanɔ agbe, eye naxɔ anyigba, si Yehowa, wò Mawu, le na wò ge la wòanye tɔwò.[21] Megado Asera-tia ɖeke ɖe Yehowa, wò Mawu, ƒe vɔsamlekpui, si nadi la gbɔ o.[22] Eye megaɖi aƒelia ɖeke, si Yehowa, wò Mawu, lé fui la o.[23] Megatsɔ nyitsu alo alé, si nane wɔe alo vloƒea ɖe le eŋu la, sa vɔ na Yehowa, wò Mawu la o, elabena ŋunyɔnu wònye na Yehowa, wò Mawu la.[24] Ne ŋutsu alo nyɔnua ɖe le wò du, siwo Yehowa, wò Mawu, le na wò ge la, dometɔa ɖe me, amesiwo nusi medze Yehowa, wò Mawu ŋu o, eye wòtu eƒe nubabla,[25] eye wòyi ɖasubɔ mawu bubuwo hede ta agu na wo, eɖanye ɣe alo ɣleti alo dziƒonuwo katã, nusiwo ŋu nyemeɖe se le o,

Dɔwɔwɔwo 2:1-13
[1] Eye esi Pentekoste-ŋkeke la ɖo la, wo katã wotsɔ tame ɖeka nɔ afi ɖeka.[2] Eye kasia gbea ɖe ɖi tso dziƒo abe yaƒoƒo sesẽ ene, eye wòyɔ aƒe, si me wole la fũ.[3] Eye aɖe mamãwo ɖo ɖe wo gbɔ lé abe dzoƒaɖewo ene, eye wodze ɖe wo dome amesiame dzi ɖekaɖeka.[4] Eye Gbɔgbɔ kɔkɔe la ya wo katã taŋtaŋ, eye wode asi gbe bubuwo gbɔgblɔ me, abe alesi Gbɔgbɔ la na wo, be woaƒo nui ene.[5] Eye Yudatɔa ɖewo nɔ Yerusalem, ŋutsu, siwo vɔ̃a Mawu la, wotso dukɔ, siwo katã le dziƒo te la me.[6] Ke esi gbe sia ɖi la, ameha la ƒo zi va kpe ta, eye woƒe nu ku, elabena amesiame se wole ye ŋuta degbe gblɔm.[7] Eye kuvia ɖo wo katã, eye wotsi yaa hegblɔ bena: Kpɔ ɖa, amesiwo katã le nu ƒom la, ɖe menye Galileatɔwoe wonye oa?[8] Aleke wo, eye mía dome amesiame le ye ŋutɔ degbe, si me wodzi mi ɖo la, sem mahã?[9] Partiatɔwo kple Mediatɔwo, Elamtɔwo kple amesiwo nɔa Mesopotamia, Yudea kple Kapadokia, Ponto kple Asia,[10] Frigia kple Pamfilia. Egipte kple Libia-nutowo me, si le Kirene gbɔ, kple amesiwo nye amedzrowo tso Roma, Yudatɔwo kple trɔ̃subɔla-zu-Yudatɔwo,[11] Kretatɔwo kple Arabiatɔwo: Míese wole Mawu ƒe nu dzɔtsuwo gblɔm le mia ŋutɔwo degbe me.[12] Eye kuvia ɖo wo katã, eye wotsi dzodzodzoe hele gbɔgblɔm na wo nɔewo bena: Esia gɔme ɖe?[13] Ke bubuwo le alɔme ɖem ɖe wo ŋu gblɔ bena: Aha yeye le wo mum.

Ewe Bible 1913
Public Domain