A A A A A

Bad Character: [Foolish]


Mateo 5:22
Ke nye la mele egblɔm na mi bena: Amesiame, si le dɔmedzoe dom ɖe nɔvia ŋuti la, adze ʋɔnudɔdrɔ̃; eye amesi ke agblɔ na nɔvia bena takukutɔ la, adze daŋudede gã, eye amesi ke agblɔ bena lã la, adze dzomavɔʋemeyiyi.

Lododowo 1:7
Yehowa-vɔvɔ̃ enye sidzedze ƒe gɔmetoto; ke bometsilawo doa vlo nunya kple amehehe.

Lododowo 3:35
Bubu anye nunyalawo ƒe gome, ke ŋukpe alé bometsilawo.

Lododowo 10:8
Amesi nunya le tagbɔ na la, xɔa sedede na eɖokui: ke bometsila si glãgbɔ li na la, ɖea eɖokui gbegblẽ me.

Lododowo 10:23
Alesi nu vlo wɔwɔ nye fefenui na bometsila la, nenema nunya le na nugɔmesela.

Lododowo 12:16
Bometsila mesea dzikudodo o; ke amesi ɣlaa eƒe dzu la, nunyalae.

Lododowo 13:20
Ne èzɔ kple nunyalawo la, àdze nunya; ke ne ède ha kple bometsilawo la, azu emegbegblẽ.

Lododowo 17:28
Ne bometsila zi kpi la, wohunɛ nunyalae, ne emiã eƒe nuyiwo la, wohunɛ nugɔmeselae.

Lododowo 18:2-7
[2] Gɔmesese medzea bometsila ŋu o, ke boŋ be, wòaɖe eƒe tamesusu ɖe go.[3] Afisi ame vɔ̃ɖi va la, vlododo, alɔmeɖeɖe kpakple ŋukpe vana.[4] Ŋutsu ƒe numenya enye tɔ goglo, eye tɔʋu, si le tsotsom kpakakpaka la, enye nunya ƒe vudo.[5] Ame vɔ̃ɖi dziɖeɖe, ne woate ame dzɔdzɔe ɖe anyi le ʋɔnudɔdrɔ̃ me la, menyo o.[6] Bometsila ƒe nuyiwo dea dzre aƒe, eye eƒe nu yɔa ameƒoƒo ɖa.[7] Bometsila ƒe nu enye eƒe gbegblẽ, eye eƒe nuyiwo nye mɔ na eya ŋulɔ ƒe agbe.

Lododowo 20:3
Bubu wònye na ame, ne wòƒo asa na dzre, ke amesiwo katã dea dzre aƒe la, bometsilawo wonye.

Lododowo 23:9
Megaƒo nu ɖe bometsila ƒe le me o, elabena ɖeko wòado vlo wò nunya ƒe nyawo.

Lododowo 26:19
nenema nye ŋutsu, si blea ehavi, eye wògblɔna be: Fefem nye mele!

Lododowo 28:26
Amesi ɖoa dzi ɖe eya ŋutɔ ƒe gɔmesese ŋu la, bometsilae; ke amesi zɔna le nunya me la, woaɖee.

Lododowo 29:9
Hlɔ̃dola léa fu ame maɖifɔwo, eye wòdia nuteƒewɔlawo ƒe agbe yome.

Lododowo 29:11
Dziɖula, si ɖoa to alakpanya la, ame vɔ̃ɖiwo nye eƒe dɔlawo katã.

Psalmowo 14:1
Dawid tɔ na henɔ la. Abunetɔwo gblɔna le woƒe dzi me be: Mawua ɖeke meli o. Wowɔa nu gbegblẽwo kple nu nyɔŋuwo. Amea ɖeke meli, si woa nu nyui o.

Lododowo 14:16
Nunyala vɔ̃na, eye wòtsria vɔ̃; ke bometsila nyrãna, eye wòɖoa dzi ɖe eɖokui ŋu.

Lododowo 15:18
Dɔmedzoetɔ ɖɔa avu, ke tufala tsia dzre nu.

Lododowo 15:20-21
[20] Vi nyanu doa dzidzɔ na fofoa; ke bometsila doa vlo dada.[21] Bometsitsi enye ame manyanuwo ƒe dzidzɔ; be nugɔmesela toa mɔ dzɔdzɔe.

Lododowo 14:7-9
[7] Te ɖa le bometsila gbɔ, elabena mèdzea si gɔmesese ƒe nuyiwo o.[8] Nunyalawo ƒe ayedzedze enye be, woalé ŋku ɖe woƒe zɔzɔme ŋu; ke bometsilawo ƒe bometsitsi enye alakpa.[9] Avulévɔsa le alɔme ɖem le bometsilawo ŋu; ke ŋudzedze kpɔkpɔ le nuteƒewɔlawo dome.

Ewe Bible 1913
Public Domain