A A A A A

Bad Character: [Lazy]


Kolosetɔwo 3:17-23
[17] Eye nusianu, si miewɔna le nuƒoƒo alo dɔwɔwɔ me la, miwɔ ye katã le Kristo Yesu ƒe ŋkɔa dzi, eye mida akpe na Mawu Fofo la le eyama me.[18] Mi nyɔnuwo la, mibɔbɔ mia ɖokui na mia srɔ̃wo, abe alesi wòdze le Aƒetɔ la me ene.[19] Mi ŋutsuwo la, milɔ̃ mia srɔ̃wo, eye migawɔ dɔmevevi le wo ŋu o.[20] Mi ɖeviwo la, miɖo to mia dzilawo le nusianu me; elabena esia dze Aƒetɔ la ŋu nyuie.[21] Mi fofowo la, migado dziku na mia wo, bene dzika nagatso wo ƒo o.[22] Mi dɔlawo la, miɖo to miaƒe aƒetɔwo le ŋutilã nu le nusianu me; menye le ame ŋku me nuwɔwɔ me, abe alesi wòdzea amewo ŋu la ene o, ke boŋ le dzimekɔkɔ me le Aƒetɔ la vɔvɔ̃ me;[23] eye nusianu, si ke miewɔna la, mi wɔe tso dzi me, abe Aƒetɔ lae miewɔe na ene, eye menye na amewo o,

Nyagblɔla Salomo 9:10
Nusianu, si wò asi ate ŋu awɔ la, wɔe kple wò ŋusẽ; elabena nuwɔwɔ alo tamebubu, sidzedze alo nunya mele tsieƒe, afisi yi ge nala o.

1 Timoteo 5:8
Ke ne amea ɖe melé be na ye ŋutɔ tɔwo o, eye vevietɔ na ye ŋutɔ ƒe aƒemetɔwo o la, egbe xɔse la, eye wòvɔ̃ɖi wu dzimaxɔsetɔ.

1 Mose 2:15
Eye Yehowa Mawu tsɔ ame la ɖo Eɖen-bɔ me, be woaŋlɔ eme, eye wòakpɔ edzi.

Luka 16:10
Amesi wɔa nuteƒe le nu suetɔ ke me la, enyea nuteƒewɔla le nu geɖewo hã me, eye amesi woa nu madzɔmadzɔ le nu suetɔ ke me la, enyea nu madzɔmadzɔ wola le nu geɖewo hã me.

Lododowo 10:4
Amesi wɔa alɔgblɔlɔ le dɔ ŋu la, ado ko, ke veviedolawo ƒe asi hea kesinɔnu vɛ.

Lododowo 10:5
Amesi ƒoa nu ƒu le dzomeŋɔli la, vi nyanue, amesi dɔa alɔ̃ le nuŋeɣi la, vi wɔŋukpenanue.

Lododowo 12:11
Amesi de eƒe agble la, akpa abolo fu; ke amesi le nu ƒuƒluwo yome dim la, tagbɔ meli nɛ o.

Lododowo 12:24
Veviedola ƒe asi aɖu fia; ke kuviatɔ adzɔ nu.

Lododowo 13:4
Nu le kuviatɔ dzrom, gake dzodzroe; ke veviedola aɖi ƒo.

Lododowo 14:23
Agbagbadzedze hea viɖe ve; ke nu kpoloe ƒoƒo hea hiã vɛ.

Lododowo 19:15
Kuviawɔwɔ ɖe wòɖɔa alɔ̃ eme, eye eme wɔƒome ɖɔe wunɛ.

Lododowo 20:4
Kuviatɔ be, yemade agble le kele me o, eyata wòdia nu le nuŋeɣi doa kpoe.

Lododowo 6:6
Wo kuviatɔ, yi anyidi gbɔ, kpɔ eƒe nuwɔna ɖa, eye nadze nunya!

Lododowo 26:15
Ne kuviatɔ de asi agba me la, edede nu me nyea dɔ nɛ.

Efesotɔwo 5:15-17
[15] Eyaŋuti la mikpɔ nyuie be, miazɔ pɛpɛpɛ; menye abe numanyamanyatɔwo ene o, ke boŋ abe nunyalawo ene,[16] amesiwo wɔa ɣeyiɣi la ŋuti da blibo, elabena ŋkekeawo nye vɔ̃.[17] Eyaŋuti la migazu bometsilawo o, ke boŋ midze si nusi nye Aƒetɔ la ƒe lɔlɔ̃nu.

Lododowo 6:9-12
[9] Kuviatɔ, ɣekaɣi nanɔ aba dzi ase do? Ɣekaɣi nenyo tso wò alɔ̃dɔdɔ me?[10] Gadɔ alɔ̃ vie, gadɔ akɔlɔ̃e vie, de asi asitɛ me nagbɔ ɖe eme vie![11] Ekema wò ahedada aɖi kpe wo ahe mazɔla ene, eye wò hiã ahe ŋutsu, si bla akpa ene.[12] Yakame kple ame gbegblẽ enye amesi tsɔa alakpadanu nɔa yiyimee,

2 Tesalonikatɔwo 3:6-10
[6] Ke miele se dem na mi, nɔviwo, le mía Aƒetɔ Yesu Kristo ƒe ŋkɔ la dzi bena, miahe mia ɖokui ɖa tso nɔvi sia nɔvi, si zɔna sakasaka, eye menye le nuɖoanyi, si wòxɔ le mía si la nu o la gbɔ.[7] Elabena mia ŋutɔwo mienya alesi wòdze mi be, miasrɔ̃ mi; elabena míewɔ sakasaka le mia dome o,[8] eye mieɖu abolo dzro le amea ɖeke gbɔ o, ke boŋ mietsɔ agbagbadzedze kple kutrikuku wo ɖo zã kple keli, bena míagazu agba na mia dome amea ɖeke o,[9] menye ɖe ŋusẽ mele mía si o, ke boŋ bene míawo mia ɖokui kpɔɖeŋu na mi, bena miasrɔ̃ mí.[10] Elabena esime mienɔ mia gbɔ hã la, míede se na mi bena, ne amea ɖe melɔ̃ be, yeawɔ dɔ o la, negaɖu nu hã a.

Lododowo 24:30-34
[30] Mele kuviatɔ ƒe agble kple ame manyanu ƒe weingble ŋu yi.[31] Eye kpɔ ɖa aŋɔka yɔ eme taŋ, gbe to ɖe eme, eye eƒe kpegliwo mũ.[32] Tete meɖe ŋku ɖee, eye wòde dzi gbɔ nam, mekpɔe, eye wòzu nuxaxlɔ̃ nam:[33] „Madɔ alɔ̃ vie, madɔ akɔlɔ̃e vie, made asi asitɛ me, ne magbɔ ɖe eme“ la,[34] ahedada ɖe wòƒona ɖe ame dzi abe mɔzɔla ene, eye hiã abe ŋutsu, si bla akpa ene.

Mateo 25:24-29
[24] Ke amesi xɔ talento ɖeka la hã va gblɔ bena: Aƒetɔ, menya wò bena, ame sesẽ nènye, èŋea nu le afisi mè ƒã nu ɖo o, eye nèƒoa nu ƒu le afisi mèwu nu ɖo o,[25] eye esi mele vɔvɔ̃m la, medzo yi ɖaɖi wò talento la ɖe do me; kpɔ ɖa, xɔ wò nu.[26] Eƒe aƒetɔ la xɔ edzi gblɔ nɛ bena: Dɔla vɔ̃ɖi kple kuviatɔ! Ɖe nènyae bena, meŋea nu le afisi nyemeƒã nu ɖo o, eye meƒoa nu ƒu le afisi nyemewu nu ɖo o mahã?[27] Ekema ele na wò bena, natsɔ nye klosalo la ayi aɖana gasitsalawo, eye le nye vava me la maxɔ ye nu la kple deme.[28] Eyaŋuti mixɔ talento la le esi, eye mitsɔe na amesi si talento ewo le la.[29] Elabena amesiame, si nu le esi la, woana nui, woagbã go nɛ: ke amesi si nu mele o la, nusi le esi la, woaxɔ eya hã le esi.

Ewe Bible 1913
Public Domain