A A A A A

Bad Character: [Anger]


Efesotɔwo 4:26-31
[26] Mibi dzi, eye migawɔ nuvɔ̃ o; ɣe la nagaɖo to ɖe miaƒe dzibibi o;[27] eye migana mɔ Abosam hã o![28] Fiafitɔ la nagafi fi o, ke boŋ nedze agbagba, ne woatso eƒe asiwo awɔ dɔ nyui, bene wòakpɔ nane aɖana hiãtɔwo.[29] Migana nya vloa ɖeke nado go tso miaƒe nu me gbeɖegbeɖe o, ke boŋ nya, si nyo na ŋgɔgbedede, ne ehiã la, bene wòana amenuveve amesiwo senɛ la.[30] Eye migawɔ nusi ave Mawu ƒe Gbɔgbɔ kɔkɔe la o, amesi me wotre mia nu le hena xɔxɔ ƒe ŋkeke la.[31] Mina woaɖe veve helĩhelĩ kple dɔmedzoe kple dziku kple ɣlidodo kple busubɔbɔ katã kpakple nu tovo wɔwɔ katã hã ɖa le mia dome.

Yakobo 1:19-20
[19] Nɔvinye lɔlɔ̃tɔwo, minya esia: Amesiame naɖe abla le nusese me, nanɔ blewu le nuƒoƒo me, nanɔ blewu hã le dziku me;[20] elabena ame ƒe dziku mewɔa Mawu ƒe nu dzɔdzɔe o.

Lododowo 29:11
Dziɖula, si ɖoa to alakpanya la, ame vɔ̃ɖiwo nye eƒe dɔlawo katã.

Nyagblɔla Salomo 7:9
Wò gbɔgbɔ megayɔ ɖe dzikudodo ŋu o, elabena bometsilawo ƒe akɔtae dziku nana.

Lododowo 15:1
Nyaŋuɖoɖo fafɛ tsia dziku nu; ke gbe da ɖe ame gbɔ nana dɔmedzoe flana.

Lododowo 15:18
Dɔmedzoetɔ ɖɔa avu, ke tufala tsia dzre nu.

Kolosetɔwo 3:8
Ke azɔ miawo hã miɖe nusiawo katã, siwo nye: Dziku, dɔmedzoe, nu tovo wɔwɔ, busunyagbɔgblɔ, ŋukpenanyawo la ɖa tso miaƒe nu me;

Yakobo 4:1-2
[1] Afika aʋawɔwɔ kple dzrewɔwɔ, siwo le mia dome la tsoa? Ɖe menye afima wotso, tso miaƒe nudzodzro, siwo wɔa aʋa le miaƒe ŋutinuwo me la me o mahã?[2] Miedzroa nu, eye miekpɔnɛ o; miewua ame, eye mieʋãa ŋu, eye miaƒe asi metea ŋu sua nu dzi o; miewɔa dzre, eye miewɔa aʋa; miate ŋu akpɔ naneke o; elabena miebiana o.

Lododowo 16:32
Dzi gbɔɖitɔ nyo wu kalẽtɔ, eye amesi ɖua eɖokui dzi la, nyo wu duwo xɔla.

Lododowo 22:24
Megade ha kple dɔmedzoetɔ o, eye mia kple dzikutɔ migado ka o;

Mateo 5:22
Ke nye la mele egblɔm na mi bena: Amesiame, si le dɔmedzoe dom ɖe nɔvia ŋuti la, adze ʋɔnudɔdrɔ̃; eye amesi ke agblɔ na nɔvia bena takukutɔ la, adze daŋudede gã, eye amesi ke agblɔ bena lã la, adze dzomavɔʋemeyiyi.

Psalmowo 37:8-9
[8] Wò dɔmedzoe nu nefa, eye nadzudzɔ dzikudodo; dzi megaku wò o, elabena nu vɔ̃ɖi ko nayi wɔwɔ ge![9] Elabena woatsrɔ̃ ame vlowo, ke amesiwo kpɔa mɔ na Yehowa la, woanyi anyigba la dome.

Psalmowo 7:11
Nye akpoxɔnu le Mawu si, eya xɔna na amesiwo ƒe dzi toa mɔ ɖeka la.

2 Fiawo 11:9-10
[9] Tete ame alafawo ƒe amegãwo wɔ pɛpɛpɛ, abe alesi nunɔla Yehoyada de se ene, eye wo dome amesiame ɖe eƒe amewo, amesiwo ɖo dɔ me le dzudzɔgbe dzi kple amesiwo do le dɔ me le dzudzɔgbe dzi siaa, eye wova nunɔla Yehoyada gbɔ.[10] Eye nunɔla la tsɔ fia Dawid ƒe akplɔ kple akpoxɔnu, siwo le Yehowa ƒe me la, na ame alafa ƒe amegãwo.

2 Fiawo 17:18
Eyata Yehowa do dɔmedzoe ɖe Israel ŋuti ŋutɔ, eye wòɖe wo ɖa le eƒe ŋku ta; wo dometɔa ɖeke mekpɔtɔ o, negbe Yuda-to la ko.

Lododowo 14:29
Dzigbɔɖitɔ la, nunya geɖe le esi; ke dɔmedzoetɔ ɖoa boblo bometsitsi.

Ewe Bible 1913
Public Domain