Instagram
English
A A A A A

Additional: [Evil]
1 Korintotɔwo 13:6
medzɔa dzi le nu madzɔmadzɔ ŋuti o, ke eya kple nyateƒee dzɔa dzi.

1 Yohanes 5:19
Míenyae bena, Mawu me míetso, eye xexeme blibo la katã le vɔ̃ɖi to la me.

1 Fiawo 14:9
èwɔ nu gbegblẽ wu amesiwo katã nɔ ŋgɔ na wò, eye nèɖawɔ mawu bubuwo, eye nèkɔ legbawo, be natsɔ aɖo dɔmedzoe nam, ke netsɔ nye nya ƒu gbe ɖe megbewò la,

1 Fiawo 17:13
Tele Eliya ɖo ŋu na bena: Megavɔ̃ o! Yi nawɔ, abe alesi negblɔ ene; ke tsɔ ɖe tɔ tatali via ɖe nam gbɔ, eye natsɔe vɛ nam, emegbe hafi nawɔ mia kple viwò lɔ.

1 Petro 3:9
Migaɖo vɔ̃ vɔ̃ teƒe alo dzudzu dzudzu teƒe o; ke esia teƒe la miyra boŋ; elabena esia ta woyɔ mi vɛ ɖo, be mianyi yayra ƒe dome.

1 Samuel 12:20
Eye Samuel gblɔ na dukɔ la bena: Migavɔ̃ o! Mienyã wɔ nu vlo siawo katã hafi, gake ɖeko migate ɖa le Yehowa ŋu o, eye misubɔ Yehowa tso miaƒe dzi blibo me!

1 Samuel 15:23
Elabena tosesẽ enye afakaka ƒe nuvɔ̃, eye tamesesẽ enye legbawo kple aklama kpakpɛwo subɔsubɔ. Esi negbe Yehowa ƒe gbe la, eyata eya hã gbe wò be, magaɖu fia o.

1 Tesalonikatɔwo 5:22
Miɖe mia ɖokui ɖa tso vɔ̃ sia vɔ̃ ƒomevi me!

2 Kronika 29:6
Elabena mía fofowo da vo, eye wowɔ nusi nye vɔ le Yehowa, mia Mawu ŋku me; wogblẽe ɖi, eye woɖe ŋku ɖa le Yehowa, si wotrɔ megbe dee la ƒe nɔƒe la ŋu.

2 Timoteo 2:22
Si le ɖekakpuinyenye ƒe nudzodzrowo nu; ke dze dzɔdzɔenyenye, xɔse, lɔlɔ̃ kple ŋutifafa yome hekpe de amesiwo katã yɔ Aƒetɔ la le dzi dzadzɛ me la ŋu.

Yesaya 5:20
Baba na amesiwo yɔa vɔ̃ be nyui kple nyui be vɔ̃, amesiwo tsɔa viviti wɔa kekelii, eye wotso kekeli wo vivitii, amesiwo tsoa veve wɔa vivii, eye wotsɔa vivi wo vevee!

Yesaya 32:6
Elabena bometsila gblɔa bometsinya, eƒe dzi hea dzɔgbevɔ̃e va aƒee, ne wòawɔ nu tovo ahagblɔ nya trama ɖe Yehowa ŋu, wòana dɔwuitɔwo natsi domeɣi, eye nunono nahiã tsikɔwuitɔwo.

Yohanes 3:20
Elabena amesiame, si wɔa nu vlo la, léa fu kekeli la, eye meva kekeli la gbɔ o, bena woagahe adãnya ɖe eƒe dɔwɔwɔwo ŋu o.

Ʋɔnudrɔlawo 2:19
Ke ne ʋɔnudrɔ̃la la ku la, ekema wotrɔna, eye wogblẽna de dzi wua wo fofowo, wodzea mawu bubuwo yome, subɔa wo hedea ta agu na wo, eye womedea asi le woƒe nuwɔwɔ kple tamesesẽ ŋu o.

Hiob 4:8
Le nye nukpɔkpɔ nu la amesiwo ŋlɔa dzɔgbevɔ̃e hetsɔa agbagbadzedze ƒãna la, woawoe xanɛ ha.

Lododowo 3:7
Meganye nunyala le ɖokuiwò ŋku me o, vɔ̃ Yehowa, eye natsri va;

Lododowo 4:16
Elabena woawo la, ne womewó vɔ o kpea, wometea ŋu ɖɔa alo o, eye ne womeƒu ame anyi o la, alɔ̃dɔdɔ buna ɖe wo.

Lododowo 8:13
Yehowa-yɔvɔ̃ enye fuléle vɔ̃; melé tu dada, ɖokuidodoɖedzi, mɔ vɔ̃ɖi kple alakpanu.

Lododowo 10:29
Yehowa ƒe mɔ enye mɔ̃ sesẽ na fɔmaɖila, ke enye gbegblẽ na nu madzɔmadzɔ wɔlawo.

Lododowo 12:20
Alakpa le dzi me na amesiwo ɖo vɔ̃wɔwɔ; ke amesiwo ɖea adaŋu le ŋutifafa ŋu la, hea dzidzɔ vɛ.

Psalmowo 7:14
Edzidzenɛ kple lãnuwo, eye wòdraa dzo eƒe aŋutrɔwo.

Psalmowo 28:3
Megakplɔm kpe ɖe ame vɔ̃ɖi kple nu vlo wɔlawo ŋu o, amesiwo ƒoa nu kple wo xɔlɔ̃viwo fafɛ, ke vɔ̃ɖivɔ̃ɖi le woƒe dzi me la o!

Psalmowo 37:9
Elabena woatsrɔ̃ ame vlowo, ke amesiwo kpɔa mɔ na Yehowa la, woanyi anyigba la dome.

Psalmowo 50:19
Eɖe ga wò nu ɖe nu vɔ̃ɖi ŋu, eye wò aɖe ɖa alakpa.

Psalmowo 73:7
Woƒe ŋku do le ami me hɔ̃, eye woƒe dzimesusuwo do lululu.

Psalmowo 141:4
Megana nye dzi natrɔ ɖe nu vɔ̃ɖi ŋu, ne mawɔ nu tovo akpe ɖe ŋutsu, siwo nye nu vɔ̃ɖi wɔlawo la ŋu o, eye megana maɖɔ woƒe nuɖuɖu ŋanɛ akpɔ o!

Romatɔwo 6:12
Eyata migana nuvɔ̃ la naɖu fia ɖe miaƒe ŋutilã, si le kuku ge la dzi, bena miaɖo to eƒe nudzodzrowo o.

Romatɔwo 12:21
Megana nu vɔ̃ɖi la naɖu dziwò o, ke tso nu nyui la ɖu nu vɔ̃ɖi la dzi boŋ.

Marko 7:21-22
[21] Elabena tso ame ƒe dzi me ke nu vɔ̃ɖi susuwo doa go tsona, matrewɔwɔwo, fififiwo, amewuwuwo,[22] ahasiwɔwɔwo, ŋubiabiãwo, nu vɔ̃ɖi wɔwɔwo, beble, ahiãdzedze, ŋku vɔ̃ɖi, busubɔbɔ, dàda, movidzɔdzɔ;

Mateo 12:34-35
[34] Dawo ƒe dzidzimewo! Aleke lawɔ mi, amesiwo vɔ̃ɖi la, miate ŋu agblɔ nya nyuiwo mahã? Elabena nya, si ke wu dzi la, eya nu gblɔna.[35] Ame nyui la ɖea nu nyuiwo doa go tsoa nunyuidzraɖoƒe la, eye ame vɔ̃ɖi la ɖea nu vɔ̃ɖiwo doa go tsoa nuvɔ̃ɖidzraɖoƒe la.

Yakobo 1:13-14
[13] Amesi wote kpɔ la, megagblɔ bena, Mawue te ye kpɔ o; elabena womate ŋu ate Mawu akpɔ kple nuvɔ̃ o, ke eya ŋutɔ la metea amea ɖeke kpɔna o.[14] Ke wotea amesiame kpɔna, ne eya ŋutɔ ƒe nudzodzro henɛ, eye wòblenɛ;

Yakobo 3:6-8
[6] Eye aɖe la, dzo wònye; madzɔmadzɔnyenye ƒe xexemee nye aɖe le mía ŋutinuwo dome, eyae ƒoa ɖi ŋutilã blibo la katã, eye wòtɔa dzo agbenɔnɔ ƒe tododo blibo la katã, eye dzomavɔʋe tɔ dzo aɖe la ŋutɔ hã.[7] Elabena womla lã wɔadãwo kple xeviwo kple nutatawo kpakple ƒumelãwo ƒe dzɔdzɔme, eye amegbetɔ ƒe dzɔdzɔme mia wo,[8] ke aɖe la amea ɖeke mate ŋu amlãe o, nuvɔ̃ madzudzɔmadzudzɔ, si aɖi wuame yɔ fũ la wònye.

Romatɔwo 2:29-32
[29] hafi amesi nye Yudatɔ le ɣaɣla me la, eya boŋ enye Yudatɔ, eye dzimeʋatsotso le gbɔgbɔ me, menye le agbalẽŋlɔdzesi nu o la, eyae nye aʋatsotso; amesi ƒe kafukafu metso amewo gbɔ o, ke tso Mawu gbɔ boŋ.[30] Azɔ la, nukae nye Yudatɔ ƒe nu nyui, si ƒo ta la, alo nu kae nye aʋatsotso ƒe viɖea?[31] Nu geɖe le go sia go me; gbã wotsɔ Mawu ƒe nyawo ɖewo si.[32] Elabena ne amea ɖewo mewɔ nuteƒe o la, nukae? Alo ɖe woƒe nuteƒemawɔmawɔ aɖe Mawu ƒe nuteƒetɔnyenye ɖa mahã?

Romatɔwo 2:8-12
[8] ke amesiwo lɔ̃a dzrehehe, eye womeɖoa to nyateƒe la o, hafi woɖoa to madzɔmadzɔnyenye boŋ la, wo tɔ anye dziku kple dɔmedzoe:[9] Xaxa kple momenuveve ava amesiame, si le vɔ̃ wɔm la ƒe luʋɔ dzi, Yudatɔwo gbã kple Helatɔwo hã;[10] hafi ŋutikɔkɔe kple bubu kple ŋutifafa woana amesiame, si le nu nyui wɔm la, Yudatɔwo gbã kple Helatɔwo hã.[11] Elabena ameŋkumekpɔkpɔa ɖeke mele Mawu gbɔ o.[12] Elabena ame alesi nu wɔ nuvɔ̃ se manɔ wo sii la, woatsrɔ̃ se manɔ wo sii; eye ame alesi nu wɔ nuvɔ̃, eye se le wo si la, woatsɔ se la adrɔ̃ ʋɔnu wo.

Efesotɔwo 6:12-16
[12] elabena míele kame tem kple ʋu kpakple ŋutilã o, ke boŋ mía kple dziɖulanyenye kple ŋusẽ kple xexe sia me fia, siwo le fifi viviti sia me kpakple vɔɖinyenye ƒe gbɔgbɔ, siwo le dziƒonutowo me lae le kame tem.[13] Eyata mikpla Mawu ƒe aʋawɔnu blibo la katã, bene míate ŋu anɔ te le ŋkeke vɔ̃ la dzi, eye ne miewu wo katã nu vɔ la, miakpɔ tsitrenɔnɔ.[14] Azɔ la mitsi tre, eye mitsɔ nyateƒe bla miaƒe aliwo dzi, eye mido dzɔdzɔenyenye ƒe akɔtakpoxɔnu,[15] eye mitso dzadzraɖoɖi na ŋutifafa nyanyuie la bla miaƒe afɔ gɔme.[16] Hekpe ɖe nusiawo katã ŋuti la milé xɔse ƒe akpoxɔnu, si miate ŋu atsɔ atsi vɔ̃ɖitɔ la ƒe atsurɔ bibiawo la me ɖe asi.

Lododowo 14:16-22
[16] Nunyala vɔ̃na, eye wòtsria vɔ̃; ke bometsila nyrãna, eye wòɖoa dzi ɖe eɖokui ŋu.[17] Dɔmedzoetɔ wɔa bometsinu; woalé fu amesi ɖoa aye ɖe tame[18] Amebebewuwo tae nye bometsitsi, ke nunyalawo vaa sidzedze goŋgoŋ.[19] Ame vɔ̃ɖilɔwo abɔbɔ na ame nyuiwo, eye nuvɔ̃wɔlawo anɔ ame dzɔdzɔewo ƒe agbo nu.[20] Ame dahe ƒe hatiwo ke hã léa fui; ke xɔlɔ̃ bɔ ɖe kesinɔtɔ si.[21] Amesi doa vlo ehavi la, ewɔ nuvɔ̃; ke amesi vea hiãtɔ nu la, woayrae![22] Ɖe amesiwo ɖoa vɔ̃ ɖe tame la, metrana oa? Ke amenuveve kple nyateƒe vana na amesiwo ɖoa nyuie ɖe tame.

Romatɔwo 7:19-25
[19] Elabena menye nu nyui, si melɔ̃na la, mewɔna o, ke nuvɔ̃, si nyemelɔ̃na o la, eya ke mewɔna boŋ.[20] Ke ne mewo nusi nyemelɔ̃na o la, ekema meganye nyee le esia wɔm o, negbe nuvɔ̃, si le menye boŋ.[21] Eyata azɔ mekpɔ se sia bena, esime melɔ̃na bena, mawɔ nu nyui la, nuvɔ̃ la lé ɖe ŋutinye.[22] Elabena mekpɔa dzidzɔ le Mawu ƒe se la ŋuti le ememe la gome;[23] ke mekpɔ se bubu, si le aʋa wɔm kple se, si le nye nyasã me la, le nye ŋutinuwo me, eye wòlém aboyo le nuvɔ̃ ƒe se, si le nye ŋutinuwo me la me.[24] O, nye nublanuitɔ! Amekae aɖem tso kuŋutilã si me mahã?[25] Meda akpe na Mawu to Yesu Kristo, mia Aƒetɔ, la dzi! Eyata azɔ nye ɖeka ma ke metsɔa nyasã la subɔa Mawu ƒe se la, ke metsɔa ŋutilã la subɔa nuvɔ̃ ƒe se lae.

Mateo 13:36-43
[36] Tete esi Yesu ɖe asi le amehawo ŋu la, eva aƒe me. Eye eƒe nusrɔ̃lawo va egbɔ gblɔ bena: Ɖe abɔ me gbe wuwluiawo ƒe lododoa gɔme na mi.[37] Eye wòɖo eŋu na wo bena: Amesi le nuku nyuia wum la, eya nye amegbetɔvi la;[38] ke abɔ la enye xexe la me, eye nuku nyui la enye fiaɖuƒe la ƒe viwo; ke gbe wuwluiawo nye vɔ̃ɖitɔ la ƒe viwo;[39] eye futɔ, si le wo wum la, enye Abosam, eye nuŋeɣi la enye xexeame ƒe nuwuwu, ke nuŋelawo nye mawudɔlawo.[40] Azɔ la sigbe alesi woƒoa gbe wuwluiwo nu ƒu, eye wotɔa dzo wo la, nenema ke wòanɔ le xexeame ƒe nuwuwu.[41] Amegbetɔvi la ladɔ eƒe dɔlawo ɖa, exe woaƒo amenuɖianuwo katã kple amesiwo le nu madzɔmadzɔ wɔm la, nu ƒu tso eƒe fiaɖuƒe la me,[42] eye woatsɔ wo aƒu gbe ɖe dzokpo la me; afima avifafa kple aɖukliɖuɖu lanɔ.[43] Tete ame dzɔdzɔeawo laklẽ abe ɣe ene le wo Fofo ƒe fiaɖuƒe la me Amesi to senu ti nɛ la, nesee.

Lododowo 6:12-19
[12] Yakame kple ame gbegblẽ enye amesi tsɔa alakpadanu nɔa yiyimee,[13] eya, amesi mlãa ŋku ɖe ame, etoa nya kple eƒe afɔ, eye wòtsɔa eƒe asi fiaa dzesii,[14] eya, amesi ƒe dzi me ayedzedze le, edoa va de tame ɣesiaɣi, eye wòdea dzra aƒe.[15] Eyata eƒe gbegblẽ aƒo ɖe edzi kpoyi, agbã zi ɖeka, eye hayahaya manɔ eŋu o.[16] Nu ade Yehowa lé fui, eye adadrelia nye ŋunyɔ na eƒe luʋɔ:[17] dadaŋkuwo, aʋatsoɖe kple asi, siwo kɔa nu maɖifɔ ɖi,[18] dzi, si ɖoa tame gbegblẽ, afɔ, siwo tsɔna ɖe vɔ̃ ŋu,[19] amesi ɖua aʋatsoɖasefo hedaa alakpa, kpakple amesi dea dzre nɔviwo dome.

1 Mose 6:1-8
[1] Ke esi amewo de asi agbɔsɔsɔ me le anyigba dzi, eye wodzi nyɔnuwo la,[2] mawuviwo kpɔ bena, amegbetɔviwo ƒe nyɔnuwo dze tugbe ŋutɔ, eye woɖe wo dometɔ, siwo katã dze wo ŋu.[3] Eye Yehowa gblɔ bena: Nye gbɔgbɔ maganɔ amewo me boo o, elabena ŋutilã wonye le woƒe vodada me, eye woƒe agbe me ŋkekewo nanye ƒe alafa ɖeka kple blave![4] Le ŋkeke mawo me la ame dzɔtsuwo le anyigba dzi; eye esi Mawu viŋutsuwo ɖe amegbetɔwo ƒe vinyɔnuwo, eye wodzi vi na wo megbe la hã wogale; woawo nye ame kako ŋkɔxɔla, siwo nɔ agbe le blema.[5] Eye esi Yehowa kpɔ bena, amegbetɔwo ƒe vɔɖivɔ̃ɖi va sɔ gbɔ le anyigba dzi, eye woƒe tamesusuwo kple dzimedidiwo nye vɔ̃ ko ɖaa la,[6] eve Yehowa bena, wòwɔ ame ɖe anyigba dzi, eye woɖu dzi nɛ.[7] Eye Yehowa gblɔ bena: Matsrɔ̃ ame, siwo mewɔ la ɖa le anyigba blibo la katã dzi, tso amewo kple lãwo dzi vaseɖe nu tatawo kple dziƒoxe dzodzoewo dzi, elabena evem bena, mewɔ wo.[8] Ke Yehowa ve Noa nu.

1 Timoteo 6:2-10
[2] Ke amesiwo si aƒetɔ xɔsetɔwo le la, womagaɖo vlo wo, le esi wonye nɔviwo la ŋuti o, ke boŋ woasubɔ wo vevie wu; elabena amesiwo kpea woƒe dɔ nyui wɔwɔ ƒe viɖe la, wonye xɔsetɔwo kple lɔlɔ̃tɔwo.[3] Fia nusiawo, eye nanɔ nuxɔxlɔ̃ dzi! Ne amea de fia nu bubu, eye meléna de Aƒetɔ Yesu Kristo ƒe nya, siwo le blibo, kple nufiafia, si le mawusubɔsubɔ nu la, nu o la,[4] edoa eɖokui de dzi glodzo, eye menya naneke o, ke boŋ eléa anukutsyɔtsyɔwo kple nyaʋawɔwɔ ƒe do, eye nusiawo hea ŋuʋaʋã, dzrewɔwɔ, busunyagbɔgblɔ, nya vɔ̃ susu de ame ŋuti[5] kple nyahehe dzodzro vɛ le ame tamegbegblẽtɔ, siwo si woha nyateƒe le amesiwo buna bena, mawusubɔsubɔ enye viɖenu la dome. Te ɖokuiwò ɖa le nenem me siawo gbɔ.[6] Ke mawusosroɖa kpakple ŋudzedzekpɔkpɔ enye viɖenu gã.[7] Elabena míetsɔ naneke va xexe sia me o, eye edze ƒã bena, míate ŋu atso naneke ayii hã o;[8] ke ne nunyiame kple avɔtata le mía si la, mina nusiawo nasɔ gbɔ na mí.[9] Ke amesiwo ɖina be, yewoayi kesinɔtɔwo la, gena ɖe tetekpɔwo kple mɔ̃tetrewo kpakple movidzɔdzɔ kple nuveviwɔame ƒe nudzodzro geɖe, siwo tsoa amewo xlãna ɖe gbegblẽ kple tsɔtsrɔ̃ me la me.[10] Elabena nuvɔ̃wo katã ƒe ke enye galɔlɔ̃, si yome mɔ amea ɖewo ɖi, eye wotre mɔ tso xɔse la gbɔ, eye wotsɔ nuxaxa geɖe ŋɔ wo ɖokui flofloflo.

Psalmowo 34:13-21
[13] Amekae le agbe dim, amesi lɔ̃a ŋkeke geɖe, be yeakpɔ dzɔ gbenyuie?[14] Kpɔ wò aɖe dzi ɖe vɔ̃ ŋu kple wò nuyiwo dzi, ne womagagblɔ alakpanya o![15] Te ɖa le vɔ̃ ŋu, eye nawɔ nu nyui: di ŋutifafa, eye nati eyome.[16] Yehowa ƒe ŋkuwo le ame dzɔdzɔewo ŋu, eye eƒe towo le woƒe ɣlidodo ŋu.[17] Yehowa klẽ ŋku ɖe amesiwo le vɔ̃ wɔm la, ne yeatsrɔ̃ woƒe ŋkɔ ɖa le anyigba dzi.[18] Wodo ɣli, Yehowa see, eye wòɖe wo tso woƒe xaxawo katã me.[19] Yehowa tsɔ ɖe amesiwo ƒe dzi gbã gudugudu le gbɔ, eye wòxɔna na amesiwo ƒe gbɔgbɔ woƒo ƒu anyi.[20] Ame dzɔdzɔe ƒe fukpekpewo sɔ gbɔ, ke Yehowa ɖenɛ tsoa wo katã me.[21] Ekpɔa eƒe ƒuwo katã ta, womaŋe wo dometɔa ɖeke o.

Psalmowo 52:1-9
[1] Dawid ƒe nufiameha na henɔ la,[2] le esime Edomtɔ Doeg va to na Saul bena, Dawid le Abimelex ƒe me.[3] Kalẽtɔ, nukaŋuti nètsɔ vɔ̃ɖivɔ̃ɖi le adegbe ƒomi? Mawu ƒe amenuveve li tegbee.[4] Wò aɖe le gbegblẽ ŋu susum abe talũhɛ ɖaɖɛ ene, wò alakpadala.[5] Elɔ̃ vɔ̃ wu nyui, eye nèlɔ̃ aʋatso wu nya dzɔdzɔe gbɔgblɔ. Sela.[6] Wò alakpaɖe, nu gbegblẽ nyawo sɔŋ nyoa ŋuwò.[7] Eyata Mawu hã agbã wò aƒu anyi ɖikaa, alé wò, eye wòahe wò aƒu gbe tso agbadɔ me, eye wòaho wò kple ke tso agbagbeawo ƒe anyigba dzi. Sela.[8] Ame dzɔdzɔewo lakpɔe, eye dzika atso wo ƒo, eye woakoe be:[9] Kpɔ ɖa, ŋutsu, si metsɔ Mawu wɔ eƒe mɔ̃ sesẽe o, ke boŋ wòɖo dzi ɖe eƒe kesinɔnu sɔgbɔawo ŋu, eye wòtɔ asi kɔ ɖe eƒe nuwo ŋu la enye si!

Nyagblɔla Salomo 9:3-12
[3] Esia nye vɔ̃ gã le nusiwo katã dzɔna le ɣea te la dome be, nye ɖeka tɔgbe dzɔna ɖe amewo katã dzi; eyata vɔ̃ɖiwɔwɔ yɔa amegbetɔviwoƒe dzi me, eye aɖaʋadzedze le woƒe dzi me le woƒe agbenɔɣi katã; ke emegbe la woayi kukuawo gbɔ.[4] Elabena amesi gale ha dem kple agbagbeawo ko le mɔkpɔkpɔ le esi; elabena avu gbagbe nyo wu dzata kuku.[5] Elabena agbagbeawo nyae be, yewogbɔna kuku ge, ke kukuawo menye naneke o, fetua ɖeke megali na wo o, eye woŋlɔ woƒe ŋkɔ be.[6] Woƒe emelɔlɔ kple fuléle kpakple ŋuʋaʋã nu yi gbaɖegbe ke, eye womagakpɔ gome le nusiwo katã dzɔna le ɣea te la me akpɔ o.[7] Eyata yi naɖu wò abolo kple dzidzɔ, eye nano wò wein le dzidzeme me, elabena gbaɖegbe ke Mawu tso na wò nuwɔwɔ sia.[8] Wò avɔwo nefu ɣeawokatãɣi, eye ami megagbe wò tamenɔnɔ o.[9] Mia kple nyɔnu, si nèlɔ̃na la, miɖu agbe le wò agbenɔnɔ ƒuƒlu ƒe ŋkekewo katã, si wotsɔ na wò le ɣea le la me, ŋkeke ƒuƒlu, siwo katã nele agbe; elabena esia nye wò agbe kple wò agbagba, si nèdze le ɣea te la ƒe gome.[10] Nusianu, si wò asi ate ŋu awɔ la, wɔe kple wò ŋusẽ; elabena nuwɔwɔ alo tamebubu, sidzedze alo nunya mele tsieƒe, afisi yi ge nala o.[11] Eye megakpɔ le ɣea te be, duƒuƒu mele alo ɖablae me o, aʋawɔwɔ mele kalẽ me o, nuɖudukpɔkpɔ mele nunya me o, kesinɔnu mele ayedzedze me o, eye ŋudzedzekpɔbpɔ mele nugɔmesese me o, ke boŋ azãgbe kple nudiɖeame li na wo katã.[12] Amegbetɔ menya eƒe azãgbe o, ke boŋ abe alesi wotsɔa dɔ vɔ̃ɖi ɖea tɔmelãwo, eye wotsɔa mɔ̃ ɖea xewoe la, nenema woɖea amegbetɔviwo abe woawo ene le dzɔgbevɔ̃eɣi, ne eƒo ɖe wo dzi kpoyi.

Psalmowo 10:2-12
[2] Ame vɔ̃ɖiwo ƒe dada doa dzikatsoƒoe na hiãtɔwo; woatsɔ woawo ŋutɔ ƒe aye, si woɖo la, ale woe.[3] Elabena ame vɔ̃ɖi tsoa eƒe dzimedidiwo ƒoa adegbee, eye ŋubiala ɖea Yehowa ɖe aga heɖea alɔme le eŋu.[4] Ame vɔ̃ɖi buna le eƒe dada me be: Mabia eta ase o, Mawua ɖeke meli o. Eƒe tamesusu katã nye esi.[5] Eƒe nuwɔwɔ dzea dzi nɛ ɣesiaɣi; wò ʋɔnudɔdrɔ̃ le dziƒo ʋi tso egbɔ, eye wòɖoa ƒuƒu de eƒe ketɔwo katã yome.[6] Egblɔna le eƒe dzi me bena: Ke maɖe le tenye akpɔ o, eye amesi maɖo dzɔgbevɔ̃e me ɣeaɖekeɣi akpɔ gbeɖegbeɖe o la, menye.[7] Ɖiŋudodo, alakpa kple ŋutasẽnya yɔ nu me nɛ taŋ, eye gbegblẽ kple dzɔgbevɔ̃e le eƒe ade te.[8] Enɔa xa me ɖe agblekɔƒewo xa, ebena wua ame maɖifɔ, eye wònɔa ŋu tsam na ame kudɔewo.[9] Edea xa ɖe ɣaɣlɛƒe abe dzata le eve dodoe me ene, edea xa ɖi, be yealé hiãtɔ la, eye wòléa hiãtɔ la henɔa ehem kple eƒe ɖɔ.[10] Eƒonɛ ƒua anyi, eye wòmiminɛ ɖe anyigba: eƒe ŋusẽ nana ame kudɔewo dzea anyi.[11] Egblɔna le eƒe dzi me be: Mawu ƒe ŋku dzo le edzi, eɣla eƒe mo, eye mele ekpɔ ge akpɔ gbeɖegbeɖe o.[12] Yehowa, tso! Mawu, kɔ wò asi dzi, eye megaŋlɔ hiãtɔ be o!

Lododowo 16:17-27
[17] Vɔ̃tsitsri enye nuteƒewɔlawo ƒe mɔtata; amesi léa ŋku de eƒe zɔzɔme ŋu la, kpɔa eƒe agbe ta.[18] Dada doa ŋgɔ na gbegblẽ, eye ɖokuidodoɖedzi na anyidzedze.[19] Ɖokuibɔbɔɖeanyi la hiãtɔwo dome nyo wu ne woamã aboyonu kple dadalawo.[20] Amesi léa to de nya ŋu la, eƒe esi sua nyui dzi; amesi ɖoa dzi ɖe Yehowa ŋu la, woayrae![21] Amesi si dzi nyanu le la, woyɔna be nugɔmesela; nya vivi dzia nufiame ɖe dzi.[22] Gɔmesese enye agbevudo na amesi si wòle; ke bometsitsi enye tohenu na bometsilawo.[23] Nugɔmesela ƒe dzi nana eƒe nù dzea nunya, eye eƒe nuyiwo dzia nufiame ɖe dzi.[24] Nya dzeto la anyitsi wonye, evivina na luʋɔ, eye wòyɔa dɔ ƒuwo.[25] Amea ɖewo ƒe mɔ dzɔna le wo ŋku me; ke eƒe nuwuwu nyea ku ƒe mɔ.[26] Dɔwɔla ƒe ɖɔwuamee wɔa ɖɔ nɛ; elabena eƒe nùe le ɖu ƒom ɖe ete.[27] Yakame tia dzɔgbevɔ̃e yome, eye dzo binu le eƒe nuyiwo me.

Psalmowo 36:1-12
[1] Yehowa ƒe dɔla Dawid tɔ na henɔ la.[2] Ame vɔ̃ɖi ƒe dzidada ƒe gbe le nye dzi me be: Mawu ƒe vɔ vɔ̃a ɖeke metso ga ɖe ŋku me na o.[3] Elabena evivi nume nɛ le eŋku me, ne wòakpɔ mɔnu le eƒe dzidada ŋu, eye wòalé fui.[4] Eƒe nu me nya enye vovlo kple alakpa: edzudzɔ nuwɔwɔ ɖe nunya me kple nu nyui wɔwɔ.[5] Enɔa nu vlo ŋu bum le eƒe aba dzi, etsɔa eɖokui ɖoa mɔ, si menyo o la dzi, eye metsria nu vɔ̃ɖi o.[6] Yehowa, wò amenuveve ɖatɔ dziƒo ke, eye wò nuteƒewɔwɔ ɖaseɖe alilikpowo ŋu.[7] Wò dzɔdzɔenyenye le abe Mawu ƒe towo ene, wò ʋɔnudɔdrɔ̃ enye tɔ goglo; èxɔna na amegbelɔwo kple lãwo, wò Yehowa.[8] Mawu, wò amenuveve xɔ asi loo! Amegbetɔviwo be ɖe wò aʋala ƒe vɔvɔli te.[9] Woɖi ƒo kple aƒewò me nu gbogboawo, eye nèkpe wò vivisese ƒe tɔsisi na wo wono ɖi kɔ.[10] Elabena gbɔwò agbedzɔƒe le, eye wò kekeli me míele kekeli kpɔm le.[11] Gblẽ wò amenuveve ɖe amesiwo nya wò la dzi kple wò dzɔdzɔenyenye ɖe amesiwo ƒe dzi to mɔ ɖeka la dzi![12] Dadalawo megate afɔ ɖe dzinye o, eye ame vɔ̃ɖiwo ƒe asi meganyãm de gbe o!

Lododowo 1:8-19
[8] Vinye, se fofowò ƒe amehehe, eye megagblẽ ɖawò ƒe nufiame ɖi o;[9] elabena seƒoƒotsihe nyui wonye na wò la kple kɔgɛ na wò kɔ.[10] Vinye, ne nuvɔ̃wɔlawo le nuwò blem la, megalɔ̃ edzi o![11] Ne wogblɔ be: Yi kpli mi, míade xa ɖe ʋukɔkɔɖi ŋu, eye míanɔ adeklo dzi ɖe ame maɖifɔ ŋu naneke mawɔmawɔe,[12] míami wo agbagbe abe tsiẽƒe ene,[13] míaƒe asi asu nu vevi vovovowo dzi, eye míatsɔ aboyonu ayɔ míaƒe xɔwoe,[14] nana tasɔsɔ ɖeka me kpli mi, eye akplo ɖeka nana mí katã mía si la,[15] ekema vinye, megazɔ ma ɖeka dzi kpli wo o, eye nahe wo afɔ ɖe megbe tso wo toƒe wo.[16] Elabena woƒe afɔwo le tsɔtsɔm ɖe vɔ̃ɖiwɔwɔ ŋu, eye wole abla ɖem, be woakɔ ʋu ɖi.[17] Elabena dzodzroe woɖoa mɔ̃ ɖi le xewo katã ŋku me.[18] Woawo la woawo ŋutɔ ƒe ʋu ŋue wole xa ɖem ɖo, eye woawo ŋutɔ ƒe agbe ŋue wole adeklo dzi ɖo.[19] Alea wòanɔ na amesiwo katã le viɖe madzɔmadzɔ yome tim lae; aɖe ekpɔlawo ƒe agbe ɖa.

Yesaya 59:4-15
[4] Amea ɖeke meli, si biaa dzɔdzɔenyenye ta sena o, eye ame ɖeke medrɔ̃a ʋɔnu ɖe eteƒe o, woɖoa ŋu ɖe nu dzodzroa ŋu, eye wodaa alakpa, wofɔa hiãkame ƒe fu hetsɔa dzɔgbevɔ̃e dzina.[5] Woƒoa dakpui ƒe azi, eye wolɔ̃a yiyiɖɔ; amesi ɖua woƒe azi la, aku, eye ne wogbãe kple afɔ la, ƒli ado atso me.[6] Woƒe kawo mazu avɔ akpɔ o, eye womatsyɔ woƒe dɔwɔwɔwo o; woƒe dɔwɔwɔwo nye dɔ vɔ̃ɖiwo, eye ŋutasesẽ le woƒe asiwò me.[7] Woƒe afɔwo le du dzi ɖe vɔ̃ɖiwɔwɔ ŋu, eye wole abla ɖem, be wòakɔ ʋu maɖifɔ ɖi. Woƒe susuwo nye susu vɔ̃ɖiwo, gbegblẽ kple tsɔtsrɔ̃ le wo toƒewo.[8] Womenyaa ŋutifafa mɔ la o, eye nu dzɔdzɔea ɖeke menɔa wo toƒe o, woglɔ̃a woƒe mɔ, eye amesi toa eɖzi la, menyaa ŋutifafaa ɖeke o.[9] Eyata ɖoɖo la le adzɔge na mí, eye dzɔdzɔenyenye gbe mía gbɔ vava; míele mɔ kpɔm na kekeli, kpɔ ɖa, viviti li, míele mɔ kpɔm na xexeme ƒe kɔkɔ, ke míele zɔzɔm le blukɔ me.[10] Miele asi tsam le gli ŋu abe ŋkuagbãtɔwo ene, eye míele asi tsam abe ŋkunɔwo ene. Míekli nu le ŋdɔkutsu dzatsɛ abe le zã me ene, eye miele ame damiwo dome abe ame kukuwo ene![11] Mi katã miele gbe tem abe sisiblisiwo ene, eye miele xɔxlɔ̃m abe ahɔnewo ene; miele mɔ kpɔm na ʋɔnudɔdrɔ̃, ke meva o, miele mɔ kpɔm na xɔname, ke etsi adzɔge na mi.[12] Elabena míaƒe dzidadawo sɔ gbɔ le ŋkuwò me, eye míaƒe nuvɔwo le ɖase ɖim le mía ŋu. Elabena míedze si miaƒe dzidadawo, eye miaƒe vodadawo la, míenya wo.[13] Míeda vo, eye miegbe Yehowa, miede megbe tso mia Mawu la gbɔ, eye míeƒo ŋutasesẽ kple godzedze ƒe nu, míefa alakpanya ƒe tu, eye míedzii tso dzi me.[14] Ɖoɖo la gbugbɔ ɖe megbe, eye dzɔdzɔenyenye tsi adzɔge. Elabena nyateƒe le nu klim le kpɔdome, eye nuteƒewɔwɔ mate ŋu age ɖe eme o.[15] Ale nyateƒe bu ɖe ame, eye amesi ƒo asa na vɔ̃ɖiwɔwɔ la, wohae. Eye Yehowa kpɔ be, nu dzɔdzɔe wɔwɔa ɖeke meli o, eye medze eŋu o.

Yeremia 18:8-20
[8] ke ne dukɔ ma trɔ tso eƒe nu vɔ̃ɖi wɔwɔ, si ŋu meƒo nu le me la, ekema vɔ̃, si meɖo be, mawɔe la, avem.[9] Ɣebubuɣi la meƒo nu le dukɔ kple fiaɖuƒea ɖe ŋu be, matsoe, eye made eƒe agunu to;[10] ke ne ewo nusi nye vɔ̃ le ŋkunye me, eye meɖo to nye gbe o la, ekema nyuie, si megblɔ be, mawo nɛ la, avem.[11] Azɔ gblɔ na Yuda-ŋutsuwo kple Yerusalemtɔwo bena: Ale Yehowa gblɔ esi: Kpɔ ɖa, meɖo dzɔgbevɔ̃e ɖe mia ŋu, eye meɖo ta me ɖe mia ŋu. Mia dome amesiame netrɔ tso eƒe mo vɔ̃wo dzi, eye miɖo miaƒe zɔzɔme kple miaƒe nuwɔnawo ɖo.[12] Ke wogblɔ bena: Dzodzroe! Elabena míazɔ ɖe míaƒe susuwo nu, eye mía dome amesiame awu nu ɖe eƒe dzimesesẽ vɔ̃ɖi nu.[13] Mibia se le dukɔwo dome be, ameka se esia tɔgbe kpo hã? Nu gbegblẽ ŋutɔŋutɔ Israel-ɖetugbi wɔ.[14] De Libanon ƒe sno dzona ɖa le towo ƒe agakpewo dzia, eye ɖe to gã fafɛ, siwo le sisim la miena?[15] Elabena nye dukɔ la ŋlɔm be, eye wódoa dzudzɔ na nu dzodzroawo, siwo kplɔa wo ɖa tsoa woƒe mo, si nye toƒe mava la dzi, ne woazɔ mɔ kple toƒe xexewo;[16] ne woana woƒe anyigba nazu gbegbe kple alɔmeɖenu tegbee, ne amea ɖe to eŋu yina la, eƒe nu aku, eye woaʋuʋu ta.[17] Makaka wo ahlẽ le woƒe futɔwo nu abe ɣedzeƒeya ene, matrɔ ʋume ade wo le woƒe tsɔtsrɔ̃gbe, eye menye ŋku me o.[18] Tete wogblɔ bena: Mina míaɖo nugbe ɖe Yeremya ŋu; elabena nufiame mabu ɖe nunɔlawo o, adaŋudede mabu ɖe nunyalawo loo, alo nya nabu ɖe nyagblɔɖilawo o. Eyata mina míatsɔ aɖe aƒo Yeremya, eye míagalé to ɖe eƒe nyawo katã ŋu o.[19] Yehowa, lé to ɖe ŋunye, eye nase nye ketɔwo ƒe gbe.[20] Ɖe wotsɔa vɔ̃ ɖoa nyuie teƒe, hafi woawo ɖe ʋe na nye luʋɔa? Ɖo ŋu, alesi metsi tre ɖe ŋkuwò me, be magblɔ nya nyui ɖe wo ŋu, ne wò dziku nu nafa ɖe wo ŋu.

Lododowo 11:6-27
[6] Nuteƒewɔlawo ƒe dzɔdzɔenyenye ɖea wo; ke ame mawɔnuteƒewo ŋutɔ ƒe dzodzro wotsɔna léa woa.[7] Ne ame vɔ̃ɖi la ku la, ekema eƒe mɔkpɔkpɔ nu yi, eye ame vlowo ƒe lala zu ya.[8] Woɖea ame dzɔdzɔe tsoa hiã me, eye ame vɔ̃ɖi xɔna ɖe eteƒe.[9] Yakamewo ƒe nuƒoƒo tsrɔ̃a wo haviwo; ke nunya wotsɔna ɖea ame dzɔdzɔewoe.[10] Ne enyo na ame dzɔdzɔewo la, ɖu kpɔa dzidzɔ; eye ne ame vɔ̃ɖiwo tsrɔ̃ la, aseye ɖina.[11] Nuteƒewɔlawo ƒe yayra nana ɖu ƒe ŋkɔ ɖea dzi; ke ame vɔ̃ɖiwo ƒe nu nana wogbãnɛ ƒua anyi.[12] Ame manyanu doa vlo ehavi; ke ame nyanu zia kpi.[13] Amegɔmezɔla nua go nya ɣaɣla, ke nyateƒetɔ ɣlaa nya.[14] Ne kplɔla meli o la, dukɔ yia to, ke ɖeɖe toa adaŋudela geɖewo dzi.[15] Amesi ƒu asi akɔ de ame bubu nu la, eme menyo nɛ o; ke amesi gbe fenuléle la, anɔ dedie.[16] Nyɔnu nyodɔme ƒe asi sua bubu dzi; ke ŋutasẽlawo ƒe asi sua kesinɔnu ko dzi.[17] Dɔmenyotɔ woa nyuie na eya ŋutɔ ɖokui; ke ŋutasẽla wɔa nu vevee eya ŋutɔ ƒe ŋutilã.[18] Ame vɔ̃ɖi kpɔa viɖe ƒuƒlu; ke amesi ƒãa dzɔdzɔenyenye la, akpɔ fetu vavã.[19] Dzɔdzɔenyenye vavã hea agbe ve; ke vɔ̃ɖiyometiti hea ku vɛ.[20] Amesiwo si alakpadzi le la, ŋunyɔ wònye na Yehowa; ke amesiwo fɔɖiɖi mele woƒe zɔzɔme ŋu o la, ƒe nu nyea eŋu.[21] Mina míatso gbe, ne woahagbe tohehe na ame vɔ̃ɖi fi! Ke woade ame dzɔdzɔe ƒe ƒome ya.[22] Nyanu dzetugbee, si nye avɔ la, le abe aƒeha, si sikagɛ le ŋɔti me na ene.[23] Ame dzɔdzɔewo ƒe didi enye dzɔgbenyuie ɖeɖe sɔŋ; ke ame vɔ̃ɖiwo ƒe mɔkpɔkpɔ enye dziku.[24] Amea ɖewo na nu geɖe, ke wokpɔa ho ɖe edzi; amea ɖewo vea nu le nusi dze be, woawɔ la gbɔ, ke ahe ko wodana.[25] Woaɖi ƒo na luʋɔ dɔmenyotɔ la taŋ, eye woana tsi amesi na tsi wono.[26] Amesi mia asi ɖe bli dzi la, amewo aɖo ɖiŋu nɛ, ke yayra ava blidzrala ƒe ta dzi.[27] Ani esi ti nyuie yome la, eƒe nu adze ame ŋu; ke amesi di vɔ̃ la, ado goe.

Hiob 15:1-35
[1] Tete Elifaz, Temanitɔ la, ɖo eŋu gblɔ bena:[2] Ɖe nunyala atsɔ nya tofloko aɖo eŋu, eye ɣedzeƒeya ayɔ eƒe ɖɔmea?[3] Atsɔ nuƒoƒo, si mele ɖeke me o, kple nya, siwo maɖe ame o la, anɔ eɖokui ta ʋlimia?[4] Edzudzɔ mawuvɔvɔ̃, eye nèɖi gbɔ tamesusuwo le Mawu ŋku me.[5] Elabena wò vodada le nu fiam wò nu, eye nètia ayetɔwo ƒe aɖe.[6] Wò nue le fɔ, bum wò, menye nyee o, eye wò nuyiwoe nye ɖasefowo ɖe ŋuwò.[7] Wòe nye ame gbãtɔ wodzi loo? Wòe tredzɔdzɔ na togbɛwoa?[8] Ɖe nèse Mawu ƒe adaŋudede kple to, eye nèfi nunya na ɖokuiwòa?[9] Nuka nènya, eye míawo míenyae o? Nuka gɔme nèse, eye míawo míedze sii o?[10] Ta ɣi tɔwo kple amegã ɖeɖiwo le míawo hã dome, amesiwo ƒe ŋkeke sɔ gbɔ wu fofowò tɔ.[11] Ɖe Mawu ƒe akɔfanamewo kple nya bɔbɔe, si gblɔm wole na wò la, nye nu tsɛ na wòa?[12] Afika wò dzi le fluwòm yinae, eye nukaŋuti wò ŋku le totrom,[13] be nètrɔ wò dziku ɖe Mawu ŋu, eye wò nu le nyawo dudum le ƒoƒom ɖi?[14] Nuka nye amegbetɔ, be yeadza, kple nyɔnu tɔ dzidzia, be yeanye ame dzɔdzɔe?[15] Kpɔ ɖa, meɖoa dzi ɖe eƒe ame kɔkɔewo ŋu o, eye dziƒo medza le eŋku me o,[16] ʋuu eke, ne wòahayi ame nyɔŋu, ame gbegblẽ, amesi noa nu vlo wɔwɔ abe tsi ene la, nye ge?[17] Mele nya to ge na wò, lé to ɖe ŋunye! Eye nusi mekpe la, eya gblɔ ge mala:[18] nusi nunyalawo xlẽ fia le wo fofowo ŋu, eye womeɣlae o,[19] wo, amesiwo ɖeɖe wotsɔ anyigba la na, eye amedzroa ɖeke meto wo dome o.[20] Ŋɔdzi léa ame vlo le eƒe agbe me ŋkekewo katã me, eye ƒe geɖe siawo wotu ɖo na ŋutasẽla.[21] Ŋɔdzigbe ɖi le eƒe to me be: Adzoblasu le ƒoƒo ge ɖe edzi le ŋutifafaɣi me.[22] Mele mɔ kpɔm be, yeasi le viviti nu o, eye ɖe wotiae da ɖi hena yi.[23] Ele tsa glãla tsam le abolo ta be, afika ɖe le? Enyae be, vivitidogbe le klalo ɖe ye xa.[24] Ŋɔdzi kple hiã do dzikatsoƒoe na, wodze edzi abe fia, si dzra ɖo ɖe tadede aʋa me ŋu ene.[25] Elabena eɖo eƒe asi ɖe Mawu ŋu, eye wòdze aglã ɖe ŋusẽkatãtɔ ŋu;[26] eƒu ɖu ɖe edzi kple kɔ dzeti kpakple akpoxɔnu ƒe kpo titri la.[27] Eklã ɖe mo gbɔ, eye eƒe alime ɖa ami,[28] Ena du gbagbãwo kple xɔdowo me, siwo woɖo ɖi de anyiglãgozuzu ŋu.[29] Eyata makpɔ ho o, eƒe kesinɔnu mali ke o, eye mabi alɔ wòatɔ anyi o.[30] Masi le viviti nu o, dzoƒaɖe ana eƒe alɔwo naƒu, eye Mawu ƒe nu me ƒuƒu aɖee ɖa.[31] Megana ŋu ɖom ɖe yakanuwɔwɔ ŋu o, eɖokui flum wòle; elabena axɔ yakanu ɖe eteƒe.[32] Ava me hafi eƒe ɣeyiɣi naɖo dzi, eye eƒe deʋala made ama o.[33] Adudu, abe alesi weintsetse gboewo luluna le weinka ŋu ene, eye woadudu abe amiti ƒe seƒoƒo ene.[34] Elabena ame vlowo ƒe ha medzina ɖe dzi o, eye dzo afiã zãnuxɔlawo ƒe agbadɔ.[35] Wofɔ agbagbadzedze ƒe fu hetsɔ dzɔgbevɔ̃e dzi, eye alakpa tsi ɖe dɔ me na wo.

Ewe Bible 1913
Public Domain