A A A A A

Additional: [Work]


Kolosetɔwo 3:23
eye nusianu, si ke miewɔna la, mi wɔe tso dzi me, abe Aƒetɔ lae miewɔe na ene, eye menye na amewo o,

Efesotɔwo 4:28
Fiafitɔ la nagafi fi o, ke boŋ nedze agbagba, ne woatso eƒe asiwo awɔ dɔ nyui, bene wòakpɔ nane aɖana hiãtɔwo.

Yohanes 6:27
Midze agbagba, menye ɖe nuɖuɖu, si gblẽna ta o, ke boŋ ɖe nuɖuɖu, si anɔ anyi hena agbe mavɔ la ta, esi Amegbetɔvi la lana mi; elabena nenem me la ŋu Mawu Fofo la de dzesi!.

Galatiatɔwo 6:4-5
[4] Ke amesiame nado ye ŋutɔ ƒe dɔwɔwɔ akpɔ, ekema akpɔ nu aƒo adegbe le ye ŋuta ɖokui ɖeɖeko me, eye menye le ame bubu me o.[5] Elabena amesiame atsa ye ŋutɔ ƒe agba.

Psalmowo 90:17
Ale Aƒetɔ, mía Mawu, ƒe ɖɔmenyo nanɔ mía dzi, eye wòana míaƒe asinudɔwo nali ke zã na mi, ẽ, míaƒe asinudɔwo wòana woayi dzi nyuie!

Lododowo 12:11
Amesi de eƒe agble la, akpa abolo fu; ke amesi le nu ƒuƒluwo yome dim la, tagbɔ meli nɛ o.

Lododowo 13:4
Nu le kuviatɔ dzrom, gake dzodzroe; ke veviedola aɖi ƒo.

Filipitɔwo 4:13
Metea ŋu wɔa nuwo katã le Kristo, amesi doa ŋusẽm la me.

Kolosetɔwo 3:24
esi mienya bena, miaxɔ domenyinyi ƒe teƒeɖoɖo tso Aƒetɔ gbɔ la. Miesubɔ Aƒetɔ Kristo!

Lododowo 12:24
Veviedola ƒe asi aɖu fia; ke kuviatɔ adzɔ nu.

Lododowo 14:23
Agbagbadzedze hea viɖe ve; ke nu kpoloe ƒoƒo hea hiã vɛ.

1 Mose 2:3
Eye Mawu yra ŋkeke adrelia, eye wòkɔ eŋuti, elabena eya dzi wòdzudzɔ eɖokui le tso eƒe dɔwɔwɔ, siwo katã Mawu wɔ, eye wòna wodo la me.

Luka 1:37
Elabena naneke mese na Mawu o.

1 Timoteo 5:8
Ke ne amea ɖe melé be na ye ŋutɔ tɔwo o, eye vevietɔ na ye ŋutɔ ƒe aƒemetɔwo o la, egbe xɔse la, eye wòvɔ̃ɖi wu dzimaxɔsetɔ.

Yeremia 29:11
Yehowa be: Elabena menya tame, si meɖo ɖe mia ŋu la, ŋutifafa ƒe tamee, eye menye dzɔgbevɔ̃e ƒe tame o, ne mana nuwuwu, si miele mo kpɔm na la mi.

Lododowo 6:10-12
[10] Gadɔ alɔ̃ vie, gadɔ akɔlɔ̃e vie, de asi asitɛ me nagbɔ ɖe eme vie![11] Ekema wò ahedada aɖi kpe wo ahe mazɔla ene, eye wò hiã ahe ŋutsu, si bla akpa ene.[12] Yakame kple ame gbegblẽ enye amesi tsɔa alakpadanu nɔa yiyimee,

2 Timoteo 2:6
Agbledela, si dzea agbagba la, ele nɛ be, wòatre kutsetse la ƒe ɖe ɖuɖu.

1 Mose 2:15
Eye Yehowa Mawu tsɔ ame la ɖo Eɖen-bɔ me, be woaŋlɔ eme, eye wòakpɔ edzi.

Tito 2:7-8
[7] Le nuwo katã me la tsɔ ɖokuiwò ɖo kpɔɖeŋu le do nyui wɔwɔwo me, megabaɖa nufiafia la o, lé ɖokuiwò nyuie,[8] wò nyagbɔgblɔ nana blibo, si womate ŋu abu fɔ o, bena ŋu nakpe amesi tsi tre ɖe eŋuti, le esi nyaa ɖeke mele esi be, wòagblɔ vɔ̃ ɖe mía ŋuti o la ta.

Lododowo 16:3
Tsɔ wò dɔwo de asi na Yehowa; ekema wò tameɖoɖowo adze dzi.

Ewe Bible 1913
Public Domain