A A A A A

Additional: [Suicide]


2 Samuel 17:23
Esi Axitofel kpɔ be, womewɔ yeƒe adaŋudede dzi na ve o la, ebla akpa na tedzi, eye wodze mɔ yi eƒe me le wo de. Eye esi wòɖo eƒe me la, ede ka ve na eɖokui, eye wòku, eye woɖii ɖe fofoa ƒe yɔdo me.

Yesaya 41:10
megavɔ̃ o, elabena meli kpli wò; ŋɔ megadzi wò o, elabena nyee nye wò Mawu, mali ke wo, makpe ɖe ŋuwò, eye matsɔ nye xoname ƒe nuɖusi alé wò.

Yesaya 55:11
nenema ke nye nya, si do tso nye nu me la anɔ: Magbugbɔ va gbɔnye ƒuƒlu o, negbe ɖeko wòawɔ nye lɔlɔ̃nu, eye wòawɔ nusi gbe meɖoe ɖo la hafi.

Yeremia 29:11
Yehowa be: Elabena menya tame, si meɖo ɖe mia ŋu la, ŋutifafa ƒe tamee, eye menye dzɔgbevɔ̃e ƒe tame o, ne mana nuwuwu, si miele mo kpɔm na la mi.

Yohanes 10:10
Fiafi la mevana o, ne menye le fififi kple wuwu kpakple gbegblẽ ta o.

1 Yohanes 4:4
Viwo, miawo la Mawu me mietso, eye mieɖu wo dzi; elabena amesi le mia me la, etri akɔ wu amesi le xexeame.

Marko 16:16
Amesi ke xɔe se, eye wode mawutsi ta nɛ la, woaxɔe ɖe agbe; ke amesi ke mexɔe se o la, wòabu fɔe.

Psalmowo 55:22
Eƒe nu me nya zrɔ̃ drẽdrẽdrẽ abe notsi kpekẽ ene; aʋawɔwɔ le eƒe dzi me, eƒe nuƒoƒowo le bɔlɔbɔlɔ abe ami ene, ke yi, si wodi, wonye.

Romatɔwo 8:1-2
[1] Eyata azɔ fɔbubua ɖeke meli na amesiwo le Kristo Yesu me la o, amesiwo mezɔna le ŋutilã nu o, negbe le Gbɔgbɔ nu[2] Elabena Gbɔgbɔ, si nye agbe, si le Kristo Yesu me la, ƒe se la xam tso nuvɔ̃ kple ku ƒe se la si.

Romatɔwo 8:38-39
[38] Elabena menyae keŋ bena, eɖanye ku o, eɖanye agbe o; eɖanye mawudɔlawo o, eɖanye dziɖulawo o; eɖanye ŋusẽwo o; eɖanye nusi le fifi o, eɖanye nusi le vava ge o;[39] eɖanye kɔkɔƒe o, eɖanye gogloƒe o, alo nuwɔwɔ bubua ɖe o, mate ŋu amã mí atso Mawu ƒe lɔlɔ̃, si le Kristo Yesu, mía Aƒetɔ me la gbɔ o.

Mateo 27:3-4
[3] Tete esi Yuda, amesi fia eyome mɔ, kpɔ bena, wotso kufia nɛ la, evee, eye wògbugbɔ klosalo, blaetɔ̃ la yi na nunɔlagãwo kple amegãwo gblɔ bena:[4] Mewo nuvɔ̃ be, mede ʋu maɖifɔ asi. Ke woawo gblɔ bena: Mía gbɔ nya kae wotsoa? Wò ŋutɔ kpɔ edzi!

Psalmowo 34:18-19
[18] Wodo ɣli, Yehowa see, eye wòɖe wo tso woƒe xaxawo katã me.[19] Yehowa tsɔ ɖe amesiwo ƒe dzi gbã gudugudu le gbɔ, eye wòxɔna na amesiwo ƒe gbɔgbɔ woƒo ƒu anyi.

1 Samuel 31:3-5
[3] Aʋa la nu sẽ ŋutɔ ɖe Saul dzi, eye esi aŋutrɔdalawo va tui la, vɔvɔ̃ ɖoe ŋutɔ le aŋutrɔdalawo ŋu.[4] Eye Saul gblɔ na eƒe adekplɔvi la bena: Di wò yi naƒo ɖem, ne bolotɔ siawo magava ƒo nu ɖem awɔ funyafunyam o! Ke eƒe adekplɔvi la melɔ̃ o, elabena ele vɔvɔ̃m ŋutɔ. Tete Saul tsɔ eƒe yi, eye wòdze enu.[5] Ke esi Saul ƒe adekplɔvi la kpɔ be, eku la, eya hã tso eƒe yi dze enu, eye woku kplii.

1 Fiawo 16:15-20
[15] Le Yuda-fia Asa ƒe ƒe blave vɔ adrelia me la Zimri ɖu fia le Tirza ŋkeke adre, le esime dukɔ la ɖe to ɖe Filistitɔwo ƒe Gibeon.[16] Esi dukɔ la se le asaɖa me be, Zimri ɖo gbe ɖi, eye wowu fia la hã la, Israel blibo la tsɔ aʋafia Omri ɖo fia ɖe Israel dzi gbemagbe le asaɖa la me.[17] Tete Omri kple Israel blibo la dzo le Gibeton ŋu, eye wova ɖe to ɖe Tirza.[18] Esi Zimri kpɔ bena, woxɔ dua la, eyi ɖe fia ƒe aƒe ƒe mɔ̃ me, eye wòtɔ dzo fia ƒe xɔ la ɖe eɖokui dzi, eye woku[19] le eƒe nuvɔ̃, siwo wòwɔ la ta; elabena ewɔ nusi nye vɔ̃ le Yehowa ŋku me, eye wòto Yerobeam ƒe ʋe me wɔ eƒe nuvɔ̃, siwo wòwɔ hetsɔ ble Israel de nuvɔ̃ me la.[20] Zimri ŋutinya susɔea kple nugbe, siwo wòɖo la, woŋlɔ wo ɖe Israel-fiawo ƒe ŋutinyagbalẽ me.

Ʋɔnudrɔlawo 9:50-55
[50] Emegbe Abimelex ho ɖe Tebez ŋu, eye wòɖe to ɖe Tebez hexɔe.[51] Mɔ̃ sesẽa ɖe le dua titina, eye duametɔwo katã, ŋutsuwo kple nyɔnuwo, si yi ɖe afi ma hedo ʋɔ ɖe wo ɖokui nu, eye wode mɔ̃ la tame.[52] Eye Abimelex te ɖe mɔ̃ la ŋu hewɔ aʋa kplii, eye wòva kekeke mɔ̃ la ƒe agbo nu, be yeatɔ dzoe.[53] Tete nyɔnua ɖe tsɔ tevi xlã ɖe la na Abimelex, eye wògbã ta le enu.[54] Enumake wòyɔ eƒe adekplɔvi gblɔ ne bena: Di wò yi, ne natrɔm ɖo, ne womagagblɔ ɖe ŋunye be, nyɔnue wui o! Tete eƒe adekplɔvi da nui wòku.[55] Esi Israeltɔwo kpɔ bena, Abimelex ku la, amesiame gbugbɔ yi aƒe.

Ʋɔnudrɔlawo 16:25-30
[25] Esi wole dzidzɔ kpɔm la, wogblɔ be: Miɖayɔ Simson vɛ, ne wòado nukokoe na mi! Tete woyi ɖakplɔ Simson tso gaxɔ me vɛ wòle nukokoe dom na wo, eye wokplɔe ɖo sɔti eve domee.[26] Eye Simson gblɔ na ŋutsuvi, si le ekplɔm la bena: Ɖe asi le ŋunye, ne malé sɔti, siwo dzi xɔa nɔ, eye maziɔ ɖe wo ŋu![27] Ŋutsuwo kple nyɔnuwo yɔ xɔ la taŋtaŋ, eye Filistitowo ƒe amegãwo katã le afima, eye ŋutsuwo kple nyɔnuwo anɔ ame akpe etɔ̃ le dziƒo, amesiwo le Simson ƒe nukokoedoname la kpam.[28] Tete Simson yɔ Yehowa gblɔ bena: Aƒetɔ Yehowa, ɖo ŋku dzinye, eye do ŋusẽm fifia ko, oo Mawu, ne mabia hlɔ̃ Filistitɔwo ɖe nye ŋku eveawo nu![29] Eye Simson va titinasɔti eveawo, siwo dzi xɔa nɔ, ɖeka ɖe ɖusi, eye evelia ɖe mia, eye wòtutu wo.[30] Eye Simson gblɔ be: Maku kple Filistitɔwo! Eye wòbi eɖokui kple ŋusẽ, tete xɔ la mũ dze amegãwo kple dukɔ blibo la dzi. Ale amesiwo wowu le eƒe kuɣi la, sɔ gbɔ wu amesiwo wòwu le eƒe agbe me.

Ewe Bible 1913
Public Domain