A A A A A

Additional: [Polygamy]


1 Kronika 4:5
Tekoa fofo Asxur ɖe srɔ̃ eve, siwo nye: Xelea kple Naara.

2 Samuel 5:13
Esi Dawid tso Xebron va la, egadze ahiãwo, eye wòɖe srɔ̃wo le Yerusalem, eye wogadzi ŋutsuviwo kple nyɔnuviwo na Dawid.

2 Samuel 12:8
mede wò aƒetɔ ƒe aƒe asi na wò, eye metsɔ wò aƒetɔ srɔ̃wo ɖo wò akɔ nu; metso Israel kple Yuda ƒe aƒe la na wò, eye ne esia mesɔ gbɔ o la, mate ŋu atsɔ nu bubu akpee na wò le mɔ vovovowo dzi hafi.

2 Kronika 11:21
Eye Rexabeam lɔ̃ Absalom vinyɔnu Maaxa wu srɔ̃awo kple eƒe ahiãwo katã, elabena eɖe srɔ̃ wuienyi, eye wòdze ahiã blaade, eye wòdzi ŋutsuvi blave vɔ enyi kple nyɔnuvi blaade.

2 Kronika 13:21
Eye Abiya ti ke eɖokui; eɖe srɔ̃ ewo, eye wòdzi ŋutsuvi blave vɔ eve kple nyɔnuvi wuiade.

2 Mose 21:10
Ke ne eya ŋutɔ gaɖe nyɔnu bubu kpe ɖe eŋu la, ekema megale nuɖuɖu kple avɔtatae o, eye megagbe egbɔ dɔdɔ, hã o.

1 Mose 4:19
Ke Lamex ɖe srɔ̃ eve; ɖeka ŋkɔ enye Ada, eye evelia ŋkɔ enye Zila.

1 Mose 30:4-9
[4] Eye wòtsɔ eƒe kosi Bilha ne wòde, eye Yakob dɔ kplii.[5] Eye Bilha fɔ fu dzi ŋutsuvi na Yakob.[6] Tete Raxel gblɔ bena: Mawu tso afia nam, ese nye gbe, eye wòna ŋutsuvim. Eyata wòna ŋkɔe be Dan.[7] Eyome la Raxel ƒe kosi Bilha gafɔ fu, eye wòdzi ŋutsuvi evelia na Yakob.[8] Eye Raxel gblɔ bena: Meʋli heƒo koko na Mawu le nɔvinye ta, meɖu dzi Eyata wòna ŋkɔe bena Naftali.[9] Ke esi Lea kpɔ bena, yemegale vi dzim o la, etsɔ eƒe kosi Silpa na Yakob wòɖe.

Yesaya 4:1
Nyɔnu adre alé ŋutsu ɖeka gbemagbe agblɔ bena: Míaɖu mía ŋutɔwo ƒe abolo, eye míata mía ŋutɔwo ƒe avɔ; na woayɔ wò ŋkɔ de mía ŋu ko; ɖe míaƒe ŋukpe ɖa le mía ŋu.

Ʋɔnudrɔlawo 8:30
Ŋutsuvi blaadre le Gideon si, siwo nye eya ŋutɔ ƒe ali me viwo, elabena eɖe srɔ̃ geɖe.

4 Mose 12:1
Eye Miryam kple Aron ƒo nu le Mose ŋu le Kus-nyɔnu la ta, elabena eɖe Kus-nyɔnu

1 Samuel 1:1-2
[1] Ŋutsua ɖe tso Ramatayim-Zofim le Efrayim-to la dzi, eŋkɔ nye Elkana, amesi nye Yeroxam vi, amesi nye Elihu vi, amesi nye Toxu vi, amesi nye Zuf vi, eye wònye Efrayimtɔ.[2] Eɖe srɔ̃ eve, ɖeka ŋkɔ nye Xana, eye evelia ŋkɔ nye Penina; Penina dzi vi, ke Xana medzi via ɖeke o.

5 Mose 21:15-17
[15] Ne ŋutsua ɖe ɖe nyɔnu eve, eye wòlɔ ɖeka, ke melɔ̃ evelia o, eye esi wòlɔ̃na kple esi melɔ̃na o la siaa dzi viwo nɛ, gake esi melɔ̃na o la tɔ nye eƒe ŋgɔgbeviŋutsu,[16] eye azã su wòle domenyinu mã ge na viawo la, ekema mekpɔ mɔ atsɔ esi wòlɔ̃na ƒe viŋutsu awɔ ŋgɔgbevi ɖe esi melɔ̃na o ƒe viŋutsu teƒe o;[17] ke boŋ wòabu esi melɔ̃na o la ƒe viŋutsu ŋgɔgbevii, eye wòana nusiwo katã le esi lae zi gbɔ zi eve awu; elabena eyae nye eƒe ali me vi gbãtɔ, eye etɔe nye domenyinu la.

2 Kronika 24:1-3
[1] Yoas xɔ ƒe adre, esime wòzu fia, eye woɖu fia ƒe blane le Yerusalem. Dadaa ŋkɔ nye Zibya tso Beer-Seba.[2] Eye Yoas wɔ nusi dze Yehowa ŋu le nunɔla Yoyada ƒe agbenɔɣi katã.[3] Eye Yoyada ɖe srɔ̃ eve ne, eye wòdzi ŋutsuviwo kple nyɔnuviwo.

Xezekiel 23:1-4
[1] Eye Yehowa ƒe gbe va nam be:[2] Amevi, nyɔnu eve nɔ anyi, wonye dada ɖeka viwo.[3] Wowɔ gbolo le Egipte, woƒe ɖetugbimee wowɔ gbolo le; afima wolé no na wo le, eye afima wofanya akɔnu na wo le.[4] Woƒe ŋkɔwo nye: xoxoetɔ nye Ohola, eye nɔvianyɔnu nye Oholiba, wozu tɔnye, eye wodzi ŋutsuviwo kple nyɔnuviwo. Woyɔ Ohola be Samaria, eye Oholiba be Yerusalem.

1 Korintotɔwo 7:1-5
[1] Nusi ŋuti mieŋlɔ nya nam le la, mebe: Enyo na ame bena, wòagade asi nyanu ŋu o.[2] Ke le ahasiwɔwɔwo ŋuti la nyanu nane ŋutsu sia ŋutsu si, eye ŋutsu nanɔ nyɔnu sia nyɔnu si.[3] Ŋutsu nawɔ nusi dzɔ la, na srɔ̃a, eye nyɔnu hã nawɔ na srɔ̃a nenema ke.[4] Nyɔnu mekpɔ ŋusẽ ɖe ye ŋutɔ ƒe ŋutilã dzi o, negbe srɔ̃ŋutsu la ko; ke nenema ke ŋutsu hã mekpe ŋusẽ ɖe ye ŋutɔ ƒe ŋutilã dzi o, negbe nyɔnu la ko.[5] Migagblẽ mia nɔewo ɖi o, negbe ne wo kpakple eve lɔ̃ halase ɣeyiɣia ɖe dzi hafi, bena miakpɔ asinu ado gbe ɖa, eye nusia megbe la miagava awɔ ɖeka, bene Satana nagate mi akpɔ le miaƒe ɖokuidzimaɖumaɖu la ŋuti o.

5 Mose 25:5-10
[5] Ne nɔviŋutsuwo le afi ɖeka, eye wo dometɔ ɖeka medzi ŋutsuvia ɖeke hafi ku o la, ekema ame kukua srɔ̃ mekpɔ mɔ aɖe ŋutsu bubua ɖeke o, ke boŋ srɔ̃a nɔvi naxɔe aɖe woazu srɔ̃.[6] Eye ŋutsuvi gbãtɔ, si wòdzi la, nalé nɔvia, si ku la, ƒe ŋkɔ ɖe te, ne eƒe ŋkɔ magatsrɔ̃ le Israel o.[7] Ke ne medze ŋutsu la ŋu be, wòaɖe nɔvia srɔ̃ o la, ekema nyɔnu la nayi ame tsitsiwo gbɔ le ʋɔnu agblɔ bena: Srɔ̃nye nɔvi gbe be, yemalé ye nɔvi ƒe ŋkɔ ɖe te le Israel o; egbe be, yemaɖem o.[8] Emegbe dumegãwo nana woayɔ ŋutsu la vɛ, eye woaƒo nu kplii; ke ne ele dzi gblɔ be, eɖeɖe mele ye dzrom o la,[9] ekema nɔvia srɔ̃ nate ɖe eŋu le ame tsitsiawo ŋku me, eye wòaɖe afɔkpa le afɔ ne, aɖe ta ɖe mo nɛ ahagblɔ bena: Ale woawɔ ŋutsu, si be, yemalé ye nɔvi ƒe aƒe ɖe te o la, enye si.[10] Eye woatsɔ ŋkɔ nɛ le Israel bena: Afɔ ƒuƒlutɔ ƒe aƒe.

1 Kronika 3:1-9
[1] Dawid vi, siwo wodzi nɛ le Xebron la wonye: eƒe ŋgɔgbea Amnon, si nye Axinoam, Yesreel-nyɔnu la lɔ; evelia nye Daniel, si nye Abigail, Karmel-nyɔnu la to,[2] etɔ̃lia nye Absalom, si nye Gesur-fia Talmai ƒe vinyɔnu Maaxa ƒe vi; enelia nye Adoniya, Xagit ƒe vi;[3] atɔ̃lia nye Sefatya, si nye Abital ta; adelia nye Yitream, si nye srɔ̃a Egla tɔ.[4] Wo ame ade wodzi nɛ le Xebron; eɖu fia le afima ƒe adre kple dzinu ade, eye ƒe blaetɔ̃ vo etɔ̃ woɖu fia le Yerusalem.[5] Vi, siwo wodzi nɛ le Yerusalem, wonye: Simea, Sobab, Natan kple Salomo; wole wo ame ene, siwo nye Amiel ƒe vinyɔnu Bat-Sua tɔ;[6] hekpe ɖe Yibxar, Elisama, Elifelet,[7] Noga, Nefeg, Yafia,[8] Elisama, Elyada kple Elifelet ŋu wole wo ame asieke.[9] Amesiawo nye Dawid ƒe viŋutsuwo, ke eƒe ahiãwo ƒe viŋutsuwo mele eme o. Wo nɔvinyɔnu enye Tamar.

Ewe Bible 1913
Public Domain