A A A A A

Sins: [Addiction]


1 Corinthians 10:13-14
[13] Nangmih te hlanghing pawt koinih cuekhalhnah loh n'kae mahpawh. Tedae uepom Pathen amah loh na noeng uh kah a voelah noemcai ham n'hlah mahpawh. Tedae noemcainah te ueh thai ham caehlong khaw a saii bitni.[14] Te dongah ka thintlo rhoek mueibawknah lamloh rhaelrham uh laeh.

1 John 2:16
Diklai dongkah a cungkuem tah, pumsa kah hoehhamnah, mik kah hoehhamnah, khosaknah dongkah oekhlawnnah he pa kah koe la om pawt tih diklai kah la om.

1 Corinthians 15:33
Nangmih n'rhaithi uh boel saeh. Khoboe kodam he hui thae loh a poeih.

James 4:7
Te dongah, Pathen taengla boe na ngai uh tih rhaithae te na tungkha uh daengah ni nangmih taeng lamloh a rhaelrham eh.

1 Corinthians 6:12
A cungkuem he kai taengah m'paek dae boeih a rhoei bal moenih. A cungkuem te kai teangah m'paek dae kai he pakhat long m'buem mahpawh.

1 Peter 5:10
Lungvatnah cungkuem kah Pathen neh Khrih Jesuh kah dungyan a thangpomnah dongla nangmih aka khue amah loh kolkalh kah patang lamloh nangmih te m'moeh vetih, n'duel vetih, n'thaphoh vetih, n'thoh bitni.

Psalms 50:15
Te dongah citcai tue vaengah kai n'khue lah. Nang kan pumcum vetih kai nan thangpom ni.

Romans 5:3-5
[3] Te bueng pawt tih mamih phacip phabaem vaengah phacip phabaem loh uehnah a thoeng sak te ming uh sih lamtah omngaih uh bal sih.[4] Uehnah loh khinngainah, khinngainah loh ngaiuepnah a om sak.[5] Ngaiuepnah loh yahpoh sak pawh. Pathen kah lungnah tah mamih taengah m'paek Mueihla Cim lamloh mamih thinko ah a lun coeng.

1 Corinthians 6:9-11
[9] Halang rhoek loh Pathen kah ram pang mahpawh tila na ming uh moenih a? Nangmih te n'rhaithi uh boel saeh. Hlanghalh rhoek long khaw, mueibawk rhoek long khaw, samphaih rhoek long khaw, himbai hnal long khaw, uicuk long khaw,[10] hlanghuen rhoek long khaw, halhka khaw, yumi rhoek long khaw, olbaikung rhoek long khaw, kutveet long khaw Pathen kah ram pang mahpawh.[11] Te nen te rhakthuem la na om uh dae n'silh tih n'ciim coeng. Te dongah Boeipa Jesuh Khrih ming neh mamih kah Pathen kah mueihla lamlong khaw n'tang sak coeng.

Titus 2:12
Hlangrhong neh lunglai kah hoehhamnah te hnawt ham mamih n'toel coeng. Kumhal ah a cuepmueih la, a tiktam la, hingcim la hing uh pawn sih.

James 1:2-3
[2] Ka manuca rhoeh noemcainah rhoepsaep na um uh te omngaihnah la boeih poek uh.[3] Nangmih kah nuemnainah loh tangnah dongkah uehnah a thoeng sak te ming uh.

Hebrews 4:15-16
[15] Mamih kah vawtthoeknah aka rhen thai mueh khosoihham n'khueh uh moenih. A cungkuem dongah mamih mueiloh la a noemcai coeng dae tholhnah a khueh moenih.[16] Te dongah lungvatnah ngolkhoel taengah sayalh la paan uh sih. Te daengah ni rhennah n'dang vetih bomnah he tapkhoeh la lungvatnah neh m'hmuh eh.

John 3:16-17
[16] Pathen loh diklai a lungnah tangloeng tih khueh duen capa te a paek. Amah aka tangnah boeih tah poci pawt vetih dungyan hingnah a dang ni.[17] Pathen loh diklai te laitloek a thil hamla diklai ah capa a tueih moenih. Tedae anih lamloh diklai te khang ham ni a tueih.

Philippians 4:13
Kai aka thaphoh kung rhangneh a cungkuem khaw ka thai coeng.

Psalms 95:8
Khosoek kah Meribah neh Massah tue vaengkah bangla na thinko te mangkhak sak boeh.

Matthew 6:13
Cuekhalhnah khuila kaimih ng'khuen boel lamtah, a thae khui lamkah loh kaimih n'hlawt lah.

Matthew 26:41
Thoo uh, mawt uh thae sih. Kai aka voei tah ha yoei coeng he,” a ti nah.

Chin Matupi
Public Domain