A A A A A

Good Character: [Acceptance]


1 Corinthians 5:11-13
[11] Tedae nangmih taengah kan daek he tah manuca la a khue taengtae pakhat long khaw hlanghalh la, halhka la, mueibawk la, olbaikung la, yumi la, kutveet la a om atah rhoinaeng puei boeh. Amih te caak puei boeh.[12] Imlang la lai a tloek ham te kai hut a? Namamih khuikah te lai na tloek uh mahnim?[13] Tedae imlang hlang te Pathen loh lai a tloek bit ni. Aka thae te nangmih lamkah rhoe uh.

1 John 1:9
Mamih kah tholhnah te m'phong uh atah amah khaw uepom la om tih a dueng dongah mamih kah tholhnah te a hlah tih boethae cungkuem lamkah mamih n'cilpoe.

1 Peter 3:8-9
[8] A cuinah la, thikat la, hlang rhen kho neh, thintlo koeina, sitloh thimhalh, thindo kodo te boeih khueh uh laeh.[9] A boethae te boethae neh, thuithetnah te thuithetnah neh thuung uh boeh. Tedae a khuplat la uem uh, te ham te n'khue daengah ni yoethennah te na pang uh eh.

John 3:16
Pathen loh diklai a lungnah tangloeng tih khueh duen capa te a paek. Amah aka tangnah boeih tah poci pawt vetih dungyan hingnah a dang ni.

Proverbs 13:20
Hlang cueih taengah aka cet la aka cet tah cueih rhoela cueih tih, hlang ang neh aka luem tah lolh coeng.

Romans 2:11
Pathen taengah maelhmai sawtnah a om moenih.

Romans 5:8
Tedae mamih hlangtholh la n'om uh vaengah mamih ham Khrih a duek te Pathen loh mamih ham a lungnah a tueng sak.

Romans 8:31
Te koinih he rhoek ham balae n'thui uh eh? Pathen te mamih ham coeng atah unim mamih aka pai thil eh?

Romans 14:1-2
[1] Tangnah aka vawtthoek te doe uh lamtah poeknah neh boelhkhoehnah te khueh boeh.[2] Pakhat long ngawn tah boeih caak ham a tangnah. Tedae tattloel long tah toian a caak.

Hebrews 10:24-25
[24] Te phoeiah lungnah, bibi then dongah umyanah ham khat neh khat hmat uh thae sih.[25] Mamih kah humtunnah he pakhat kah khosing bangla phap uh boel lamtah hloep uh thae. Heyet khaw khohnin a yoei te boeih na hmuh ngai coeng.

John 6:35-37
[35] Jesuh loh amih te, “Kai tah hingnah vaidam ni, kai taengah aka pawk tah a bungpong tlaih pawt vetih kai aka tangnah tah tui koep hal tlaih mahpawh.[36] Tedae nangmih loh kai nan hmuh uh lalah nan tangnah uh moenih ka ti.[37] Pa loh kai m'paek boeih te tah kamah taengla ha pawk vetih, kai taengah aka pawk te tah phawn ka haek tlaih mahpawh.

Colossians 3:12-14
[12] Te dongah Pathen kah a coelh rhoek, aka cim neh a lungnah rhoek vanbangla, sitlohnah kotak, rhennah, tlayaenah, muelhtuetnah, thinsennah te bai uh.[13] Khat neh khat naem uh thae lamtah amah mah ah rhen uh thae. Pakhat loh pakhat soah kamkaihnah a khueh atah, Boeipa loh nangmih khodawk a ngai vanbangla nangmih van long khaw te khodawkngai uh.[14] A cungkuem neh he rhoek soah lungnah thap thil. Te tah a soepnah dongkah pinyennah la om coeng.

Matthew 5:38-42
[38] “Mik ham te mik, no ham te no,” a ti te na yaak uh coeng.[39] Nangmih taengah kan thui, a thae te kamkaih boeh, tedae bantang kah na kamrhuh aka bael te pakhat ben khaw a taengla hooi pah.[40] Nang toe ham neh na angki loh aka ngaih te himbai khaw hlah pah thil.[41] Nang meng khat aka tanolh te, amah te meng nit khaw caeh puei.[42] Nang taengah aka bih te pae. Nang taengah puu hamla aka ngaih te khaw bal sak boeh.

Matthew 25:34-40
[34] Te vaengah manghai loh a bantang ben kah rhoek te, “Halo, a pa kah a uem rhoek, diklai a tongnah lamloh nangmih ham a rhoekbah ram te pang uh.[35] Ka pong vaengah caak ham te kai nan paek uh, ka halh vaengah kai nan tul uh. Yinlai la ka om vaengah kai nan khue uh.[36] Ka pumtling vaengah kai nan khuk uh. Ka tlohtat vaengah kai nan hip uh, thongim ah ka om vaengah kai taeng la na pawk uh,' a ti nah ni.[37] Te vaengah aka dueng rhoek loh, “Boeipa me vaengah lae na bungpong te ka hmuh uh tih kang khut uh, na halh vaengah kan tul uh?[38] Me vaengah nim nang te yinlai la kam hmuh uh tih kang khue uh, na pumtling tih kang khuk uh?[39] Me vaengah lae na tlohtat te kan hmuh uh tih thongim ah khaw nang taengla ka pawh uh,' a ti uh ni.[40] Te vaengah manghai loh amih te a doo vetih, 'Nangmih taengah rhep ka thui, ka manuca rhoek khuiah a yit koek pakhat taengah na saii uh te tah kai taengah ni na saii uh,' a ti nah ni.

Romans 15:1-7
[1] Te dongah mamih tatthai rhoek loh, tattloel vawtthoek rhoek talong ham a kuek tih mamih kah kolo ham moenih.[2] Khat rhip loh mah kah imben te a then la hlinsainah neh a kolo sak saeh.[3] Khrih long pataeng amah kolo ham a vai moenih. Tedae a daek tangtae vanbangla nang aka thuithet rhoek kah hnaelcoepnah loh kai n'tlak thil.[4] Aka daek boeih long khaw mamih thuituennah ham ni a daek. Te daengah man Cacim kah thaphohnah neh uehnah lamloh ngaiuepnah te n'khue ve.[5] Uehnah neh thaphohnah Pathen loh amah Khrih Jesuh bangla khat neh khat te poek sak ham ni nangmih m'paek.[6] Te daengah ni mamih kah Boeipa Jesuh Khrih kah a napa neh Pathen te olka pakhat neh huek na thangpom uh eh.[7] Pathen kah thangpomnah ham tah Khrih loh nangmih n'doe van bangla khat neh khat doe uh thae.

Romans 14:10-19
[10] Te koinih nang tah balae tih na manuca te na kamkaih. Nang tah balae tih na manuca te na hnaelcoe. Mamih boeih tah Pathen kah ngolkhoel ah m'pai uh ni.[11] A daek vanbangla Boeipa loh, “Kai tah ka hing. Te dongah Hlang boeih loh kai taengah khuklu cungkueng saeh lamtah olka boeih loh Pathen ming te phong saeh,” a ti.[12] Te dongah mamih khat rhip loh amah amah kah lannah te Pathen taengah a paek tangloeng ni.[13] Te dongah khat neh khat soah laitloek uh thae boel sih. Tedae manuca taengah caehkoek neh thangkui khueh pawt ham he mah laitloek uh.[14] Amah ah aka tanghnong he om pawh tila Boeipa Jesuh ah ka ngaitang tih ka ming dae khat khat loh mebang khaw tanghnong a ti atah anih ham tanghnong la om ni.[15] Caak rhangneh na manuca te a khothet atah lungnah neh na caeh moenih. Anih ham aka duek Khrih te nang kah cakok neh na poci sak ham moenih.[16] Te dongah nangmih ham aka then tah soehsal boeh.[17] Pathen kah ram tah cak neh ook dongah pawt tih duengnah, rhoepnah, Mueihla Cim ah omngaihnah dongah ni a om.[18] Te dongah he nen he Khrih kah sal aka bi tah Pathen ham kolonah neh hlang ham ueppang koi la om.[19] Te dongah rhoepnah koi neh khat neh khat ham hlinsainah koi te hnuktlak uh tangloeng sih.

Chin Matupi
Public Domain