A A A A A

Angels and Demons: [Angels]


Genesis 2:1
Te tlam te vaan rhoek khaw, diklai khaw, amih kah caempuei boeih khaw a coeng.

Colossians 1:16
Amah lamloh vaan neh diklai hmankah hmuhthai neh hmuhmueh boeih te a suen. Ngolkhoel khaw, taemrhainah khaw, boeilu rhoek khaw, saithainah khaw a cungkuem te amah loh amah ham a suen.

Job 38:1-7
[1] BOEIPA loh Job te hlipuei khui lamloh a doo tih,[2] Mingnah aka tal olthui neh cilsuep aka hmuep sak te unim?[3] Hlang bangla na pumpu yen lamtah nang kan dawt bangla kai he n'tueng laeh.[4] Diklai ka suen vaengah melam na om? Yakmingnah na ming atah thui lah.[5] U loh a khodang a khueh khaw na ming van nim? A soah rhilam aka yueng khaw unim?[6] A buenhol te me dongah nim a buen tih, a bangkil lung te unim aka thuinuet?[7] Mincang aisi rhoek rhenten tamhoe uh tih Pathen ca rhoek boeih yuhui uh.

Luke 20:35-36
[35] Kumhal kah te dang ham neh duek lamkah loh thohkoepnah dongkah aka tiing rhoek long tah yuu a loh, va a sak uh moenih.[36] Vaanpuencawn la a om uh dongah koep duek ham khaw om pawh. Pathen kah a ca la om uh tih thohkoepnah kah a ca la poeh uh bal.

Revelation 4:8
Mulhing pali loh a phae parhuk te rhip rhip a khueh. A pum boeih neh a khuiah mik hoeng la bae. Te vaengah duemnah a khueh uh kolla khoyin khothaih, “A cim, a cim, a cim Boeipa Pathen tah tloengkhoelh tah, om coeng tih om li tih ha pawk pueng ni,” a ti uh.

Matthew 22:30
Thohkoepnah dongah yuloh vasak neh rhaihlan ti a om moenih. Tedae vaan ah tah puencawn bangla om uh coeng.

2 Samuel 14:17
Na salnu long tah ka boei manghai kah ol he Pathen puencawn bangla duemnah la om saeh a ti dae ta. Ka boei manghai loh a thae a then khaw a yaak dongah BOEIPA na Pathen tah namah taengah om nawn saeh,” a ti nah.

Luke 15:10
Te vanbangla nangmih taengah kan thui, “Hlangtholh pakhat a yut soah ni Pathen kah puencawn rhoek hmaiah omngaihnah a om,” a ti nah.

Revelation 14:6
Te phoeiah vaan bangli ah aka ding puencawn pakhat ka hmuh. Dungyan olthangthen te diklai hman aka hung rhoek namtom boeih taengah khaw, pilnam koca taengah khaw, ol com ol cae taengah thui ham hang khuen.

Job 4:15-18
[15] Mueihla loh ka maelhmai a pah vaengah ka mul ka saa poenghu.[16] A pai vaengah khaw a mueimae ka hmat moenih. A muei tah ka mikhmuh ah om tih bidip ol a yaak.[17] Pathen lakah hlanghing he tang tih anih aka saii lakah ah hlang caihcil ngai a?[18] A sal rhoek soah tangnah pawt tih a puencawn te a lolh la a khueh atah,

Isaiah 14:12-14
[12] Yaoe thuipa khaw vaan lamloh na cungku mai tih khothaih capa khaw diklai la m'vung tih namtom taengah aka rhaa uh mai.[13] Nang khaw na thinko ah, “Vaan la ka luei hang vetih Pathen kah aisi soah ka ngolkhoel ka pomsang saeh lamtah tlangpuei tlanghlaep kah tingtunnah tlang ah ka ngol eh.[14] Hmuensang khomai dongah ka cet vetih Khohnite ka puet eh,” na ti.

Jude 1:6
Te phoeiah a hmakhuen te a ngaithuen uh pawt tih a imlo aka toeng puencawn rhoek te laitloeknah khohnin puei ham a hmuepnah khuiah hloong neh dungyan a khoh coeng.

1 Peter 3:21-22
[21] Te tah baptisma dongah aka daem nangmih kah mueimae la om van coeng. Pumsa kah a tihnai capitnah ke pawt tih Jesuh Khrih kah thohkoepnah dongah a then la mingcimnah neh Pathen taengah m'bih ke ni.[22] Amah tah Pathen kah bantang ah om. Vaan ah a pongpa vaengah puencawn rhoek, saithainah neh thaomnah te amah taengah boe a ngai sak.

1 Peter 1:12
Amih taengah aka pumphoe te amamih ham moenih tih te nen te nangmih ham ni a moem uh. Te te vaan lamkah han tueih Mueihla Cim neh nangmih olthangthen a phong te tahae ah amih rhangneh nangmih taengah ha puen coeng. Tekah khuila sawt hamla puencawn rhoek loh a hue uh.

Hebrews 12:22
Tedae Zion tlang, aka hing Pathen kah kho, vaan Jerusalem, puencawn rhoek a thawng a sang a tingtunnah,

Revelation 5:11-12
[11] Te vaengah ka sawt hatah mulhing rhoek neh patong rhoek kah ngolkhoel taengvai ah puencawn rhoek kah a ol te muep ka yaak. A hlangmi taha thawng, a thawng neh a sang, a sang la om uh.[12] “Ngawn tangtae tuca tah thaomnah, khuehtawn, cueihnah, thadueng, hinyahnah, thangpomnah neh yoethennah a dang ham aka tingtawk la om pai,” tila ol neh rhuprhup a ti uh.

Psalms 78:25-49
[25] Hlang loh rhaelnu buh a caak tih lampu khaw amih ham kodam la a thak pah.[26] Vaan lamkah kanghawn a hlah tih a sarhi neh tuithim yilh khaw a thawn.[27] Te dongah maeh loh laipi bangla, vaa mul long khaw tuitunli kah laivin bangla amih soah tlan tih,[28] a dap kaepvai kah a lambong lakli ah a hlak pah.[29] Te dongah a caak uh tih muep cung uh. Amih kah ngaihlihnah vanbangla amih te a paek.[30] A ka dongah caak a paem uh pueng akhaw amamih kah hoehhamnah te kholong uh tak pawh.[31] Te dongah Pathen thintoek amih taengla loh pai. Te vaengah amih khuikah thaomthathueng rhoek te a ngawn tih Israel cadongcaloe rhoek te a tulh.[32] Te boeih khui lamkah tholh uh bal pueng tih Boeipa kah khobaerhambae te tangnah uh pawh.[33] Te dongah amih kah khohnin loh a honghi la, a kum khaw lungmitnah neh thok.[34] Amih te a ngawn van daengah ni Boeipa te a tlap uh. Mael uh tih Pathen a toem uh.[35] Te daengah amih kah lungpang Pathen neh amih aka tlan Khohni Pathen te a ngaidam uh.[36] Tedae amah te a ka neh a hloih uh tih a lai neh a taengah laithae uh.[37] Amih kah lungbuei te khaw Boeipa taengah hong pawt tih a paipi te tangnah uh pawh.[38] A thinphoei loh thaesainah khaw a dawth tih amih te phae pawh. Te dongah a thintoek khaw puet a hnop tih a kosi khaw boeih sah pawh.[39] Amih te pumsa lah om tih yilh loh a khum phoeiah ha mael pawt te khaw a poek.[40] Khosoek ah Boeipa mat a koek uh vanbangla khopong ah Boeipa te a noih uh.[41] Te dongah Pathen te koekthoek a noemcai uh tih Israel kah hlang Cim te a phen uh.[42] Rhal khui lamkah Boeipa kut loh amih a lat khohnin te poek uh pawh.[43] Amah kah miknoek te Egypt ah, kopoekrhai hno khaw Zoan hmuen ah a tueng sak.[44] A sokko khaw thii la a poeh sak tih tuicip kangna khaw o uh thai pawh.[45] Amih aka yok ham pil neh amih aka phae ham bukak khaw a hlah pah.[46] A cangthaih te phol taengla, a thaphu khaw kaisih taengla a paek pah.[47] Amih kah misur te rhael neh, a thaihae khaw tlansing neh a ngawn pah.[48] A rhamsa te rhael taengla, a boiva khaw rhaekhmai taengla a uup pah.[49] A thintoek thinsa kah a thinpom khaw, yoethae puencawn rhoi at kah kosi neh citcai te khaw amih taengah a sah.

Psalms 91:11
Na longpuei boeih ah nang aka dawn ham a puencawn rhoek te a uen ni.

Psalms 103:20
A olthui ol ngai ham amah kah olka bangla aka saii, thadueng puencawn, hlangrhalh rhoek loh BOEIPA te uem uh lah.

Matthew 4:6-11
[6] Te vaengah amah te, “Pathen capa la na om atah namah cungpung thuk lah, a daek coeng ta, a puencawn rhoek te nang ham a uen vetih, amih kut neh n'dom bitni, na kho khaw lungto neh na tongtah mahpawh,” a ti nah.[7] Jesuh loh, “Boeipa na Pathen te noemcai boeh tila a daek van,” a ti nah.[8] Te phoeiah rhaithae loh tlang bahoeng a sang la a khuen tih, “Diklai ram boeih neh a thangpomnah te a tueng.[9] Rhaithae loh, “Na bakop tih kai nan bawk atah he rhoek he nang boeih kam paek ni,” a ti nah.[10] Jesuh loh, “Satan cet, Boeipa na Pathen bueng mah bawk lamtah thothueng tila a daek coeng,” a ti nah.[11] Te daengah rhaithae loh a hlah. Te phoeiah puencawn rhoek loh pahoi a paan uh tih Jesuh te a khut uh.

Matthew 16:27
Te dongah Hlang Capa loh a napa kah thangpomnah neh, amah kah puencawn rhoek ham pawk puei vaengah hlang te a khoboe bangla rhip a thuung van ni.

Matthew 18:10
He camoe rhoek khuikah pakhat khaw na hnaep uh pawt ham ngaithuen uh. Nangmih ham kan thui, vaan ah amih kah puencawn rhoek loh vaan kah a pa maelhmai te a hmuh uh taitu lah ko.

Matthew 24:31-35
[31] Amah kah puencawn rhoek te olueng ol aka cai neh a tueih vetih a coelh hlang rhoek te dilaikil pali lamkah, vaan ak a soi lamloh a soi duela tingtun uh ni.[32] Thaibu lamkah nuettahnah te ming uh. A hlaeng loh suepluep la om tih a hnah a boe vaengah khohal tom coeng tila na ming uh.[33] Nangmih khaw he rhoek he boeih na hmuh uh vaengah tah thohka ah ha pawk tom coeng tila ming uh.[34] Nangmih taengah rhep kan thui, he rhoek boeih loh a thoeng hlan atah he cadil he khum loeng loeng mahpawh.[35] Vaan neh diklai tah khum pael ni tedae ka ol he ta khum pael rhoerhoe mahpawh.

Luke 4:10
A daek tangtae vanbangla, amah kah puencawn rhoek te nang aka khoem ham namah yueng a uen bitni.

John 20:11-12
[11] Tedae Mary tah hlan kaeng ah pai tih rhap. Te tlam te a rhah doela hlan te a sawt thuk.[12] Te vaengah puencawn rhoi tah phaeng a bok la Jesuh rhok a yalh nah a lu ah pakhat, a kho ah pakhat a ngol rhoi te a hmuh.

Colossians 2:18
Nangmih te tlayaenah dongah aka hmae neh puencawn rhoek kah a bawknah loh n'hloo sak boel saeh. Anih loh tuektuek a hmuh te a pumsa kah lungbuei neh a hoeihae la a hoemdawk puei.

Hebrews 1:14
Khangnah te pang hamla aka cai rhoek te bibinah dongah a tueih, mueihla thothueng la boeih a om moenih a?

Hebrews 2:6-13
[6] Tedae pakhat loh hmuen pakhat ah laipai tih, “Hlang he metlam a om tih anih te na poek, hlang capa te khaw metlam a om tih anih te na hip.[7] Anih te puencawn rhoek lakah vel na hlak coeng dae thangpomnah neh hinyahnah te anih na khuem sak.[8] A cungkuem te a kho hmuiah boe na ngai sak,” a ti. Te dongah a cungkuem te a taengah boe a ngai sak vaengah anih ham a hloh pah tih a paih om pawh. Tedae a cungkuem te anih taengah boe a ngai te tahae ah m'hmu uh hlan.[9] Tedae puencawn rhoek lakah tangat vel a hlak vaengah dueknah dongkah patangnah lamloh thangpomnah neh hinyahnah Jesuh a khuem sak te m'hmuh uh. Te daengah ni Khohni kah lungvatnah lamloh a cungkuem yuengla dueknah te a ten eh.[10] Te tah amah ham tueng coeng. A cungkuem tah amah ham neh a cungkuem te amah lamloh om coeng. Patangnah lamloh amih kah khangnah rhuihnun te soep sak ham thangpomnah khuila ca rhoek te muep a khuen.[11] Aka ciim sak neh aka ciim rhoek tah pakhat kah boeih ni. Te paelnaehnah nen tah amih te manuca rhoek la khue ham yak pawh.[12] Te vaengah, “Na ming te ka manuca rhoek taengah ka puen vetih, hlangboel lakli ah nang kan hlai ni,” a ti.[13] Te phoeiah, “Kai loh amah te ka pangtung ni,” koep a ti. Te phoeiah, “Kai neh Pathen loh kai m'paek camoe rhoek he,” a ti bal.

Hebrews 13:2
Yinlailungnah te hmaai uh boeh. Te nen te a ngen long tah puencawn rhoek khaw buengrhuet a pah sak.

2 Peter 2:4
Pathen loh puencawn rhoek a tholh uh atah hlun pawh. Te dongah hell tlak nah thirhui neh a hmuepnah la a voeih tih laitloeknah ham a khoh.

Chin Matupi
Public Domain