A A A A A

Mysteries: [Destiny]


John 16:33
Kama letah thlawlungnah naa hnui khy nápawtah ma hming sahlo heh ka ca chingpaw he a cang. Ma khazaw lehei co, lung reithuinah naa hnui thlang a. Canghrasala, naa lung pacy my seh lo! Khazaw heh ka te thah hi,” tatah a tah he.

Revelation 20:12
Taico mehthi vytei, mehlai mehchia, abui dyching hme letah a daw thlangpaw he hmuh neh ka, taico cabu sahlo cawh a pakai thlangpaw khah ka hmuh. Taico ahringpaw cabu khah pakai he ka, ma cawh hringnah cabu a cang. Mehthi sahlo cawh cabu sahlo letei khungpaw aa tuasanah naning khei biacepah a cang he.

Romans 12:2
Ma khazaw hringzia naning hei hring leimei hrah khe o, canghrasala naa thinglung pathasah nátah naa hringzia cawh a thlai thlu seh. Taico Khazing dunah a cangpaw, achawpaw le lung a lawngsahpaw le a tlingpaw a dunah cawh pase khy he ceh ka naa hni khy a.

Romans 8:28-29
[28] Taico Khazing tah Ama a dopaw le Ama a tingpaw naning tah a ypaw sahlo aa cawtah zezongpui khah a chah nápaw lang tah a tuapah he takhah kaa hni.[29] Khazing tei a thing ciapaw sahlo cawh a Sawcapaw hratah aa cang nápaw khah a macang teitah a patlia pacia hlang thah he, zecawtamaw tatah uny hlupui hrong letah a Sawcapaw cawh uthuicai a cang nápawtah.

Ephesians 2:8-9
[8] Zingnah thongtah ningdoná tah pachah naa cang he ceh. Ma cawh naaning taiteipaw cang be, Khazing lahsong a cang,[9] tuasanah rawng tah cang be, macawtaco ahohmai a pachaw khy bei he.

1 Peter 2:8-9
[8] mataico, “Ma alung taco cawngsaw khah a pachihlysah he ka, a pohlysah he.” tatah Capathai tah a tah. A pachihly pawhe cawh thawngchawbia khah aa nge lynah cawtah cang ka, ma cawh aa cawtah khykhi ciapaw khah a cang.[9] Canghrasala naaning cawh thingpaw cawngsaw, abui tlangbui phu, a pathaipaw mingphing, Khazing a cawngsaw na cang he ceh. Ma cawh muinah chung taitah khuarawha a chuipaw khainah lang a ca hruichuatu pawhe naa reithai khy nápaw cawtah a cang.

1 Corinthians 2:7-9
[7] Biaparuh a cangpaw Khazing singnah, kaa rungnaw nápaw caw tei cai a patho hlai taitah a za khykhi ciapaw, a nawh thlangpaw singnah kong khah kaa rei hripaw a cang.[8] Atocai khazaw uhtu a cangpaw sahlo ahotahmai tah ma cawh hnih thai bei he, za hnih thai my he seh la, rungnawnah Buipaw khah khraws letah aa za khaipai tlung be![9] Ma duitei cawh Capathai letei, “Meh tei a hmuh bang lypaw, naw tei a thui bang lypaw, thinglung tei a rawh bang lypaw khah Khazing taco Ama a dopaw sahlo cawtah a pachia,” a tahpaw hrakhei a cang hmuisui.

Chin 2010
Copyright © 2010 Wycliffe Bible Translation