| AEFESO 4:26-31 |
| [26] Kwiyani, koma musachimwe; dzuwa lisalowe muli chikwiyire,[27] ndiponso musampatse malo mdierekezi.[28] Wakubayo asabenso; koma makamaka agwiritse ntchito, nagwire ntchito yokoma ndi manja ake, kuti akhale nacho chakuchereza wosowa.[29] Nkhani yonse yovunda isatuluke m'kamwa mwanu, koma ngati pali ina yabwino kukumangirira monga mofunika ndiyo, kuti ipatse chisomo kwa iwo akumva.[30] Ndipo musamvetse chisoni Mzimu Woyera wa Mulungu, amene munasindikizidwa chizindikiro mwa Iye, kufikira tsiku la maomboledwe.[31] Chiwawo chonse, ndi kupsa mtima, ndi mkwiyo, ndi chiwawa, ndi mwano zichotsedwe kwa inu, ndiponso choipa chonse. |
|
| YAKOBO 1:19-20 |
| [19] Mudziwa, abale anga okondedwa, kuti munthu aliyense akhale wotchera khutu, wodekha polankhula, wodekha pakupsa mtima.[20] Pakuti mkwiyo wa munthu suchita chilungamo cha Mulungu. |
|
| MIYAMBO 29:11 |
| Chitsiru chivumbulutsa mkwiyo wake wonse; koma wanzeru auletsa nautontholetsa. |
|
| MLALIKI 7:9 |
| Usakangaze mumtima mwako kukwiya; pakuti mkwiyo ugona m'chifuwa cha zitsiru. |
|
| MIYAMBO 15:1 |
| Mayankhidwe ofatsa abweza mkwiyo; koma mau owawitsa aputa msunamo. |
|
| MIYAMBO 15:18 |
| Munthu wozaza aputa makani; koma wosakwiya msanga atonthoza makangano. |
|
| AKOLOSE 3:8 |
| Koma tsopano tayani inunso zonsezi: mkwiyo, kupsa mtima, dumbo, mwano, zonyansa zotuluka m'kamwa mwanu: |
|
| YAKOBO 4:1-2 |
| [1] Zichokera kuti nkhondo, zichokera kuti zolimbana mwa inu? Kodi sizichokera kuzikhumbitso zanu zochita nkhondo m'ziwalo zanu?[2] Mulakalaka, ndipo zikusowani; mukupha, nimuchita kaduka, ndipo simukhoza kupeza; mulimbana, nimuchita nkhondo; mulibe kanthu, chifukwa simupempha. |
|
| MIYAMBO 16:32 |
| Wosakwiya msanga aposa wamphamvu; wolamulira mtima wake naposa wolanda mudzi. |
|
| MIYAMBO 22:24 |
| Usayanjane ndi munthu wokwiya msanga; ngakhale kupita ndi mwamuna waukali; |
|
| MATEYU 5:22 |
| koma Ine ndinena kwa inu, kuti yense wokwiyira mbale wake wopanda chifukwa adzakhala wopalamula mlandu; ndipo amene adzanena ndi mbale wake, Wopanda pake iwe, adzakhala wopalamula mlandu wa akulu: koma amene adzati, Chitsiru iwe: adzakhala wopalamula Gehena wamoto. |
|
| MASALIMO 37:8-9 |
| [8] Leka kupsa mtima, nutaye mkwiyo; usavutike mtima ungachite choipa.[9] Pakuti ochita zoipa adzadulidwa; koma iwo akuyembekeza Yehova, iwowa adzalandira dziko lapansi. |
|
| MASALIMO 7:11 |
| Mulungu ndiye Woweruza wolungama, ndiye Mulungu wakukwiya masiku onse. |
|
| 2 MAFUMU 11:9-10 |
| [9] Ndipo atsogoleri a mazana anachita monga mwa zonse anawalamulira Yehoyada wansembe, natenga yense anthu ake olowera pa Sabata, ndi otulukira pa Sabata, nafika kwa Yehoyada wansembeyo.[10] Ndipo wansembeyo anapereka kwa atsogoleri a mazana mikondo ndi zikopa, zinali za mfumu Davide, zosungika m'nyumba ya Yehova. |
|
| 2 MAFUMU 17:18 |
| Chifukwa chake Yehova anakwiya naye Israele kwakukulu, nawachotsa pamaso pake osatsala mmodzi, koma fuko la Yuda lokha. |
|
| MIYAMBO 14:29 |
| Wosakwiya msanga apambana kumvetsa; koma wansontho akuza utsiru. |
|
| Chewa Bible 2014 |
| Bible Society of Malawi |