A A A A A

Additionnel: [Travail]


Colossiens 3:23
Egin dezazuen guztia egizue gogo osoz, Jaunarentzat bezala eta ez gizakientzat,

Éphésiens 4:28
Lapur denak ez dezala aurrerantzean ostu, saia dadila baizik bere eskuz lan egiten, beharrean dagoenari zer eman edukitzeko.

Jean 6:27
Ahalegin zaitezte, ez galtzen den janariagatik, baizik eta irauten eta betiko bizia ematen duen janariagatik; hori Gizonaren Semeak emango dizue, Jainko Aitak bere aginpidearen ordezkari egin duenak.

Galates 6:4-5
[4] Azter beza nork bere jokaera eta, horrela, bereaz harrotu ahal izango da, baina besteekin konparatzen ibili gabe,[5] nork bere zama eraman beharko baitu.

Psaumes 90:17
Guregana bedi Jaunaren, gure Jainkoaren, gozoa! Burutu bitza ongi gure eginbeharrak, burutu ongi gure eginbehar guztiak!

Proverbes 12:11
Bere lurra lantzen duenak ogia ugari, huskerien atzetik dabilena burugabea galanta.

Proverbes 13:4
Alferrak nahi, bai, baina lorrezin; saiatuaren gogoa asebetea izango.

Philippiens 4:13
Dena dezaket indartzen nauen Kristorengan.

Colossiens 3:24
jakinik Jaunarengandik jasoko duzuen ondarea duzuela saria. Zuek Kristo, benetako nagusia, duzue zerbitzatzen.

Proverbes 12:24
Langilea agintari, nagia zerbitzari.

Proverbes 14:23
Nekeak beti du bere irabazia, berritsukeriak pobrezia bakarrik.

Genèse 2:3
Eta bedeinkatu egin zuen zazpigarren eguna eta sagaratu, egun horretan hartu baitzuen atseden kreazio-lanetik.

Luc 1:37
Jainkoarentzat ez baita ezer ezinezkorik.

1 Timothée 5:8
Beretarrez eta etxekoez bereziki arduratzen ez den norbait baldin badago, honek bere sinesmenari uko egin dio eta sinesgabea baino okerragoa da.

Jérémie 29:11
Gogoan dut zuen alde erabakia dudan egitasmoa, zuen zorionerakoa eta ez zuen zoritxarrerakoa, itxaropenez beteriko etorkizuna emango baitizuet. Hala diot nik, Jaunak.

Proverbes 6:10-12
[10] Aldika lozorroan, aldika erdi lo, aldika besoak uztartu eta atsedenean:[11] arlotea bezala iritsiko zaizu gabezia, eskalea bezala etorriko miseria.[12] Gizon maltzur eta gaiztoa ezpainetan faltsukeria duela ibiltzen da.

2 Timothée 2:6
Lanean ahalegindu den nekazariak behar du izan lehena uzta-biltzean.

Genèse 2:15
Jainko Jaunak gizona hartu eta Edengo baratzean ezarri zuen, landu eta zain zezan.

Tite 2:7-8
[7] gauza guztietan zeu egintza onen eredu agertuz: irakaspen garbiko eta gizabidetsu;[8] hitz egin jator eta inork ez kritikatzeko eran, kontra daudenak lotsatan geldi daitezen, gutaz gaizki mintzatzeko egokierarik gabe.

Proverbes 16:3
Utzi Jaunaren esku zeure eginbeharra eta bete egingo dira zure egitasmoak.

Basque Bible 2008
Copyright © Sociedad Bíblica de España, 2008 Utilizada con permiso