A A A A A

Life: [Depression]


Philippesfue 4:8
:Yee' eh-a' klehkpeh-a' 'dlu-' :jla 'da, 'an 'Klae :de-di'-boi'-a:, a :na-dih: deh⧾ :daa :gwluhuh' dih, :en 'dhu-a, deh⧾ :en no-a dhih-a' 'yor-eh-: deh⧾ :en no-a deh-' 'ye-deh⧾-: deh⧾ :en 'sleh-a 'i-: deh⧾ :en :gweh-a :vlehehn'-: deh⧾ :en :nmor-a 'yli-eh ken dih-: 'dekorn: deh⧾ :en 'ble-a 'nyne 'jeh-:. Deh⧾-a' klehkpeh :en :nmor-a 'yi dih-: 'dekorn: deh⧾ nyor⧾ 'beh-dih:-a on 'ye-a' dhih bo po-: me-: a :korn a 'ye :gwluhuh' dih :na-dih:.

1 Pierre 5:6-7
[6] :Yee' 'do eh-a' dha, a :ya a-a' 'jeh ya 'do Nyorsoa-a' dhih-a' 'i 'beh-kpih 'zorn. :Yee' :mor ti or 'bhorn-a, or 'ye a ya-' 'duo:, en nyni 'o, or mu-eh :no.[7] Deh⧾-a' klehkpeh :en 'beh-dih-a a-a' :porluh⧾ 'worn dih, a 'nyi-ih or-uh, or 'ye-ih' kpa. Deh no-eh, or :kma a-a' dhih 'weh.

Jean 16:33
'An zela a deh⧾ :daa :gwluhuh' 'weh, 'de a 'ye :porluh-a' dih 'pehn-eh 'ye, 'an dhih. A mu 'kle 'ye-: dha yao 'zorn. Jorwor: a ku 'di dih. 'On du 'kmo-a' 'kpih 'weh.

Romefue 8:38-39
[38] 'On po-eh' dhih 'jeh, eh beh :se 'meh-a', 'de mor eh :se :febeh', eh beh :se 'enjor-nyor:⧾, 'de mor eh :se 'kwla 'ye-dih-deh:⧾, eh beh :se :kana :ti, 'de mor eh :se ti :en mu-a 'de :yi, 'de mor eh :se deh⧾ :nee'-a' 'kpih,[39] eh beh :se deh⧾ :en :ne-a 'de yai', 'de mor eh :se :yih :en :ne-a 'de 'bluh 'zorn, eh beh :se deh⧾-a' klehkpeh :en :no-eh, me-: 'beh-dih: :en 'ye :a mor-: Nyorsoa-: :a-a' :ybeh-dih-eh 'i cheehn-dih: :deh, :eh :yi-dih:-a :a-a' :Gwlor :baa' :Yusu' 'Klae-'.

1 Pierre 4:12-13
[12] :Yee' :a 'bli-nyor⧾-a:, eh-a' 'ma-dih:-' 'de a 'di dih, 'do 'kle 'ye-eh: :eh :kma-a 'i, a 'ye-a :naa bo, :eh no-a nyor⧾-a' dih 'dhen-deh. A-a' :no-' deh :dele' :oo' :eh yi 'o a bo.[13] Jorwor: a no 'mona :ka a 'ble-a 'for 'de 'Klae-a' 'kle 'ye-eh 'di. Eh mu-eh :no, 'de 'mona 'ye a-' dih 'yi-dih: ti or-a' dhih-a' 'i 'beh-a'-a mu-a nyor⧾ 'i :to-dih-eh.

2 Corinthefue 1:3-4
[3] :Yee' :a po Nyorsoa-a' 'zio :or no-a :a-a' :Gwlor :baa' :Yusu' 'Klae :Baa', 'de :or no-a :a :Baa' :or :korn-a :wehlih, 'de :or :korn-a bo nyor⧾ :porluh⧾ 'di dih :dhe-eh-a' klehkpeh 'wluh-a.[4] Nyorsoa, or-: dhe :a :porluh⧾ 'di dih 'do 'kle 'ye-eh-a' klehkpeh bo, 'de :a 'ye 'kpih 'ye, :a 'ye nyor⧾ :an 'ye-a 'kle :porluh⧾ 'di dih dhe :ke.

Baoule Bible 1996
© Bible Society in Liberia, 1996