A A A A A

Life: [Marriage]


Hébreu 13:4
:Gwlor-nyor⧾-a' klehkpeh :korn on 'ye 'bli 'ti-dih-eh deh-' 'ye. 'Nynor-: yibeor-: an-a' nyor-a' :korn-' 'tmeor⧾. Deh no-eh, Nyorsoa-a mu nyor⧾ :an korn-a 'tmeor⧾-: 'dekorn: :yuh :an no-a 'nyne :zaan'-: an-a' zabe 'i :chehn.

1 Corinthefue 13:4-7
[4] :Porluh-a' dih :kpon-eh-: an-a' 'yi dih :nmor-eh-: me-: 'dhu :ybeh-dih-eh. :Ybeh-dih-eh se :gwlehehn'-: :an-a' 'jeh dhih bo :po-eh-: 'dekorn: 'jeh 'i 'beh-dih-eh-: 'ble.[5] :Ybeh-dih-eh-a' po nyor⧾ yaa'e dih. Eh-a' zi eh-a' 'jeh 'yor-eh-a' :due'-a' dhih. Eh-a' 'dhobo:, eh-a' 'kpa 'chehn-'. Eh-a' 'ble-dih: dhih 'di dih.[6] Nyor⧾ :on 'ble-a :ybeh-dih-eh, an-a' no 'mona :mor nyor no deh-zon. Jorwor: dhih-a' 'yor-eh:, me-: :korn dhih an no 'mona.[7] :Ybeh-dih-eh 'ble 'di dih :ku-eh: 'do nyor⧾ bo. Eh 'ble nyor⧾-a' dhih 'jeh-' :po-eh-: an-a' :gwlii' :dhe-eh-: 'dekorn: :porluh-a' dih :kpon-eh-: 'do on bo.

Jean 14:27
:Porluh-a' dih 'pehn-eh:, eh-: 'an sie-dih a-uh. 'An :porluh-a' dih 'pehn-eh: 'o, eh-: 'an 'nyi a-uh. 'On :se-eh' a 'nyi :ka 'kmo-a no-a eh-a' nyor⧾ 'nyi-eh. A-a' :porluh⧾-a' 'beh-dih:-' a 'worn dih. 'De mor a 'bor :fano: :ple-eh :ke.

1 Pierre 3:7
:Yee' a :mor yibeor-boi'-a:, a kpon :porluh dih, 'do a-a'a: 'nynor⧾ bo :ke. A 'ye-uh deh-', deh no-eh, :ka a no-a dih :ku-eh, on se :ao' :ne, 'de mor on :ne a 'ble 'for 'de 'kmo :sie: :febeh' 'di. :Yee' :mor a no :ao', :yee' Nyorsoa-a mu a-a' bale-wlu 'worn-:.

2 Corinthefue 6:14
:Yee' nyor⧾ :on se-a 'Klae-a' dhih dhih 'jeh-' po, on :ne a-a' :no-' deh :due'. :Kaa deh 'jeh-: deh-zon-: en no 'bei' :eh? 'De mor :kaa zorn-pli-: 'dekorn: :kule-: en na-dih :dha :due' :eh?

Baoule Bible 1996
© Bible Society in Liberia, 1996