A A A A A

Good Character: [Caring]


1 Timothée 5:4
Jorwor: :mor or 'ble 'nynuu-:, 'dekorn: 'die'-nynuu-: :yee' 'nynuu: :dao', :tehn 'i-deh: on :korn on 'ye-a' 'chean', 'do an-a' Nyorsoa-a' :weheh' :za-deh 'di, eh-: 'dhu, on 'ye an-a' 'jeh-a'a: 'cheh 'yli-eh bo 'dhu. :Mor on no deh :daa, :yee' kpa :oo', an za, 'do on 'de-: on :baa'-: 'dekorn: an-a' 'na-boi'-: bo. Deh :daa, eh-: 'pehn-dih Nyorsoa-a' :porluh dih.

1 Timothée 3:15
Jorwor: :mor deh :kpan-dih: 'on, :yee' 'chlee-deh: :daa, eh-: mu :on :gwluhuh' zela:, :ka nyor⧾-a' kplen :korn en 'ye-a' :ne, 'de Nyorsoa-a' 'cheh 'klu-', :on 'dhu-a 'kmo :ne-Nyorsoa-a' 'chore. :Ka 'gbu-a' :zi-tu-: 'dekorn: an-a' glu 'dhu 'da-: en no-a an-a' dih :kpon-eh, 'ka-: 'chore no dhih-a' 'yor-eh-a' dih :kpon-eh :ke.

Jean 8:32
:Yee' a mu dhih-a' 'yor-eh yubo:, 'de dhih-a' 'yor-eh: :dao', me-: mu-eh :no, a 'ye 'de deh⧾-zon⧾-a' 'gegeye 'zorn 'wluh, 'de a 'ye dih 'tali-eh:.

Sa nglô yile 17:5
:Yee' 'do or 'yuba-sehn 'i, 'do :wor 'nyne :en :korn-a gbor :za-eh: 'zile:-a, en 'chle-eh:, :en no-a, 'Babe'lor-gwlor: :or ku-a dih. Or no :bhaa'-nynor⧾-a' klehkpeh 'de. 'De mor 'de or bo, 'do :wor gu-kplen: :no-eh-a' klehkpeh 'wluh.

Jacques 1:27
Deh :a :Baa' Nyorsoa-a 'da-dih-a or-a' :weheh' :za-eh deh 'jeh, :eh :gweh-a :vlehehn'-', :eh se-a 'klii'-deh 'bhun :ne, eh-: :dhe dih. A :za-dih: 'kwie'-nynuu-: 'dekorn: :dhoba: 'nynor⧾-: :an 'ye-a 'kle. :Yee' a 'dhu a-a' 'jeh :dhororn', 'de 'kmo bo-deh⧾ :ne-' a 'kor-dih:.

Jean 6:54
Jorwor: nyor-beh-nyor-beh: :or di-a 'an yau, 'de mor :or 'na-a 'an nyomor, :yee' or-: 'ble 'kmo :sie: :febeh', :yee' 'do :de 'bor-dih-we-eh 'di, 'an mu-or 'de nma-dih-deh 'di :za.

Marc 6:3
Eh :se :Mehle'-a'a: 'yu, :or no-a tu⧾ :bha-nyor :e? Eh :se 'Jeen-: 'Joseh-: :Juda'-: 'dekorn: Samor'-: an-a' 'de-di' :e? Eh :se or-a' dei'-nynor⧾-kpao'⧾, mo-: se dha :a bo :ne :e? :Yee' nyor⧾ :ne-a 'de 'sla :dao' 'zorn, on :se-' or-a' dhih 'worn-dih:.

Jean 14:6
'De :Yusu' 'dae: 'de or bo, 'Mor 'dhu :gwie: :eh no-eh 'de nyor⧾-a yubo-a dhih-a' 'yor-eh: :en kor-a Nyorsoa 'i, 'de :eh 'nyi-a nyor⧾ :febeh'. Nyor se 'beh-dih: or 'ye 'de 'On-ba bo mu, :mor eh 'dhu, or :yi-dih: 'on-' :gbor, 'de or 'ye 'de mu.

1 Timothée 5:8
:Yee' nyor :korn or 'ye or-a'a: 'wluh-a-nyor⧾ 'yli-eh bo 'dhu, :yuh :on :ne-a 'de :or 'bli 'gbu, mo-: or 'ye-eh' bo dih no 'gabaa. :Mor or se-eh no, :yee' or :to 'Klae-a' dhih 'jeh-' :po-eh 'kpuh ya. :Yee' or :zi 'o nyor :or se-a dhih 'jeh-' :po-eh 'ble 'weh.

Galatiefue 1:19
:Yee' :dele' ka, 'on :se-' :Yusu'-a'a: dboo-nyor: :noror' 'ye. Jorwor: 'Jeen :due' 'on 'ye. 'Jeen: :dao' or no :a-a' :Gwlor :baa'-a' dei'.

Jean 3:3-5
[3] :Yee' :Yusu' :wlu-' 'de or bo, or 'dae:, Dhih 'jeh, 'an zela :on :gwluhuh', nyor se 'beh-dih: or 'ye Nyorsoa-a' nyor⧾ wlu 'ken :korn-eh 'ye, :mor eh 'dhu or se 'wluh :dele' ka.[4] :Yee' 'Nekodi'ma dhele-or-: dih, or 'da, :Kaa nyor :or ne-a, or mu 'wluh-a' :no :neheh' :dele' ka :eh? Or 'beh-dih: or 'ye 'de or 'de 'di pa, 'de or 'ye 'wluh 'do kpor⧾-a' 'sororn' neh 'di :e?[5] 'De :Yusu' 'da, Dhih 'jeh, 'an zela :on :gwluhuh', :mor eh 'dhu nyor se 'de 'ni-: 'dekorn: Nyorsoa-a' :Zulu-' :yi-dih:, 'de or 'ye 'wluh, :yee' or se 'beh-dih: or 'ye Nyorsoa-a' nyor⧾ wlu 'ken :korn-eh 'zorn pa.

Hébreu 12:14
:Yee' a vorn a :ne nyor⧾-a' klehkpeh 'ye ken dih kpon-dih:. 'De mor a 'nyi a vorn, a 'ye nyor⧾ :on :dhe-dih-eh 'for 'i no, 'do Nyorsoa bo. Deh no-eh, nyor :or se-a or-a' 'jeh 'for 'i :dhe-dih: 'do or bo, :yee' or :se-' :Gwlor :baa' 'ye-: i.

Sa nglô yile 17:18
:Yee' 'nynor :dao' :on 'ye-a, or-: :nyna 'o 'kwi :gwlor :klaba' :or ku-a dih, 'de :or :korn-a 'bluhba:⧾ :en :ne-a dha yao 'zorn wlu 'ken 'gor bo dih.

Matthieu 16:18
'De 'an zela :on :gwluhuh', :mor :Piteh' :oo', :eh :bleh-dih:-a 'i sobu', 'de 'do 'soba: :daa ken, 'do :wor 'an mu 'an-a: 'chore :po-dih:. 'De 'meh-a' 'kpih :sloror', en :se-' an-a' ya :gba-eh 'beh-dih: i.

Sa nglô yile 17:9
Eh 'worn nyor :or 'ble-a :toror', or-: 'beh-dih: or 'ye deh :daa dih 'worn. 'Dlu⧾ :meheh' 'sorn :dao', me-: :nyna 'o tluh⧾ :meheh' 'sorn :en 'nynor :dhe-a 'o ken dih, :en :bleh-dih:-a 'keen-boi' :meheh' 'sorn 'i :ke.

Philippesfue 4:6-7
[6] A-a' :porluh⧾-a' 'beh-dih:-' a 'worn dih, 'do deh-beh-deh-beh-a' dhih bo. Jorwor: a :wlu 'de Nyorsoa bo, 'de deh⧾-a' klehkpeh 'di. Deh⧾-a' klehkpeh a mu-or dih dhele:-: 'dekorn: :yih :korn-a dhih a mu-or bale:-: a no-eh, 'de or-a' 'zio :po ka 'di.[7] :Yee' :ka a :korn-a 'de :Yusu' 'Klae bo, Nyorsoa-a mu a :porluh-a' dih 'pehn-eh 'nyi-: :eh :gwlor-nyor⧾ se-a-' dih 'worn-eh 'beh-dih: klehkpeh klehkpeh. Eh-: mu a-a' :porluh⧾-: 'dekorn: a-a' 'dlu 'di dih :na-dih-deh⧾-: wlu 'ken :korn.

Galatiefue 4:19
:Yee' :dele' ka, 'an 'nynuu-a:. :Mor 'nynor :taa :gbano: :za-da yi, :ka 'de or 'di-a no-a 'fean'-a', eh-: 'on gweh :ke 'do a-a' dhih bo. 'De 'on 'di-a: 'fean'-' 'do a-a' dhih bo, a 'ye 'Klae-a' klei' :zi-nyor⧾ no 'jeh ka, 'de jorwor: 'de 'ye 'bor.

1 Pierre 3:15
'Nyi a-a' 'Klae-a' deh-' 'ye-eh 'wluh 'o a :porluh⧾ ken. :Yee' 'nyi or no :Gwlor :baa' 'de a-a' 'kmo :ne-eh 'di. A :ne buh⧾ ken, a 'ye-eh' ken dih zela:, 'do ti-a' klehkpeh bo, 'do nyor :or mu-a a dih dhele: bo, deh :korn-a dhih a dhe-a Nyorsoa :gwlii'.

Sa nglô yile 17:1
:Yee' :yeh eh no :ao', :yee' 'enjor-nyor:⧾ :dao', :on 'ble-a 'koba⧾ :meheh' 'sorn, an-a' nyor :due', or-: yi 'o 'on bo, :or 'da, 'Yle, 'on 'ye :on 'kle 'ye-eh: Nyorsoa-a mu-a 'o :bhaa'-nynor: :klaba' 'dlu :po :torne:, :or :dhe-a dih, 'do 'ni⧾ :klaba'⧾ 'nyne bo. Or-: :nyna 'o 'kwi :gwlor :klaba' 'gor bo dih.

Matthieu 18:15-18
[15] :Yee' :mor eh 'dhu, :an-a' 'de-di' no :on deh-zon 'bhun, :yee' zela-or deh-zon: or no-a, eh-a' dhih or :gwluhuh'. Jorwor: :an-a' :no-dih-eh: 'o nyor⧾ 'nyne-', or-: mor-: a :ne 'sororn' gbai. :Mor or :to :on :dou'⧾ bo, :yee' :on ya-or 'o :dhehehn-gwie 'i 'weh.[16] Jorwor: :mor or se :an-a' wlu :dou'⧾ bo :to, :yee' kpa nyor :due', nyor⧾ 'sororn', 'de on 'ye :an-a' dhih-a' klehkpeh bo zela-nyor⧾ no, :ka Nyorsoa-a' 'chlee-deh 'da-a.[17] :Yee' :mor eh 'dhu, :mor or se nyor⧾ :dao', an-a' wlu :dou'⧾ bo :to, :yee' zela: dhih :daa 'chore-nyor⧾ :gwluhuh'. :Yee' :mor eh 'dhu, :mor or se 'chore-nyor:⧾ :sloror' :dou'⧾ bo :to, :yee' or :ne 'de a 'nyne-' 'suh, or 'ye :dou' :dhe 'dlu 'bhun-nyor no. :Yee' :ka nyor⧾-a no-a se Nyorsoa yubo-nyor⧾-: 'dekorn: nyor⧾ nyor⧾-a za-dih-a 'taa-deh⧾ bo, an-a' dhih-: :yee' 'ka :wor :on 'ye or-a' dhih no.[18] Dhih 'jeh, 'an zela a :gwluhuh', deh-beh: a se-a 'ken dih 'worn-dih: dha yao 'zorn, eh :se-' ken dih 'worn-dih-eh: i 'de Nyorsoa 'bli yai'. 'De deh-beh: a :za-a wlu 'ken dha yao 'zorn, eh mu wlu 'ken :za-eh: :ke 'de Nyorsoa 'bli yai'.

ÉphÈsefue 1:22-23
[22] 'De mor Nyorsoa po 'o deh⧾-a' klehkpeh 'do or :buhbuh⧾ 'zorn. 'De or no-eh 'de or no nyor :klaba' 'do deh⧾-a' klehkpeh :en :ne-a 'de 'chore bo.[23] 'Chore, eh-: 'dhu 'Klae-a' yau-'. 'De 'chore 'yi-dih-or dih, :or no-a nyor :or deh⧾-a' klehkpeh 'yi-dih:-a dih.

ÉphÈsefue 5:23
Deh no-eh, nyor-kpalu 'ble 'kpih 'do or-a'a: 'nynor 'dlu :ka 'Klae no-a, 'de or 'ble-a 'kpih 'do 'chore 'dlu :ke. 'De mor, 'Klae-a' 'jeh 'yor-eh:, or-: no 'puh-dih-nyor 'do 'chore bo, :eh 'dhu-a or-a' yau-'.

Sa nga bé yôli'n 4:32
:Yeh eh no :ao', :yee' :Yusu'-a' dhih 'jeh-' :po-nyor⧾-a' klehkpeh, on 'ble :porluh :due'-: 'dekorn: 'dlu 'di dih :na-dih-deh :due'-:. An-a' nyor-a' no, 'On :due', 'mor :korn 'an-a: :kororn-deh⧾. An-a' klehkpeh, an kpuhba deh⧾ dih.

1 Corinthefue 1:10
:Yee' 'an 'Klae :de-di'-boi'-a:, 'an bale a-uh 'weh, 'de :a-a' :Gwlor :baa' :Yusu' 'Klae-a' 'nyne 'di, 'de a-a' klehkpeh, a 'ye deh :due' ken dih 'worn-dih:, 'de deh-' :gble-eh :ne 'de a 'nyne-' 'kpa. A kpon-dih: ken dih deh 'jeh, 'de deh a polo:-a 'do a :gwlii', a 'ye-eh' no.

Jean 12:48
Nyor :or se-a 'an dhih 'worn-dih:, 'de mor :or se-a 'an wlu dih kpon, :yee' 'an wlu-a' 'jeh :dao', 'an za-a-', mo-: :an mu-or zabe :kpon-dih:, 'do :de 'bor-dih-we-eh 'di.

Jean 14:28
A 'worn-eh', 'on zela: a :gwluhuh' 'weh, :ka 'an mu-a dha :mu, 'de 'an mu-a 'noror a bo de :yi. :Mor eh 'dhu, a :ybeh 'on-', :yee' a-a' :porluh⧾-a mu dih 'pehn-: :ka 'an mu-a 'de 'On-ba bo. Deh no-eh, 'On-ba 'beh-: 'i, or :zi 'o 'on-'.

Hébreu 1:14
'Enjor-nyor⧾ no :zulu:⧾ 'suh, :en Nyorsoa dbo-a 'noror nyor⧾ :on :korn :on 'ye-a 'puh bo, 'de :en 'ye-uh'-a' :za-dih:.

Matthieu 18:10
A 'dhu a-a' 'jeh :dhororn', a :ne-' 'nynuu: :daa an-a' nyor :due' :vlehn. Deh no-eh, 'an zela a :gwluhuh' :ka 'enjor-nyor:⧾ :on :ne-a 'de Nyorsoa 'bli yai', :on :korn-a 'de on bo, :an 'dhu-uh-a 'yli-eh bo, mo-: :an pobo 'On-ba: :or :ne-a 'de yai' or-a' 'yuba: ya, ti-a' klehkpeh bo. [

ÉphÈsefue 6:12
Deh no-eh, eh :se :gwlor-nyor⧾-a' nyior-tu: :a :se-' bo vorn. Jorwor: :a vorn 'kwla 'ye-dih-deh:⧾ :en :ne-a 'o yao :gwlii'-: :yih :en :korn-a :kule wlu 'ken dha yao 'zorn-: 'dekorn: :yih :en :korn-a 'kpih-:.

Jean 3:16
Nyorsoa :kma dha yao 'zorn-a' dhih 'weh 'gabaa. Eh-: :korn dhih, or dbo or-a' 'Yu :due' gbai dha mor. :Yee' nyor :or mu-a or-a' dhih dhih 'jeh-' :po, or :se-' gbe :zie: i, jorwor: or mu 'kmo :sie: :febeh' 'ble-:.

Jean 17:17
:An-a' wlu no dhih-a' 'yor-eh:. :Yee' no :an-a' wlu :daa, 'de nyor⧾ :daa, on 'ye 'for 'i :dhe-dih-eh: 'do :on bo.

Sa nglô yile 2:9
'On yubo: deh⧾ :en 'ye-dih a 'kle 'weh. 'De 'on yubo-eh :ka a se-a deh-a' :za-da 'ble. Jorwor: a no bhaan-nyor:⧾, 'de Nyorsoa-a' deh 'i yubo: ka 'di. 'On yubo-eh' :ka nyor⧾ :an 'da-dih-a an-a' 'jeh :Jueh'-nyor⧾ Nyorsoa gan-a, jorwor: on :se :yuh or gan-a, an za-dih a 'kulu-deh⧾ 'bhun dih. On no :dha :due' 'kpa-nyor:⧾ 'do 'ku-a' nyor⧾-a' 'gbon-dih: 'da.

Galatiefue 2:10
Deh :due' on dhele: :a dih, eh-: 'dhu, on 'da, A-a' 'ma-dih:-' se deh-a' :za-da 'ble-nyor:⧾ :on :ne-a 'noror :a :mor :Jueh'-nyor⧾ 'nyne-', an-a' dhih bo o. 'De mor, eh-: no deh 'an :porluh-a sin, 'on 'ye no :dee' see.

Romefue 3:23
Deh no-eh, nyor⧾-a' klehkpeh, on no deh⧾-zon⧾ 'weh, 'de on :tehn-dih: Nyorsoa-a' dhih-a' 'i 'beh-a' bo dih.

Baoule Bible 1996
© Bible Society in Liberia, 1996