A A A A A

Good Character: [Accountability]


Romefue 14:12
:Yee' eh-a' dhih, :a-a' :due' :due'-a mu deh⧾ :a no-a, en-' dhih bo zela: 'do Nyorsoa ybei'.

Romefue 1:20
:Eh 'wluh-a 'o ti Nyorsoa :no-dih:-a 'bluhba, Nyorsoa-a' deh⧾ nyor⧾-a' 'ye-a, :en 'dhu-a or-a' 'kmo :sie-kpih-: 'dekorn: or-a' Nyorsoa-tu-: me-: zela-eh ken dih, nyor⧾-a 'ye-ih' 'de deh⧾ or no-a 'di. Eh-: :korn dhih, 'de :gwlor-nyor⧾ se 'o deh :neheh' 'ble on 'ye 'o :za-dih:.

Jacques 5:16
'Do eh-a' dha, a 'worn-dih: a-a' 'jeh-a' deh⧾-zon⧾-a' dhih, 'de a-a' 'jeh 'nyne-'. A :wlu 'de Nyorsoa bo, a 'bei'-a' dhih, :yee' a 'bei' :wlu 'de Nyorsoa bo, a-a' dhih :ke. :Yee' :mor a no deh⧾ :dao', :yee' a-a' puhba-deh⧾-a mu 'bor-:. Deh no-eh, 'yi 'sleh-nyor-a' Nyorsoa bo :wlu-eh :ne 'kpih ken, 'de eh 'si deh 'i.

Romefue 2:12
Nyor⧾-a' klehkpeh :on se-a :Mose'-a' 'tele' 'ble, 'de :an no-a deh⧾-zon⧾, an mu gbe :zie: 'gboror:. :Yee' :Jueh'-nyor:⧾ :on 'ble-a :Mose'-a' 'tele', 'de :an no-a deh⧾-zon⧾, an-a' zabe-a mu :zi-eh: :ka 'tele' no-a mu-a'.

Luc 12:47-48
[47] :Yee' 'bhoi-yu: :dao', :or yubo:-a or-a'a: nyor :klaba'-a' 'ton :korn-deh, jorwor: :or :se-a or-a' 'jeh 'kpa po, 'de :or se-a or-a' 'ton :korn-deh or 'bhorn-a no, :yee' or mu :bla-eh: 'gabaa.[48] Jorwor: 'bhoi-yu: :yor :or se-eh yubo:, 'de :or no-a blaa-deh⧾, or mu :bla-eh: :weh-beh:. Nyor⧾-a' klehkpeh Nyorsoa 'nyi-a deh⧾ :dhulu', deh⧾ :dhulu', me-: or mu 'sor-: 'de on 'kwa. :Ka en :dhie:-a Nyorsoa po-ih-a 'de :on 'kwa, 'ka-: en mu :dhie:, or 'ye-ih' 'yba 'de :on 'kwa.

1 Thessaloniquefue 5:11
:Yee' 'do eh-a' dha, a po 'de a 'bei'-a' 'kpih :due' :due'. :Yee' a :za-dih-uh' :ka a no-a :naa.

Jacques 4:17
'Do eh-a' dha, nyor-beh-nyor-beh: :or yubo:-a deh 'jeh or :bleh-dih:-a 'i or 'ye-a' no, 'de or 'ye :ao', or se-eh no, :yee' deh-zon: 'o, or no.

Romefue 4:15
:Mose'-a' 'tele' :daa, eh-: :ya 'de Nyorsoa-a' 'chehn-yuba. Jorwor: :dha 'tele' :se-a :ne, 'tele'-a' wa-a' se 'o :ne.

1 Timothée 1:10
Eh :no-eh:-' 'do nyor⧾ :an korn-a 'tmeor⧾ bo-: nyor⧾-kpalu:⧾ :an po-a on 'bei'-nyor⧾-kpalu⧾ 'nynor⧾-: nyor⧾ :an plo-a nyor⧾ on 'ye-a' 'ge-nynuu no-: nyor⧾ :an 'tmo-a sih-: nyor⧾ :an 'dhu-dih-a nyor⧾ dhih ken dih-: 'dekorn: nyor⧾ :an no-a deh⧾ :nee' :en se-a 'o nyor⧾ deh :torne-eh: 'jeh-a' :gwie 'i :ne-:

Matthieu 12:36
'An zela a :gwluhuh', :eh :mor 'do Nyorsoa-a' zabe: :zi-we-eh 'di, :gwlor-nyor⧾-a mu bo zela:, 'do wlu⧾ :en yi-a 'o on worn⧾ 'i :due' :due' bo.

Luc 12:48
Jorwor: 'bhoi-yu: :yor :or se-eh yubo:, 'de :or no-a blaa-deh⧾, or mu :bla-eh: :weh-beh:. Nyor⧾-a' klehkpeh Nyorsoa 'nyi-a deh⧾ :dhulu', deh⧾ :dhulu', me-: or mu 'sor-: 'de on 'kwa. :Ka en :dhie:-a Nyorsoa po-ih-a 'de :on 'kwa, 'ka-: en mu :dhie:, or 'ye-ih' 'yba 'de :on 'kwa.

ÉphÈsefue 5:21
A :ya a-a' 'jeh ya 'do a 'bei' 'zorn :due' :due'. Deh no-eh, 'Klae-a' :fano-a' ple-a', :dhih 'o, a no-eh.

Hébreu 10:25
:Ka nyor⧾ :noo'-a no-a, 'de on 'bor-a :dha :due' 'kpa-eh, 'do Nyorsoa-a' :weheh' :za 'da, a-a' :no-eh' :ke. Jorwor: a 'nyi :a po :a 'bei' 'kpih bo :due' :due', eh 'ye 'o ken dih zi, :ka a yubo-eh 'de 'we-eh: :Gwlor :baa'-a mu-a 'de :ya, eh 'koan'-a bo.

Matthieu 12:36-37
[36] 'An zela a :gwluhuh', :eh :mor 'do Nyorsoa-a' zabe: :zi-we-eh 'di, :gwlor-nyor⧾-a mu bo zela:, 'do wlu⧾ :en yi-a 'o on worn⧾ 'i :due' :due' bo.[37] Deh no-eh, :an-a' wlu-a mu-eh :no, 'de :on 'ye 'gen :korn, 'de :an-a' wlu-a mu-eh :no, 'de zabe 'ye :on kpon.

Galatiefue 6:1-2
[1] :Yee' 'an 'Klae :de-di'-boi'-a:, :mor a 'ye nyor 'de or 'ye deh-zon no, :yee' a :mor :yor ku-a 'de Nyorsoa-deh 'di, a :mor :or 'ye-or' 'o :gwie 'i de po. Jorwor: a 'pehn-dih: wlu dih, 'de or bo. :Yee' a 'dhu a-a' 'jeh :dhororn' 'de deh or no-a, a :ne-' eh-a' no-a' 'bhorn :ke.[2] :Yee' :mor a 'be :taa 'kle 'ye, :yee' a :za-dih-or-'. :Mor a :taa 'o no, :yee' 'tele' 'Klae :torne: a-uh, eh-: 'o a dhe 'o dih.

Hébreu 10:24
:Yee' :a :korn :a 'ye :a 'bei'-a' dhih zi, 'de on 'ye :a-a' ne-a' dhih zi :ke, 'de eh 'ye 'de a 'bei'-a' 'kpih po, 'de :ybeh-dih-eh-: 'dekorn: deh⧾ 'jeh ne-a' no-a'-: en 'ye 'de a 'nyne-' :ne.

1 Jean 2:2
Or-: 'dhu Nyorsoa gban 'i 'dhu-dih-deh-', 'do :a-a' deh⧾-zon⧾-a' dhih bo. 'De eh :se :a :due', :a-a' deh⧾-zon⧾-a' dhih, jorwor: 'do :gwlor-nyor⧾-a' klehkpeh yobo' po-a 'de :gle 'gbeheh 'di, an-a' deh⧾-zon⧾-a' dhih bo :oo' :ke.

2 Corinthefue 5:10
Deh no-eh, :a-a' klehkpeh :a :korn :a 'ye dih :nyna 'do 'Klae-a' zabe: :zi :kpala' ybei' :due' :due' :gbor. Deh⧾ :a-a' klehkpeh :a no-a ti :a :ne-a 'kmo dha yao 'zorn, :eh beh deh-zon: :a no-: :eh beh deh 'jeh :a no-: :a mu eh-a' geli' :za-dih-deh 'ye-: :due' :due'.

2 Corinthefue 4:17-18
[17] 'Worn dih 'beh-eh-yu-beh: :daa :eh :se-a 'o :gwle i, :a 'ye-a :naa, eh mu :a 'kmo :sie: :febeh' :eh 'ble-a dhih-a' 'i 'beh-a' :eh 'beh-a 'i, :eh :zi-a 'o 'kle 'ye-eh: :daa, 'nyi-:.[18] :Yee' 'do eh-a' dha, deh⧾ :a-a' 'yli-eh 'ye-a, eh :se 'de en bo, :a :se-' :a-a' :porluh⧾ po. Jorwor: :yih :a-a' 'ye-a, 'de en bo, 'do :wor :a po :a-a' :porluh⧾. 'De mor deh⧾ :a-a' 'yli-eh 'ye-a, en :se 'o :gwlee-deh:. Jorwor: :yih :a-a' 'ye-a, me-: no 'kmo :sie-deh⧾.

ÉphÈsefue 4:25
:Yee' 'do eh-a' dha, sih 'tmo-eh se :ne :neheh'. 'Nyi nyor⧾-a' klehkpeh :za dhih 'jeh-' 'de an-a' 'Klae :de-di'-boi' bo. Deh no-eh, :a-a' klehkpeh, :a no deh :due' 'de 'Klae-'.

Galatiefue 6:2
:Yee' :mor a 'be :taa 'kle 'ye, :yee' a :za-dih-or-'. :Mor a :taa 'o no, :yee' 'tele' 'Klae :torne: a-uh, eh-: 'o a dhe 'o dih.

Sa nga bé yôli'n 14:17
Jorwor: or :to-dih: or-a' 'jeh nyor⧾ 'i 'weh 'do deh⧾ 'jeh or no-a bo. Or 'nyi a dbaa-ni: :eh 'wluh-a 'de yai', 'de or 'nyi a 'dhuu'-deh⧾ 'do en-' :noror' 'i. 'De or 'nyi a dii-deh:⧾ :dhulu', or 'yi-dih: a-a' :porluh⧾ 'mona-' dih.

2 Corinthefue 2:6
Nyor :dao', 'kle 'ye-eh: a-a' :dha :dhulu' po-a 'o or 'dlu, eh :dhie: 'i.

1 Corinthefue 1:10
:Yee' 'an 'Klae :de-di'-boi'-a:, 'an bale a-uh 'weh, 'de :a-a' :Gwlor :baa' :Yusu' 'Klae-a' 'nyne 'di, 'de a-a' klehkpeh, a 'ye deh :due' ken dih 'worn-dih:, 'de deh-' :gble-eh :ne 'de a 'nyne-' 'kpa. A kpon-dih: ken dih deh 'jeh, 'de deh a polo:-a 'do a :gwlii', a 'ye-eh' no.

Baoule Bible 1996
© Bible Society in Liberia, 1996