A A A A A

Good Character: [Acceptance]


1 Corinthefue ౫:౧౧-౧౩
[౧౧] Deh 'an za-dih-a dhih-' dih, eh-: :dhe dih. Nyor :or 'da-dih-a or-a' 'jeh 'Klae-a' klei' :zi-nyor, 'de :or :ne-dih:-a 'tmeor:⧾ :korn-eh-: deh⧾-a' 'klan :korn-eh-: zuu⧾-a' :weheh' :za-eh-: nyor⧾ 'bhun dih :wlu-eh-: nomor 'na-eh-: 'dekorn: 'yli-a'-: 'kmo. Eh-a' nyior-tu: :ne :ao', or :ne a-a' nena:-' bo, 'de on :ne a-a' kpuhba:-' son⧾ ybei' :sloror'.[౧౨] Deh 'on po 'de dih :eh, 'de 'on 'ye nyor⧾ :on se-a 'noror 'chore-' :ne, an-a' zabe zi :eh? Nyor⧾ :on :ne-a 'noror 'chore-', mo-: :korn zabe: a :korn a 'ye zi.[١٣] Nyorsoa-a mu :yuh se-a 'noror 'chore-' :ne, an-a' zabe :zi. :Yee' a :mor 'ye :yuh :ne-a 'de 'chore-', an-a' zabe zi, :ka Nyorsoa-a' 'chlee-deh no-a eh-a' :za-a', eh no-a, A :za 'de deh⧾-zon:⧾ :no-nyor⧾ 'noror a 'nyne-'.

1 Jean 1:9
:Mor eh 'dhu :a 'worn-dih: :a-a' deh⧾-zon⧾-a' dhih, :yee' Nyorsoa :or no-a :dhehehn-nyor, 'de :or 'sleh-a 'i, or-: mu :a-a' deh⧾-zon⧾-a' dhih bo 'ma-dih:, 'de or 'ye :a-a' noo-deh⧾-a' klehkpeh :en se-a 'i 'sleh, 'do :gwie 'i po.

1 Pierre 3:8-9
[8] :Yee' eh-a' klehkpeh-a' 'dlu-' :jla 'da, a-a' klehkpeh, a kpon-dih: ken dih 'de a 'nyne-'. 'Nyi a-a' :porluh⧾ 'chlehn 'do a 'bei' bo. A :ybeh-dih: :ka a 'dhu-a 'Klae :de-di'-boi'-'. A 'ye a 'bei' :wehlih. :Yee' a :ya a-a' 'jeh ya.[9] :Mor nyor no a deh-zon 'bhun, :yee' a-a' :no-' deh-zon, a-a' :za-' kpa. :Mor nyor 'jle-dih: a-uh, :yee' a-a' :no-' 'jlei, a-a' :za-' kpa. Jorwor: a po nyor :dao' :bhorlie' bo. Deh no-eh, eh-: :korn dhih 'de Nyorsoa 'da a-uh. :Yee' a mu :bhorlie' 'ye-:.

Jean 3:16
Nyorsoa :kma dha yao 'zorn-a' dhih 'weh 'gabaa. Eh-: :korn dhih, or dbo or-a' 'Yu :due' gbai dha mor. :Yee' nyor :or mu-a or-a' dhih dhih 'jeh-' :po, or :se-' gbe :zie: i, jorwor: or mu 'kmo :sie: :febeh' 'ble-:.

Romefue 2:11
Deh no-eh, Nyorsoa-a' :za :gwie-for :due'.

Romefue 5:8
Jorwor: 'Klae 'meh-' 'do :a-a' dhih bo, ti :a 'si-a 'o deh⧾-zon⧾-a' no 'da. 'Ka-: 'o Nyorsoa no :a-a' :torne-eh :ka or :ybeh :a-uh' 'gabaa.

Romefue ٨:٣١
:Yee' :kaa :a mu 'da-: :naa :eh? :Mor Nyorsoa :ne 'de :a-a' 'for bo, :yee' :or 'beh-dih: :or 'ye :a bo vorn :eh?

Romefue 14:1-2
[1] :Yee' 'Klae-a' nyor :or :korn-a dhih 'jeh-' :po-eh se-a dih ku, a kpon-or dih, jorwor: or :ne a-a' dhobo:-' 'do deh⧾ or na-dih-a :gwluhuh' dih, :en :ne a-a' ne se-a :gwie :due' kpa, en-' dhih bo.[2] Nyor⧾ :noo' :on no-a 'Klae-a' nyor⧾, an-a' dhih 'jeh-' :po-eh no-eh, 'de an di deh⧾-a' klehkpeh, jorwor: nyor⧾ :noo' :on :korn-a dhih 'jeh-' :po-eh se-a dih ku, an di 'dhuu'-deh⧾ :due' 'suh 'klein'.

Hébreu ౧౦:౨౪-౨౫
[౨౪] :Yee' :a :korn :a 'ye :a 'bei'-a' dhih zi, 'de on 'ye :a-a' ne-a' dhih zi :ke, 'de eh 'ye 'de a 'bei'-a' 'kpih po, 'de :ybeh-dih-eh-: 'dekorn: deh⧾ 'jeh ne-a' no-a'-: en 'ye 'de a 'nyne-' :ne.[౨౫] :Ka nyor⧾ :noo'-a no-a, 'de on 'bor-a :dha :due' 'kpa-eh, 'do Nyorsoa-a' :weheh' :za 'da, a-a' :no-eh' :ke. Jorwor: a 'nyi :a po :a 'bei' 'kpih bo :due' :due', eh 'ye 'o ken dih zi, :ka a yubo-eh 'de 'we-eh: :Gwlor :baa'-a mu-a 'de :ya, eh 'koan'-a bo.

Jean 6:35-37
[35] 'De or 'da, 'Mor-: 'dhu dii-deh: :eh 'nyi-a nyor⧾ 'kmo :sie: :febeh'. Nyor :or yi-a 'noror 'on bo, 'moeh :se-or' :no i :neheh'. 'De mor nyor :or po-a 'an dhih dhih 'jeh-', :yee' 'ni 'na-ton :se-or' :no i :neheh'.[36] Jorwor: :ka 'on no-a a-a' :gwluhuh' zela-eh, a 'ye 'on 'weh, 'de a :se-' 'an dhih dhih 'jeh-' po :chio'lo:.[37] Nyor⧾-a' klehkpeh 'On-ba 'nyi-a 'on, an mu 'noror 'on bo :yi. 'De mor nyor-beh-nyor-beh: :or mu-a 'noror 'on bo :yi, 'on :se-or' dih :no i, :ka ti-a mu-a 'dlu-' :tehn.

Colossesfue 3:12-14
[12] :Yee' Nyorsoa :ybeh a-uh' 'weh, 'de or gan a-uh, a 'ye or-a' nyor⧾ :on :dhe-dih-eh 'for 'i no 'do or bo. :Yee' eh-a' dhih, a pa 'wla⧾ :en no-a, nyor⧾ :wehlih 'ye-eh-: :porluh-a' 'yi dih :nmor-eh-: an-a' 'jeh ya :ya-eh-: 'yi :kpon-eh-: 'dekorn: :porluh-a' dih :kpon-eh-:.[13] A 'bor a 'bei' 'chehn-' 'kpa-dih-eh. A 'ma-dih: a 'bei'-a' deh⧾-zon⧾-a' dhih bo, :mor eh 'dhu on no a deh-zon 'bhun. A 'ma-dih: an-a' deh⧾-zon⧾-a' dhih bo, :ka :Gwlor :baa' no-a, 'de or 'ma-dih:-a a-a' ne-a' dhih bo :ke.[14] :Yee' :ybeh-dih-eh:, eh-: 'ye 'o deh⧾-a' klehkpeh :daa 'dlu :ne. Eh-: 'kpa deh ken. Eh-: po deh⧾-a' klehkpeh :dha :due', 'de ken dih mu-dih-eh: 'jeh 'di.

Matthieu 5:38-42
[38] :Yee' a 'worn-eh' :mloror' :ka eh :za-eh:-', :eh no-a, 'Yli-eh :korn 'de 'yli-eh bo, 'de 'nyne-eh :korn 'de 'nyne-eh bo.[39] Jorwor: 'an zela a :gwluhuh', a-a' :za-' kpa 'do nyor⧾ :an no-a deh⧾-zon⧾ 'do a bo. Jorwor: :mor nyor tba :an-a' :dila-gea 'kpa, :yee' :to 'o 'for-a' 'sororn' nor :ke.[40] :Yee' :mor eh 'dhu, nyor-beh 'bhorn or 'ye :on 'koti-' po, 'de or 'ye :an-a'a: 'wla kpa, :yee' 'nyi :an-a'a: 'korlor, or-uh :ke.[41] :Mor eh 'dhu, nyor :kpa-dih: :on 'kpih, :on 'ye-or' :gwie 'i kpa, :on 'ye-or' :gwie-' 'kplo :due' :na-dih:, :yee' :na-dih-or :gwie-' 'kplo⧾ 'sororn'.[42] :Mor nyor :zlor deh 'de :on bo, :yee' 'nyi-eh or. :Yee' :mor nyor 'yba-dih: :on deh, or 'ye-eh' de :ya, :yee' :an-a' :no-' 'kei.

Matthieu 25:34-40
[34] :Yee' 'ka-: 'Keen-a mu :aa 'da-:, 'de nyor⧾ :on :ne-a 'de or-a' :dila-son bo, A 'yle, a :mor 'On-ba po-a :bhorlie' bo, a 'yle, Nyorsoa-a' nyor⧾ wlu 'ken :korn-eh-a fuo a ken see, :eh 'wluh-a 'de ti Nyorsoa :no-dih:-a 'bluhba, a 'ye-eh' 'ye.[35] Deh no-eh, ti 'moeh-a no-a 'on, :yee' a 'nyi 'on dii-deh:⧾. Ti 'ni 'na-ton-a no-a 'on, :yee' a 'nyi 'on 'ni, 'de 'on 'na. Ti 'on no-a 'duhba-yu, :yee' a :ko-dih: 'on 'gbu.[36] Ti 'on :chehn-a wluh bo, :yee' a 'nyi 'on paa-deh:⧾. Ti 'an puhba-a, :yee' a yi 'on 'nyinor-' :za 'da piee. Ti 'on :ne-a :kasue 'di, :yee' a yi 'de 'on bo 'weh.[37] :Yee' 'yi 'sleh-nyor:⧾ :dao', an mu :ao', :Gwlor :baa', ti :yihih :eh 'moeh no :on, 'de :a 'nyi :on dii-deh⧾ :eh? Ti :yihih :eh 'ni 'na-ton-a no :on, 'de :a 'nyi :on 'ni :on 'ye 'na :eh?[38] Ti :yihih :eh :a 'ye :on, 'de :on :no-dih: 'duhba-yu, 'de :a :ko-dih: :on 'gbu :eh? 'De mor, ti :yihih :eh :a 'ye :on, 'de :on :chehn wluh bo, 'de :a 'nyi :on paa-deh⧾ :eh?[39] Ti :yihih :eh :a 'ye :on, 'de :an puhba, 'de mor :on :ne :kasue 'di, 'de :a :yi-dih: 'de :on bo :eh?[40] :Yeh on 'da :ao', :yee' 'Keen-a mu-uh :gwluhuh' zela:, or 'ye :ao', Dhih 'jeh, 'an zela a :gwluhuh', deh⧾ :daa, en-' deh-beh: a no-a, 'do 'de-di'-boi' :daa :on :korn-a 'de 'on bo, :mor a no deh, 'do an-a' 'zeehn: :nor, :or se-a deh ken 'kpa bo, :yee' 'mor-: 'o, a no-eh 'bhun.

Romefue 15:1-7
[1] :Yee' :a :mor :or :korn-a dhih 'jeh-' :po-eh: ku-a dih, :a :korn :a 'ye :yuh :on :korn-a dhih 'jeh-' :po-eh: se-a dih ku bo 'kpa. :A 'bor, :a-a' 'pehn-dih:-' :a-a' :porluh⧾ :due' dih 'klein'.[2] :A-a' :due' :due' :korn :a 'ye :a-a' 'Klae :de-di'-a' :porluh dih 'pehn-dih:, eh-a' :yeh :eh mu-or' :za-dih:, 'de eh 'ye-eh' no, or-a' dhih 'jeh-' :po-eh 'ye dih ku.[3] Deh no-eh, 'Klae :sloror', or :se-' or-a' 'jeh 'yor-eh-a' :porluh dih 'pehn-dih:. 'De mor eh 'chle-eh 'de Nyorsoa-a' 'chlee-deh 'di, eh 'da, 'Jlei: nyor⧾ :noo' 'jle-dih:-a :on, en 'wla 'on ken dih :ke.[4] :Yee' deh⧾-a' klehkpeh :en 'chle-eh 'de Nyorsoa-a' 'chlee-deh 'di :zai', en 'chle-eh:-' en 'ye :a deh :torne:, 'de :a :ne-' sea. :Yee' :mor en no-eh, 'de :a 'ye :ao', :a se sea, 'de en 'ye :a 'kpih 'nyi, :yee' :a mu :gwlii' :dhe-deh 'ble-:.[5] :Yee' 'nyi Nyorsoa :or no-eh 'de nyor⧾-a' sea-a, 'de :or po-uh-a 'kpih bo, 'nyi or no-eh, 'de a 'ye ken dih kpon-dih: 'de a 'klu-', :ka a zi-a 'o :Yusu' 'Klae klei',[6] 'de a 'ye :porluh :due' 'ble, 'de a 'ye wlu :due' 'ble, a 'ye :a-a' :Gwlor :baa' :Yusu' 'Klae :Baa' :or 'dhu-a Nyorsoa-' dhih-a' 'i 'beh-a' 'nyi.[7] :Yee' 'do eh-a' dha, a kpon a 'bei' dih :due' :due', :ka 'Klae no-a a-a' dih :kpon-eh :ke, eh 'ye-eh' no nyor⧾ 'ye Nyorsoa dhih-a' 'i 'beh-a' 'nyi.

Romefue 14:10-19
[10] :Yee' :eh :korn dhih, 'de :an chehn :an-a' 'Klae :de-di'-a' zabe 'i :eh? :Yee' :eh :korn dhih, 'de :an vlehn-or :eh? En-' klehkpeh :daa, :a-a' klehkpeh, :a mu dih :nyna, 'do Nyorsoa-a' zabe: :zi :kpala' ybei',[11] :ka eh no-a 'chle-eh 'de Nyorsoa-a' 'chlee-deh 'di, eh no-a, :Gwlor :baa' 'da, :Ka 'on :ne-a 'kmo, nyor⧾-a' klehkpeh, an mu 'koor-dlu⧾ 'yi glu :bla 'do 'on ybei'. :Yee' :meo⧾-a' klehkpeh mu-eh-' :za :ka 'on 'dhu-a Nyorsoa-'.[12] :Yee' eh-a' dhih, :a-a' :due' :due'-a mu deh⧾ :a no-a, en-' dhih bo zela: 'do Nyorsoa ybei'.[13] :Yee' eh-a' dhih, a 'nyi, :a 'bor :a 'bei'-a' zabe 'i :chehn-eh 'suh. Jorwor: a :korn a 'ye-eh' :gwluhuh' dih :na-dih:, 'de a :ne 'o deh 'do a-a' 'Klae :de-di'-a' :gwie 'i po, 'de or :ne-eh' 'gbele:.[14] :Ka 'on 'dhu-a nyor :or :korn-a 'de :Gwlor :baa' :Yusu' bo, 'on yubo-eh' 'jeh ka, dii-deh⧾-a' klehkpeh :nmor-: 'yi, 'do di-a' bo. Jorwor: :mor nyor 'da dii-deh: :yeh :daa, eh se 'yi dih :nmor 'do di-a' bo, :yee' 'do or bo :oo', eh se 'yi dih :nmor-dih:.[15] :Mor eh 'tuh :an-a' 'Klae :de-di' dih, 'do deh :an di-a, eh-a' dhih bo, :yee' eh se 'de or-a' :ybeh-dih: ka 'di :ne :neheh'. :An-a' dii-deh:⧾-a' :no-eh', 'de en-' 'kor-dih:-' :an-a' 'Klae :de-di', :or :korn-a dhih 'Klae 'meh-a.[16] :Yee' deh a 'da-dih-a deh 'jeh neh, a-a' :no-eh' nyor⧾-a' 'da-dih:-eh' deh-zon.[17] Deh no-eh, Nyorsoa-a' nyor⧾ wlu 'ken :korn-eh se deh :di-eh-: 'dekorn: 'na-a'-: deh 'i kor. Jorwor: eh kor 'yi 'sleh-eh-: ken dih :kpon-dih-eh-: 'dekorn: 'mona-: :en 'wluh-a 'de Gban 'i :ne :Zulu bo 'i.[18] Deh no-eh, nyor :or za-a 'Klae-a' :weheh' deh :dao', :yee' or-: 'pehn-dih: Nyorsoa-a' :porluh dih, 'de :gwlor-nyor⧾ 'worn-dih: or-a' dhih ken dih.[19] :Yee' eh-a' dhih, a 'nyi :a vorn, :a 'ye deh no, :eh 'ye-a 'de ken dih :kpon-dih-eh :ya, 'de :eh 'ye-a :a-a' dhih 'jeh-' :po-eh dih :ku-dih:, 'do :a-a' :due' :due' bo.

Baoule Bible 1996
© Bible Society in Liberia, 1996