A A A A A

God: [God's Grace]


ÉphÈsefue 2:8-9
[8] :Yee' Nyorsoa-a' mla :oo' :or no-eh, 'de a 'puh, :eh :yi-dih:-a dhih 'jeh-' :po-eh-'. Eh se 'de a-a' 'yor-eh bo 'wluh, jorwor: Nyorsoa-a' 'nyii'-deh: 'o.[9] 'Puh-a' :daa or :se 'de a-a' 'yor-eh-a' :koan bo 'wluh, 'de nyor-beh-nyor-beh :ne-' or-a' 'jeh 'i 'beh-dih:.

Tite 2:11
Deh no-eh, Nyorsoa :to-dih: or-a' mla nyor⧾-a' klehkpeh-: 'i, 'de an-a' klehkpeh 'ye 'puh-a' 'beh-dih:.

Romefue 11:6
:Yee' :mor eh 'dhu, or gan nyor⧾ :dao' 'do or-a' :wehlih: :korn-eh-a' dhih bo, :yee' eh :se :koan: on no-a, or-a' dhih, or :se-uh' gan. :Mor eh 'dhu, or gan-uh, 'do :koan: on no-a, or-a' dhih bo :dee', :yee' or-a' :wehlih: :korn-eh :se :wehlih: :dele' ka.

Sa nga bé yôli'n 15:11
'Kei:. Eh se :korn eh 'ye :ao' :ne. :A po-eh' dhih 'jeh, :ka eh 'dhu-a :Gwlor :baa' :Yusu'-a' mla-' :or no-eh, 'de :a 'puh-a, 'ka-: on :ne :ke.

Hébreu 4:16
:Yee' eh-a' dhih, a 'nyi :a 'ble :gwluhuh' :ku-eh :naa, :a 'ye Nyorsoa-a' 'keen :kpala' dih 'koan'-dih:. Deh no-eh, 'do :wor mla :ne. 'De mor 'do :wor :a mu :wehlih 'ye-eh-: 'dekorn: mla-: 'ye-dih:, en 'ye :a-' :za-dih:, ti :a :korn :a 'ye-a' :za-dih-eh:.

Sa nga bé yôli'n 20:32
:Yee' :kana :naa, 'on po 'de a Nyorsoa 'kwa. Nyor-a' 'ma-dih:-' tubo-wlu:⧾ :en za-a or-a' mla-a' dhih-', en-' dhih bo. Tubo-wlu:⧾ :daa, en 'beh-dih: en 'ye-eh' no, 'de a 'ye 'kpih ken :ne, 'de Nyorsoa-deh 'di. 'De en 'beh-dih: en 'ye a deh :eh :korn-a 'de a bo 'nyi, :ka a 'dhu-a Nyorsoa-a' nyor⧾-'.

Jacques 4:6
Jorwor: mla or po-a :a bo, or :zi 'o 'weh. Eh-: :korn dhih 'de Nyorsoa-a' 'chlee-deh 'da, Nyor⧾ :an 'beh-dih-a an-a' 'jeh 'i, Nyorsoa :se-' an-a' dhih ken dih 'worn-dih:. Jorwor: nyor⧾ :an ya-a an-a' 'jeh ya, or mu-uh mla bo :po.

ÉphÈsefue 1:7
'De 'Klae-a' 'meh-a' 'di, 'do :wor :a-a' deh⧾-zon⧾-a' dhih 'ma-dih-eh: bo, 'de :a zelie-eh:. 'De Nyorsoa-a' mla :dhulu' 'di, 'do :wor or :no-dih-eh.

Romefue 5:1-2
[1] :Yee' 'do eh-a' dha, :ka :a-a' dhih 'jeh :po-eh no-eh, 'de Nyorsoa 'da-dih-a :a 'yi 'sleh-nyor⧾, :yee' :a-a' :Gwlor :baa' :Yusu' 'Klae :oo', or-: no-eh, 'de :a :mor-: Nyorsoa-: :a 'worn-eh: wlu-' dih.[2] :A-a' dhih 'jeh-' :po-eh no-eh, 'de :Yusu' :za :gwie 'do :a bo, :a 'ye Nyorsoa-a' mla :a :ne-a 'de 'di :naa 'ye. 'Mona-a: no :a-uh, :ka :a pobo-a 'de :gwie 'i, :a 'ye-a 'for 'ble, 'de Nyorsoa-a' dhih-a' 'i 'beh-a' 'di.

Tite 3:7
Eh-: no-eh, 'de :a no 'yi 'sleh-nyor⧾ 'do Nyorsoa ybei', :eh :yi-dih:-a or-a' mla-', 'de :a 'ye 'kmo :sie: :febeh' :a dhe-a :gwlii' :naa 'ye 'de ybei'.

Romefue 3:20-24
[20] :Yee' Nyorsoa :se-' nyor 'yi 'sleh-nyor 'da-dih: i 'do or ybei', 'do :Mose'-a' 'tele'-a' dih :dhe-eh bo. Jorwor: 'tele' :daa, eh-: no-eh 'de :a yubo: deh⧾-zon⧾ bo dih.[21] Jorwor: :kana :naa, :ka Nyorsoa-a no-a nyor⧾ 'yi 'sleh-nyor⧾ 'da-dih-eh, eh-: or :to-dih: :a 'i. 'De mor, eh se :Mose'-a' 'tele' 'i kor. 'Yi 'sleh-deh: :daa, :Mose'-a' 'tele'-: 'dekorn: Nyorsoa-a' wele-eh: :po-nyor⧾-: on :za eh-a' dhih-' 'weh.[22] :Yusu' 'Klae-a' dhih 'jeh-' :po-eh:, eh-: no-eh, 'de Nyorsoa 'da-dih nyor⧾ 'yi 'sleh-nyor⧾. Nyorsoa-a' :za :gwie-for :due'.[23] Deh no-eh, nyor⧾-a' klehkpeh, on no deh⧾-zon⧾ 'weh, 'de on :tehn-dih: Nyorsoa-a' dhih-a' 'i 'beh-a' bo dih.[24] Jorwor: Nyorsoa-a' mla or po-a :a bo yaa'e, or-: no-eh 'de Nyorsoa 'da-dih-uh 'yi 'sleh-nyor⧾, :or :yi-dih:-a :Yusu' 'Klae-' :or zelie-uh-a.

Jean 1:17
Nyorsoa-a' 'tele' :yi-dih:-' :Mose'. Jorwor: mla-: 'dekorn: dhih-a' 'yor-eh-: me-: :yi-dih: :Yusu' 'Klae-'.

2 Timothée 2:1
:Yee' 'an 'yu, :Timehte', :mor :mloror', :on :korn :on 'ye dih ku, 'do mla :Yusu' 'Klae po-a :on bo, or-a' dhih.

2 Timothée 1:9
Or 'puh-dih: :a 'weh. 'De or 'da :a-uh, :a 'ye or-a' :vlehehn'-' :gweh-nyor⧾ no. Eh :se deh⧾ :a no-a :dee', en-' dhih. Jorwor: or 'worn-dih-eh ken dih 'weh, or 'ye :a mla bo po. Mla :daa, :or :yi-dih:-a :Yusu' 'Klae-', or 'nyi-eh: :a 'weh, 'de jorwor: Nyorsoa-a mu 'bluhba :no.

2 Corinthefue 12:9
Jorwor: or :wlu-' 'de 'on bo, or 'dae:, 'An mla :due', or-: :on :korn :on 'ye 'ye. Deh no-eh, 'an 'kpih :kmu-' 'de :on 'di, en :zi 'o ken dih, :mor :an-a' 'kpih :taa chehn. :Yee' :mor eh :ne :ao', 'de 'Klae 'ye or-a' 'kpih 'on 'nyi :chio'lo:, :yee' 'an :porluh-a mu dih 'pehn-: 'gabaa, 'on 'ye 'an 'jeh 'i 'beh-dih: :ka 'an 'kpih-a chehn-a.

Romefue 3:24
Jorwor: Nyorsoa-a' mla or po-a :a bo yaa'e, or-: no-eh 'de Nyorsoa 'da-dih-uh 'yi 'sleh-nyor⧾, :or :yi-dih:-a :Yusu' 'Klae-' :or zelie-uh-a.

Sa nga bé yôli'n 20:24
Jorwor: 'on :se-' 'an 'jeh-a' 'yor-eh-a' :febeh'-a' dhih zi. Deh :due' 'an 'bhorn-a, eh-: 'dhu, :koan: :Gwlor :baa' :Yusu' 'nyi-a 'on, 'on 'ye-or 'dlu-' jla. :Koan: :dao', or 'nyi-a 'on, or-: 'dhu, 'on :korn 'on 'ye Nyorsoa-a' tubo-wlu:⧾ 'jeh po :ka or no-a :gwlor-nyor⧾ mla bo :po-eh.

1 Pierre 5:10
Nyorsoa :or :ne-a buh⧾ ken, 'do ti-a' klehkpeh bo, :or 'ye-a nyor⧾ mla bo po, or-: :yi-dih: :Yusu' 'Klae-', :or 'da a-uh, a 'ye 'for 'ble 'de or-a' dhih-a' 'i 'beh-a' :or se-a 'dlu-' :jla 'da :korn 'di. A mu 'kle 'ye-: 'do ti-kpor-bei 'di, jorwor: Nyorsoa-a' 'jeh 'yor-eh:, or mu a :dele'-' :po, 'de or 'ye a son bo po, or 'ye-eh' no a 'ye dih ku, a 'ye dih :nyna deh 'jeh.

ÉphÈsefue 2:4-9
[4] Jorwor: Nyorsoa :or :korn-a :wehlih 'gabaa-: 'dekorn: or-a' :ybeh-eh: :klaba' or 'ble-a 'do :a bo-:[5] or-: no-eh, 'de :a mor-: 'Klae-: :a :ne-dih: 'kmo-' :dha :due' :neheh', ti :a gweh-a 'meheh'-nyor⧾ 'do or ybei', or-a' 'tele'-a' waa-dhih. Or-a' mla, or-: no-eh, 'de a 'puh.[6] 'De Nyorsoa 'duo: :a mor-: 'Klae-: ya-' :dha :due', 'de :a :ne-dih: 'kmo-' :dha :due' :neheh', 'de or :ne :a mor-: :a 'ye 'de Nyorsoa 'bli yai' wlu 'ken :korn.[7] Or no deh :daa 'weh, 'de eh 'ye-eh' no 'de nyor⧾-a' klehkpeh 'ye-eh' yubo: :ka or-a' mla :kolu' :ne-a, 'de nyor se-a or-a' 'yba-dih-eh 'beh-dih:, 'do ti-a mu-a 'de :yi 'di. Or :yi-dih: :Yusu' 'Klae-', 'de or :to-dih: :a or-a' :porluh-a' 'yi dih :nmor-eh: :a 'i.[8] :Yee' Nyorsoa-a' mla :oo' :or no-eh, 'de a 'puh, :eh :yi-dih:-a dhih 'jeh-' :po-eh-'. Eh se 'de a-a' 'yor-eh bo 'wluh, jorwor: Nyorsoa-a' 'nyii'-deh: 'o.[9] 'Puh-a' :daa or :se 'de a-a' 'yor-eh-a' :koan bo 'wluh, 'de nyor-beh-nyor-beh :ne-' or-a' 'jeh 'i 'beh-dih:.

Romefue 2:8-10
[8] Jorwor: nyor⧾ :an zi-a on :due'-a' dhih, 'de :on po-a dhih-a' 'yor-eh dih, 'de :an zi-a 'o deh⧾-zon⧾ klei', mo-: Nyorsoa-a mu 'chehn-' 'kpa-dih:, or 'ye an-a' zabe zi 'gabaa.[9] :Gwlor-nyor⧾-a' klehkpeh 'tene' :kpeen:, :an no-a deh⧾-zon⧾, an mu 'kle 'ye-eh-: 'dekorn: 'worn dih 'beh-eh-: 'ye-:. :Jueh'-nyor:⧾, mo-: :an mu :zai'-nyor⧾ :no, 'de :yuh :on :se-a :Jueh'-nyor:⧾, on 'ye 'o 'kpa :ke.[10] Jorwor: nyor⧾-a' klehkpeh :an no-a deh⧾ 'jeh ne, an mu dhih-a' 'i 'beh-a'-: deh-' 'ye-eh-: 'dekorn: :porluh-a' dih 'pehn-eh-: 'ye-:. :Jueh'-nyor:⧾, mo-: :an mu :zai'-nyor⧾ :no, 'de :yuh :on :se-a :Jueh'-nyor:⧾, on 'ye 'o 'kpa :ke.

1 Corinthefue 15:10
Jorwor: Nyorsoa-a' mla :oo', or-: no-eh, 'de 'on 'dhu-eh: nyor-' 'zean', :eh 'dhu-a :Yusu'-a'a: dboo-nyor-deh: :daa. 'De or-a' mla or po-a 'on bo, or :se-' 'kwla 'wla-eh:. Jorwor: 'on no :koan:, 'on :zi 'o 'on 'bei' dboo-nyor:⧾ :yuh :sie:-a 'o. Keen' :mloror' eh :se 'an 'jeh 'yor-eh-a' 'kpih, jorwor: Nyorsoa-a' mla :oo', or-: :no-dih: 'on :koan bo.

ÉphÈsefue 2:5
or-: no-eh, 'de :a mor-: 'Klae-: :a :ne-dih: 'kmo-' :dha :due' :neheh', ti :a gweh-a 'meheh'-nyor⧾ 'do or ybei', or-a' 'tele'-a' waa-dhih. Or-a' mla, or-: no-eh, 'de a 'puh.

Tite 2:11-12
[11] Deh no-eh, Nyorsoa :to-dih: or-a' mla nyor⧾-a' klehkpeh-: 'i, 'de an-a' klehkpeh 'ye 'puh-a' 'beh-dih:.[12] Nyorsoa-a' mla :daa, or-: :torne-eh :a-uh, :ka :a 'ye-a se Nyorsoa deh-' 'ye-kplen-a' 'kpuh ya :to-eh no-: 'dekorn: :porluh-a' sin-a' 'do 'kmo bo deh⧾-a' 'bhorn-a' bo-:. Or-: :ne-a :due', or-: :torne-eh :a-uh :ka :a 'ye-a :a-a' 'jeh wlu 'ken :korn-eh no, 'de :a :ne-a' deh-zon no-: 'yi 'sleh-deh-a' no-a'-: 'dekorn: 'kmo-' :ne-eh: :eh 'pehn-dih-a Nyorsoa-a' :porluh dih-: 'noror ti :a :ne-a ken :naa 'di.

2 Corinthefue 12:8-9
[8] 'On bale: :Gwlor :baa' 'weh kpor⧾ taan, or 'ye 'on deh :daa 'de :za.[9] Jorwor: or :wlu-' 'de 'on bo, or 'dae:, 'An mla :due', or-: :on :korn :on 'ye 'ye. Deh no-eh, 'an 'kpih :kmu-' 'de :on 'di, en :zi 'o ken dih, :mor :an-a' 'kpih :taa chehn. :Yee' :mor eh :ne :ao', 'de 'Klae 'ye or-a' 'kpih 'on 'nyi :chio'lo:, :yee' 'an :porluh-a mu dih 'pehn-: 'gabaa, 'on 'ye 'an 'jeh 'i 'beh-dih: :ka 'an 'kpih-a chehn-a.

Jean 1:14
:Yee' Wlu :dao', or :yi-dih: 'de :gwlor-nyor-tu 'di, 'de or 'ti 'noror :a 'nyne-'. :A-a' 'jeh 'yor-eh-a' 'yli-eh 'ye or-a' dhih-a' 'i 'beh-a' 'weh, :or no-a Nyorsoa-a' 'Yu :due' gbai-a' dhih-a' 'i 'beh-a'. Or po :a Nyorsoa-a' mla :dhulu' bo, 'de or no-eh, 'de :a yubo: dhih-a' 'yor-eh: :en kor-a Nyorsoa 'i.

ÉphÈsefue 4:7
'Klae 'nyi :a-a' :due' :due' 'nyii'-deh:⧾ 'doror: 'dor, 'de or se 'kwa dih :kmu.

2 Pierre 1:2
'Nyi mla-: 'dekorn: wlu-' dih 'worn-eh-: en 'kpuhba: ken dih 'do a bo. Deh no-eh, a 'ble Nyorsoa-: 'dekorn: :a-a' :Gwlor :baa' :Yusu'-: an-a' deh-' dih 'worn-eh:.

Romefue 1:7
'An 'chle deh :daa 'de a-a' klehkpeh :or :ne-a 'de 'kwi :gwlor :klaba' an 'da-dih-a 'Wloon 'di bo, :yuh Nyorsoa :ybeh-a, 'de or 'da-a, :on 'ye-a or-a'a: nyor⧾ no. Mla-: 'dekorn: wlu-' dih 'worn-eh-: 'do a bo, :en 'wluh-a 'de Nyorsoa :or no-a :a :Baa'-: 'dekorn: :Gwlor :baa' :Yusu' 'Klae bo.

Romefue 5:17
:Yee' nyor :due' :dao'-a' deh-zon: no-eh, 'de 'meh-a' :korn :a wlu 'ken. Jorwor: deh nyor :due' :or 'dhu-a :Yusu' 'Klae, or no-a, eh :zi 'o ken dih 'gabaa. Nyor⧾-a' klehkpeh Nyorsoa po-a mla :dhulu' bo, 'de or 'da-dih-a 'yi 'sleh-nyor⧾ :eh :yi-dih:-a :Yusu'-', mo-: :an mu 'kmo-' :ne, 'de on 'ye nyor⧾ wlu 'ken :korn.

Jean 1:16
Or 'ble mla :dhulu'. Eh-: no-eh, 'de :a-a' klehkpeh 'ye :bhorlie' :dhulu' :yee:, 'de or 'kwa.

Tite 2:11-14
[11] Deh no-eh, Nyorsoa :to-dih: or-a' mla nyor⧾-a' klehkpeh-: 'i, 'de an-a' klehkpeh 'ye 'puh-a' 'beh-dih:.[12] Nyorsoa-a' mla :daa, or-: :torne-eh :a-uh, :ka :a 'ye-a se Nyorsoa deh-' 'ye-kplen-a' 'kpuh ya :to-eh no-: 'dekorn: :porluh-a' sin-a' 'do 'kmo bo deh⧾-a' 'bhorn-a' bo-:. Or-: :ne-a :due', or-: :torne-eh :a-uh :ka :a 'ye-a :a-a' 'jeh wlu 'ken :korn-eh no, 'de :a :ne-a' deh-zon no-: 'yi 'sleh-deh-a' no-a'-: 'dekorn: 'kmo-' :ne-eh: :eh 'pehn-dih-a Nyorsoa-a' :porluh dih-: 'noror ti :a :ne-a ken :naa 'di.[13] Deh⧾ :daa, me-: :a :korn :a 'ye no, :ka :a fuo-a :bhorlie'-we-eh: :a-a' klehkpeh :a dhe-a :gwlii', :eh mu-a 'de :yi 'ken. 'Do 'we-eh: :dao' 'di, :Yusu' 'Klae :or no-a :a-a' 'yi 'beh-Nyorsoa-: 'dekorn: :a-a' 'puh-dih-nyor-: or mu :a 'i 'wluh-dih:, 'de or-a' dhih-a' 'i 'beh-a' 'di.[14] Or :za or-a' 'jeh 'kwla 'weh, 'do :a-a' dhih bo, or 'ye :a zelie:, or 'ye :a 'de deh⧾-zon⧾-a' klehkpeh 'di :za, or 'ye-eh' no, 'de :a 'ye :vlehehn'-' :gweh-nyor⧾ no, :on :korn-a 'de or :due' bo, 'de :on :korn-a :porluh⧾-a: sin-a, :on 'ye-a deh⧾ 'jeh ne no.

Romefue 5:2
:A-a' dhih 'jeh-' :po-eh no-eh, 'de :Yusu' :za :gwie 'do :a bo, :a 'ye Nyorsoa-a' mla :a :ne-a 'de 'di :naa 'ye. 'Mona-a: no :a-uh, :ka :a pobo-a 'de :gwie 'i, :a 'ye-a 'for 'ble, 'de Nyorsoa-a' dhih-a' 'i 'beh-a' 'di.

2 Corinthefue 6:1
:Yee' :ka :a :ne-Nyorsoa-a no-dih-a :koan :dha :due' :naa, :yee' :a bale a 'weh, a po 'de 'kpih, a 'ye Nyorsoa-a' mla :daa or po a bo, deh-' :no-dih:.

2 Thessaloniquefue 1:12
:Yee' eh-: mu-eh :no, 'de :a-a' :Gwlor :baa' :Yusu'-a' 'nyne 'ye dhih-a' 'i 'beh-a' 'ye 'de a 'kwa. 'De or 'ye-eh' no, a 'ye dhih-a' 'i 'beh-a' 'ye :ke. Deh no-eh, :a-a' Nyorsoa-: 'dekorn: :Gwlor :baa' :Yusu' 'Klae-: on po a mla :dhulu' bo.

1 Timothée 1:13-16
[13] Keen' :mloror', 'on 'kor-dih: or-a' 'nyne, 'de 'an 'ye-dih nyor⧾ 'kle :dee', 'de 'on no deh⧾ 'kor-dih-nyor, jorwor: Nyorsoa 'ye 'an :wehlih:. Deh no-eh, deh⧾ 'an no-a :dee', 'on se-ih 'i yubo:, 'de mor 'on 'see-or dhih 'jeh-' po 'do ti :dao' 'di.[14] :Yee' :a-a' :Gwlor :baa' po 'on mla :dhulu' bo. 'De or no-eh, 'on 'ye dhih 'jeh-' :po-eh-: 'dekorn: :ybeh-dih-eh-: :en 'wluh-a 'de or bo 'ble.[15] Dhih :daa, 'an yi-a :za 'da, en no dhih 'jeh. 'De nyor⧾ 'beh-dih: on 'ye-ih' :gwlii' dhe, :en 'dhu-a, :Yusu' 'Klae yi dha yao 'zorn, or 'ye deh⧾-zon:⧾ :no-nyor⧾ 'puh-dih: :on :korn-a 'dlu 'on no-a.[16] Jorwor: Nyorsoa 'ye 'an :wehlih:. 'De or no-eh, 'de 'mor :or no-a deh⧾-zon:⧾ :no-nyor⧾-a' klehkpeh-a' 'dlu, 'on no 'yi :to-dih-deh 'do :Yusu' 'Klae-a' :porluh-a' dih :kpon-eh: :eh se-a 'dlu-' :jla 'da :korn bo. Eh-: no 'yi :to-dih-deh, 'do nyor⧾ :an mu-or dhih 'jeh-' :po bo, 'de on 'ye 'kmo :sie: :febeh' 'ye.

Romefue 6:23
Deh⧾-zon⧾-a' geli' :za-dih-deh :wor 'dhu 'meh-a', jorwor: Nyorsoa-a' 'nyii'-deh:, eh-: 'dhu 'kmo :sie: :febeh'-' :eh :yi-dih:-a :a-a' :Gwlor :baa' :Yusu' 'Klae-'.

Romefue 3:23
Deh no-eh, nyor⧾-a' klehkpeh, on no deh⧾-zon⧾ 'weh, 'de on :tehn-dih: Nyorsoa-a' dhih-a' 'i 'beh-a' bo dih.

2 Corinthefue 9:8
'De mor Nyorsoa 'beh-dih: or 'ye a :bhorlie' :dhulu' 'nyi, eh 'ye 'o ken dih :zi, 'de eh 'ye-eh' no, 'do ti-a' klehkpeh bo, a 'ye deh⧾-a' klehkpeh a se-a 'ble, a 'ye-ih 'ye, 'do a-a' 'jeh bo. :Yee' a mu :dhulu' 'ble-: a 'ye :koan: 'jeh :nor 'doror: 'dor no 'do nyor⧾ bo.

Jacques 2:8
:Mor eh 'dhu, a dhe 'o Nyorsoa-a' 'tele'-a' :klaba' neh dih 'jeh ka, :eh 'chle-eh 'de Nyorsoa-a' 'chlee-deh 'di, :eh no-a, :Ka :on no-a :an-a' 'jeh-a' :ybeh-a', 'ka-: :on 'ye nyor⧾ :on :ne 'ti-a :dha :due'-a' :ybeh-a' no :ke, :yee' 'yi 'sleh-deh: 'o a no.

1 Jean 5:3
Nyorsoa-a' :ybeh-eh :wor 'dhu, or-a' 'tele' dih :dhe-eh-'. 'De mor or-a' 'tele' se kwa :ku.

2 Pierre 3:9
Or :se-' dhlen 'do wlu or po-a :dhama'-', an-a' no-a' bo, :ka nyor⧾-a no-a eh-a' :gwluhuh' dih :na-dih-eh, :eh :mor or dhlen-'. Or :se-' dhlen. Jorwor: or kpon :porluh dih 'do a bo. Deh no-eh, or :se-' 'bhorn, nyor-beh-nyor-beh 'ye gbe :zie:. Or 'bhorn nyor⧾-a' klehkpeh on 'ye an-a' deh⧾-zon⧾ dih 'tali:, 'de on 'ye 'de or bo 'bili:.

Sa nga bé yôli'n 2:38
'De :Piteh' 'da, A-a' klehkpeh, a 'tali: a-a' deh⧾-zon⧾ dih, a 'ye 'de Nyorsoa bo 'bili:, 'de a 'ye 'ni 'dlu :po, 'de :Yusu' 'Klae-a' 'nyne 'di. :Yee' Nyorsoa-a mu a-a' deh⧾-zon⧾-a' dhih bo 'ma-dih:, 'de or 'ye a Gban 'i :ne :Zulu 'nyi.

Romefue 3:27
:Yee' :eh :korn dhih :a 'beh-dih: :a-a' 'jeh 'i :naa :eh? Eh se 'nyne :korn. :Eh :korn dhih :oo' :eh? 'Do :Mose'-a' 'tele'-a' dih :dhe-eh: :e? 'Kei o. 'Klae-a' dhih 'jeh-' :po-eh: 'o.

Jacques 2:12
A :korn a 'ye :wlu, 'de mor a 'ye deh⧾ no, :eh gweh-a :ka nyor⧾ :on :korn-a zabe: Nyorsoa-a mu-a :zi, 'do 'tele' :eh zelie-a nyor⧾ 'zorn.

Romefue 7:12
:Yee' :Mose'-a' 'tele' :daa, eh :ne 'i gban, 'de deh⧾ 'tele' 'da-a, en :ne gban 'i, en 'sleh 'i, 'de en no deh⧾ 'jeh ne.

Romefue 1:16
:Yee' Nyorsoa-a' tubo-wlu:⧾ 'jeh :daa 'an po-a, en-' :no-dih: 'on dhen, deh no-eh, me-: no Nyorsoa-a' 'kpih, me-: 'puh-dih: nyor⧾-a' klehkpeh :on po-ih-a dhih 'jeh-'. En :korn 'de :Jueh'-nyor⧾ bo :zai', 'de jorwor: en :korn 'de nyor⧾ :on :se-a :Jueh'-nyor⧾ bo :ke.

Baoule Bible 1996
© Bible Society in Liberia, 1996