A A A A A

God: [Come As You Are]


Matthieu 11:27-30
[27] :Yee' or :wlu-' 'de nyor⧾ bo, or 'dae:, 'On-ba 'nyi 'on 'kpih 'weh, 'do deh⧾-a' klehkpeh bo. Eh se nyor :korn, :or 'ye-a Nyorsoa-a' 'Yu yubo:. Jorwor: or :Baa' :due' gbai, or-: yubo-or. 'De eh se nyor :korn, :or 'ye-a or :Baa' yubo:. Jorwor: or-a'a: 'Yu :due' gbai, or-: yubo-or, 'dekorn: :yuh or-a'a: 'Yu-a 'bhorn-a, or 'ye-a or :Baa' 'i :to-dih:.[28] :Yee' a yi 'noror 'on bo, a-a' klehkpeh :or no-a :koan, 'de :or 'ble-a 'gbeh⧾ :en :ku-a kwa. A yi 'noror 'on bo, a 'ye :forn.[29] A 'duo: 'an-a: nyor⧾ deh :torne-eh-a' 'gbeh-', a 'ye-eh' ken dih :po. 'De a 'chean' deh 'noror 'on bo. Deh no-eh, 'on :kpoehn: 'i, 'de 'on se 'an 'jeh 'i 'beh-dih:. :Yee' a-a' :porluh⧾-a mu dih :dhe.[30] Deh no-eh, nyor⧾ deh :torne-eh: 'an 'nyi a-uh, a 'ye-a' no, eh se 'i :kma. 'De mor 'gbeh 'an 'nyi a-uh, eh se kwa :ku.

Jean 6:63-65
[63] Nyorsoa-a' :Zulu:, mo-: :an 'nyi nyor⧾ 'kmo :sie: :febeh'. Jorwor: :gwlor-nyor⧾-a' 'kpih se deh-' 'dhu-eh: klehkpeh. Wlu⧾ 'on :za-a-' 'de a bo, me-: no-eh, 'de a 'ye Nyorsoa-a' :Zulu, 'de Nyorsoa-a' :Zulu 'nyi a 'kmo :sie: :febeh'.[64] Jorwor: a-a' nyor⧾ :noo' 'see-eh dhih 'jeh-' po. Deh :korn-a dhih :Yusu' :za-a deh :daa-', eh-: 'dhu, or yubo-eh', :eh 'wluh-a 'de eh-a' glu 'dhu 'da, nyor⧾ :yuh :se-a' or-a' dhih dhih 'jeh-' :po i-: 'dekorn: nyor :yor :or mu-or :plo-: or yubo-uh'.[65] :Yee' :Yusu'-a kpa or-a' wlu 'dlu bo, or 'dae:, Eh-: :korn dhih 'on zela: a :gwluhuh' see, 'on 'da, nyor se 'beh-dih: or 'ye 'noror 'on bo yi, :mor 'On-ba se-eh ken dih 'worn-dih:.

Matthieu 11:28
:Yee' a yi 'noror 'on bo, a-a' klehkpeh :or no-a :koan, 'de :or 'ble-a 'gbeh⧾ :en :ku-a kwa. A yi 'noror 'on bo, a 'ye :forn.

Matthieu 15:7-9
[7] A :mor nyor⧾-a' 'yli 'ye-nyor:⧾ :daa. :Azaya' :se-eh' 'i zi 'do deh or :za-a-' 'do a 'bhun :dee' see, or po-a Nyorsoa-a' wele-eh:, or 'dae:,[8] Nyor⧾ :daa, an po 'on dhih bo 'do on worn 'i. Jorwor: an-a' :porluh⧾ se 'noror 'on bo :ne.[9] 'An :weheh' an za-a, deh 'plo :oo' an no. An torne nyor⧾ 'tele'⧾ :en 'wluh-a 'de :gwlor-nyor⧾ 'worn, 'de on 'da en 'wluh 'de 'on bo.

Marc 10:13-16
[13] :Yee' nyor⧾ :noo', mo-: :ya 'de :Yusu' bo 'nynuu: :nyene' or 'ye-uh dih 'tuh, on 'ye :bhorlie' 'ye. Jorwor: or-a'a: bo :na-nyor⧾ kan-uh-: 'i.[14] :Yeh or 'ye-a deh an no-a, :yee' eh se-or 'ton :korn, 'de or :wlu 'de on bo, or 'dae:, A 'nyi 'nynuu: :nyene' yi 'noror 'on bo. A 'bor an-a' 'yi :kan-eh. Deh no-eh, :ka 'nynuu: :nyene' :ne-a, nyor⧾ :on :ne :ao', mo-: Nyorsoa-a mu wlu 'ken :korn.[15] Dhih 'jeh, 'an zela a :gwluhuh', nyor :or se-eh 'worn-dih: Nyorsoa 'ye-a' wlu 'ken :korn :ka 'yu-yu :ne-a, :yee' or :se-' Nyorsoa-a' nyor⧾ wlu 'ken :korn-eh 'zorn :pa i.[16] 'De or 'duo: 'nynuu: :nyene' :dao' :due' :due', 'de or 'dhu-uh :gwlii', or tba-uh son⧾ ken dih, or po-uh :bhorlie' bo.

Jacques 4:6-8
[6] Jorwor: mla or po-a :a bo, or :zi 'o 'weh. Eh-: :korn dhih 'de Nyorsoa-a' 'chlee-deh 'da, Nyor⧾ :an 'beh-dih-a an-a' 'jeh 'i, Nyorsoa :se-' an-a' dhih ken dih 'worn-dih:. Jorwor: nyor⧾ :an ya-a an-a' 'jeh ya, or mu-uh mla bo :po.[7] :Yee' 'do eh-a' dha, a :za a-a' 'jeh 'kwla 'de Nyorsoa bo. A :bla-dih: 'ku worn. :Mor a no-eh, :yee' an mu :ple, on 'ye a bo dih :tehn-dih:.[8] A 'yle, a 'koan'-dih: Nyorsoa dih, :yee' or mu a dih 'koan'-dih: :ke. A :dle kwa, a :mor :or no-a deh⧾-zon:⧾ :no-nyor⧾. A :mor :or-a' 'si-dih-a buh⧾ 'sororn' dih, a gweh a-a' :porluh⧾ :vlehehn'.

2 Corinthefue ௫:௧௭
:Yee' 'do eh-a' dha, :mor nyor :ne 'Klae-', :yee' or no nyor :dele'. Deh⧾ :soa: klehkpeh, en zi-'. :Yee' deh⧾ :dele', me-: or :ne-dih: 'kmo :naa.

Jean 5:24
Dhih 'jeh, 'an zela a :gwluhuh', nyor :or 'worn-a 'an wlu, 'de :or po-a Nyorsoa :or dbo-a 'on, or-a' dhih dhih 'jeh-', :yee' nyor :dao', or 'ble 'kmo :sie: :febeh'. Nyorsoa-a' zabe :se-or' :kpon i. Deh no-eh, or 'wluh 'de 'meh-a' 'kpih 'zorn, 'de or 'dhu 'kmo :ne-eh glu :naa.

Romefue 12:1-2
[1] :Yee' 'do eh-a' dha, 'an 'Klae :de-di'-boi'-a:, 'an bale a 'weh, :ka Nyorsoa 'ye-a a :wehlih, :yee' a :za a-a' yau 'kwla 'de or bo, :eh gweh-a :ka nyor⧾-a za-dih-a 'kmo :ne-deh: :eh :dhe-dih-eh 'for 'i 'slaa, 'do or-a' :koan-a' no-a' bo, 'de :eh 'pehn-dih:-a or-a' :porluh dih. Eh-: 'dhu or-a' :weheh' :za-eh: 'jeh neh-' 'de or-a' deh 'di.[2] :Yee' deh⧾ 'kmo bo-nyor⧾-a ne-dih-a 'kmo, a-a' :ne-dih:-' 'kmo :ke. Jorwor: a 'nyi Nyorsoa 'nyi a 'dlu 'di dih :na-dih-deh: :dele', :eh mu-a a-a' :gwlor-nyor-tu-a' klehkpeh-' dih 'bili: 'de a 'di. :Yee' :mor eh no :ao', :yee' a mu deh :eh :korn-a Nyorsoa 'ton yubo:, :eh 'dhu-a deh 'jeh-: deh :eh 'pehn-dih:-a or-a' :porluh dih-: 'dekorn: deh :eh gweh-a 'kwla-:.

Hébreu 12:1
:A :mor :mloror', nyor⧾ :dhulu' :daa :on :to-dih:-a an-a' 'jeh 'yor-eh-a' dhih 'jeh-' :po-eh :a 'i, mo-: :ne :a 'de dih. :Yee' eh-a' dhih, a 'nyi :a :za 'o deh⧾-a' klehkpeh :en-' 'worn-a :a-a' no-a, deh⧾ :a :korn :a 'ye-a no :gwie 'i, 'dekorn: deh⧾-zon:⧾ :a :ybeh-a 'gabaa :en san-a :a dih-:. :Yee' deh :eh :ne-a 'o :a ybei' :a vorn-dih-a, a 'nyi :a 'ble-dih-eh 'dlu 'di dih :chio'lo:, 'de :a 'ye-eh' ken :yeh-dih:.

Jean 5:40
Jorwor: a :se-' 'worn, a 'ye 'noror 'on bo yi, 'de a 'ye 'kmo :sie: :febeh' 'ble.

Jean ௬:௪௪-௪௫
[௪௪] Nyor se 'beh-dih: or 'ye 'noror 'on bo yi, :mor eh 'dhu, 'On-ba: :or dbo-a 'on, or se-or jli. :Yee' 'do :de 'bor-dih-we-eh 'di, 'an mu-or 'de nma-dih-deh 'di :za.[௪௫] :Yee' Nyorsoa-a' wele-eh: :po-nyor⧾ 'chle-eh' see, on 'da, Nyor⧾-a' klehkpeh, Nyorsoa-: mu-uh deh :torne:. :Yee' 'do eh-a' dha, nyor⧾-a' klehkpeh :on :to-a 'On-ba :dou'⧾ bo, 'de :on 'chean'-a deh 'de or 'kwa, mo-: :an mu 'noror 'on bo :yi.

Jean 7:37-39
[37] :Yee' gor :dao', or-a' 'bor-dih: 'o-we-eh: :eh no-a 'we-eh: :klaba', 'do :wor :Yusu' :sorn-', 'de or :nyna dih, 'do :gwlor :gwea, or 'wor, or 'dae:, :Mor 'ni 'na-ton :taa nyor no, :yee' or yi 'noror 'on bo, or 'ye 'na.[38] :Ka Nyorsoa-a' 'chlee-deh no-a eh-a' :za-a', eh no-a, Nyor :or po-a 'an dhih dhih 'jeh-', 'do or :porluh ken, 'do :wor 'ni :eh 'nyi-a nyor⧾ 'kmo :sie: :febeh', eh mu 'wluh-:.[39] Deh :Yusu'-a za-a-', Nyorsoa-a' :Zulu-a' dhih :oo', :on nyor⧾ :an mu-a or-a' dhih dhih 'jeh-' :po, an mu-a 'ye-:. Ti or za-a deh :daa-', :yee' Nyorsoa 'see or-a' :Zulu nyor 'nyi. Deh no-eh, Nyorsoa 'see :Yusu' dhih-a' 'i 'beh-a' 'nyi kele'a:.

Hébreu 4:14-16
[14] :Yee' a 'nyi :a kpon dhih 'jeh-' :po-eh dih, :a-a' worn :za-a-', :a no-a, :a po-eh dhih 'jeh. Deh no-eh, :a 'ble Nyorsoa-a' 'slaa: :za-nyor⧾-a' nyor :klaba' :due' :or 'kpa-a deh ken, :or 'dhu-a Nyorsoa-a' 'Yu :Yusu'-' :or mu-a 'o Nyorsoa ybei'-a' 'yor-eh.[15] :A-a' Nyorsoa-a' 'slaa: :za-nyor⧾-a' nyor :klaba' :daa, :mor :a se 'kpih ken :ne, :yee' :a-a' :wehlih-a: no-or. 'De mor or 'dhen-eh: dih 'weh :ke, :ka :a no-a. Jorwor: or :mor :mloror', or :se-' deh-zon no :a-a' ka 'i.[16] :Yee' eh-a' dhih, a 'nyi :a 'ble :gwluhuh' :ku-eh :naa, :a 'ye Nyorsoa-a' 'keen :kpala' dih 'koan'-dih:. Deh no-eh, 'do :wor mla :ne. 'De mor 'do :wor :a mu :wehlih 'ye-eh-: 'dekorn: mla-: 'ye-dih:, en 'ye :a-' :za-dih:, ti :a :korn :a 'ye-a' :za-dih-eh:.

Sa nglô yile 22:16-17
[16] 'Mor :or 'dhu-a :Yusu'-', 'on dbo 'an-a: 'enjor 'de a bo, or 'ye deh⧾ :daa, en-' wele-eh po 'do a-a'a: 'chore-nyor⧾ bo. 'On no :Debe' 'di-a' 'yu. 'Mor-: 'dhu 'chuh :dhlaen-eh: :eh fan-a 'gabaa zorn bo-mlai'.[17] :Yee' Nyorsoa-a' :Zulu-: 'dekorn: 'nynor :or yi-a nyina 'do 'Blae'-yu bo-: on 'da, :Gwlor :baa' :Yusu', 'yle o. 'De 'mor :or 'dhu-a :Jororn'-', 'on 'da, Nyor :or 'worn-a wlu :daa, 'nyi or 'da, 'Yle, :ke o. 'De mor 'on 'da :neheh', :Mor 'ni 'na-ton :taa nyor no, 'nyi or 'yle. Nyor :or 'bhorn-a 'ni :eh 'nyi-a nyor⧾ :febeh', 'nyi or 'duo-eh' yaa'e.

Jean 6:37
Nyor⧾-a' klehkpeh 'On-ba 'nyi-a 'on, an mu 'noror 'on bo :yi. 'De mor nyor-beh-nyor-beh: :or mu-a 'noror 'on bo :yi, 'on :se-or' dih :no i, :ka ti-a mu-a 'dlu-' :tehn.

Sa nglô yile 22:17
:Yee' Nyorsoa-a' :Zulu-: 'dekorn: 'nynor :or yi-a nyina 'do 'Blae'-yu bo-: on 'da, :Gwlor :baa' :Yusu', 'yle o. 'De 'mor :or 'dhu-a :Jororn'-', 'on 'da, Nyor :or 'worn-a wlu :daa, 'nyi or 'da, 'Yle, :ke o. 'De mor 'on 'da :neheh', :Mor 'ni 'na-ton :taa nyor no, 'nyi or 'yle. Nyor :or 'bhorn-a 'ni :eh 'nyi-a nyor⧾ :febeh', 'nyi or 'duo-eh' yaa'e.

Sa nglô yile 12:9
'De dorsehn: :klaba' :dao', eh 'vile-eh: 'noror 'zorn, :eh no-a sehn :soa: :eh :ne-a :chio'lo:, an 'da-dih-a 'ku-: 'dekorn: 'Setorn-: :an bo-dih-a 'bluhba-a' klehkpeh dih. Mo-: an-a'a: :weheh' :za-deh⧾-: on 'vile-eh: 'noror yao 'zorn.

Philippesfue 1:6
Deh :due' 'on yubo:-a deh 'jeh, eh-: :dhe dih, Nyorsoa :or po-a 'o deh⧾ 'jeh ne 'do a :porluh⧾ ken, 'de :or 'dhu-eh glu, or mu-eh 'dlu bo :kpa, 'de or 'ye-eh' 'i gweh, 'de jorwor: 'we-eh: :Yusu' 'Klae-a mu-a 'de :ya, 'de eh 'ye 'o nyni.

Sa nglô yile 21:4
Or mu-uh 'mii-tehn-a' klehkpeh 'yi dih 'slan-:. 'Meh-a' :se-' :ne i :neheh'. 'Zlu-a'-: 'vin-a'-: :an-a' 'jeh worn 'ye-eh-: en :se-' :ne i :neheh'. Deh no-eh, deh⧾ :soa:⧾ klehkpeh se dha :ne :neheh'.

Hébreu 10:19-22
[19] :Yee' eh-a' dhih, 'an 'Klae :de-di'-boi'-a:, 'Klae-a' 'meh-a' no-eh', 'de :a 'beh-dih:, :a 'ye 'de :Chuu: :on :ne-a gban 'i, :on :zi-a 'o :chuu⧾-a' klehkpeh-' 'di pa, 'de :gwluhuh' :ku ka 'di.[20] Or :za :gwie: :dele' 'do :a bo, :eh mu-a 'de 'kmo :ne-eh: :dele' bo. :Yusu'-a' yau-a' dhih, eh-: no-eh, 'de :gwie: :dele' :dao', eh :yi-dih: 'de 'yli-eh: :eh bhele:-a ya 'di.[21] :A 'ble Nyorsoa-a' 'slaa: :za-nyor: :klaba' :or :korn-a 'de Nyorsoa-nyor⧾-a' klehkpeh-a' dhih bo.[22] :Yee' eh-a' dhih, a 'nyi :a 'koan'-dih: Nyorsoa dih, 'de :porluh⧾-a' :vlehehn'-' :gweh ka 'di, 'de :a 'ye-or' :gwluhuh' :kpa-dih:, :eh 'wluh-a 'de :a-a' dhih 'jeh-' :po-eh bo. :Yee' 'nyi :a-a' :porluh⧾ :gweh :vlehehn'-', 'de en :ne-' :a zabe :kpon-dih:, 'de 'ni :eh :gweh-a :vlehehn'-', eh 'ye :a-a' yau worlor:.

Baoule Bible 1996
© Bible Society in Liberia, 1996