A A A A A

Additional: [Death Penalty]


Romefue 6:23
Deh⧾-zon⧾-a' geli' :za-dih-deh :wor 'dhu 'meh-a', jorwor: Nyorsoa-a' 'nyii'-deh:, eh-: 'dhu 'kmo :sie: :febeh'-' :eh :yi-dih:-a :a-a' :Gwlor :baa' :Yusu' 'Klae-'.

Sa nga bé yôli'n 25:11
:Mor eh 'dhu, 'on no deh-zon :eh :korn-a dhih 'on 'ye-a' 'meh, :yee' 'an mu-eh ken dih 'worn-dih:, 'on 'ye 'meh. Jorwor: dhih :daa, :Jueh'-nyor⧾ po-a 'o 'on 'dlu, :mor en se 'on kpon, :yee' nyor-beh-nyor-beh se eh-a' 'kpih 'ble, or 'ye 'on 'kwla :za 'de on bo. 'An dhele :on dih, :on 'ye 'de zabe: :daa 'de 'Wloon-nyor⧾-a' 'keen bo dbo, or 'ye 'an zabe zi.

Sa nglô yile 21:8
Jorwor: :fano-' dih 'yi dih-nyor⧾-: :yuh :on 'tali:-a 'Klae-a' klei' :zi-eh dih-: :yuh :on se-a :vlehehn'-' :gweh 'do Nyorsoa ybei'-: :nyor⧾ 'dba-nyor⧾-: 'dekorn: 'tmeor:⧾ :korn-nyor⧾-: gu :po-nyor⧾-: zuu⧾-a' :weheh' :za-nyor⧾-: 'dekorn: sih 'tmo-nyor⧾-a' klehkpeh-: 'de on 'bli :wor 'dhu 'do neh-pehnu worn-' :dha neh-sobu'⧾-a sin-dih-a, :eh no-a 'meh-a' 'sororn' nor.

Romefue 13:1-7
[1] :Yee' 'nyi nyor⧾-a' klehkpeh :ya an-a' 'jeh ya 'do 'gomla-nyor:⧾ :on :ne-a 'o on 'dlu, 'zorn. Deh no-eh, eh se 'gomla :korn-Nyorsoa 'ye :ao', or se-a 'o kpala' 'i po. Nyorsoa :oo', or-: 'nyi on 'kpih, 'de on no nyor⧾ :klaba'⧾ 'do :a 'dlu.[2] :Yee' 'do eh-a' dha, nyor-beh-nyor-beh: :or :bla-dih:-a 'gomla worn, :yee' deh Nyorsoa po-a 'o, eh-: 'o or :bla-dih: worn. Nyor :or no-eh, :yee' or :ya or-a' 'jeh 'kle 'ye-eh 'dlu.[3] :Mor eh 'dhu, :on :taa 'yi 'sleh-deh⧾ no, :yee' :on se :korn :on 'ye nyor⧾ wlu 'ken :korn-nyor⧾-a' :fano ple. Jorwor: :mor eh 'dhu, :on :taa kplen-zon⧾ no, :yee' :on :korn :on 'ye an-a' :fano ple. :An 'bhorn :on 'ye 'kmo-' :ne, 'de :on 'ye :an-a'a: 'gomla-a' :fano-a' ple-a' 'bor :e? :Yee' :mor :an 'bhorn :on 'ye :ao' :ne, :yee' no 'yi 'sleh-deh⧾, 'de :an-a'a: 'gomla 'ye :on dhih bo po.[4] Deh no-eh, 'gomla no Nyorsoa-a' 'bhoi-yu: 'do :an-a' dhih bo. Jorwor: :mor eh 'dhu, :on no kplen-zon⧾, :yee' ple :fano, deh no-eh, 'gomla se 'dhun 'ble yaa'e. On no Nyorsoa-a' 'bhoi-nynuu:, an za or-a' 'chehn dha yao 'zorn, 'do nyor⧾ :an no-a kplen-zon⧾ bo.[5] :Yee' 'do eh-a' dha, a :korn a 'ye a-a' 'jeh ya :ya 'do 'gomla-nyor⧾ 'zorn. Eh :se Nyorsoa-a' 'chehn-a' kpa an za-a, eh-a' dhih :due' a :korn a 'ye-eh' no :deh, jorwor: deh no-eh, a-a' :porluh⧾ me-: zela: a :gwluhuh' a 'ye-eh' no.[6] Eh-: :korn dhih :oo', a za 'taa-deh⧾ :ke, deh no-eh, 'gomla-nyor⧾ no Nyorsoa-a' 'bhoi-nynuu:, :an no-a an-a'a: :koan, on :korn on 'ye-a' no.[7] Deh⧾-a' klehkpeh, a 'ble-a 'do on bo, a 'nyi-uh. :Mor a 'ble 'gomla-a' 'taa-deh:⧾ 'doror: 'dor, :yee' 'nyi a za-ih. :Mor eh 'dhu, an-a' deh-' 'ye-eh, :yee' 'nyi a 'ye-uh deh-'. :Mor eh 'dhu 'o, an-a' 'dhu-a', :yee' 'nyi, a 'dhu-uh 'o.

Jean 8:3-11
[3] 'De nyor⧾ 'tele' :torne-nyor⧾-: 'dekorn: :Falasi'i-nyor⧾-: on :ya 'de or bo, 'nynor :or 'si-a 'o 'nyne :zaan' :no 'da, 'de on kpon-a. :Yee' on no-eh', 'de or :nyna dih 'do an-a' klehkpeh ybei'.[4] 'De on :wlu 'de :Yusu' bo, on 'dae:, Nyor⧾ deh :torne-nyor:, 'nynor :daa, or 'si 'o 'nyne :zaan' :no 'da, 'de :a kpon-or.[5] :Mose'-a' 'tele' za-eh' 'weh 'de or-a' 'chlee-deh 'di, :eh :mor 'nynor :or no-a deh :ne :ao', :yee' :a :tba-dih-or sobu'⧾ dih, :a 'ye-or' 'dba. :Yee' :kaa :on 'da :ke :eh?[6] Deh :korn-a dhih, 'de an dhele-a deh :daa dih, pluh :oo', an gba. An 'bhorn :ka on 'ye-a' no, 'de on 'ye-or' dhih :kpon-dih:. Jorwor: :Yusu' 'jli-: dih 'do 'bluhbor, 'de or no or-a' :jii-eh, or 'chle 'o 'bluhbor dih.[7] :Yeh on dhele-or dih :dhelee:, :yee' or kpa 'dlu yai', or :nyna dih, or 'dae:, Nyor :or 'see-a deh-zon no :zai', 'de a 'klu-', :yee' nyor :dao', or-: 'ye :zai'-nyor no, :or 'ye-or sobu' tba.[8] :Yeh or 'da :ao', :yee' or 'jli-: dih :neheh', 'de or 'chle 'bluhbor dih.[9] :Yee' nyor :yor :or 'worn-a deh :Yusu' :za-a-', :yee' or mu-', on 'slo-eh: :due' :due', on 'wluh 'o. :Yuh 'beh-a 'i, mo-: no :zai', :on mu. Eh-: on 'ble :blee:, 'de :Yusu' :due' :sie: 'o. :Yee' 'nynor :nyna dih 'do or ybei' 'gboror:.[10] 'De :Yusu' kpa 'dlu yai', or :nyna dih, or dhele-or dih, or 'dae:, 'Nynor, dha nyor⧾ :on :ya-a: 'de :on, on :ne :eh? Nyor :se-' :an-a' zabe 'i chehn :e?[11] 'De 'nynor 'da, Nyor :klaba'. Nyor-beh-nyor-beh :se-' 'an zabe 'i chehn. 'De :Yusu' 'dae: 'de or bo, 'On :se-' :an-a' zabe 'i :chehn i :ke. 'Kpa 'o, :on 'ye mu. Jorwor: :an-a' :no-' deh-zon :neheh' o.]

Matthieu 5:17
:Yee' a-a' :na-dih-eh' :gwluhuh' dih, :eh :mor 'on yi :Mose'-a' 'tele'-: 'dekorn: Nyorsoa-a' wele-eh: :po-nyor⧾-a' nyor⧾ deh :torne-eh-: ya :gba 'da. 'On :se 'de yi 'on 'ye-ih ya gba. Jorwor: 'on yi-: 'de, 'on 'ye-ih 'dlu 'yi-dih:.

Matthieu 5:38-39
[38] :Yee' a 'worn-eh' :mloror' :ka eh :za-eh:-', :eh no-a, 'Yli-eh :korn 'de 'yli-eh bo, 'de 'nyne-eh :korn 'de 'nyne-eh bo.[39] Jorwor: 'an zela a :gwluhuh', a-a' :za-' kpa 'do nyor⧾ :an no-a deh⧾-zon⧾ 'do a bo. Jorwor: :mor nyor tba :an-a' :dila-gea 'kpa, :yee' :to 'o 'for-a' 'sororn' nor :ke.

Romefue 12:19
:Yee' :a 'bli-nyor⧾-a:, :mor nyor no deh-zon 'do a bo, nyor-a' :za-' kpa, jorwor: 'nyi Nyorsoa-a' 'jeh-a' 'yor-eh no-eh. Deh no-eh, eh 'chle-eh:-' 'de or-a' 'chlee-deh 'di, eh 'da, :A-a' :Gwlor :baa' 'da, 'Mor :korn :or 'ye kpa :za. 'An mu nyor⧾ :an no-a deh⧾-zon⧾ 'do on 'bei' bo, 'kle 'ye-eh 'dlu :po.

Romefue 13:9
'Tele'⧾-a' klehkpeh :daa, :en no-a, Nyor-a' :no-' 'nyne :zaan', nyor-a' 'dba-:-' nyor, nyor-a' 'yli-:-', :gwlehehn' :sin-dih:-' a 'di dih, 'dekorn: 'tele'⧾ :nee' :en :sie:-a 'o, en-' klehkpeh en :ne 'noror 'tele' :due' :daa 'di, :eh no-a, :Ybeh nyor⧾ :on :ne 'ti-a :dha :due'-', :ka :on no-a :an-a' 'jeh-a' :ybeh-a'.

Matthieu 7:5
:Mor nyor⧾-a' 'yli 'ye-nyor: :daa, :za 'de tu 'kplo :dao' 'de :an-a' 'jeh 'yli-e :zai', :yee' :an mu dih 'ye-: deh 'jeh, 'de :on 'ye :gbehne-eh-yu 'de :on 'be 'yli :za.

Romefue 5:8
Jorwor: 'Klae 'meh-' 'do :a-a' dhih bo, ti :a 'si-a 'o deh⧾-zon⧾-a' no 'da. 'Ka-: 'o Nyorsoa no :a-a' :torne-eh :ka or :ybeh :a-uh' 'gabaa.

Luc 23:33
:Yeh on nyni-a 'o :dha an 'da-dih-a Nyor-dlu-kpaa', :yee' 'do :wor on :kor-dih: 'o or-: 'dekorn: deh⧾-zon:⧾ :no-nyor:⧾ :dao'-: 'do tu 'i. :Due' :ne 'de or-a' :dila bo, 'de :due' :ne 'de or-a' kona bo.

Matthieu 7:1
:Yee' :Yusu'-a kpa or-a' wlu 'dlu bo :chio'lo:, or 'dae:, A-a' :chehn-' a 'bei'-a' zabe 'i 'suh, 'de Nyorsoa :ne-' a-a' zabe zi :ke.

Baoule Bible 1996
© Bible Society in Liberia, 1996