A A A A A

Additional: [Tattoos]


1 Corinthefue 6:18-20
[18] A :tehn-dih: 'tmeor:⧾ :korn-eh bo dih. Deh⧾-zon⧾-a' klehkpeh nyor⧾-a no-a, :en :sie:-a 'o, en se 'o yau 'bhun :ne. Jorwor: :mor eh 'dhu :on :taa 'tmeor⧾ :korn, :yee' :an-a' 'jeh 'yor-eh-a' yau :oo' :an no deh-zon 'bhun.[19] A se-eh yubo: ke :e, :ka a-a' yau 'dhu-a Gban 'i :ne :Zulu-a' 'sla-' :e, or 'nyi-a a-uh, :on :ne-a a-uh'? A se 'de a-a' 'jeh bo :korn, jorwor: a :korn 'de Nyorsoa bo.[20] Deh no-eh, Nyorsoa :po-dih: :Yusu' 'Klae-a' nyomor 'pehluh', 'de or dhen a-uh. :Yee' eh-: :korn dhih :oo', a 'ye a-a' yau no, a 'ye Nyorsoa dhih-a' 'i 'beh-a' 'nyi.

Sa nglô yile 19:16
:Yee' 'do or-a'a: :gba 'vuu 'bhun-: 'dekorn: 'do or-a' 'porno 'bhun-: 'do :wor 'nyne 'chle-dih-eh: :en no-a, 'keen-boi'-a' klehkpeh, an-a' 'Keen, 'dekorn: :gwlor :bai'-a' klehkpeh, an-a' :Gwlor :baa'-:.

1 Corinthefue 10:23-31
[23] A-a' nyor⧾ :noo'-a mu :ao', 'on :bleh-dih-eh: 'i, 'on 'ye deh⧾-a' klehkpeh no. Keen' :mloror', jorwor: eh :se deh⧾-a' klehkpeh, me-: :nmor 'yi dih 'do a bo :deh. 'De eh :se en-' klehkpeh, me-: ku-dih :a-a' 'Klae-a' dhih 'jeh-' :po-eh dih :deh.[24] Nyor-a' :zi-' or :due'-a' dhih. Jorwor: 'nyi :a zi :a 'bei'-a' dhih :ke.[25] :Mor a 'ye nimi 'do 'doror', a dhen-eh, a 'ye-eh' di. Nyor-a' dhele:-' deh dih. 'Tele' se 'de eh 'di :ne. A-a' 'worn-:-', a-a' :porluh⧾-a' :kpon-dih:-' a zabe.[26] Deh no-eh, Nyorsoa-a' 'chlee-deh za-eh' 'weh, eh 'da, 'Bluhba-: 'dekorn: deh⧾-a' klehkpeh :en :ne-a dha or ken-: en :korn 'de :Gwlor :baa' bo.[27] :Mor nyor :or se-a 'Klae-a' dhih dhih 'jeh-' po, or :pi-dih: :on, 'de :an 'bhorn :on 'ye-ih' di, :an-a' dhele:-' deh dih, di deh or mu-a 'o :on ybei' :ya. A-a' 'worn-:-', a-a' :porluh⧾-a' :kpon-dih:-' a zabe.[28] Jorwor: :mor nyor zela: :on :gwluhuh' :eh :mor eh 'dhu-dih-eh: zuu gban 'i, :yee' 'bor eh-a' di-a'. Deh no-eh, 'yu :or zela:-a :on :gwluhuh', or-a' dhih-: 'dekorn: or-a' :porluh :ne-' or zabe :kpon-dih: eh-a' dhih-: eh-: :korn dhih :on 'ye eh-a' di-a' 'bor.[29] 'On :se-' :an-a' dhih zi. Jorwor: :yor :or zela: :on :gwluhuh', or-: :korn dhih 'an zi, or-a' :porluh :ne-' or zabe :kpon-dih:. :Mor nyor :noror'-a' :porluh kpon-dih-or zabe, 'do deh-a' no-a' bo, :yee' :eh :korn dhih, eh 'ye 'on 'i kan :eh, :mor 'an :porluh se 'on zabe :kpon-dih: 'do eh bo?[30] Deh 'on di-a, :mor 'on po Nyorsoa-a' 'zio 'do eh bo, :yee' :eh :korn dhih an wlu-dih 'on 'bhun dih, 'do deh :eh :korn-a 'zio 'on po-a Nyorsoa, eh-a' dhih :eh?[31] Deh :due' 'on 'ye-a' :za 'de a bo, eh-: 'dhu. A-a' :yeh di deh :o, A-a' :yeh 'na :o. Deh-beh-deh-beh: a mu-a :no :o, a no-eh, eh 'ye Nyorsoa-a' 'nyne dhih-a' 'i 'beh-a' 'nyi.

ÉphÈsefue 5:10
A vorn a 'ye deh :eh 'pehn-dih-a :Gwlor :baa'-a' :porluh dih yubo:.

1 Corinthefue 3:16-17
[16] A se-eh yubo: ke :e, :ka a 'dhu-a Nyorsoa-a' 'sla-' :e? 'De mor :ka Nyorsoa-a' :Zulu :ne-a a-uh' :e?[17] :Mor nyor-beh-nyor-beh gba Nyorsoa-a' 'sla :daa ya, :yee' Nyorsoa-a mu-eh :no, nyor :dao', or 'ye gbe :zie: :ke. Deh no-eh, Nyorsoa-a' 'sla :ne 'i gban, 'de mor a :mor 'dhu 'sla :dao'.

1 Corinthefue 9:27
Jorwor: 'on 'ye-dih: 'an 'jeh-a' yau 'kle, 'de mor 'on korn-uh wlu 'ken :ke. Deh no-eh, :mor 'on gweh Nyorsoa-a' tubo-wlu⧾-a' po-a' 'i 'de nyor⧾ bo, 'de or :ne-' 'on 'zorn sie, 'do 'an-a: geli' :za-dih-deh bo.

Romefue 12:1
:Yee' 'do eh-a' dha, 'an 'Klae :de-di'-boi'-a:, 'an bale a 'weh, :ka Nyorsoa 'ye-a a :wehlih, :yee' a :za a-a' yau 'kwla 'de or bo, :eh gweh-a :ka nyor⧾-a za-dih-a 'kmo :ne-deh: :eh :dhe-dih-eh 'for 'i 'slaa, 'do or-a' :koan-a' no-a' bo, 'de :eh 'pehn-dih:-a or-a' :porluh dih. Eh-: 'dhu or-a' :weheh' :za-eh: 'jeh neh-' 'de or-a' deh 'di.

Baoule Bible 1996
© Bible Society in Liberia, 1996