A A A A A

Additional: [Talent]


ÉphÈsefue 2:10
Deh no-eh, :yeh :a :ne-a :naa, Nyorsoa :oo', or-: no-eh 'de :a :ne :ao'. :A 'ye :koan: 'jeh nor no :dhih 'o, eh-: :korn dhih 'de Nyorsoa :yi-dih: :Yusu' 'Klae-' 'de or no :a-uh. :Koan: 'jeh :nor :daa, Nyorsoa po-or: 'kpa :dee' see :a 'ye-or' no.

Jacques 1:17
'Nyii'-deh:⧾ 'jeh ne-a' klehkpeh-: 'dekorn: 'nyii'-deh⧾-a' klehkpeh :en :gweh-a 'kwla-: en 'wluh 'de Nyorsoa 'bli yai'. 'De en yi 'noror 'zorn, en 'wluh 'de :a :Baa' Nyorsoa bo, :or no-a 'yluh-: 'chuh-: 'dekorn: 'chuh :dhlaen-: :en :ne-a 'de yai'. Or se worn :gweh-eh :korn. 'De mor or-a' :to :a 'kpuh ya, :a-a' :na :kule-'.

1 Corinthefue 12:5-6
[5] Nyorsoa-a' :koan-a' no-a' :ne 'doror: 'dor. Jorwor: :Gwlor :baa' :ne-a :due' :oo' 'gboror:.[6] Nyor⧾-a' klehkpeh, on 'ble 'kpih 'doror: 'dor 'do Nyorsoa-a' :koan: :no-eh bo. Jorwor: Nyorsoa :ne-a :due', or-: 'o, :or 'nyi nyor⧾-a' klehkpeh 'kpih 'doror: 'dor, 'do an-a' :koan: :no-eh bo.

1 Pierre 4:10-11
[10] Nyorsoa 'nyi a 'nyii'-deh:⧾ 'doror: 'dor. :Yee' 'nyii'-deh:⧾ Nyorsoa 'nyi-a a-uh :due' :due', a :no-dih-ih :koan 'de 'yi 'sleh ka 'di, a 'ye a 'bei'-' :za-dih: 'do en bo.[11] :Mor nyor :taa Nyorsoa-a' tubo-wlu⧾ po, :yee' 'nyi or-a' tubo-wlu:⧾ :po-eh: :dao', eh 'wluh 'de Nyorsoa bo. :Mor nyor :taa nyor⧾-' za-dih, :yee' 'nyi or no-eh, 'de 'kpih Nyorsoa 'nyi-or 'di, 'de dhih-a' 'i 'beh-a' 'ye Nyorsoa 'nyi-eh: 'de :Yusu' 'Klae-a' 'nyne 'di, 'de deh⧾-a' klehkpeh a no-a 'di. Dhih-a' 'i 'beh-a'-: 'dekorn: 'kpih-: en :korn 'de :Yusu' 'Klae bo, :ka ti-a mu-a 'dlu-' :tehn klehkpeh klehkpeh. 'Ka-: eh 'ye :ne.

Matthieu 5:14-16
[14] A :mor 'dhu 'bluhba-a' zorn-pli-'. :Yee' :gwlor :klaba' :ne-a 'o tluh 'dlu, or se 'zile-eh :korn.[15] 'De :mor eh 'dhu, nyor tba 'nape, :yee' or :se-eh' 'de :yabe 'zorn :po i. Jorwor: or dhe-eh :dha eh :korn-a dih, 'de eh 'ye nyor⧾-a' klehkpeh :on :ne-a 'de 'gbu, zorn-pli 'nyi.[16] 'Ka-: 'o eh :ne, a 'nyi a-a' zorn-pli fan 'do :gwlor-nyor⧾ ybei', 'de on 'ye a-a' noo-deh:⧾ 'jeh 'ye, 'de on 'ye a :Baa' :or :ne-a 'de yai'-a' 'nyne dhih-a' 'i 'beh-a' 'nyi.

Matthieu 6:1-4
[1] :Yee' :Yusu'-a kpa or-a' wlu 'dlu bo, or 'dae:, A 'wla :gwluhuh' dih, 'de a :ne-' a-a'a: 'yi 'sleh-kplen no, 'do :gwlor-nyor⧾ ybei', 'de on :ne-ih' 'ye. :Mor a no-eh, :yee' a :se-' geli' :za-dih-deh 'ye-: i, 'do a :Baa' :or ne-a 'de yai' bo.[2] 'Do eh-a' dhih, :mor :on :taa se deh-a' :za-da 'ble-nyor deh 'nyi, :an-a' 'dhu-:-' eh-a' :gamu worn 'i, :ka nyor⧾ :an 'ye-a nyor⧾-a' 'yli, an no-a, 'de 'di :gweh-dih-sla⧾ 'zorn dih-: 'kpa :gwie⧾ bo dih-: an 'bhorn-a :ka nyor⧾ 'ye-uh'-a' dhih bo po. Dhih 'jeh, 'an zela a :gwluhuh', on 'ye an-a'a: geli' :za-dih-deh⧾-a' klehkpeh 'weh.[3] Jorwor: :mor :mloror', :mor :on :taa se deh-a' :za-da 'ble-nyor deh 'nyi, :an-a' kona-son-a' yubo:-' deh :an-a' :dila-son-a no-a,[4] 'de eh 'ye deh :on 'nyi-a se deh-a' :za-da 'ble-nyor, eh 'ye 'slan-' 'dhu-eh:. :Yee' :on :Baa' :or 'ye-a deh⧾ :en :no-eh 'de 'slan-', or-: mu :on geli' :za.

Romefue 12:3-8
[3] :Yee' Nyorsoa po 'on mla bo. Eh-a' dhih, 'an zela a-a' klehkpeh :gwluhuh', A-a' 'ye-:-' a-a' 'jeh deh-' 'gabaa, eh-a' :zi 'o ken dih, 'de a-a' 'jeh 'yli 'de. Dhih 'jeh-' :po-eh: or 'nyi a-uh, eh-: a 'ye no, a 'ye a-a' 'jeh :yba-dih:, 'de :toror' :korn ka 'di.[4] :A-a' klehkpeh, :a 'ble yau :due' :due', :on 'ble-a deh⧾ :dhulu' 'do on 'bhun. Jorwor: en-' klehkpeh :dao', en se :koan :due' 'ble.[5] :Yee' 'de deh :ne-a :due' 'di, :a :mor :or :dhie:-a 'o, 'de :or :ne-a 'Klae-', :a no yau :due'. :Yee' :a 'dhu-dih-eh: 'i, :ka yau-a' deh⧾ :en :ne-a 'o on 'bhun, en no-a 'i 'dhu-dih-eh :ke.[6] :Ka Nyorsoa no-a :a-a' mla bo :po-eh, 'ka-: :a no 'nyii'-deh:⧾ 'doror: 'dor 'ye-a'. :Yee' :mor Nyorsoa 'nyi nyor wele-eh: :po-eh, :yee' 'nyi or po or-a' wele-eh. 'Nyi eh :ne or-a' dhih 'jeh-' :po-eh kpa :gwie :due'.[7] :Mor or-a' 'nyii'-deh no 'bhoi-yu-deh 'do nyor bo, :yee' 'nyi or no-eh. :Mor or-a' 'nyii'-deh no nyor⧾ deh :torne-eh, :yee' 'nyi or :torne: nyor⧾ deh.[8] :Mor or-a' 'nyii'-deh 'dhu 'de nyor⧾-a' 'kpih :po-deh-' 'do nyor bo, :yee' 'nyi or po 'de nyor⧾-a' 'kpih. :Mor or-a' 'nyii'-deh 'dhu, 'nyi nyor⧾ deh yaa'e-deh-', :yee' 'nyi or no-eh, or 'bor 'kwa dih :kmu-eh. :Mor or-a' 'nyii'-deh no, nyor⧾ :na-dih-eh, :yee' 'nyi or :na-dih: nyor⧾ deh 'jeh neh. :Mor or-a' 'nyii'-deh no nyor⧾ :wehlih 'ye-eh, :yee' 'nyi or no-eh, 'de 'mona: ka 'di.

1 Corinthefue 12:1-11
[1] :Yee' 'do Nyorsoa-a' :Zulu-a' 'nyii'-deh⧾ 'bhun, 'an 'Klae :de-di'-boi'-a:, 'on :se-' 'bhorn en 'ye 'de a 'di dih :kpe-dih:.[2] A yubo-eh', ti a se-a Nyorsoa yubo: :zai', :yee' a :bo-dih-eh: dih, 'de :ka :dhulu' 'di, 'de a za zuu:⧾ :en se-a :febeh' 'ble en-' :weheh'.[3] :Yee' eh-a' dhih, 'an 'bhorn a 'ye-eh' yubo:, nyor :or Nyorsoa-a' :Zulu-a na-dih-a, or se 'beh-dih: or 'ye :Yusu' 'chlo bo po. Nyor Gban 'i :ne :Zulu-a na-dih-a, or :due', or-: 'beh-dih: :or 'ye-eh' :za 'de or 'worn :ka :Yusu' 'dhu-a :Gwlor :baa'-'.[4] Nyorsoa-a' :Zulu-a' 'nyii'-deh⧾ :ne 'doror: 'dor. Jorwor: Nyorsoa-a' :Zulu: :ne-a :due' mo-: 'o 'gboror:.[5] Nyorsoa-a' :koan-a' no-a' :ne 'doror: 'dor. Jorwor: :Gwlor :baa' :ne-a :due' :oo' 'gboror:.[6] Nyor⧾-a' klehkpeh, on 'ble 'kpih 'doror: 'dor 'do Nyorsoa-a' :koan: :no-eh bo. Jorwor: Nyorsoa :ne-a :due', or-: 'o, :or 'nyi nyor⧾-a' klehkpeh 'kpih 'doror: 'dor, 'do an-a' :koan: :no-eh bo.[7] Nyorsoa 'nyi nyor⧾-a' klehkpeh or-a' :Zulu-a' 'nyii'-deh:⧾ :due' :due', eh 'ye-eh' no, eh 'ye 'chore-a' klehkpeh-' :za-dih:.[8] Nyorsoa-a' :Zulu-a 'nyi nyor :noror' tubo-wlu:⧾ :en :ne-a :toror' 'di. 'De mo-: :ne-a :due' an 'nyi :noror' tubo-wlu:⧾ :en 'ble-a deh-' dih 'worn-eh: 'de en 'di.[9] :Zulu: :ne-a :due', mo-: :an 'nyi nyor :noror' dhih 'jeh-' :po-eh: 'de or no nyor⧾ 'di dih 'ma-dih-deh⧾. 'De mo-: :ne-a :due' :neheh', an 'nyi :noror' 'kpih :en 'puh-dih-a puhba-nyor⧾.[10] :Zulu: :ne-a :due', mo-: :an 'nyi nyor :noror' 'kpih or 'ye nyor⧾ 'di dih 'ma-dih-deh⧾ no. 'De an 'nyi nyor :noror' Nyorsoa-a' wele-eh: :po-eh. 'De an 'nyi :noror' 'kpih or 'ye deh⧾ :en 'wluh-a 'de on bo-: 'dekorn: :yih :en se-a 'de 'wluh-: or 'ye-ih' dih zela:. An 'nyi nyor :noror' 'kpih or 'ye wlu⧾ 'doror: 'dor po :en Gban 'i :ne :Zulu 'nyi-or, or 'ye-a' po. 'De an 'nyi nyor :noror' 'kpih or 'ye wlu⧾ :dao' gbor :za.[11] Nyorsoa-a' :Zulu: :ne-a :due' mo-: 'o :an no deh⧾-a' klehkpeh :daa. :Ka an 'bhorn-a 'ka-: 'o on no nyor⧾ 'nyii'-deh:⧾ 'doror: 'dor :daa en-' 'nyi-a' :due' :due'.

Baoule Bible 1996
© Bible Society in Liberia, 1996