A A A A A

Günahlar: [Xurafat]


2 Saloniklilərə 2:3
قويمايين هچ کئم سئزي هچ بئر نحو​له آلداتسين. چونکي اوّلجه، ائماندان دؤنمه زاماني گلمه​مئش و هلاکت اوغولو اولان او شرئعتسئز آدام ظوهور اتمه​مئش، او گون گلميه​جکدئر.

Daniel 9:27
او، بئر هفته عرضئنده چوخلاري ائله عهد باغلاياجاق، آمّا هفته‌نئن اورتاسيندا قوربانلا تقدئمي دايانديراجاق. ائيرنجلرئن قانادي اوستونده وئرانه‌لئک گتئرن گله‌جک. او زاماناجاق کي، تعيئن ادئلمئش عاقئبتي وئرانه‌لئک گتئره‌نئن باشينا تؤکولسون."

1 Timofeyə 4:1
آمّا موقدّس روح آيدين بئر شکئلده ديئر کي، آخير زامانلاردا بعضئلر آلداتان روحلارا، شرئرلرئن تعلئملرئنه چکئلئب ائماندان دوشه​جکلر؛

İbranilərə 3:12
قارداشلار، دئقّت ادئن کي، سئزلردن هچ بئرئنئزئن پئس و ائنانمايان بئر اوره‌يي اولماسين کي، دئري تاريدان اوزاقلاشسين.

Luka 8:13
داشليغا دوشنلر اونلارديرلار کي، کلامي اشئدن واخت شادليقلا قبول ادئرلر، لاکئن کؤکلري اولماديغيندان بئر مودّت ائمان گتئرئرلر و ائمتاحان زاماني ائماندان دؤنورلر.

İbranilərə 6:4-6
[4] چونکي بئر زامان مونوّر اولموش و گؤيدن اولان عطاني دادميش و موقدّس روحدان پاي آلميش،[5] و تارينين ياخشي کلاميني و گله​جک عصرئن قودرتلرئني دادميش اولدوقلاري حالدا،[6] يولدان آزميش اولانلارا تزه​دن تؤوبه اتدئرمک مومکون ديئل. چونکي تارينين اوغلونو اؤزلري اوچون تزه​دن چارميخا چکئب، روسواي ادئرلر.

2 Peterin 2:20-22
[20] چونکي اگر اونلار کي، رب و قورتاريجيميز عئسا مسئحي تانيماق واسئطه​سئله دونيانين نجئسلئکلرئندن قاچيبلار، اگر تزه​دن اونلارا بولاشيب مغلوب اولسالار، اونلارين آخير حالي اوّلکئندن داها پئس اولوب.[21] چونکي اونلار اوچون داها ياخشي اولاردي کي، صالحلئک يولونو بئلمه​مئش اولسونلار، تا کي، اونو بئلئب و اونلارا امانت ورئلمئش موقدّس حؤکمدن اوز دؤندرسئنلر.[22] اونلارين باشينا بو دوغرو مثلده ديئلنلر گلئب: «ائت اؤز قوسدوغونا قاييدار.» و «يويولموش دونوز پالچيقدا آغناماغا دؤنر.»

İbranilərə 10:26-29
[26] چونکي اگر حقئقتئن معرئفتئني آلاندان سونرا قصدن گوناه اِدَک، گوناهلار اوچون آرتيق قوربان قالمير.[27] لاکئن موحاکئمه​نئن دهشتلي بئر ائنتئظاري و ضئدّ دورانلاري يانديريب تؤکن بئر اودون قضبي قالير.[28] موسانين شرئعتئني هچ سايان آدام، ائکي و يا اوچ شاهئدئن شهادتي ائله رحم ادئلمه‌دن اؤلور،[29] فئکر ادئرسئنئز تارينين اوغلونو آياق آلتينا سالان، واسئطه‌سئله تقدئس اولوندوغو عهدئن قانيني ناپاک سايان، و فيضئن موقدّس روحونو تحقئر ادن بئر آدام نه قدر شئدّتلي بئر جزايا لايئق اولاجاق؟!

2 Timofeyə 4:3-4
[3] چونکي اِله بئر زامان گله​جک کي، اونلار آرتيق صحئح تعلئمه دؤزمه‌يه​جکلر؛ لاکئن قولاقلاري قاشيناراق، اؤز هوسلرئنه موطابئق موعلّئملر ييغاجاقلار[4] و قولاقلاريني حقئقتدن دؤنده‌رئب، افسانه​لره اوز گتئره​جکلر.

Yəhya 15:6
منده قالمايان آدام بوداق کئمي چؤله آتيليب قورويار. ائنسانلار اونلاري ييغيب اودا آتارلار و اونلار يانار.

1 Timofeyə 4:1-2
[1] آمّا موقدّس روح آيدين بئر شکئلده ديئر کي، آخير زامانلاردا بعضئلر آلداتان روحلارا، شرئرلرئن تعلئملرئنه چکئلئب ائماندان دوشه​جکلر؛[2] يالانچيلارين رئياکارليغي واسئطه‌سئله کي، وئجدانلاريندا دمئر داغلا داغلانميش کئمي داغلانيبلار.

2 Peterin 2:1
لاکئن يالانچي پيغمبرلر ده خالق آراسيندا ظوهور اتدئلر، نجه کي، سئزئن آرانيزدا دا يالانچي موعلّئملر اولاجاقلار کي، گئزلئجه محو ادن بئدعتلر گتئرئب، حتّا او آغاني دا داناجاقلار کي، اونلاري ساتين آلدي و اؤز باشلارينا تزلئکله هلاکت گتئره​جکلر.

Matta 24:10-12
[10] او واخت بئر چوخلاري ائماندان بودره​يه​جکلر، بئربئرلرئني تسلئم ادئب بئربئرلرئندن نئفرت اده​جکلر.[11] بئر چوخ يالانچي پيغمبرلر ظوهور ادئب، چوخ آداملاري آزديراجاقلار.[12] پئسلئيئن آرتديغيندان چوخ آداملارين سِوگئسي سويوياجاق.

2 Peterin 3:17
بونا گؤره، سئز، اي سوگئلئلر، بونلاري قاباقجادان بئله‌رک، احتئياط ادئن اِله کي، اوصولسوز آداملارين سهولرئله يولدان آزديريلماياسينيز و اؤز ثباتينيزدان دوشمه‌يه​سئنئز.

Yəhya 6:66
بو زاماندان شاگئردلردن چوخو عئساني ترک ادئب آرتيق اونا پيرو اولماديلار.

2 Peterin 2:17
بونلار سوسوز بولاقلارديرلار، کوله‌يئن آپارديغي دومانلارديرلار. اونلار اوچون قارا قارانليق ساخلانيب.

1 Timofeyə 4:1-3
[1] آمّا موقدّس روح آيدين بئر شکئلده ديئر کي، آخير زامانلاردا بعضئلر آلداتان روحلارا، شرئرلرئن تعلئملرئنه چکئلئب ائماندان دوشه​جکلر؛[2] يالانچيلارين رئياکارليغي واسئطه‌سئله کي، وئجدانلاريندا دمئر داغلا داغلانميش کئمي داغلانيبلار.[3] بو آداملار اولنمه‌يي قدغن ادئب، يمکلردن پرهئز اتمه‌يه امر ادئرلر. حال بو کي، تاري بو يمکلري ياراديب کي، ائنانانلار و حقئقتي بئلنلر شوکورله اونلاري قبول اتسئنلر.

1 Korinflilərə 10:12
بونا گؤره ده، کئم گومان آپارير کي، آياق اوسته دورور، احتئياطلي اولسون کي، ييخيلماسين.

Matta 24:9-10
[9] او زامان سئزه اذئيّت ورئب، سئزي اؤلدوره​جکلر و منئم آديما گؤره، بوتون خالقلار سئزدن نئفرت اده​جکلر.[10] او واخت بئر چوخلاري ائماندان بودره​يه​جکلر، بئربئرلرئني تسلئم ادئب بئربئرلرئندن نئفرت اده​جکلر.

Matta 26:14-16
[14] او زامان اون​ائکئلردن، يهودا ائسکاريوت آدلانان بئري، باش کاهئنئن يانينا گدئب ددي:[15] "اونو اَله ورسم، منه نه وِرَرسئنئز؟" اونلار دا يهودايا اوتوز گوموش پاراسي وعده وردئلر.[16] او واختدان يهودا، عئساني اَله ورمک اوچون فورصت آختاريردي.

1 Timofeyə 1:19-20
[19] و ائمان و ياخشي وئجداني حئفظ اده​سن کي، بعضئلري ردّ ادئب، ائمانلاري حاقدا سينيق گمي کئمي باتيبلار.[20] بونلارين آراسيندا هئمنايوس و ائسکندردئر. اونلاري شيطانا تسلئم اتدئم کي، کوفر دمه​مه‌يي اؤيرنسئنلر.

1 Yəhyanın 2:19
اونلار بئزئم آراميزدان چيخديلار، آمّا بئزدن ديئلدئلر. اگر بئزدن اولسايديلار، بئزئمله قالارديلار. آمّا اونلار چيخديلار کي، هچ بئرئنئن بئزدن اولماماسي بئلئنسئن.

İbranilərə 10:25-31
[25] و بعضئلرئن عادتي کئمي بئربئرئمئز​له بئر يره ييغيلماغي ترک اتمه‌يک و بئربئرئمئزي داها دا چوخ تشوئق ادک، علل​خوصوص گؤرورسونوز ده کي، او گون ياخينلاشير.[26] چونکي اگر حقئقتئن معرئفتئني آلاندان سونرا قصدن گوناه اِدَک، گوناهلار اوچون آرتيق قوربان قالمير.[27] لاکئن موحاکئمه​نئن دهشتلي بئر ائنتئظاري و ضئدّ دورانلاري يانديريب تؤکن بئر اودون قضبي قالير.[28] موسانين شرئعتئني هچ سايان آدام، ائکي و يا اوچ شاهئدئن شهادتي ائله رحم ادئلمه‌دن اؤلور،[29] فئکر ادئرسئنئز تارينين اوغلونو آياق آلتينا سالان، واسئطه‌سئله تقدئس اولوندوغو عهدئن قانيني ناپاک سايان، و فيضئن موقدّس روحونو تحقئر ادن بئر آدام نه قدر شئدّتلي بئر جزايا لايئق اولاجاق؟![30] چونکي بونو دئيه‌ني تاني‌ييريق: "قئصاص منئمدئر، من عوضئني وره​جه‌يم." و گئنه "ربّ خالقيني موحاکئمه اده​جک."[31] ياشايان تارينين اَللرئنه دوشمک دهشتلي بئر شيدئر.

Yeremya 17:5-6
[5] رب بله ديئر: "لعنت اولسون او آداما کي، ائنسانا بِل باغلايير، بشرئن گوجونه آرخالانير، و اوره‌يي ربدن دؤنور.[6] او، چؤلده‌کي کؤل کئمي اولاجاق، خيئر گلنده اونو گؤرميه‌جک. صحرادا اولان قوراق يِرلرده هچ کس ياشامايان شورانليقدا ساکئن اولاجاق.

Yezekel 3:20
اگر بئر صالح آدام اؤز صالحلئيئندن دؤنوب پئسلئک اتسه و من اونون قاباغينا بودره‌دن داش قويسام، او اؤله‌جک. اونا ائخطار ورمه‌دئيئن اوچون او آدام اؤز گوناهي ائچئنده اؤله‌جک و اتدئيي صالح عمل‌لري حسابا آلينماياجاق، لاکئن اونون قاني اوچون مسعولئيّتي من سنئن اوستونه قوياجاغام.

Yezekel 18:24
آمّا اگر صالح آدام اؤز صالحلئيئندن دؤنوب پئسلئک اتسه، پئس آدامين اتدئيي بوتون ائيرنج ائشلري گؤرسه، مگر ياشاياجاق؟ اتدئيي صالح ائشلرئندن هچ بئري خاطيرلانماياجاق؛ اتدئيي خائنلئک و اِله‌دئيي گوناهيندان اؤتري اؤله‌جکدئر.

Matta 13:20-21
[20] داشليق يرلره سپئلمئش اولان دا اودور کي، کلامي اشئدئر و آنَن اونو شادليقلا قبول ادئر.[21] لاکئن اؤز-اؤزونده کؤک سالماديغينا گؤره، آز بئر مودّت قالير و او زامان کي، بو کلامدان اؤتري دارليق و اذئيّت باش ورئر، آنَن بودره‌يئر.

1 Korinflilərə 9:27
آمّا بدنئمه اذئيّت چکدئرئب اونو قول ادئرم کي، مبادا اؤزگه​لره وعظ ادندن سونرا، اؤزوم مردود اولوم.

İbranilərə 6:4-8
[4] چونکي بئر زامان مونوّر اولموش و گؤيدن اولان عطاني دادميش و موقدّس روحدان پاي آلميش،[5] و تارينين ياخشي کلاميني و گله​جک عصرئن قودرتلرئني دادميش اولدوقلاري حالدا،[6] يولدان آزميش اولانلارا تزه​دن تؤوبه اتدئرمک مومکون ديئل. چونکي تارينين اوغلونو اؤزلري اوچون تزه​دن چارميخا چکئب، روسواي ادئرلر.[7] او ير کي، دفه​لر​له اوستونه تؤکولن ياغيشي ائچئر و اوندا ائشله‌ين کئمسه​لر اوچون فايدالي گؤيرتئلر حاصئل ورئر، تاريدان بئر برکت آلير.[8] آمّا اگر تئکان و خار-خاشاک حاصئل گتئرسه، دَيَرسئزدئر و لعنت اولونماغا ياخين، آخيري دا يانماقدير.

Həvarilərin İşləri 21:21
و سنئن حاقّيندا اشئدئبلر کي، سن قيري‌يهودئلر آراسيندا ياشايان بوتون يهودئلره تعلئم ورئرسن کي، موسادان مورتد اولسونلار و ديئرسن کي، نه اوشاقلاريني ختنه اتسئنلر، نه ده عادتلرئمئزه عمل اتسئنلر.

Qalatiyalılara 5:4
سئز کي، ائسته‌يئرسئنئز شرئعت وسئله‌سئله تبرعه اولوناسينيز، مسئحدن محروم اولوبسونوز؛ سئز فيضدن دوشوبسونوز.

1 Korinflilərə 6:9
يوخسا بئلمئرسئنئز کي، صالح اولمايانلار تارينين پادشاهليغيني مئراث آلماياجاقلار. آلدانمايين؛ عئفّتسئزلر، بوتپرستلر، زئناکارلار، کئشئبازلار، اوشاقبازلار،

İbranilərə 10:26
چونکي اگر حقئقتئن معرئفتئني آلاندان سونرا قصدن گوناه اِدَک، گوناهلار اوچون آرتيق قوربان قالمير.

Matta 13:41
ائنسان اوغلو ملکلرئني گؤنده‌ره​جک و اونلار گوناها چکن بوتون شيلري و پئسلئک ادن هر آدامي اونون پادشاهليغيندان ييغاجاقلار.

2 Timofeyə 4:3
چونکي اِله بئر زامان گله​جک کي، اونلار آرتيق صحئح تعلئمه دؤزمه‌يه​جکلر؛ لاکئن قولاقلاري قاشيناراق، اؤز هوسلرئنه موطابئق موعلّئملر ييغاجاقلار

2 Saloniklilərə 2:3-4
[3] قويمايين هچ کئم سئزي هچ بئر نحو​له آلداتسين. چونکي اوّلجه، ائماندان دؤنمه زاماني گلمه​مئش و هلاکت اوغولو اولان او شرئعتسئز آدام ظوهور اتمه​مئش، او گون گلميه​جکدئر.[4] او آدام هر تاري و يا عئبادت ادئلن شيه ضئدّ دوروب، اؤزونو اوجالداجاق، اِله کي، تارينين معبدئنده اَيله‌شئب، اؤزونو تاري کئمي گؤرسده‌جک.

Yəhya 1:14
و کلمه ائنسان اولوب آراميزدا ساکئن اولدو و بئز اونون جلاليني گؤردوک، آتانين يگانه اوغلونون جلاليني. او، فيض و حقئقتله دولو ائدي.

Qanunun Təkrarı 13:13
سئزئن آرانيزدان ياراماز آداملار چيخيب شهرلرئنده ياشايان آداملاري آزديريبلار و اونلارا ديئبلر کي، «گلئن تانيماديغينيز باشقا آللاهلارين دالينجا گدک و اونلارا قوللوق ادک.»

1 Timofeyə 4:10
چونکي بئز بونون اوچوندور کي، زحمت چکئب تحقئره دؤزوروک. بئز اومئدئمئزي دئري تارييا باغلاميشيق کي، بوتون ائنسانلارين قورتاريجيسي‌دير، خوصوصن ده ائمانلي​لارين.

1 Peterin 3:17
چونکي اگر تارينين ائراده​سي بودور، اوندا صحئح اولاني يرئنه يتئردئيئنئز اوچون عذاب چکمه‌يئنئز داها ياخشي‌دير کي، سهو اولاني يرئنه يتئردئيئنئز اوچون عذاب چکه‌سئنئز.

1 Saloniklilərə 2:3
چونکي بئزئم تشوئقئمئز نه سهودن، نه ناپاکليقدان، نه ده حئيله​دندئر.

Qanunun Təkrarı 32:15
لاکئن يِشورون کؤکه‌‌لئب تَپئک آتدي، کؤکَه‌لئبسن، يوغونلاشيبسان، پئيله‌شئبسن! سونرا اونو يارادان تاريني ترک اتدي، خئلاصکاري اولان قايايا گوستاخليق اتدي.

Yezekel 18:26
صالح آدام اؤز صالحلئيئندن دؤنوب پئسلئک اتسه، بونا گؤره اؤله‌جک؛ بلی، اتدئيي پئسلئيه گؤره اؤله‌جک.

1 Timofeyə 4:2
يالانچيلارين رئياکارليغي واسئطه‌سئله کي، وئجدانلاريندا دمئر داغلا داغلانميش کئمي داغلانيبلار.

Mark 10:11
عئسا اونلارا ددي: "هر کس آرواديني بوشاييب اؤزگه بئر آروادلا اِولَنسه، آروادينين حاقّيندا زئنا ادئر.

Luka 22:3-6
[3] او زامان شيطان ائسکاريوتلو آدلانان يهودانين اوره‌يئنه گئردي کي، او اون‌ائکئلردن بئري ائدي.[4] و او گدئب باش کاهئنلر و معبدئن موحافئظلرئنئن ريئسي ائله دانيشدي کي، عئساني اونلارا نجه تسلئم اتسئن.[5] اونلار سوئندئلر و اونا پول ورمه‌يه راضي اولدولار؛[6] او دا سؤز وردي و بئر فورصت آختاريردي کي، جاماعات اولماديغي بئر يرده عئساني اونلارا تسلئم اتسئن.

Matta 12:31-32
[31] بونا گؤره سئزه ديئرم: ائنسانلارين هر گوناه و کوفرو باغيشلانار، لاکئن موقدّس روحون ضئدّئنه ديئلن کوفر باغيشلانماز.[32] کئم ائنسان اوغلونون ضئدّئنه دانيشسا، باغيشلانار؛ آمّا کئم موقدّس روحون ضئدّئنه دانيشسا، نه بو عالمده باغيشلانار، نه ده گله‌جکده.

Azerbaijan Bible 2008
Southern Azeri translation. Copyright © 2008 Elam Ministries