A A A A A

Günahlar: [Asılılıq]


1 Korinflilərə 10:13-14
[13] هچ بئر وسوسه سئزئن باشينيزا گلمه‌يئب کي، آيري ائنسانلارين باشينا گلمه‌مئش اولسون. تاري وفالي‌دير و قويماز کي، طاقتئنئزدن آرتيق وسوسه‌يه دوشه‌سئنئز. لاکئن وسوسه ائله بله سئزه قاچاجاق يولو دا تأمئن اِدَر کي، تاب گتئره بئله​سئنئز.[14] بلجه، سوگئلئلرئم، بوتپرستلئکدن قاچين.

1 Yəhyanın 2:16
چونکي دونيادا اولان هر شي، ائنسانين جئسماني طبئعتئنئن هوسلري، گؤزلرئن هوسلري، و دونيانين تکبّورو آتادان يوخ، دونياداندير.

1 Korinflilərə 15:33
آلدانمايين؛ "پئس يولداش ياخشي اخلاقي پوزار."

Yaqubun 4:7
پس، تارييا موطئع اولون. شيطانين قاباغيندا موقاوئمت ادئن و او سئزدن قاچار.

1 Korinflilərə 6:12
هر شي منه جائزدئر، لاکئن هر شي فايدالي ديئل. هر شي منه جائزدئر، لاکئن قويمارام کي، هچ بئر شي منه حؤکمرانليق اتسئن.

1 Peterin 5:10
آز بئر مودّت عذاب چکدئيئنئزدن سونرا، بوتون فيضئن تاريسي کي، سئزي مسئحده اؤز شؤوکتئنه دعوت اتدي، اؤزو سئزي کامئل ادئب تصدئق اده​جک و سئزه قووّت ورئب، سئزي برقرار اده​جک.

Zəbur 50:15
دارليق گونده مني چاغير، سني خئلاص ادرم، سن منه عئزّت وررسن."

Romalılara 5:3-5
[3] و آنجاق بو قدر يوخ، موصئبتلرده ده فخر ادئرئک، چونکي بئلئرئک کي، موصئبت تحمّول يارادار،[4] تحمّول شخصئيّت، شخصئيّت ده اومئد[5] و اومئد اوتانديرماز؛ چونکي تارينين محبّتي بئزه ورئلن موقدّس روحون واسئطه‌سئله اورکلرئمئزه تؤکولوب.

1 Korinflilərə 6:9-11
[9] يوخسا بئلمئرسئنئز کي، صالح اولمايانلار تارينين پادشاهليغيني مئراث آلماياجاقلار. آلدانمايين؛ عئفّتسئزلر، بوتپرستلر، زئناکارلار، کئشئبازلار، اوشاقبازلار،[10] اوغرولار، طاماحکارلار، عرقخورلار، سؤينلر و شيّادلار تارينين پادشاهليغيني مئراث آلماياجاقلار.[11] سئزلردن بعضئلرئنئز ده بو جور ائدئنئز؛ لاکئن يويولدونوز، تقدئس اولوندونوز، ربّئمئز عئسا مسئحئن آديندا و تاريميزين موقدّس روحوندا صالح ساييلدينيز.

Titusa 2:12
و بئزه تربئيه ورئر کي، ائمانسيزليق و دونيه‌وي هاوا-هوسلري ردّ ادئب بو عصرده تمکئنلي، صالح و تارييا لايئق بئر حيات ياشاياق.

Yaqubun 1:2-3
[2] قارداشلاريم، جوربه​جور ائمتاحانلارلا راستلاشديغينيز زامان، اونو بؤيوک شادليق حساب ادئن،[3] چونکي بئلئرسئنئز کي، ائمانينيزين ائمتاحاني تحمّول حاصئل گتئرئر.

İbranilərə 4:15-16
[15] چونکي اِله بئر باش کاهئنئمئز يوخدور کي، ضعئفلئکلرئمئزده بئزئمله همدرد اولماسين. آمّا هر شيده بئزئم کئمي وسوسه اولونموش، لاکئن گوناهسيز چيخميش بئري واريميزدير.[16] بلجه، گلئن يقئنلئکله فيض تختئنه ياخينلاشاق، اِله کي، مرحمت تاپيب احتئياج واختيندا بئزه کؤمک ادن فيضه نايئل اولاق.

Yəhya 3:16-17
[16] چونکي تاري دونياني اله سودي کي، اؤز يگانه اوغلونو فدا اتدي. اونا گؤره کي، اونا ائمان گتئرن هرکس هلاک اولماييب، ابدي حياتي اولسون.[17] چونکي تاري اوغلونو گؤنده‌رمه‌دي کي، دونياني موحاکئمه اتسئن. گؤنده‌ردي کي، دونيا اونون واسئطه​سئله نئجات تاپسين.

Filipililərə 4:13
منه قووّت ورن مسئحله هر شيه قادئرم.

Zəbur 95:8
مِرئبادا، او گون چؤلده، مَسّادا اولدوغو کئمي، اورکلرئنئزي برک اتمه‌يئن.

Matta 6:13
بئزي ائمتاحانا چکمه، لاکئن شردن خئلاص ات. چونکي سلطنت، قودرت و عئزّت ابده کئمي سنئندئر. آمئن.

Matta 26:41
اوياق قالين و دوعا ادئن کي، ائمتاحانا دوشمه‌يه​سئنئز. روح راضي، لاکئن جئسم ضعئفدئر."

Azerbaijan Bible 2008
Southern Azeri translation. Copyright © 2008 Elam Ministries