A A A A A

Yaxşı Xarakter: [Cəsarət]


Həvarilərin İşləri 4:29-31
[29] و ائندي، يارب، اونلارين تهدئدلرئنه باخ و اؤز قوللارينا باغيشلا کي، سنئن سؤزونو کامئل جسارتله دانيشسينلار.[30] و الئني اوزات کي، سنئن موقدّس قولون عئسانين آدينين واسئطه‌سئله شفا، علامتلر و عجايئبلر باش ورسئن."[31] اونلارين دوعاسيندان سونرا، اولدوقلاري ير لرزه​يه گلدي و اونلارين هاميسي موقدّس روحلا دولوب، تارينين سؤزونو جسارتله دانيشماغا باشلاديلار.

2 Korinflilərə 3:12
بونا گؤره بله بئر اومئدئمئز وار ائکن، بؤيوک جسارتله دانيشيريق.

Həvarilərin İşləri 14:3
بلجه پولوس و بارنابا اورادا اوزون بئر مودّت قاليب، ربّئن حاقّيندا جسارتله دانيشيرديلار. رب ده اؤز فيضئنئن کلامينا شهادت ورئب، اونلارين اَلي ائله علامتلر و عجايئبلر ياراديردي.

Həvarilərin İşləri 13:46
لاکئن پولوس و بارنابا جسارتله دانيشيب ددئلر: "لازيم ائدي کي، تارينين کلامي اوّلجه سئزه ديئلسئن. ائندي کي، سئز اونو ردّ ادئرسئنئز و ابدي حياتا لايئق اولماديغينيزا حؤکم ادئرسئنئز، باخين، بئز ده قيري‌يهودئلر طرفئنه دؤنوروک.

Həvarilərin İşləri 19:8
پولوس کنئسه​يه گئرئب، اوچ آي جسارتله دانيشيردي و تارينين پادشاهليغي حاقّيندا موباحئثه ادئب، اونلاري قانع ادئردي.

Filimona 1:8
بونا گؤره، گرچي مسئحده کئفايتجه جسارتئم وار کي، سنه صحئح اولاني اتمه‌يئنه امر ادئم،

Həvarilərin İşləri 18:26
و کنئسه​ده جورعتله دانيشماغا باشلادي. آمّا او زامان کي، اَکئلا و پرئسکئلا بونو اشئتدئلر، اونو يانلارينا آليب ربّئن يولونو اونا داها دقئق آچيقلاديلار.

Mark 15:43
آرئماتايلي يوسئف گلدي و جسارتئني بئر يره ييغيب پئلاطين يانينا گتدي و عئسانين جسدئني ائسته‌دي. يوسئف يهود مجلئسئنئن حؤرمتلي عوضولرئندن بئري​ ائدي و تارينين پادشاهليغيني گؤزله‌يئردي.

Həvarilərin İşləri 28:31
و تارينين پادشاهليغيني وعظ ادئب، ربّ عئسا مسئح حاقّيندا بوتون جسارتله مانعسئز تعلئم ورئردي.

Həvarilərin İşləri 4:29-30
[29] و ائندي، يارب، اونلارين تهدئدلرئنه باخ و اؤز قوللارينا باغيشلا کي، سنئن سؤزونو کامئل جسارتله دانيشسينلار.[30] و الئني اوزات کي، سنئن موقدّس قولون عئسانين آدينين واسئطه‌سئله شفا، علامتلر و عجايئبلر باش ورسئن."

Süleymanın Məsəlləri 28:1
شر آدام قووالايان يوخ ائکن قاچار، آمّا صالح آدام آصلان کئمي جسور دايانار.

Yaradılış 18:23-32
[23] ائبراهئم ياخين گلئب ددي: "مگر سن دوغرودان صالح آدامي دا پئس آداملا بئرلئکده محو اده‌جکسن؟[24] اگر بو شهرده اَلّي نفر صالح آدام اولسا، سن گئنه ده اوراني محو اده‌جکسن؟ اَلّي نفر صالح آدامين خاطئرئنه بو يِره رحم اتميه‌جکسن؟[25] بو ائشي اتمک سندن ائراقدير، سن صالح آدامي پئس آداملا بئرلئکده اؤلدورمزسن کي، ائکئسئنئن ده عاقئبتئني بئر اولسون. بو سندن ائراقدير. مگر بوتون دونيانين حاکئمي ائنصافلا رفتار اتمز؟"[26] رب ددي: "اگر سودوم شهرئنده اَلّي نفر صالح آدام تاپسام، اونلارين خاطئرئنه بوتون بو يِره رحم اده‌جيم."[27] ائبراهئم جاواب وردی: "من گرچي توز و کول کئمي بئر شِيَم، آمّا باخ، بونو ربّه دميه جسارت ادئرم:[28] اَلّي نفردن بش نفر آز صالح آدام تاپيلسا، آيا بش نفر اَسکئک اولدوغو اوچون بوتون شهري محو ادرسن؟" رب ددي: "اگر اورادا قيرخ بش نفر تاپسام، شهري محو اتميه‌جيم."[29] ائبراهئم گئنه اونا ددي: "اگر اورادا قيرخ نفر تاپيلسا، نجه؟" رب ددي: "قيرخ نفرئن ده خاطئرئنه بونو اتمه‌رم."[30] ائبراهئم ددي: "منئم چوخ دانيشديغيم اوچون رب قضبلنمه‌سئن: اگر اورادا اوتوز نفر تاپيلسا، نجه؟" رب ددي: "اگر اورادا اوتوز نفر ده تاپيلسا، بونو اتمه‌رم."[31] ائبراهئم ددي: "باخ، من گئنه ده ربّه بونو دِمه‌يي جسارت ادئرم: اورادا ائيئرمي نفر تاپيلسا، نجه؟" رب ددي: "ائيئرمي نفرئن ده خاطئرئنه اوراني محو اتمه‌رم."[32] ائبراهئم ددي: "رب قضبلنمه‌سئن؛ من آخير دفه دانيشاجاغام: اورادا اون نفر تاپيلسا، نجه؟" رب ددي: "اون نفرئن ده خاطئرئنه اوراني محو اتمه‌رم."

Zəbur 138:3
چاغيرديغيم گونده منه جاواب وردئن، جانيمدا قووّتله مني اورکلندئردئن.

Efeslilərə 3:12
مسئحده اونا اولان ائمان واسئطه​‌سئله ياخينلاشماغا جورعت و يقئنئمئز وار.

Yəhya 4:17
آرواد جاواب وردي: "اَرئم يوخدور." عئسا اونا ددي: "اَرئم يوخدور دمکده دوغرو ديئرسن.

İbranilərə 10:19
بونا گؤره، قارداشلار، چونکي عئسانين قاني واسئطه​‌سئله لاپ موقدّس يره يقئنلئکله گئره بئله‌رئک؛

İbranilərə 4:16
بلجه، گلئن يقئنلئکله فيض تختئنه ياخينلاشاق، اِله کي، مرحمت تاپيب احتئياج واختيندا بئزه کؤمک ادن فيضه نايئل اولاق.

İbranilərə 13:6
بونا گؤره يقئنلئکله ديئرئک: "رب منئم کؤمه‌يئمدئر، قورخمارام. ائنسان منه نه اده بئلر؟!"

Efeslilərə 6:19-20
[19] منئم اوچون ده دوعا ادئن کي، آغزيمي آچاندا آچيق دئل‌له دانيشماق عطا اولونسون. اِله کي، ائنجئلئن سئرّئني جسارتله بئلدئرئم کي،[20] بونون اوچون ده زنجئلرده باغلي اولان بئر اِلچي‌يَم؛ يعني، من اعلان اتدئکده اله جسارتله دانيشيم کي، اله دانيشماق منه گرکدئر.

Həvarilərin İşləri 4:13
اونلار پطروس و يوحنّانين جسارتئني گؤردولر و اونلارين بِساواد و عاوام آداملار اولدوقلاريني بئلئب، تعجّوب اتدئلر و تانيديلار کي، اونلار دا عئسا ائله ائدئلر.

1 Timofeyə 3:13
چونکي شمّاس منصبئنده ياخشي خئدمت ادنلر اؤزلري اوچون ياخشي بئر مرتبه و مسئح عئسادا اولان ائماندا بؤيوک بئر يقئنلئک قازانيرلار.

1 Saloniklilərə 2:2
لاکئن بئلدئيئنئز کئمي، قاباقجا فئلئپئده عذاب چکئب تحقئر اولدوغوموز حالدا، تاريميزدا جورعتئمئز وار ائدي کي، او آغير ضئدّئيّته باخماييب، تارينين خوش خبرئني سئزه دئيک.

Filipililərə 1:20
خالئص ائنتئظار و اومئدئم بودور کي، هچ بئر شيده اوتانماييم و همئشه‌کي کئمي ائندي ده، ياشاسام دا، اؤلسَم ده، بوتون جسارتله مسئحي بدنئمده اوجالديم.

2 Timofeyə 1:7
دوغرودان دا کي، تاري بئزه قورخو روحونو يوخ، قودرت، محبّت و ائنضئباط روحونو ورئب.

1 Korinflilərə 16:13
آييق اولون، ائماندا ثابئت دورون، کئشي کئمي عمل ادئن و قووّتلي اولون.

Süleymanın Məsəlləri 14:26
ربدن قورخان تام آرخاييندير، اؤولادلارينين بئر پناهي اولاجاق.

Zəbur 27:14
ربّه اومئد باغلا، جسور اول، اوره‌يئن قووّتلنسئن، ربّه اومئد باغلا.

Romalılara 1:16
من ائنجئلدن اوتانميرام. چونکي او، ائمان گتئرن هر کسئن خئلاصي اوچون تارينين قووّتئدئر؛ اوّل يهودئنئن، سونرا دا قيري‌​يهودئنئن.

1 Salnamələr 28:20
داوود اوغلو سوليمانا ددي: "گوجلو و جسارتلي اول، بو ائشي گؤر. قورخما و روحدان دوشمه، چونکي رب تاري، منئم تاريم، سنئنله‌دئر. ربّئن معبدئنئن بوتون خئدمت ائشي آخيرا چاتماميش او نه سني آتار، نه ده سني ترک اِدَر.

1 Korinflilərə 15:58
اونا گؤره سوگئلي قارداشلاريم، مؤحکم و ثابئت دورون و هر زامان ربّئن ائشئنده جوشون و بئلئن کي، ربّئن يولوندا چکدئيئنئز زحمت عبث ديئلدئر.

Efeslilərə 6:10
نهايت، ربده قودرتلي، اونون دا قووّتئنده گوجلو اولون.

Yeşaya 54:4
قورخما، چونکي اوتانماياجاقسان، اؤزونو آلچاق گؤرمه، چونکي روسواي اولماياجاقسان. جاوانليغين خجالتئني ياددان چيخارداجاقسان، بئر داها دا دول‌لوغونون روسوايچيليغيني يادينا سالماياجاقسان."

Yəhya 14:27
سئزئن اوچون باريش قويورام. اؤز باريشيمي سئزه ورئرم. دونيا ورن کئمي يوخ، من سئزه ورئرم. اوره‌يئنئز اوزولمه‌سئن. قورخمايين.

Mark 5:36
آمّا عئسا ديئلن سؤزه قولاق آسماييب کنئسه ريئسئنه ددي: "قورخما، آنجاق ائنان."

Filipililərə 1:28
و سئزه ضئدّ دورانلاردان اصلا قورخمورسونوز کي، بو، اونلارا هلاکت علامتي‌دئر، لاکئن سئزه نئجات علامتي، بو دا تاريداندير.

Yəhya 7:26
بو کي، آچيقجا هر شيي ديئر، کئمسه​ده اونا بئر شي دمئر! بلکه ده ريئسلر اونون دوغرودان مسئح اولدوغونو بئلئبلر.

Həvarilərin İşləri 5:29
آمّا پطروس و حوارئلر جاواب ورئب ددئلر: "بئز گرک ائنسانلاردان يوخ، تاريدان ائطاعت ادک.

Yeşua 1:7
آنجاق چوخ گوجلو و اورَکلي اول؛ دئقّت ات کي، قولوم موسانين سنه تاپشيرديغي بوتون قانونا عمل اده‌سن؛ اوندان نه صاغا، نه ده سولا دؤن کي، گده‌جيئن هر ياندا اوغور قازاناسان.

Yezekel 3:9
سنئن آلينيني چاخماق داشيندان مؤحکم اولان آلماس کئمي مؤحکم اده‌جيم. عاصي بئر خالق اولسالار دا، اونلاردان قورخما، قاباقلاريندا واهئمه‌يه دوشمه."

Həvarilərin İşləri 9:29
يوناني دانيشان يهودئلر​له ده دانيشيب موباحئثه ادئردي. آمّا اونلار جهد ادئردئلر کي، اونو اؤلدورسونلر.

Filipililərə 1:1
مسئح عئسايا اؤزلرئني قول اتمئش پولوس و تئموتاعوسدان، فئلئپئده مسئح عئسايا عاييد اولان بوتون موقدّسلره، ناظئرلر و شمّاسلاري​ ائله:

1 Timofeyə 3:1
بو کلام اعتئمادا لايئقدئر کي، اگر کئمسه ناظئرلئک منصبئني ائسته‌يئر، ياخشي بئر ائش آرزو ادئر.

1 Korinflilərə 3:12
اگر بئري بو بونؤوره اوستونده قيزيلدان، گوموشدن، قئيمتلي داشلاردان، تاختادان، ساماندان، کولَشدن بئنا اتسه،

İbranilərə 10:1
شرئعت، اوندان اؤتري کي، گله​جک ياخشي شيلرئن اصل شکئلي يوخ، اونلاردان آنجاق بئر کؤلگه​دئر، ائلدن ائله دائمي بئر شکئلده تقدئم اولونان همن قوربانلارلا ياخينلاشانلاري هچ واخت کامئل اده بئلمز.

1 Peterin 5:10
آز بئر مودّت عذاب چکدئيئنئزدن سونرا، بوتون فيضئن تاريسي کي، سئزي مسئحده اؤز شؤوکتئنه دعوت اتدي، اؤزو سئزي کامئل ادئب تصدئق اده​جک و سئزه قووّت ورئب، سئزي برقرار اده​جک.

Azerbaijan Bible 2008
Southern Azeri translation. Copyright © 2008 Elam Ministries