A A A A A

Yaxşı Xarakter: [Tərəddüd]


2 Korinflilərə 12:21
قورخورام کي، گلدئيئم واخت، تاريم مني سئزئن قاباغينيزدا اوتانديرسين و او آداملار اوچون ياس توتوم کي، کچمئشده گوناها باتيب و اتدئکلري ناپاکليق، زئنا و شهوتدن تؤوبه اتمه‌يئبلر.

2 Timofeyə 2:22
جاوانليق شهوتلرئندن قاچ و ربّي تمئز اورکله چاغيرانلارلا، صالحلئک، ائمان، محبّت و باريش دالينجا گت.

Həvarilərin İşləri 15:20
لاکئن اونلارا يازاق کي، اؤزلرئني بوتلره تقدئم ادئلئب نجئس اولموش شيلردن، جئنسي عئفّتسئزلئکدن، بوغولموش حيوانلارين اَتئندن و قاندان اوزاق ساخلاسينلار.

Koloslulara 3:5
بونا گؤره، يردن اولان بدنئنئزئن عوضولرئني عئفّتسئزلئيه، ناپاکليغا، هاوا-هوسه، پئس آرزولارا، و طاماحا کي، بوتپرستلئکدئر، اؤلو گومان ادئن.

Efeslilərə 5:3
لاکئن سئزئن آرانيزدا عئفّتسئزلئيئن، هر جور ناپاکليق، يا دا طاماحين حتّا آدي بله ذئکر اولونماسين، نجه کي، موقدّسلره ياراشار.

Qalatiyalılara 5:19
جئسمئن عمل​لري بلّي‌دئر: بونلار جئنسي عئفّتسئزلئک، ناپاکليق، سفاهت،

1 Korinflilərə 6:18-19
[18] جئنسي عئفّتسئزلئکدن قاچين. ائنسانين اتدئيي هر گوناه بدندن اشئکدئر. آمّا جئنسي عئفّتسئزلئک ادن بئر آدام اؤز بدنئنئن ضئدّئنه گوناه ادئر.[19] و يا مگر بئلمئرسئنئز کي، تاريدان آلديغينيز بدن، سئزده ياشايان موقدّس روحون معبدي​دئر و سئز اؤزونوزونکو ديئلسئنئز؟!

1 Korinflilərə 7:2
لاکئن عئفّتسئزلئک سببئندن هر کئشئنئن اؤز آروادي اولسون، هر آروادين دا اؤز اَري اولسون.

1 Korinflilərə 10:13
هچ بئر وسوسه سئزئن باشينيزا گلمه‌يئب کي، آيري ائنسانلارين باشينا گلمه‌مئش اولسون. تاري وفالي‌دير و قويماز کي، طاقتئنئزدن آرتيق وسوسه‌يه دوشه‌سئنئز. لاکئن وسوسه ائله بله سئزه قاچاجاق يولو دا تأمئن اِدَر کي، تاب گتئره بئله​سئنئز.

1 Peterin 2:11
سوگئلئلر، سئزدن خاهئش ادئرم کي، اجنبئلر و قرئبلر اولاراق جانينيزين ضئدّئنه ساواش قالديران جئسماني شهوتلردن اؤزونوزو اوزاق ساخلايين.

İbranilərə 13:4
نئکاح گرک هر کسئن طرفئندن حؤرمتلي توتولسون و دؤشه‌يي ده گرک لکه​سئز ساخلانسين. چونکي تاري فاسئقلر و زئناکارلاري موحاکئمه اده‌جک.

Yəhudanın 1:7
لاکئن گئنه ده همن شکئلده بو آداملار خيالبافليقلا بدنلرئني نجئس ادئرلر و ائقتئداري هچ ساييب، شؤوکتلئيي ده سؤيورلر.

Matta 5:8
خوش اوره‌يي تمئز اولانلارين حالينا، چونکي اونلار تاريني گؤره​جکلر.

Süleymanın Məsəlləri 31:30
لطافت آلداتان، گؤيچکلئک باطئلدئر، لاکئن ربدن قورخان آرواد تعرئفه لايئقدئر.

Romalılara 12:1
بونون اوچون اي قارداشلار، تارينين مرحمتئنئن خاطئرئنه سئزه يالواريرام کي، بدنلرئنئزي تارييا دئري، موقدّس، و مقبول اولان قوربان تقدئم ادئن کي، بو سئزئن عئبادتئنئزدئر.

Romalılara 13:13
گوندوزده اولانلار کئمي دوروست رفتار ادک؛ عيش-عئشرت و کفلئلئکله يوخ، عئفّتسئزلئک و سفاهتله يوخ، داعوا و حسدله يوخ.

1 Saloniklilərə 4:3-4
[3] تارينين ائراده​سي بودور: سئزئن موقدّس اولماغينيز، يعني، جئنسي عئفّتسئزلئکدن اؤزونوزو اوزاق ساخلاماغينيز.[4] کي، سئزدن هر کس اؤز قابيني نجه تقدّوسلوک و احتئرامدا ساخلاسين؛

Qalatiyalılara 5:19-21
[19] جئسمئن عمل​لري بلّي‌دئر: بونلار جئنسي عئفّتسئزلئک، ناپاکليق، سفاهت،[20] بوتپرستلئک، جادوگرلئک، عداوت، داعوالار، حسد، قضب، موباحئثه، نئفاق، تفرئقه​لر،[21] پاخيلّيق، کفلئلئک، عيش-عئشرتلر و بونا بنزر شيلردئر. سئزه اوّللرده ائخطار وردئيئم کئمي، ائندي ده قاباقجادان ائخطار ورئرم کي، بونلاري اِدَنلر تارينين پادشاهليغيني مئراث آلماياجاقلار.

Yaradılış 39:7-10
[7] بئر مودّت سونرا آغاسينين آروادينين گؤزو يوسئفه دوشوب ددي: "منئمله يات."[8] لاکئن يوسئف بوندان ائمتئناع ادئب، آغاسينين آروادينا ددي: "باخ، من بورادا اولارکن آغام اوئنده نه اولدوغونو بئلمئر و صاحئب اولدوغو هر شيي منئم ائختئياريما ورئب.[9] بو اوده مندن بؤيوک هچ کس ديئل و سندن باشقا هچ بئر شيي مندن قييمادي، چونکي سن اونون آرواديسان. بس من نجه بو بؤيوک پئسلئيي ادئب، تارينين ضئدّئنه گوناها باتا بئله‌رم؟"[10] آرواد هر گون بونو يوسئفه ديئردي. لاکئن يوسئف اونونلا ياتماغا، حتّا بئرلئکده اولماغا راضي اولموردو.

Azerbaijan Bible 2008
Southern Azeri translation. Copyright © 2008 Elam Ministries